سلام تاني يا غالي
اقتباس:
المشاركة الأصلية كتبت بواسطة خالد غالي
سلامات يابروف
بصراحة ماقادر افهم انت قاعد تأذي في هشام آدم كده ليشنو ؟!
غضبتك في سودانيز ممكن تلقى ليها مبرر باعتبار انو هشام استفذاك لكن اسي البتعمل فيهو ده شنو ؟ وليشنو ؟ داير تصل ليشنو يعني ؟
معليش عارف انك حر في تصاريف حاجاتك .. لكن الا تفكر قليلا فيما يمكن ان تؤل اليه الامور ؟
المقدرة الفذة في الازية وقتل الناس بالكلمات دي قاعدين تلقوها وين .. وزي ماقالو الناس هناك لعادل عسوم .. نفس الناس القاعدين يسفو ويضحكوا في بوستك ده .. كيف يمكن ان تقول ماتقول ثم تمضي لتنام وانت لاتهاب شيئا ..
بالله عليك ماقاعد تخاف لمن تصيب انسان ايا كانت دوافعك في ميتينو من جووووووووة كده ؟ ماقاعد تفكر فيي احساسو في الجرح الممكن ابدا مايندمل ؟ وعشان شنو ذاتو ياخي ... ماهي الرسالة السامية البتستحق ده كلو ؟؟
عايز تثبت ان هشام آدم كذاب ؟ انو بيسرق كتابات الناس التانيين ؟ انو شوفوني وعندو امراض الدنيا والعالمين ؟؟
طيب اوكى افرض يعني ... هل من الانسانية فتح الجرح بالقسوة دي ؟ هل انت بتعالج يعني انت اسي ولابتتشفى ولا شنو يعني ؟ يا اخي مد يدك بالمساعدة ولو ماعايز او ماقادر تساعد اقلاهو لاتكون سبب فيي المزيد من الآلام
وين الحساسية الكنت بتطالب بيها في حادثة محسن خالد ؟ وين ياكلكم يالبتسفو وتضحكوا من كلامكم ايام ازمة محسن ؟ وين الاتساق ووين الاخلاق ؟
آسف يابروف لكن والله لاخير فينا ان لم نقلها .. ماتفعله هنا وماكنت قد فعلته هناك كعب كعب كعب شديييييييد
|
أنا بآذي في هشام بمقدار اذيتو لي و للناس هنا !!
و دايرك تفرق بين فهمي لحاجتين مختلفتين : إلحاد هشام..... و قلة أدبو و إستفزازو للناس ...
إلحاد هشام و عدم أيمانو ده علي الاطلاق ما عندي معاهو مشكلة، بمعني إنو هشام حر فيما يعتقد و لو عندي ماخذ علي قصة الحادو دي فبكون خوفا عليهو لا أكتر لا أقل ... و عندنا حوارات و نقاشات في مواضيع مختلفة في سودانيزاونلاين - بما فيها نقدو للاسلام ده ذاتو - كانت بتم بمنتهي الادب و الاحترام مننا الاتنين ... يبقي الحادو كمعتنق ده شئ بخصو و يحاسب عليه من الخلقو ... الاعتراض إنو هشام بستفز الناس بكلامو عن الرسول صلي الله عليه و سلم و كيف إنو حياتو بتزخر "بالخطايا والجرائم" و دي قلة أدب و عدم إحترام للناس بالدرب العديل ... هشام - كسوداني - يعلم تماما الاساءة المباشرة للرسول صلي الله عليه و سلم و تاثريها علي الناس يبقي مافي داعي ليها خاصة إنو عدد من الناس نبهوهو للكلام ده من ضمنهم رأفت ميلاد رغم إنو ما مسلم و لا مؤمن بانو سيدنا محمد نبي !!
المسالة التانية الطريقة الاستعلائية و المستفزة الاتكلم بيها هشام مع عدد من الناس ... البوست ده اتفتح رسالة لهشام إنو قلة الأدب ما صعبة، خاصة لمن تكون من زول ما أمين و سرقاتو الأدبية ماليه البلد ... بعدين ياخي هل أنا إتبليت عليه ولا بهتو ؟ كل العملتو إنو جبت ليه ما صنعت يدينو البتستفز فينا دي !!
تكرارك لكلمة القسوة دي كانو أنا ضبحتو بسكين ميته ... لو في قسوة جابتها ليه عدم إحترم عقايد الناس وتعمدو لاستفزازهم !!
أما حشرك لما حدث مع محسن هنا فغريب و عجيب، محسن ما سرق من زول ولا إستفز أو قل أدبو علي زول، و هشام ده ذاتو لو كان واصل في طرح رايو بدون استفزاز أو قلة أدب زول كان سالو مافي !