مبروك روضة الحاج مبروك للسودان

[ابوبكر حسن]

المشاركة الأصلية كتبت بواسطة رأفت ميلاد

لكن فى مسابقة زى سوق سوق عكاظ دى .. روضة الأصلح .. لأنها تعرف تلبس ثوبهم جيداً ..

إنا لله ياخ

يامقدس انت الزولة ما بتدورها ساى وزى ما بقولو الما بدورك بى اشعارك يشنفكgap
وكت قلت انها الاصلح لمسابقة ؛ الحقت جملتك بى لانها تعرف تلبس ثوبهم جيدا

باجماع كثيرين روضه الحاج شاعرة كبيرة بعيدا عن كوزنتها وتحميسها لى الدبابين الاصلن كان معمول ليهم غسيل قبل ما زيد او علان يشعر ليهم
نحنا اسه معناها نقوم ما نسمع لى ندى القلعه ولا جمال فرفور , اول ما يجيبوهم نقفل التلفزيون ونشغل غنيه اى فنان تانى ولا لامن يجيبو هيثم مصطفى ولا ابراهومه زمن عزهم يتجدعو بى الكفر ما نتكيف ونقول ياسلام وزاتو نبطل نشجع المريخ,, وبصات الوالى زاتها ما نركبها

[ام التيمان]

ان روضة الحاج شعرها موجه
متملقة
و متكلفة
ما تنزل لى من ذور

[زول الله]

المشاركة الأصلية كتبت بواسطة ام التيمان

ان روضة الحاج شعرها موجه
متملقة
و متكلفة
ما تنزل لى من ذور

سلامة ذورك ياخ
ماعليك منها



اقول قولي هذا واستغفر الله لي.........

[رأفت ميلاد]

المشاركة الأصلية كتبت بواسطة بكرى مبلول

يامقدس انت الزولة ما بتدورها ساى وزى ما بقولو الما بدورك بى اشعارك يشنفكgap
وكت قلت انها الاصلح لمسابقة ؛ الحقت جملتك بى لانها تعرف تلبس ثوبهم جيدا

تعرف يا بكرى المسابقة دى ما شفتها ولا سمعتا بيها لحدى ما نزل البوست ده .. ولى هسة ما عارفا أشتركت بى شنو .. لكن شفت مسابقة أبو ظبى .. ياخ قصيدتها كأنها ترعرعت فى صحراء نجد قصيدة (سقط النصيف) ..

وبعدين ده لو تدرى ده مدح ما زم

[نسايم]

المتداخلين السمحين
كل عام وانتو بي خير
انا غايتو استمتعت بي الحوار وفكرة الراي والراي الاخر
مي صاحبتى انا معاك ومع القال روضة بتقول شعر جميل ومجيدة
وانا بحبها جدا بي الرغم من انها تهتف للنظام وصوت لي شخصها لانى شفتها رمز
للشعر السودانى في زمن القنبلة وراجل المرة .....
اما اتجاهها السياسي دي قصة تانية وبوست تانى


رأفت ميلاد مشتاااقين الوش الخجلان ما لقيتو قلت اغمز ليك

[الجيلى أحمد]

تحياتى يانسائم,

مداخلتك دى براها عيدية ..
العفو والعافية ,
ولنستمر فى هذا الخلاف الخلاق,
لتبقى تلك المحبة وذلك الاحترام

[نسايم]

اقتباس:
المشاركة الأصلية كتبت بواسطة الجيلى أحمد
تحياتى يانسائم,

مداخلتك دى براها عيدية ..
العفو والعافية ,
ولنستمر فى هذا الخلاف الخلاق,

لتبقى تلك المحبة وذلك الاحترام


الجيلي ....
كيفك وعيد سعيدالناس الاتداخلو عنوان للزوق

[زول الله]

المشاركة الأصلية كتبت بواسطة نسايم

المتداخلين السمحين
كل عام وانتو بي خير
انا غايتو استمتعت بي الحوار وفكرة الراي والراي الاخر
مي صاحبتى انا معاك ومع القال روضة بتقول شعر جميل ومجيدة
وانا بحبها جدا بي الرغم من انها تهتف للنظام وصوت لي شخصها لانى شفتها رمز
للشعر السودانى في زمن القنبلة وراجل المرة .....
اما اتجاهها السياسي دي قصة تانية وبوست تانى

كلام مية المية
كل عام وانتم بخير والقابلة على امانيكم جميعاً
شكراً أخت نسايم




اقول قولي هذا واستغفر الله لي..............

[زول الله]

المشاركة الأصلية كتبت بواسطة بكرى مبلول

باجماع كثيرين روضه الحاج شاعرة كبيرة بعيدا عن كوزنتها وتحميسها لى الدبابين الاصلن كان معمول ليهم غسيل قبل ما زيد او علان يشعر ليهم
نحنا اسه معناها نقوم ما نسمع لى ندى القلعه ولا جمال فرفور , اول ما يجيبوهم نقفل التلفزيون ونشغل غنيه اى فنان تانى ولا لامن يجيبو هيثم مصطفى ولا ابراهومه زمن عزهم يتجدعو بى الكفر ما نتكيف ونقول ياسلام وزاتو نبطل نشجع المريخ,, وبصات الوالى زاتها ما نركبها

مش بالله
يعني نراجع مواقفنا من كل المبدعين
ياخ دي مسألة صعبة شديد

بكري مبلول عيدك مبارك




اقول قولي هذا واستغفر الله لي...............

[زول الله]

المشاركة الأصلية كتبت بواسطة الجيلى أحمد

ولنستمر فى هذا الخلاف الخلاق,
لتبقى تلك المحبة وذلك الاحترام

بس دي المحتاجينها في قبايل العيد دا
الجيلي عيدك سعيد انت ومن تحبهم جميعاً




اقول قولي هذا واستغفر الله لي..........

[مي هاشم]

انتو لسة في الموضوع ده؟؟


يا مهند ما عندي علياء ولاني قاعده في برج ياخوي..ولا كمان بفترض انو رأيي هو الصاح.. كان وجعك كلامي بإنو روضة الحاج غصباً عن أي زول أخدت جائزة في مسابقة فدي الحقيقة الما جبتها من راسي ولا من عليائي
ودي ما أول مسابقة ولا محفل تشارك فيه وتفوز..ثم إني يا مهند ما مسكت لي خشم زول..الداير ينضم ينضم لكن يكون موضوعي..نحن هنا بنتكلم عن روضة الحاج الشاعرة الفازت في مسابقة ما يجي زول ناطّي يقول لي( هَي كيفن؟؟ دي أكلها مسييييخ..وكانت بليييييده في المدرسة..ولاّ دي شيوعية ياخ وما بتصلّي)!!!
بالله بطلّو انصرافية (رأفت والمؤازرينgap) عن موضوع البوست وأمشوا أفتحوا بوستات عن الانقاذ وفسادها وقرفها..أو بوست عن شروط الإبداع ..وما تمسّخوا البوستات والنجاحات ..gap

فلقتونا ياخ

كل عام وانتو بخير..رأفت انت برضو كل عام وانت بخير

[عمر صديق]

اقتباس:

مثال اخر لارتباط قصيدة التفعيلة بالانظمة السياسية
فى يونيو الماضى ذهبت شاعرة سودانية الى عمان تدعى روضة الحاج قامت بتدبيج قصيدة مدحت فيها السلطان قابوس ايما مدحا فاغدقت عليها الهدايا من قبل حاشية السلطان وتم منحها صكا يخولها دخول السلطنة اى وقت تريد ومدى الحياة يمكن لهذه المتشاعرة ان تذهب بهذا النص الى ابواب امراء وسلاطين اخر مع ادخال بعض التعديلات دون ان يلاحظ ذلك احد وتغدق عليها الهدايا والمنح من جديد وهكذا يتحول الشعر الى تعيش وارتزاق مهين وليس كما يقول ت س اليوت الشعر هو تحويل الحبر الى دم

[عمر صديق]

فى يونيو الماضى ذهبت شاعرة سودانية الى عمان تدعى روضة الحاج قامت بتدبيج قصيدة مدحت فيها السلطان قابوس ايما مدحا فاغدقت عليها الهدايا من قبل حاشية السلطان وتم منحها صكا يخولها دخول السلطنة اى وقت تريد ومدى الحياة يمكن لهذه المتشاعرة ان تذهب بهذا النص الى ابواب امراء وسلاطين اخر مع ادخال بعض التعديلات دون ان يلاحظ ذلك احد وتغدق عليها الهدايا والمنح من جديد وهكذا يتحول الشعر الى تعيش وارتزاق مهين وليس كما يقول ت س اليوت الشعر هو تحويل الحبر الى دم
مع خالص الاحترام لصاحب البوست وضيوفه

[أسعد]

المشاركة الأصلية كتبت بواسطة عمر صديق

فى يونيو الماضى ذهبت شاعرة سودانية الى عمان تدعى روضة الحاج قامت بتدبيج قصيدة مدحت فيها السلطان قابوس ايما مدحا فاغدقت عليها الهدايا من قبل حاشية السلطان وتم منحها صكا يخولها دخول السلطنة اى وقت تريد ومدى الحياة يمكن لهذه المتشاعرة ان تذهب بهذا النص الى ابواب امراء وسلاطين اخر مع ادخال بعض التعديلات دون ان يلاحظ ذلك احد وتغدق عليها الهدايا والمنح من جديد وهكذا يتحول الشعر الى تعيش وارتزاق مهين وليس كما يقول ت س اليوت الشعر هو تحويل الحبر الى دم
مع خالص الاحترام لصاحب البوست وضيوفه

هذا ان دل على شي
فانه يدل على عبقرية روضة الشعرية
ت س اليوت كضااااب سااااااي

[زول الله]

المشاركة الأصلية كتبت بواسطة عمر صديق

اقتباس:

مثال اخر لارتباط قصيدة التفعيلة بالانظمة السياسية
فى يونيو الماضى ذهبت شاعرة سودانية الى عمان تدعى روضة الحاج قامت بتدبيج قصيدة مدحت فيها السلطان قابوس ايما مدحا فاغدقت عليها الهدايا من قبل حاشية السلطان وتم منحها صكا يخولها دخول السلطنة اى وقت تريد ومدى الحياة يمكن لهذه المتشاعرة ان تذهب بهذا النص الى ابواب امراء وسلاطين اخر مع ادخال بعض التعديلات دون ان يلاحظ ذلك احد وتغدق عليها الهدايا والمنح من جديد وهكذا يتحول الشعر الى تعيش وارتزاق مهين وليس كما يقول ت س اليوت الشعر هو تحويل الحبر الى دم

المشاركة الأصلية كتبت بواسطة عمر صديق

فى يونيو الماضى ذهبت شاعرة سودانية الى عمان تدعى روضة الحاج قامت بتدبيج قصيدة مدحت فيها السلطان قابوس ايما مدحا فاغدقت عليها الهدايا من قبل حاشية السلطان وتم منحها صكا يخولها دخول السلطنة اى وقت تريد ومدى الحياة يمكن لهذه المتشاعرة ان تذهب بهذا النص الى ابواب امراء وسلاطين اخر مع ادخال بعض التعديلات دون ان يلاحظ ذلك احد وتغدق عليها الهدايا والمنح من جديد وهكذا يتحول الشعر الى تعيش وارتزاق مهين وليس كما يقول ت س اليوت الشعر هو تحويل الحبر الى دم
مع خالص الاحترام لصاحب البوست وضيوفه

شكراً على المعلومة الهامة
بس إذا أمكن توضيح سبب زيارة تلك "الشاعرة السودانية" الى سلطنة عمان
وهل كانت بمفردها ام مرافقة لوفد أو أي شيء من هذا القبيل
ثم كيف صارت "متشاعرة" في جزء آخر من نفس المشاركة

*السؤال عن النسختين للمشاركة قبل وبعد التعديل

مع خالص الإحترام لصاحب المداخلة




اقول قولي هذا واستغفر الله لي............