نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > مكتبات > أبوجهينة

إضافة رد
 
أدوات الموضوع انواع عرض الموضوع
قديم 31-05-2007, 09:48 AM   #[1]
أبوجهينة
:: كــاتب نشــط::
الصورة الرمزية أبوجهينة
 
افتراضي السودان ... يا العكودابي



[align=center]رضعتك في لبي الامات
وشيلتك زفة في البيشان
وفي اللمات نميتك غني وأنات
هسع وفي صباي الفات
وهزيتك نصايف الليل بوارق والذكر تهليل
وشيلتك فوق عواسي الخيل
مجرتق والرقاب شارفات
واريدك ياعزيز الشأن
وناديبك ونادهك في البلاد
سودان اهاتيبك
وكاتمك في الفؤاد اشجان الاهيبك
وشايلك في الكتف ريشات اباهيبك وناديبك
واهاتيبك واباهيبك والاهيبك موقدة في لهاليبك
وشيلتك لوح ادون في نورات الفجر
اتهجأ في الاخلاص
وارتل لوح ونسماتا دغيش بتفوح
تتاوق في رواكيب الفريق
تنكب تدلق في النفوس الروح
ومجروح السواقي تنوح
مدد مدد ياشيخ
ياود التويم انا مجروح انا مجروح
وكان الشيخ ينزل في الورد
ياسيوح وياقدوس
وبالاشواق مشيتك في مشاوير
العشق ساساي
وكانت ألفة ما بين الضراع
اخضر والشتل مشتاق
وعتلة الجزيرة ام خير وقناديل المقد
تحمي رقابا وكان زرع العيوش افراق
ويافرح الحصاد
والحبة تمرق من سراديب الشتاء
والجرق المخنوق
يفارق قيدو والخناق
وانحنا نكيل قمحا بلا دهب الخليج
ساعة الوزن دافقنوا في الاطباق
كم عرق الترابلا النداعلي في الهامات
وصبا علي الارض نقناق
ومن شمسا بتقلي الحبة تمرق وتبرد في المقيل رقراق
من الفجراوي والعشاوي
من دمع السواقي السال
غزيز دفاق بيمرق في الحصاد خيرا
ينسي الفات
ويابخت المشيل زملو
فاق وارتاح من الساساي
وباكر من غزيز الدمعة نوقد في المواسم شمعة
ويابهجة ليالي الصيف
هما راق و دما فاح
يفوح الصندل المعقوف
يسقي الوادي عطرا يشرق العشاق
ويصحي الليل يلمع فوق عرسنا هلال
يشلع قرمصيص الفـأل
حرير في ليل الزفاف براق[/align]



التوقيع: [align=center]أن تكُوُن نفسك في هذا الزمن الصعب هو كمحاولة ترويض جواد بري جامح ..
أو كإرجاع العسل إلى بطن النحلة ..
معادلة مربكة .. متشابكة العناصر ..
جلال الدين داود
( أبوجهينة)[/align]



[align=center]مقالات أخري ل : أبوجهينة[/align]
أبوجهينة غير متصل   رد مع اقتباس
قديم 31-05-2007, 09:49 AM   #[2]
أبوجهينة
:: كــاتب نشــط::
الصورة الرمزية أبوجهينة
 
افتراضي

هذا هو السودان
بكاميرا العكودابي الديجيتال
صورة بانورامية شفافة

سلمت يا العكودابي
و سلم الوطن



التوقيع: [align=center]أن تكُوُن نفسك في هذا الزمن الصعب هو كمحاولة ترويض جواد بري جامح ..
أو كإرجاع العسل إلى بطن النحلة ..
معادلة مربكة .. متشابكة العناصر ..
جلال الدين داود
( أبوجهينة)[/align]



[align=center]مقالات أخري ل : أبوجهينة[/align]
أبوجهينة غير متصل   رد مع اقتباس
قديم 02-06-2007, 04:01 PM   #[3]
قوت القلوب
:: كــاتب نشــط::
الصورة الرمزية قوت القلوب
 
افتراضي

ابو جهينة حكيم البورد

صورة جلية وواضحة المعالم
نتمنى ان يغير ربنا الحال الى الاحسن
وباكر من غزيز الدمعة نوقد في المواسم شمعة
ويابهجة ليالي الصيف
هما راق و دما فاح
يفوح الصندل المعقوف
يسقي الوادي عطرا يشرق العشاق
ويصحي الليل يلمع فوق عرسنا هلال
يشلع قرمصيص الفـأل
حرير في ليل الزفاف براق



قوت القلوب غير متصل   رد مع اقتباس
قديم 02-06-2007, 07:03 PM   #[4]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
وكاتمك في الفؤاد اشجان الاهيبك
وشايلك في الكتف ريشات اباهيبك وناديبك
واهاتيبك واباهيبك والاهيبك موقدة في لهاليبك
وشيلتك لوح ادون في نورات الفجر
اتهجأ في الاخلاص
.

دى صورة سمحة عديل

و مناجاة مسترسلة لحدى الريد يطلع من الخياشيم ..



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 03-06-2007, 07:35 AM   #[5]
أبوجهينة
:: كــاتب نشــط::
الصورة الرمزية أبوجهينة
 
افتراضي

الأخت العزيزة قوت القلوب

تحياتي و تقديري



اقتباس:
صورة جلية وواضحة المعالم
نتمنى ان يغير ربنا الحال الى الاحسن
وباكر من غزيز الدمعة نوقد في المواسم شمعة
ويابهجة ليالي الصيف
هما راق و دما فاح
يفوح الصندل المعقوف
يسقي الوادي عطرا يشرق العشاق
ويصحي الليل يلمع فوق عرسنا هلال
يشلع قرمصيص الفـأل
حرير في ليل الزفاف براق
غايتو الزول دة يا قوت القلوب .. لو ما كان سوداني .. لتمنى أن يكون سودانياً ..

عشقه لتراب البلد يملأ جوانحه

دمت



التوقيع: [align=center]أن تكُوُن نفسك في هذا الزمن الصعب هو كمحاولة ترويض جواد بري جامح ..
أو كإرجاع العسل إلى بطن النحلة ..
معادلة مربكة .. متشابكة العناصر ..
جلال الدين داود
( أبوجهينة)[/align]



[align=center]مقالات أخري ل : أبوجهينة[/align]
أبوجهينة غير متصل   رد مع اقتباس
قديم 03-06-2007, 07:39 AM   #[6]
أبوجهينة
:: كــاتب نشــط::
الصورة الرمزية أبوجهينة
 
افتراضي

العمدة معتصم

يا زول قول سلام
مالك بقيت زى واحد صاحبنا هنا في الغربة
يقابلك بعد ستة شهور .. بدون سلام أو كلام طوالي يدخل في موضوع الساعة كأنو شافك قبال ساعة

اقتباس:
و مناجاة مسترسلة لحدى الريد يطلع من الخياشيم ..
فعلا .. ريد مخلوط بجزيئيات أوكسيجين السودان ... يدخل و يؤكسد مشاعرنا و يطلع مع الزفير .. زى إختلاط صوت الدلوكة مع إيقاع الشَتَم ...



التوقيع: [align=center]أن تكُوُن نفسك في هذا الزمن الصعب هو كمحاولة ترويض جواد بري جامح ..
أو كإرجاع العسل إلى بطن النحلة ..
معادلة مربكة .. متشابكة العناصر ..
جلال الدين داود
( أبوجهينة)[/align]



[align=center]مقالات أخري ل : أبوجهينة[/align]
أبوجهينة غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:34 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.