اهل الشمالية ينادون بالإنفصال !! حكمة و الله و حكاية ..

[Hassan Farah]

اهل الشمالية ينادون بالإنفصال !! حكمة و الله و حكاية ..
كتب يحي قبانى:
في احدى النقاشات مع بعض الاصدقاء .. نادى احد اصدقائي ( بروفيسور) من اهل الشمالية (فوق) بإنفصال الشمال عن بقية السودان المتبقي ..
و قال اي زول من الجيلي و لاا تحت ما دايرنه !!

فكان ردي .. الجرجير و البصل براهم ما بعيشوكم .. و التمر نصه ماشي لي تنابلة سيدي ..

ثم سكت قليلا و تنهدت .. و ظللت اهوجس من وقتها ..
منقو قل لا عاش من يفصلنا ..
قل معي .. لا عاش من يفصلنا
هاهو النيل الذي ارضعنا ..

ثم خلعت قبعتي احتراما لاي كوز نجح في (سواطة ) عقول كل اهل السودان و اولهم المتعلمين ..
.................................................. .......................

كتب محمد محمد قاضى:
سلام
أهل الشمالية عديييييل !!! هل هي أمنيات (البروفيسور) أم هناك من فوضه بهذا؟
Quote: فكان ردي .. الجرجير و البصل براهم ما بعيشوكم .. و التمر نصه ماشي لي تنابلة سيدي ..

وكان ده ردك وأنت من المتعلمين ؟
.................................................. .......

كتب النذير حجازى :
ياريت لو إنفصال، الموضوع أخطر من كدا بكتير، في إجتماع مسرب
لأبناء ولايتي نهر النيل والشمالية برئاسة
د. السنهوري يشي بأنهم ينوون الإنضمام إلى مصر!
.................................................. ...............

كتب حسن فرح :

(د. السنهوري يشي بأنهم ينوون الإنضمام إلى مصر!)
--------------------------------------------------
وهل السنهورى تم اختياره من قبل كل سكان الشمالية ونهر النيل ممثلا لهم وناطقا باسمهم؟؟؟
فى رايى عنوان البوست يجب ان يعدل باضافة ( بعضا من....)
-------------------------------------------

كتب Nasr :
دا حراق روح ساكت بسبب من الحرب وإضطراب خطوات الثورة
درب الديمقراطية ما ساهل داير صبر وفي الآخر بنظفر
بوطن خير ديمقراطي

رغم تعدد اللهجات واللغات والسحن والأمزجة الثقافية
ألا أن عوامل الوحدة كثيرة
والسودانيين ياهم السودانيين
فيهم الخير وفيهم الشر ولكن الخير غالب
لكن الشر ضجيجه عالي

لو أنك أستفتيت كل أهل السودان
من حلفا لنمولي
ومن سواكن لأم دافوق
سيصوت غالب السكان للوحدة
ولسودان الديمقراطية والحرية والعدالة
----------------------------------------------
كتب مدثر صديق :
من 2016 و حتى الان ... نسبة الدخل الاعلى في ميزانة السودان من ناتج الذهب المستخرج من ولايتي الشمالية و نهر النيل
سد مروى يغذى حوالى حوالى 54% من الشبكة القومية ......
.................................................. .......
كتب يحى قبانى :
الاحصائية حقة نسبة الدخل الاعلى دي جبتها من وين يا صديق ؟

ميزانية السودان من ناتج الدهب يعني شنو ؟

ثم .. الدهب الفي الشمال مخزون آثار و ليس دهب خام حد علمي .. في ما يثبت عكس كلامي ؟

الدهب الجد في الغرب ..
.................................................. .
كتب مدثر صديق :

Quote: الاحصائية حقة نسبة الدخل الاعلى دي جبتها من وين يا صديق ؟

هذا منقول من موقع http://http://www.independentarabia....dentarabia.com
Quote: يعتمد السودان على صادرات الذهب بصورة كبيرة في الحصول على النقد الأجنبي
وبلغت صادراته 2.021 مليار دولار عام 2022، واستقرت الصادرات فوق مستوى ملياري دولار
خلال الأعوام الثلاثة الماضية.في العام الماضي كانت صادرات الذهب تعادل 46 في المئة من إجمالي
عائدات الصادرات السودانية البالغة 4.357 مليار دولار

اما بخصوص كلامك
Quote: الدهب الفي الشمال مخزون آثار و ليس دهب خام حد علمي

السودان مقسم لمربعات لتعدين الذهب و كل شركة او معدنين اهلين بقع ليهم مربع و مناطق الاثار ما من ضمن هذه
المربعات
و تانيا : اعلى المناطق انتاجا في السودان كالاتي و هذا التصنيف حسب جملة انتاج الذهب البدخل لوزارة المعادن
و الشركة السودانية للمعادن :
محليتي أبوحمد وبربر بولاية نهر النيل، و محليات نورايا و جبل النمر بولاية البحر الاحمر ومحليات دلقو، دنقلا
وحلفا، بالولاية الشمالية، ومحليتي جبرة الشيخ وسودري بولاية شمال كردفان و محلية السريف شمال دارفور
ومحلية البطانة بولاية القضارف ومحلية النهود بولاية غرب كردفان
.................................................. .........

شوف ده جدول بوضح اموال المسؤلية المجتمعية ، و التى توزع حسب للمحليات حسب انتاجها من الذهب
طبعا ولايات دارفور ما قاعدة تدخل اي نسبة من الذهب المنتج منها في الميزانية العامة
يعني الجدول ده بوضح منو من الولايات الاكثر انتاجا :
https://www.0zz0.com
الاعلى فى الانتاج: نهر النيل
الثانية : اشمالية
الثالثة :شمال كردفان
الرابعة : غرب كردفان
الخامسة :ولاية القضارف
السادسة : ولاية البحر الاحمر