اقتباس:
المشاركة الأصلية كتبت بواسطة سارة
لاحول ولاقوة الا بالله
انا لله وانا اليه راجعون
للفقيد الرحمة والجنان ولاله الصبر وحسن العزاء
جبر الله كسركم اخى دكتور اسامة واعانكم على مصابكم
|
معليش يا جماعة خلوني ارد علي سارة دي بي مداخلة منفصلة
والله انت يا سارة بالذات
ماعارف اقول عنك شنو واخلي شنو
تخيلو اخوتي الاعزاء
سارة دي اتصلت بي بعد اقل من نص ساعة من الخبر معزية
رغم انها ما كانت بتعرف رقمي ولا بتعرفني من قبل
الا بهذا المنتدي الرائع
الذي اتاح لي التعرف علي هكذا انسانة
صدقيني يا سارة مكالمتك كان ليها اثر عميق جدا في نفسي
وما حا انساها ابد
وحسيت بالجد انو ربنا اداني اخت بمعني الكلمة
وكنت في غاية الحوجة لكلماتك الطيبة التي خففت عني الكثير
عارفة لمدة ثلاثة ايام ولا واحد من اخواني او اخواتي قدر يتكلم معاي
وكان صوتم رايح من فرط المصيبة
ربنا يخليك
وان شاء الله يوم شكرك مايجي