شيخ الأمين يحكي: حيراني جكسي وبخراتى جلكسى ومحايتي بيبسي..!

[مجدي مسعد حنفي]

يا أمير
البوست دا ماداير كسل يعني مامعقول
تدينا الكلام بالنقاطه حبه حبه
الموضوع جاد وماموضوع للتسليه وظاهرة
الشيخ الامين فعلاً ظاهره تستحق الدراسه والمناقشه
وبالمناسبه اكتر زول ممكن يكتب في الموضوع دا
فتحي اخوي لانو بيعرف الراجل دا من فتره طويله
وعن قرب فامسك في رقبته شديد وخليك وراهو .

[فتحي مسعد حنفي]

الابن أمير عدت مرة ثانية الي الصمت الغير مبرر حتي جعلتنا نتساءل ونبحث لك عن الأعذار ولكن حتي عذر الانشغال فهو غير مقبول فلك مني عتاب وتساؤل مبعثه صمتك المفاجئ والغير واضح خاصة بعد وعدك بالمواصلة بعد يوم فانتظرنا وعدت وجعلتنا نستبعده بسبب تنزيلك لبوست جديد عن المرأة التي تظاهرت ضد النظام..
عفوا فأنا أكلمك كشخص معجب بك وبكتاباتك ولكن للأسف لا يمكن أن أنسي ابجديات المهنة التي أشاركك فيها ومارستها بعدد سنين عمرك...
عندما بدأت في سرد مقابلتك مع الشيخ الأمين ذكرت انك قد أجريت معه حوار وهذا يعني ان الموضوع جاهز ولا يحتاج الي انشاء ولا تأخير بسبب التجهيز له..فلماذا التأخير وهل راجعت نفسك عندما علمت ان ما تكتبه سيتم مراجعته مع شيخ الأمين أم ماذا أم ان السبب هو التشويق فان كان هو السبب دعني أقول لك انك فقدت عنصر التشويق ودخلت في عنصر الملل من طول الانتظار وأرجو أن تتدارك الأمر وتواصل كتابة الموضوع يا ابني حتي لا تجعلنا نهبا للظنون والتخمين..

[أمير الشعراني]

المشاركة الأصلية كتبت بواسطة فتحي مسعد حنفي

الابن أمير عدت مرة ثانية الي الصمت الغير مبرر حتي جعلتنا نتساءل ونبحث لك عن الأعذار ولكن حتي عذر الانشغال فهو غير مقبول فلك مني عتاب وتساؤل مبعثه صمتك المفاجئ والغير واضح خاصة بعد وعدك بالمواصلة بعد يوم فانتظرنا وعدت وجعلتنا نستبعده بسبب تنزيلك لبوست جديد عن المرأة التي تظاهرت ضد النظام..
عفوا فأنا أكلمك كشخص معجب بك وبكتاباتك ولكن للأسف لا يمكن أن أنسي ابجديات المهنة التي أشاركك فيها ومارستها بعدد سنين عمرك...
عندما بدأت في سرد مقابلتك مع الشيخ الأمين ذكرت انك قد أجريت معه حوار وهذا يعني ان الموضوع جاهز ولا يحتاج الي انشاء ولا تأخير بسبب التجهيز له..فلماذا التأخير وهل راجعت نفسك عندما علمت ان ما تكتبه سيتم مراجعته مع شيخ الأمين أم ماذا أم ان السبب هو التشويق فان كان هو السبب دعني أقول لك انك فقدت عنصر التشويق ودخلت في عنصر الملل من طول الانتظار وأرجو أن تتدارك الأمر وتواصل كتابة الموضوع يا ابني حتي لا تجعلنا نهبا للظنون والتخمين..

الاعزاء الكرام
ما تمسكونى من يدى البتوجعنى ...
انا بنشر الحوار فى سودانيات وجريدة حكايات فى يوم واحد لان الحوار ملك للصحيفة ..
والله العظيم كل هذه الايام كانت مترعه بالاخبار الرهيبة جداً وحوار (شيخنا) براهو جريده، يعنى لو نشرناه وحده لكفى القارئ ...
اعتذر
لكل المتابعين ..
اهو اكل عيش نعمل شنو !!

[بابكر مخير]

المشاركة الأصلية كتبت بواسطة أمير الشعراني

الاعزاء الكرام
ما تمسكونى من يدى البتوجعنى ...
انا بنشر الحوار فى سودانيات وجريدة حكايات فى يوم واحد لان الحوار ملك للصحيفة ..
والله العظيم كل هذه الايام كانت مترعه بالاخبار الرهيبة جداً وحوار (شيخنا) براهو جريده، يعنى لو نشرناه وحده لكفى القارئ ...
اعتذر
لكل المتابعين ..
اهو اكل عيش نعمل شنو !!

أمير وليدي
إتا ذاتك ما شيخ وليك حيرانك
ما بيشربو البيبسي ولا هم جيكسي، ياهم عواجز ناس عمك فتحي وعمك بابكر وكدا
آها دايرينك يا شيخنا أقلو تدينا اللا ناكي (جمع لينك) وين نقرا الموضوع القراية الأولى (ذي ناس البرلمان، القراية الأولى لزوم تجميل الشكل - هناك ديمقراطية وهنا معرفة أولية- وبعدين لمن يجينا نقدر نقراهو ونتمتع
يلا الحبيب شيخنا الأمير
فكنا بي محاية

[ابراهيم المونة]

تحياتي الي جميع الاخوه الاعزاء
ونحن في الانتظار موضوع شيق
ابراهيم المونة عضو جديد

[بسمله]

حيرانو جكس و محياتو بيبس

يا سلام دا راجل رهيب

امير كدى وصف لينا بو وين نلقاهو .. دا




انت عارف الغريب انو هو فعلا مشهور جدا فى مجتمعات البنات و خاصه الناس الى عندهم مشاكل عاطفيه ...
بس ما اتخيلت شكلو كدا

المهم الموضوع جميل ..

واصل و ما تشتحتف روحنا

بابكر مخير
ازيك

[ناصر يوسف]

العريس المااااا حِضرنا عِرسو

أمير كيفنك ومبارك الزواج ومعليش لو جات متأخره


من أراد منكم التأدب ... فعليه بالصوفيه
هي جملة ظللت أطلقها دوماً لقناعتي التامة بأنّ محيط المتصوفة لا يُعلمكَ سوي التأدب في لفظك وفي فعلك وفي حياتك كلها


سمعت بشيخ الأمين من الآخرين وكيف أنَه لا يشابه بقية الشيوخ

سألت عن مكان مسيده لا لأشاهد الجكسي وأشرب البيبسي .. ولكن لأتأكد من حقيقة أقوال الآخرين عن هذا الشيخ الذي ملأ الأفاق

كانت عصرية يوم ما ..

العربات الفارهات ما تديك الدرب

والشباب النايرييييييييييييييييين (فتامينات فيتامينات) باقه من وشوشهم نازلين من عرباتهم آخر موديل

والغريبه إنو الجلابية الخضراء بالأحمر وعشان ما تتكرفس كانوا بيلبسوها وهم نازلين من عرباتهم .. منتهي الوجاهه

أها ... أنا الإغيبش ده وقفت أعاين .. ولما الشباب وقفوا في شكل دائرة وهم حفيانين .. بدوري خلعت نعلاتي وأخدت مكاني بيناتهم في الدائره وبدأ الذكر

ذكر الله وصدقوني يا جماعة الخير .. لو قلت ليكم إنو اليوم داك كان يوم غريب جداً .. الــ (حناكيش) .. غِرقوا في ذكر الله غَرَق جد ... لدرجة البكاء .. ما كان تمثيل منهم .. ده إحساسي بيهم كان كده .. بكاء بحرقه .. والبكاء تطهير .. تطهير من كدر حياتهم ربما أو من أخطاءهم الشخصية ربما أو تطهير من الحياة المادية وحتي من الرفاهية ربما .. المهم

وأنا زااااااتي غِرِق معاهم .. وفجأة حسيت بيد الشاب الوجيييييه الفي شمالي بتمسك في يدي بقوة وبرضو الفي يميني مسك يدي بقوة وكل الناس الفي الدائرة ماسكين أيادي بعض ..

ده إرتباط غريب .. بيساوي أو بيعني الوحدة والتوحد أمام الله .. الكل بيذكر إسم الله بحب شديد ..

وفجأة دخل شيخ الأمين نص الدائرة وحوله المقربين من الحواريين .. يقوموا ويقعوا في حركة أشهد الله أنهم كانوا مِتل الحمائم الراقصات وأرجلهم مِتل التقول طائرات لا فوق الأرض وشايلاهم في سمو غريب

وقُبيل آذان المغرب يمكن بلحظات فقط وقف الذكر وبدأ الآذان .. صلينا وبعد الصلاة تقالدنا وقبلنا أيادي بعضنا بحب بالغ .. ومن ظفر فقد وصل إلي يد شيخ الأمين ليقبلها ..

أها بعدها طوالي الصحانه ملت الأرض .. ما كان في الصحانه ما لذّ وطاب من مارتيديلا وكبده وهامبرغر وهوت دوغ وفراخ إلخ قائمة الطعام اللذيذ ولا ثريد مسخنٌ طيب أكله .. لا لأ ...

فول وطعميه .. أكل هؤلاء الشباب المترفين المترعين بالمال الفول الما مُظبَط بنهم كبير .. وشربنا الماااااااااااء .. والله ما كان في بيبسي اليوم داك صدقوني.

سمعت بعد داك حِوار دار بين الشاب الكان في شمالي ومعاه شاب تاني:

الشاب الآخر: أسمع إنت داااااك ما زولنا البنفتش عنه لينا كم يوم ؟؟

الشاب: وينو ده ؟؟

الشاب الآخر: يا أخي الواقف يمين أبونا الشيخ

الشاب: آي ياهو زااااااااااتو أها كدي خليه الينتهي ونمشي ليه

الشاب الآخر: أنت الشيك معاك ؟؟

الشاب: آي معاي في العربيه حأمشي أجيبه وأجيك .. إنت خليك هنا عاين ليه ما يمرق يمشي

الشاب الآخر: جداً .. أها أسمع إنت الشيك كتبتوا بي كم ؟؟

الشاب: تلاته مليون بس

وذُهِلت أنا من الرقم تلااااااته مليون .. وكمان معاها كلمة ... بس

لم أفكر إطلاقاً في من يكن ذاك الشخص الحيستلم شيك بمبلغ تلاته مليون .. بس ... ولا من هم هؤلاء الشباب أصحاب الملايين .. فقط قلت هي الدنيا وشكرت شيخ الأمين في سري لأنه جمع هؤلاء الشباب والذين من بعد صلاة مغربهم من بعد حلقة ذكرهم لم ينسوا أن يتحدثوا في أمور الدنيا والمال فضله الله علي البنين كزينة للحياة الدنيا

ركب الشباب النضير عبراتهم الفارهات وتواعدوا وتوادعوا وتحركت أنا رااااااااااجلاً أبحث عن (ركشه) لِتُقلَني إلي بيت أهلي ...

ولكم حاولت جاهداً أن أُعاود الحضور إلي مسيد الشيخ الأمين ولم أفلح في ذلك

فقط أقول أيها الأحباب :

من أراد منكم التأدب .. فعليه بالصوفية

[بابكر مخير]

بمناسبة إقتراب شهر رمضان المبارك
وبدون مناسبة
بس كدا

[align=center][flash=http://www.youtube.com/v/WaoPdPFefYc&hl=en&fs=1]WIDTH=400 HEIGHT=350[/flash][/align]

[فتحي مسعد حنفي]

يابابكر تاني رجعتنا للشاب الطاهر الأمين شيخ الأمين نسأل الله له الصحة وزيادة المريدين..
أهو لقيت فرصة أنزل صورة لي مع الشيخ الأمين تم التقاطها أيام تواجدي في السودان في يناير 2008
وبالمناسبة حسب علمي انو في دبي اليومين ديل لك وله تحياتي



[img][/img]

[فتحي مسعد حنفي]

هذه الصورة من قاعة الكمبيوتر في مسيد الشيخ الصائم ديمة بام بدة

و يوجد في هذا المسيد معهد لتعليم القران و تفسيره به الكثير من الطلاب الافارقة و به ملحق سكني مضاف اليه.
و الجدير بالذكر ان الدراسة و السكن بدون اي مقابل ..
[img][/img]

[بابكر مخير]

[QUOTE=فتحي مسعد حنفي;105242]
و يوجد في هذا المسيد معهد لتعليم القران و تفسيره به الكثير من الطلاب الافارقة
[QUOTE]

يا توحة يا وسامة
بس يظهر فات عليك أني ما طالب وبقيت بريطاني
معناها أنا برا
وإن كان قصة
[QUOTE=فتحي مسعد حنفي;105242]
و به ملحق سكني مضاف اليه.
و الجدير بالذكر ان الدراسة و السكن بدون اي مقابل ..
[QUOTE]
دي مغرية
يعني ميته
000000000
صورتك مع الشيخ الشاب، زادتو سماحة وقيافة، لي سماحتو وما بقول سناحتك، لكن سن..تك
أريتني القى ليا صورة معاك عشان برضي أبقى جميل
ولا حتى
تشع فيني من جمالك

[بابكر مخير]

المشاركة الأصلية كتبت بواسطة سارة

هى كتاب ... جميل بدأته لم اكمل كتابته ولم تسمح ظروفى بطباعته


والله يا بابكر بس تسمح ظروفى المستحيلة وعندى الكثير المثير الخطر
اقعد عافية فهذه امنيتى

سرو
السلام
وليك بي بركة سيدي المهدي الإمام

كتاب ما تميناهو

والمثير الخطير ما قريناهو

نان يما إتا بس روووووقي
أقعدي ليك في حتتن واحدة، وأنا متأكد،،،
الكتاب بنتما بإذن الله تعالى
والمثير الخطير بينكتب إن شاء الله

بالله كيف الناس القابلتيهم في السودان
بقصد الناس السمحيين
السنيحيين ديك الله يقطع طاريهم

ليك شوق ومودة
وسلام