لِأجل أم التيمان: الإنسان، وحالة الكتابة.

[ناصر يوسف]

المشاركة الأصلية كتبت بواسطة حسين أحمد حسين

[justify]
سلام على ناصر يوسف،

أولاً، تعرف يا ناصر، لو فقط إنتبهتَ للترتيب الزمنى للمداخلات، فلن تضع علامة إستفهام واحدة.

ثانياً، المسألة ليست فى تكوين الرأى حول كتابات الكاتب، وإنما فى تقديم الرأى. قال شاعر البطانة ود الشوبلى: نحنَ ما بنقول للأعور أعور؛ بنقول ليهو كريم عين.

فمن النَّاس من يتحقق بالمحبة، ومنهم من يتحقق بغيرها. وأيهما أفضل فى نظرك، أن نقول للأعور أعور، أم نقول له كريم عين؟ وهنا تكمن خصوصية الفارق، بين الكاتب والأديب. وسوف نعود لهذا لاحقاً، إن شاء الله.

شكراً لك يا حبيب.

[/justify]

أنا ود الشوبلي ده نهائياً كده ما بتفق معاه يا حسين يا أخوي ،،، تصدق ؟؟

بيسموها الناس دي مجرد جلافة مني ساكِت ،،،
لكني شايفها ما جلافة ولا شئ ،،، شايفها شئ موجب

عندي زول صديق شخصي لي زمااااااانك كده في الجزء الأول من التمانينيات

بعض البنيات قالن ليه إنت فنان رااااااااااائع وبديييييييييييييع ،،،
وهاااااااااك يا كُتب زهرة الأغاني أشتريها وشرائط الكاسيت برضو وشيل وأحفظ ليك كم أغنية كده وشئ بروفات وعك شديد ،،،
في يوم من الأيام قدم لي دعوة عشان أحضر ليه بروفة في مركز شباب أمدرمان في السطوح ،،،
مشيت قعدت وإتحكرت في شان أسمع ،،،
قهوة ،،، شاي ،، قهوة تاني وكم سجارة وفت مرقت بي عضمة أضاني دي ،، نزلت من السطوح وانتظرتو في المسرح تحت ( كنت حينها أنا عضو شعبة المسرح بالمركز)
إنتهت بروفتو وجاني متهلل ومنشرح وعيونو منتظرات كلمة كلمتين بتاعات إعجاب ،،، وقال لي أها ؟؟؟ شنو رأيك ؟؟ أخوك ما خطير ؟؟؟

قَعّدتو فوق واطاة الله دي وقلتها ليه وبالواااااااضح ،،،

يا أخوي إنت في حته والغناء في حتة تانية ،،، يعلم الله انت ما عندك أي علاقة بالغناء ،،، ولو عاوز نصيحتي جَلِّي الفكرة دي يا أخوي

حقيقي ما زعل مني وحاول يدافع عن مشروع كونو مُغني ،،، واتناقشنا كتير

وبعد أكتر من تلاتة شهور جاني براااااهو وقال لي والله صدقت ،،، كلامك صاح ،،، الغناء ده أنا ما زولو تب

فيا أخوي حسين ،، ياخ ود الشوبلي ده أنا ما شغال بكلامو ده كتير يعلم الله

[حسين أحمد حسين]

[justify]

المشاركة الأصلية كتبت بواسطة مهند الخطيب

الحُسين ، نهارك سعيد ...
مفترعك هذا ياحسين يحكي ويزجي المحبة - كما ذكرت - فوجب عليك وعلى كلماتك أن تكون مبرأة من لون رمادي فالمحبة ياصديقي لاتعرف هذا اللون ، تعرف لونا واضحاً وان اختبأ ، انظر ياحُسين الى مالونته بالأحمر ، والى نتاجه الممكن...
تذكر في الأولى أنك لا تعني أي من المتداخلين ضد أم التيمان من (الأحباب) وفي الخاتمة تقول ان ام التيمان حيرتهم بالثبات !!!
في ضمنية كلامك أرى تصنيفاً للزميلة ام التيمان وضمّا لقبيلة اليسار ، وان أقررت معك بذلك جدلا فلننظر الى من "يهاجمونها" ولنبدأ من بمن سمتها هي وصفاً لا اسماً الزميلة آمال الشيخ ، يسارية ملنزمة ومعارضة لها مواقفها المشهودة في الاسفير وخارجه ومعروفة بالتزامها التنظيمي الصارم ، امثلها مثلا قد يكون أداة لأي فعل اخوانوي لتدمير نفسية أم التيمان ...
هذا ولا ننسى أن احد أكبر المدافعين عن حق أم التيمان في الكتابة الزميل الجيلي أحمد وهو كذلك يساري ملتزم...
ذكر الصديقين أعلاه جاء مثالا فقط والقائمة تطول وتبيّن ان التعامل مع كتابات أم التيمان رفضا وقبولا لا علاقة له بهجمة كيزان أو هجمة علان بقصد انتياشها وتدمير نفسيتها كما ذكرت ...


وهنـــــا:


عنت كبير منك ، فهل ان رفضت مثلا ماتكتبه أم التيمان أكون قد سقطت في فخ الفكر الاخوانوي وان قبلته تهلل لي قوى الديمقراطية والليبرالية واليسار؟؟ أنتحسس دواخل انتمائنا وايديولجياتنا بناء على تقبلنا لكتابات أم التيمان من عدمه ؟؟! وماالعجب الا هذا!!

اضافة صغيرة أضيفها مذكرا بفكرة (الانتداء) فهي لا تقوم ياعزيزي على المحبة ومترادفاتها مع الاعتراف منّي ان سودانيات أنجزت معادلة (تستصحب) المحبة في التعامل ولا شك ولكن عصب الانتداء يقوم على التلاقح والتفاكر والاختلاف وتقبل الرأي الاخر -بالاعتراف لصاحبه بحقه في اعتقاده- واعترافه لي بالحق في نقده ونقضه. فلذلك أرى في دعوتك للقائمين على المنتديات بالانتباه وما الى ذلك شيئا أقرب للندب و تضييق لواسع ...

وفي الختام ... أنت ياحسين تزعم دعوة للمحبة - وانت بها محق - فزن كلمات علّ نثارها يسقط في أرض منبتا كراهية .. ارجو منك مراجعة حديثك عن سقوط التقدميين في فخ الاخوانوية ربما تقراه بعين العقل لا المحبة ....

لك تحياتي واحترامي ...

أولاً أستأذن الجميع بأن أبدأ بالأستاذ مهند، وأعود إليكم وإليه واحداً واحدا.

أستاذ مهند تحياتى،

سأعود إليك ممهولاً إذا شاء الكريم، فأنا لم أنم منذ ظهيرة الأمس حتى الساعة؛ فالآن أخطأ وأصيب.

وبالتالى أعتذر مقدماً لكلِّ فرد مسَّته كتابتى هذى على أىِّ نحوٍ كان. وأؤكد للجميع (كما قلت أعلاه لِأُمِّ التيمان)، هذا البوست منطلق من بداية تشكل الحالة كظاهرة، ولا ينطلق من الحالة الفردية، ولا ينبغى له.

خالص المحبة.
[/justify]

[ام التيمان]

المشاركة الأصلية كتبت بواسطة ناصر يوسف

؟؟؟؟؟؟؟؟؟؟؟؟؟؟

ثُم أنه السلام عليكم وأنتم تحفرون في مفهوم الإنسانية ،،،

أختي العزيزة أميرة ( أم التيمان ) إمرأة أعتزُ بمعرفتها عن قرب وبمرعفة كافة أعضاء أسرتها بدءاً بزوجها الأخ والصديق الحبيب د. سيد قنات

وأ،ا أكاد أستطيع التفريق بين العام والخاص جداً ،،،

عن نفسي حينما كتبتُ يوماً ما هنا عبر سودانيات بأنَّ ما تكتبه أختي أميرة و العضوة أم التيمان ،،، لا يُشكلُ لي إضافة معرفية ،،،
نالتني الكاتبة أم التيمان بسهام الإنفعال والإتهام بأنني ( أُنبذها )

وهل يستقيم ؟؟؟ كنت واضحاً جداً في قولي بأنَّ ما تكتبه العضوة أم التيمان لا يُضيفُ لي أدني معرفة إضافية ،،، فهل أكون بذلك قد أذنبت وكفرتُ بقلمها وأتيتُ بسبابٍ لها ؟؟؟

أم تُريدني العضوة أم التيمان أن أفهم كتابتها ( غصباً عني ورغم أنفي ) أو أن آتي مُطايباً لها مُطبطِباً ،،، جميييييل وبديييييييييييع يا أستاذه ؟؟؟

وهل حينما آتي بقولي ( أنَّ كتاباتها لم تقدم لي المفيد ) ،،، هل أكون بذلك قد قسوتُ علي إنسانيتها ؟؟؟

مالكم لا تحكمون ،،،

تظلُ كتابات العضوة ( أم التيمان السابقة ،،، ) لم تقدم لي ما يضيف لي أنا كقارئ ،،، وربما قد تأتي بالمفيد في مقبل كتاباتها القادمات ،،،

وبذات الوقت ،،، تظلُ أختي السيدة الفُضلي أميرة أختاً حبيبة لو أتيح لي الوقت لذهبتُ لبيتها العامر بالكرم والجود وشربتُ من قهوتها التي طال إشتياقي لشربها مع بعلها الأخ الصديق د. سيد قنات

وحتي لا يضعني أحدكم في خانة الرافضين لكتابة العضوة أم التيمان من جانب أخلاقي أو ديني أو ركاكة لغة أو شابه ذلك ،،، أنا لا أعني ذلك ،،، فقط لم تصلني فكرة الكتابة في مجملها ،،، ماذا تود القول ؟؟ أو تُريد ،،،

عن نفسي ،، لقد كتبتُ أنا هنا في سابق الزمان عبر سودانيات كتابات ضدَ المألوف ،،، وناقشتُ أموراً في الجنس ،، ولاقت حروفي ما لاقت من نقاشاتٍ أفادت فكرة المواضيع المطروقة حينها من قِبلي ،،، بالرغم منها كانت ـــ أو هكذا أصف كتابتي أنا ،،، كانت ركيكةً في اللغة وموغلةً في ( الفجور) ـــ والفجور هنا بلغة العُرف ومفهوم عامة الناس ،،، بيد أنني كنت مندفعاً وما زلت ضد التابو العقيم وضد الأعراف البالية ،،،
وذات الكتابة حينما نثرتها عبر مواقع أخري لاقت ما لاقت من عنت الضِدِ حتي أنَّ بعضهم وصمني بالعربيد السفيه التااااااافِه ،، قليل الأدب

عذراً ليس هذا موضع الحديث عن ذلك ،،، فقط مجرد إستدلال ،،


وأراك يا أخي حسين تُكرر بأنك لم تصل إلي قول البوست بعد بيد أني أراك قد قلت قولك تماماً ،،، وهذا هو قولي ودلوي دلوتُ بهِ هنا

اتكلم عن ام التيمان فقط اسرتها لا
امسحها

[ناصر يوسف]

المشاركة الأصلية كتبت بواسطة ام التيمان

اتكلم عن ام التيمان فقط اسرتها لا
امسحها

أبييييييييت ما بمسحها
هو انتي علي كيفك ؟؟

[ام التيمان]

المشاركة الأصلية كتبت بواسطة مهند الخطيب

الحُسين ، نهارك سعيد ...
مفترعك هذا ياحسين يحكي ويزجي المحبة - كما ذكرت - فوجب عليك وعلى كلماتك أن تكون مبرأة من لون رمادي فالمحبة ياصديقي لاتعرف هذا اللون ، تعرف لونا واضحاً وان اختبأ ، انظر ياحُسين الى مالونته بالأحمر ، والى نتاجه الممكن...
تذكر في الأولى أنك لا تعني أي من المتداخلين ضد أم التيمان من (الأحباب) وفي الخاتمة تقول ان ام التيمان حيرتهم بالثبات !!!
في ضمنية كلامك أرى تصنيفاً للزميلة ام التيمان وضمّا لقبيلة اليسار ، وان أقررت معك بذلك جدلا فلننظر الى من "يهاجمونها" ولنبدأ من بمن سمتها هي وصفاً لا اسماً الزميلة آمال الشيخ ، يسارية ملنزمة ومعارضة لها مواقفها المشهودة في الاسفير وخارجه ومعروفة بالتزامها التنظيمي الصارم ، امثلها مثلا قد يكون أداة لأي فعل اخوانوي لتدمير نفسية أم التيمان ...
هذا ولا ننسى أن احد أكبر المدافعين عن حق أم التيمان في الكتابة الزميل الجيلي أحمد وهو كذلك يساري ملتزم...
ذكر الصديقين أعلاه جاء مثالا فقط والقائمة تطول وتبيّن ان التعامل مع كتابات أم التيمان رفضا وقبولا لا علاقة له بهجمة كيزان أو هجمة علان بقصد انتياشها وتدمير نفسيتها كما ذكرت ...


وهنـــــا:


عنت كبير منك ، فهل ان رفضت مثلا ماتكتبه أم التيمان أكون قد سقطت في فخ الفكر الاخوانوي وان قبلته تهلل لي قوى الديمقراطية والليبرالية واليسار؟؟ أنتحسس دواخل انتمائنا وايديولجياتنا بناء على تقبلنا لكتابات أم التيمان من عدمه ؟؟! وماالعجب الا هذا!!

اضافة صغيرة أضيفها مذكرا بفكرة (الانتداء) فهي لا تقوم ياعزيزي على المحبة ومترادفاتها مع الاعتراف منّي ان سودانيات أنجزت معادلة (تستصحب) المحبة في التعامل ولا شك ولكن عصب الانتداء يقوم على التلاقح والتفاكر والاختلاف وتقبل الرأي الاخر -بالاعتراف لصاحبه بحقه في اعتقاده- واعترافه لي بالحق في نقده ونقضه. فلذلك أرى في دعوتك للقائمين على المنتديات بالانتباه وما الى ذلك شيئا أقرب للندب و تضييق لواسع ...

وفي الختام ... أنت ياحسين تزعم دعوة للمحبة - وانت بها محق - فزن كلمات علّ نثارها يسقط في أرض منبتا كراهية .. ارجو منك مراجعة حديثك عن سقوط التقدميين في فخ الاخوانوية ربما تقراه بعين العقل لا المحبة ....

لك تحياتي واحترامي ...

يا مهند انا لم احدد عضوة باسمها
انت كونك تشير لامال هذا يثبت صحة كلامي

اما الجيلى دا
راجل
و انسان

[طيبان]

المشاركة الأصلية كتبت بواسطة ماجد تاج

ـ


يا طيبان ياخي ما ممكن كل مرة تجي تخت نفسك في مقعد لم يعد من أجلك

وتجرنا للنقاش غصباً راجع مداخلتك الاولى هنا وشوف انت مسكت فيها العصاية من ياتو نص بعدين ما تتصور أني قاعد اكتب عنك تحديداً يا أخي أو كنت مشكل راي مسبق عنك انت جيت في معرض الحديث ـ متعارض ـ هكذا في البوست دا وما سبقه
ما كتبته عن مناصرة الرقة لم يكن خبط عشواء ولا كلام فارغ أو ما مسنود
مدعم باقتباسات عمن كنت أعنيهم به وعندك البوست دا أوضح مثال عن مناصرة انسانية ورقة الكاتب بدلاً عن تناول ما كتب وانت دخلته من ذات الباب
إن كنت ترى أنك في مرمى النيران ، فراجع ما كتبته أنا وما تجيب لي انتو دي لأنك الاكثر استخداماً ليها هنا بشهادة غيري

ـ

نقاش شنو يا ماجد تاج البجرّك ليهو ؟؟ يا زول خلّيك في محلّك ..وضّح مقصدك وخلاص ..

ويا ريت لو رحمت نفسك شويّة من فخامة جمل كهذه

بعدين ما تتصور أني قاعد اكتب عنك تحديداً يا أخي أو كنت مشكل راي مسبق عنك

(نحن) شعرا ماعندك ليهو رقبة يا مارتن لوثر تاج ..

___

كل الشكر للسيّدة أم التيمان التي صنعت منك - شئت أم لم تشأ - شخصاً معروفا بهذا المكان ,, أبسط يا عم

[تماضر حمزة]

المشاركة الأصلية كتبت بواسطة ناصر يوسف

أبييييييييت ما بمسحها
هو انتي علي كيفك ؟؟

ايوا على كيفها
لأنّو دي خصوصيات
قالت ليك تمسح طوّالي تعتذر وتمسح



بقيتوني شكّالة والله

[سارة]

المشاركة الأصلية كتبت بواسطة مهند الخطيب

الحُسين ، نهارك سعيد ...
مفترعك هذا ياحسين يحكي ويزجي المحبة - كما ذكرت - فوجب عليك وعلى كلماتك أن تكون مبرأة من لون رمادي فالمحبة ياصديقي لاتعرف هذا اللون ، تعرف لونا واضحاً وان اختبأ ، انظر ياحُسين الى مالونته بالأحمر ، والى نتاجه الممكن...
تذكر في الأولى أنك لا تعني أي من المتداخلين ضد أم التيمان من (الأحباب) وفي الخاتمة تقول ان ام التيمان حيرتهم بالثبات !!!
في ضمنية كلامك أرى تصنيفاً للزميلة ام التيمان وضمّا لقبيلة اليسار ، وان أقررت معك بذلك جدلا فلننظر الى من "يهاجمونها" ولنبدأ من بمن سمتها هي وصفاً لا اسماً الزميلة آمال الشيخ ، يسارية ملنزمة ومعارضة لها مواقفها المشهودة في الاسفير وخارجه ومعروفة بالتزامها التنظيمي الصارم ، امثلها مثلا قد يكون أداة لأي فعل اخوانوي لتدمير نفسية أم التيمان ...
هذا ولا ننسى أن احد أكبر المدافعين عن حق أم التيمان في الكتابة الزميل الجيلي أحمد وهو كذلك يساري ملتزم...
ذكر الصديقين أعلاه جاء مثالا فقط والقائمة تطول وتبيّن ان التعامل مع كتابات أم التيمان رفضا وقبولا لا علاقة له بهجمة كيزان أو هجمة علان بقصد انتياشها وتدمير نفسيتها كما ذكرت ...


وهنـــــا:


عنت كبير منك ، فهل ان رفضت مثلا ماتكتبه أم التيمان أكون قد سقطت في فخ الفكر الاخوانوي وان قبلته تهلل لي قوى الديمقراطية والليبرالية واليسار؟؟ أنتحسس دواخل انتمائنا وايديولجياتنا بناء على تقبلنا لكتابات أم التيمان من عدمه ؟؟! وماالعجب الا هذا!!

اضافة صغيرة أضيفها مذكرا بفكرة (الانتداء) فهي لا تقوم ياعزيزي على المحبة ومترادفاتها مع الاعتراف منّي ان سودانيات أنجزت معادلة (تستصحب) المحبة في التعامل ولا شك ولكن عصب الانتداء يقوم على التلاقح والتفاكر والاختلاف وتقبل الرأي الاخر -بالاعتراف لصاحبه بحقه في اعتقاده- واعترافه لي بالحق في نقده ونقضه. فلذلك أرى في دعوتك للقائمين على المنتديات بالانتباه وما الى ذلك شيئا أقرب للندب و تضييق لواسع ...

وفي الختام ... أنت ياحسين تزعم دعوة للمحبة - وانت بها محق - فزن كلمات علّ نثارها يسقط في أرض منبتا كراهية .. ارجو منك مراجعة حديثك عن سقوط التقدميين في فخ الاخوانوية ربما تقراه بعين العقل لا المحبة ....

لك تحياتي واحترامي ...

اخى حسين سلامات وسامحنى ان استفسر من مهند فى مداخلته
هذه
كدى يا مهند اشرح لى ما لونته بالاحمر
شنو يعنى التزام وصارم وشنو هو الملتزمين بيهو
الزملاء كما اسميتهم أعلاه؟؟؟ ملتزمين بخط الحزب ولا بـ شنو
هنا؟؟ واذا كنت تقصد الحزب دخل التزامهم هنا فى منتدى الحوار وفيما يتعلق
بمعادة او مناصرة ام التيمان شنو؟؟؟

[ناصر يوسف]

المشاركة الأصلية كتبت بواسطة تماضر حمزة

ايوا على كيفها
لأنّو دي خصوصيات
قالت ليك تمسح طوّالي تعتذر وتمسح



بقيتوني شكّالة والله

أبيت يا تماضر ،،، أبييييييييييييييييت
النشوف آخرتها

[البديري]

المشاركة الأصلية كتبت بواسطة حسين أحمد حسين

[justify]

تحياتى أستاذ الجيلى أحمد،

ألحظ هذه الأيام (والذى سأقوله لا يرتبط على وجه التعيين بأيِّ شخص من أحبابنا المتداخلين) بأنَّ النظام الحاكم يزرعُ بعض الأقلام التى تعلمت ووسَّعت مداركها على حساب الشعب السودانى وسط منابر المعارضة، لتمارس نفس المِزاج الإخوانوى الذى فصل الجنوب لمسيحيته، ويمارس عزل اليسار السودانى عن أحزاب أهل القبلة لعلمانيته (وتُقرأ إلحاده وكفره)، زرعها لتفعل ذات الشئ وسط هذه المنابر.

فتجد هذا السيناريو المفطور، يبدأ بدعوة مسيحيىّ هذه المنابر إلى مشروعهم الإسلاموى، فإنْ أبوا أقصاهم وانتبذهم، ثم يفتح خِزانة اللزابة والقذاعة، ويرمى بها أهل اليسار، خاصة العلمانيين بيَّنى العلمانية.

وكثيراً ما يباشر حملته هذى مبتدءاً بالنساء (الحلقة الأضعف فى نظره)، ظنَّاً منه أنَّهنَّ سريعات الإنهيار. وللأسف يقع فى هذه الفِخاخ، التى ظاهرة المعرفة وباطنها هزيمة الفكر الغريم، كثيرٌ من التقدميين، لاسيما التقدميات. ونرجو أن يكون القائمون على الأمر فى هذه المنابر منتبهين لذلك.

أمَّا أميرتنا، رعاها الله، فقد حيرتهم بالتماسك، ونسأل اللهَ لها الثبات. وهى تستحق منا وقفة إنسانية ضد هذا السوس الذى بدأ ينخرُ عظامَنا.

خالص الود.
[/justify]

شوف ياحسين..اختار واحدى من الاجابات إدناه:
A - يا اما انك خبيث فى شكل ملاك
B - يا نحن عورا وريالتنا جارية وفى خشمنا حلاوة حربه
C - يا عندك اجندة خبيثة وبتمرر فيها ومتخذ المسيكيينه ام التيمان كبرى
وبتستغل نقد الاعضاء لها بسبب كتابتة المامسؤله احياناً
D -الاجابات الصحيحة: A&C
E - كل ماذكر صحيح

*والله العظيم ياحسين انت تالت شخص هنا يطمم بطنى من هذا المنتدى، ويخلينى اشوفو رمادى.. رمادى!
فعلية ساتخذ اجازة مفتوحة المدى حتى يتلون المنتدى..ولكن امثالك كلسوس فى الضرس. حسبى الله ونعم الوكيل!

**ام التيمان: العفو والعافية وتذكرى نقدى لكى ومهاجمتى لكى هى عبارة عن حب اخوى امارسة عندما تغلط شقيقتى الحبيبة "زينب"! ومامارسته معك من كل انواع العنف لانى اتخذتك كاخت شقيقة لماسمعتة عنك من مقربين لدى..بانك ينبوع من الجمال والرقه والبراءة والعفوية،ولولا ذلك لكنت اوئل من يتخذك ""ارجوز"" او استغلك وامرر كل اجنداتى.

*همسة: اسمعى كلام الببكيك ولا البقدم ليك الكبتشينو مع قطغة جاتو!

وفى امان الله لجميع!
إلى الاجازة الى الاجازة إلى الاجازة...تزحلق على الجليد بمشيئة الله
آلاسكا جاكى بعشوم افريقى!

[تماضر حمزة]

المشاركة الأصلية كتبت بواسطة ناصر يوسف

أبيت يا تماضر ،،، أبييييييييييييييييت
النشوف آخرتها

آخرتها نخليك لنفسك عسى ولعلّ
وما استغرب لو جيت ببوست اعتذار مش مداخلة بس

[سارة]

البديرى سلامات
وقبل تمشى عليك دينك
كدى راجع ما كتبت فى حق الاخ حسين
رجــــــــــــــــــــــــــاء

اخاف انك استعجلت وشديييييييد والله
لا اعرف الاخ حسين فى غير هذا المكان وكم مداخلة لكن اشك
فى انه كما اشرت اليه

[البديري]

المشاركة الأصلية كتبت بواسطة تماضر حمزة

آخرتها نخليك لنفسك عسى ولعلّ
وما استغرب لو جيت ببوست اعتذار مش مداخلة بس

ناصر يوسف الحبيب
عليك الله اسحب خصوصيات ام التيمان..مافى داعى لها
مايحصل خارج اطار المنبر من علاقات خاصة اذا كانت اسماء او صور،فلابد ان تكون بالاستئذان والموافقة

والله ياناصر دى زاتة من الاشياء الخلتنى اكره المنتديات! اتمنى ان تستجيب لرغبة ام التيمان!

ولك الشكر

[البديري]

المشاركة الأصلية كتبت بواسطة سارة

البديرى سلامات
وقبل تمشى عليك دينك
كدى راجع ما كتبت فى حق الاخ حسين
رجــــــــــــــــــــــــــاء

اخاف انك استعجلت وشديييييييد والله
لا اعرف الاخ حسين فى غير هذا المكان وكم مداخلة لكن اشك
فى انه كما اشرت اليه

مع احترامى وتقديري ليك ياطيب خلق الله
noway!
كل كلمة انا مقتنع بيها ومسؤل عنها هنا وفى الخره، وهنا مايهمنى حتى لو خسرتا عضويتى، كلامى كتبتو بعد ما قريت مداخلتو اكتر من مرة، هو بقول فى كلام ومابقصد بيهو اى متداخل من الاعضاء فى بوستيهو طيب يا السارة كلامو دا لية كتبة هنا؟! هل لشهرة؟!
noway ياختى الحبيبة
ودعتك الله وفى امان الله
ماشى افتش "" كرورى"" اطلع منو الواح التزحلق،بعيد عنك مركونات من السنة الفاتت!
مع السلامة وآسف لرفض الطلب

[طيبان]

المشاركة الأصلية كتبت بواسطة البديري

كل كلمة انا مقتنع بيها ومسؤل عنها هنا وفى الخره

يا البديري قبل تمشي تعال أمرقنا من المستراح دا ..