السوداني بين المظهر والجوهر والشغل الدُراش

[بابكر مخير]

المشاركة الأصلية كتبت بواسطة عكــود

.
.
أوّل ما تعرفه عن الإنسان هو مظهره، جواز مرور عند الآخر، ممكن جدّاً أن تكون المظاهر خدّاعة ولا يتطابق المظهر من قريب ولا من بعيد مع الدواخل، لكن كيف يعرف الآخر ذلك؟
كثير منّا لا يهتم بالمظهر من باب "الكلام على الجوهر"، هذه النظرية أفقدتنا كثير من قدرنا، فنحن شعب يجهل معرفة فن التسويق، بدءاُ من تسويق أنفسنا والأمثلة تبدو واضحة في طريقة لبسنا، مشيتنا، طريقة حديثنا وحتى طريقة كتابة السيرة الذاتية بغرض التقديم لوظيفة يكون المتنافسين عليها من هم أقل منّا تأهيلاُ وأكثر منّا دراية بعرض ما يملكون، فتكون الغلبة لطريقة العرض.
عكـــود

تعرف يا كوكي..
كلامك دآ فترة حكومتنا الحالية تعكسهو بي صورة كاملة...
البرهان إتغير كتير في طريقة لبسهو. بعد كانت البدلة مترهلة، بدت تاخد شكل منظم..
حميدتي بقآ والله مظهرهو بالبدلة أخر شياكة..
حمدوك مع أنهو الزول الوحيد الفيهم المفروض يكون هندامهو منسق ولبسهو أنيق (طبعن يكاد أن يكون فوق الأربعين سنة بين أوربا ومنظمات دولية خارج السودان) لكن للأسف ما عارف لييه ما قدر يخرج من بهدلة السودانيين وعدم معرفة تدوير لبسهو بي شيتن عصري

[عكــود]

سلام حبيبو،

البرهان وحميدتي كمان نفعهم القوام العسكري، بس ياخي حمدوك زول أنيق برضك بس الجسم ما مساعدو.

ديل خليهم، نحن كسودانيين ما زلنا تضربنا البشتنة والغبشة، إلا من رحم ربي وكمان جيل الشباب الجديد ده جاب ليهو شعر وحلاقة كدي غريبات بالحيل.

مشتاقين ياخي.

[بابكر مخير]

المشاركة الأصلية كتبت بواسطة عكــود

سلام حبيبو،

البرهان وحميدتي كمان نفعهم القوام العسكري، بس ياخي حمدوك زول أنيق برضك بس الجسم ما مساعدو.

ديل خليهم، نحن كسودانيين ما زلنا تضربنا البشتنة والغبشة، إلا من رحم ربي وكمان جيل الشباب الجديد ده جاب ليهو شعر وحلاقة كدي غريبات بالحيل.

مشتاقين ياخي.

والحكمة البنطلون التقول رحض العروس. ملبوس وما ملبوس

[imported_ناصر يوسف]

المشاركة الأصلية كتبت بواسطة بابكر مخير

والحكمة البنطلون التقول رحض العروس. ملبوس وما ملبوس

داقيييييين سيستم يا عمنا بابكر مخير

و لكل جيل معطياته

زمان أنا حضرت زمن الــ ( خُنفُس ) و البنطلون الشارلستون و ( لياقة ) القميص العرييييضة و زراير القميص لازم تكون كباسين و حزام البنطلون عريييييييييييض و الجزمة ( كعب عالي )

و بعده حضرت زمن البنطلون ( جيب بندقية )

[imported_آخـر المواني]

المشاركة الأصلية كتبت بواسطة همس الشوق

الاستاذ عكود

بصراحة تطرقت لموضوع بجد حساس ومهم وشغل بال كثير منا ............نحن السودانيين بنعتبر انه الاهتمام بالمظهر هو من فوارغ الامور وما مفترض يكون من الاولويات ... بس في اعتقادي وكما سبقت انه هو إنعكاس لشخصية الانسان ..... خصوصا في مجالات العمل فالاهتمام بالمظهر هي اول شهادة يجب ان نقدمها للحصول على وظيفة ...
وليكم مثال بسيط ..........
بحكم عملي في مكتب محاماة تقدم احد السودانيين لوظيفة محامي ....
وللاسف شأنه شان كل سوداني بساطة ما بعدها بساطة ...أولاً عدم اهتمام بالمظهر يعني المظهر (0) ومن ثم الشهادات في ظرف والظرف ملفوف في شكل اسطواني .... ومن ثم طريقة الجلسه والانتظار لمقابلة صاحبة المكتب ............ وقام ختمها بي نومه على الكنبه ..... والاشد اندهاش انه وبالصدفة صاحبة المكتب طلعت ووجدته يغص في نوم عميق ... سألت السكرتيره من هذا ؟ قالت ليها واحد عايز يقدم لوظيفة .... ضحكت ... وقالت ليها ... صحيه وقولي ليهو أمشي كمل نوم بعدين تعال ابحث عن عمل .. عليك الله دي حالة دي ... وبعدين انا أشك انه الظرف الاسطواني ربما كان يحوي على شهادات لا يستهان بها ولكن كيف الوصول اليه ... وشيخنا نائم ..........

المشاركة رقم 107 للاخت همس الشوق ..>>> طبعن كان اسمها حلم الأماسي بدليل انه الاخ عكود رد ليها بي

المشاركة الأصلية كتبت بواسطة عكــود

سلاااام يا حلم الأماسي،

إنتي بتغيبي وين؟

زولك ده يبدو إنّو متعدّد المواهب . .
من طوْطوَة للسي في ، للبشتنة في المظهر
علاوةً على تأكيد مقولة (السودانيين كسالى)
وذلك بعد إنسداحته وشخريبتو.

ممكن جدّاً شيخنا النايم ده يكون عبقري زمانو و تتسابق عليه مكاتب المحاماة . .
بس على قولك من وين الناس تعرِف؟
لو ما حسّنّا من مظهرنا لنكسب الجولة الأولى . .
والإنطباع الأوّل؟

لكِ كل الشكر.

المشاركة رقم 109 .. رد الأخ عكود علي همس الشوق ( ((وشين ضاحكات))

يلا شوفو تاني همس الشوق جات في الصفحة رقم 11 زنزلت مشاركة وكانه الموضوع جديد عليها ((وش مزغلل))

المشاركة رقم 161

المشاركة الأصلية كتبت بواسطة همس الشوق

موضوع شيق جدا ومهم يا عكود وكل المتداخلين

فعلا الانسان السودان محتاج لوقفه مع المظهر الجوهر موثوق منه لكن الانطباع الاول هو الذي يقيم الانسان

عندي مواقف كتيره وحكاوي بجيكم تاني

وقالت جاية ..

الغريبة قبلها بي تلاتة مشاركات طارق كانديك مقتبس كلامها الزمان داك ورد عليها بي والله دا بالغ معاهو الوش ابو سنون (( ))


المشاركة 163 جانا عمنا عكود بي دي :

المشاركة الأصلية كتبت بواسطة عكــود

ما شاء الله
البوست حافّاهو الملائكة!

سحر
همس الشوق
الأغبش
كانديك

يا مرحبا والله، وبجيكم واحدة واحد

بس يا ريت كمان لو تجرّوا النمْ شوية في الشغل الدُراش و خدمة الزبائن،
و "الفِنِشنق"!

بجيكم صاد إن شاء الله.

وطبعا جا راجع ليهم واحدا واحدا ... (( ))

المشاركة الأصلية كتبت بواسطة عكــود

سلام يا همس الشوق،

الوقفة محتاجنّها والله فيما يخص المظهر وسلوكيات سالبة كثيرة في سلوكيّاتنا.
وبرضو ما بنتّكِل على الجوهر و إنّو موثوق منّو، لأنّو الجوهر ذاتو بقى موضِع تساؤل.

و في إنتظار جيتِك تاني.

تسلمي.

يلا هنا تعليقي بكون حسب مضمون البوست انه اخونا عكود ما حب يقول لي همس الشوق انتي مخرفة ما قبل كدا جيتي وقلت وقلت ويجيب ليها كلامها .. عشان ما ينطبق عليهو كلام بيت الشعر لا تنهي عن (الباقي عارفنه طبعن) ...
وكمان قال ليها في انتظار جيتك ((وشين غامزات)) ...

ناصر ما تعاين لي ياخ انا فاضي اسوي شنو ؟؟

.......

يلا زولتنا المخرفة (()) جات في المشاركة رقم 176

المشاركة الأصلية كتبت بواسطة همس الشوق

صباحاتو على الجميع

الجوهر يا عكود انا القصد منو انه نحن جوهرنا أنصع من جنسيات كتيره .. ولكنها تفوقنا في نصاع مظهرها ... كل الجنسيات العربيه تحديدا بتخلص في مظهرها .. بإعتبار أنه هو الوجاه لشخصيتها ... وهي حقيقه ... مظهر الانسان يشكل نسبه مئوية في شهاداته .. وفي كثير من الأحيان لا تعني الشهادة شي بقدر المظهر والثقه بالنفس ... والطموح ...
يكفي انه السودانيه في هنا مجرد مع تتصل على اي طلب وظيفه بقولوا ليها لوسمحتي رسلي (c.v) مع صوره ... تفتكر لو كانت لبنانيه بقولوا ليها رسلي صوره ؟؟؟؟

وتااااني جات في المشاركة 179 قالت كلامها القبيييييل داك بس بدون تلوين (( وشين مزغللات )) !!

المشاركة الأصلية كتبت بواسطة همس الشوق

مره في المكتب عندنا جاءتني السكرتيره قالت لي في واحد سوادني بره عايز يقابل الأستاذه .. سألتها لي شنو ؟؟؟ قالت لي بفتش عن وظيفه ... طوالي قلته ليها عليك الله مجرد ما الاستاذه تفضى دخلي على طول .... بعد فتره طلعته بره .. بصراحه ما عجبني شكله .. اشعس ... أغبر ... ما مهندم و كالعاده شبشب مع البنطول .. صدمني جيت راجعه ... بعد شويه جاتي السكرتيره تضحك ... قالت لي تعالي شوفي السوداني نام في الكنبه ...... بجد في اللحظة ديك حسيت لو الأرض تخسف بي .. يا كسوفي .... وبعدها جاءت الاستاذه طالعه لقتو نائم سألت سألتها قالت ليها دا منو النائم دا ... قالت ليها دا سوداني عايز يقابلك ... لي شنو قالت الاستاذه ؟ بفتش على شغل ... ضحكت ضحكه سخريه وقالت ليها صحي خليه يكمل نوم في البيت بعدها يفتش شغل .. وختمتها والله السودانيين ديل.... وبعدها أردفت السكرتيره قالت لي انا وصيت زميل لينا مصري اسمه محمد .. وصيت محمد يكلمه يقول ليهو هذب شكلك شويه لمن تفتش على شغل ... بجد قالت لي بالطريقه دي مافي حد بقبله ... اتخيلوا شعوري انا كيف ... قلته ليها والله يا منى اقول ليك شنو .... لا ونسيت أقول ليكم انه شهاداته طاويها زي حلاوة قصب ( في زول بعرف حلاوة قصب) في ظرف بني .. قلته ليها شفتي الشهادات الطاويلها دي إحتمال كبير تكون من جامعه الخرطوم .. وإحتمال الشخص دا يكون ماستر او دكتور ... بس نعمل شنو ...

ودا المضيع حقنا في التنافس ....


ومن جهة تانيه مره انا كنت قاعده في مكان السكرتيره جاءني واحد مصري من حيث لا ادري قمت على حيلي واهلا واتفضل ... يعني بالميت تديهو مدير بنك او شركه كبرى بدله فل سوت ورايقه جدا منظر نضيف وانيق شنطه فخمه .. وهو بي ثقه متناهيه ممكن اشوف الأستاذه ؟ قلته ليهو اكيد اتفضل اشرب حاجه لحدي ما الاستاذه تخلص ... ومن ثم سألته ممكن أعرف سبب الزياره ... قال لي وبذات الثقه والله بدور على شغل وكنت عايزا اشوف الاستاذه وهنا كان بفتح في الشنطه وبطلع في السي في .. ولو شفتو السي في .... خبره في الامارات ما عندو ... قربته أقول ليهو يا قوم لف

الحكاوي كتيره ومؤلمه والله

وتبعتها بي مشاركة رقم 180 ((وش محتار))

المشاركة الأصلية كتبت بواسطة همس الشوق

فيما يخص التعامل مع الجمهور او خدمة العملاء كما يسمونها فنحن بصفاتنا التي يعرفها الجميع غير مطابقين لهذه المهنه ... نحن ناس سخنين وعندنا خدمة الجمهور مرتبطه اتباط لصيق بالذل سبحان الله ... نحن طبعنا حار وتربينا تريبه ناشفه شويه ما فيها لين ... وحتى الطبطبه هي في إعتقادي دبلوماسيه في التعامل نحن نعتقدها ( دهنسه ) أو تحنيس
فنحن شعب غير قادر على التعامل ... حتى في مفرداتنا مفرداتنا خشنه ولا تصلح للتعامل ....
صدقني يا عكود المسأله ما مساله كورسات في كيفية التعامل لا المشكله في المجتمع .. التربيه ... لابد من إعادة النظر في تربيتنا ....

(( ))

القصة هنا عكود تاني رد عليها بالجملة في مشاركة واحدة يعني اقتبس اتنين في رد واحد (( ))

المشاركة الأصلية كتبت بواسطة عكــود

سلام يا همس الشوق و شاكر على إثراء البوست بالرأي والأمثلة.
زيادة على عدم إهتمامنا (بل إهمالنا) بالمظهر، برضو حقّو ما نعوّل كتير على نصاع جوهرنا. صراحة ماني شايف عندنا تفوّق فيه. ربّما كان ذلك قبل 20 سنة، أمّا الآن . . أمّا الآن!!!
إرسال الصورة مع السي في غير مطلوب، إلاّ لوظائف محدّدة، والشركات المُحترمة لا تطلب ذلك إن كانت متطلّبات الوظيفة لا تستدعي.
بس حتّى الشركات البتطلب الصورة، ممكن تطلبها من اللبنانيّة برضو (أعتقد ذلك)، إن كان الغرض هو التأكّد من ملاحة الشكل.

غايتو قريبنا النام في الكنبة ده، بيحتاج لشغل كتير بالحيل والله يكون في عونِك.
قليل منّا يعرف كيف يسوّق نفسو، والمسألة دي، بتحتاج لثلاثيّة سحر الفوق دي.
عشان كده، قطاع الخدمات من مطاعم، مخابز، مولات وفنادق في السودان يسيطر عليه الأجانب.
رغم إنّك ما مالية إيدك بالكورسات وشايفاها نفخ في قربة سلوكيّاتنا المقدودة، لكنّي شايف التدريب و الإحتكاك ممكن يساعدوا كتير في الناحية دي. بس بتّفق معاك إن التربية هي الأساس، وما تنسي دور الإعلام و المدارس.

شاكر جدّاً، وليك التحيّة.

...............

غايتو الا يكون تفسيري حق انه ما عايز يرد عليها رد جاف القبيل قلتو دا يكون صحيح .. والا الاتنين مخرفين ((ما تعاين لي يا عكود ! انا قبيل قلت لي ناصر انا فاضي اعمل شنو ))

..

كان ما قريت عنوان المشاركة فوق ارجع ليه

[عكــود]

سلام آخر المواني،

عينك فاحصة ما شاء الله عليك، ومداخلة ممتعة.

البوست طبعا ليهو 15 سنة وما أذكر لو كنت قد لاحظت، حينها، تبدل الأسماء (حلم/ همس).

تسلم يا حبيب ومنتظرين تداخلك (من غير تدقيق داخلي)

[imported_ناصر يوسف]

المشاركة الأصلية كتبت بواسطة آخـر المواني

ناصر ما تعاين لي ياخ انا فاضي اسوي شنو ؟؟

غايتو الا يكون تفسيري حق انه ما عايز يرد عليها رد جاف القبيل قلتو دا يكون صحيح .. والا الاتنين مخرفين ((ما تعاين لي يا عكود ! انا قبيل قلت لي ناصر انا فاضي اعمل شنو ))


كان ما قريت عنوان المشاركة فوق ارجع ليه

الفاضي يعمل قاضي يا عثمان

ههههههه

أشواقي
و كويس إنك عندك وقت للقراءة المتأنية لبوست كامل

المشاركة الأصلية كتبت بواسطة عكــود

سلام آخر المواني،

عينك فاحصة ما شاء الله عليك، ومداخلة ممتعة.

البوست طبعا ليهو 15 سنة وما أذكر لو كنت قد لاحظت، حينها، تبدل الأسماء (حلم/ همس).

تسلم يا حبيب ومنتظرين تداخلك (من غير تدقيق داخلي)

و عمك عكود فطاني أنا ذاااااااااااتي ياخ

[عكــود]

المشاركة الأصلية كتبت بواسطة ناصر يوسف

داقيييييين سيستم يا عمنا بابكر مخير

و لكل جيل معطياته

زمان أنا حضرت زمن الــ ( خُنفُس ) و البنطلون الشارلستون و ( لياقة ) القميص العرييييضة و زراير القميص لازم تكون كباسين و حزام البنطلون عريييييييييييض و الجزمة ( كعب عالي )

و بعده حضرت زمن البنطلون ( جيب بندقية )

والله فعلا فطيتك!
اسمح لي ياخ، مع إني قريت مداخلتك ونويت ارد عليها، بس الكبر حصل يا ناصر ياخوي.

صحيح، لكل جيل معطياته وقد تعحب الأجيال السابقة وقد لا تعجبهم.

أكيد الخنفس والشارلستون كان عندو مستهجنين من الأجيال السبقتنا، بس جيل الزمن ده يبقالي زاد المحلبية شوية.

[imported_ناصر يوسف]

المشاركة الأصلية كتبت بواسطة عكــود

والله فعلا فطيتك!
اسمح لي ياخ، مع إني قريت مداخلتك ونويت ارد عليها، بس الكبر حصل يا ناصر ياخوي.

صحيح، لكل جيل معطياته وقد تعحب الأجيال السابقة وقد لا تعجبهم.

أكيد الخنفس والشارلستون كان عندو مستهجنين من الأجيال السبقتنا، بس جيل الزمن ده يبقالي زاد المحلبية شوية.

و ربما إحساسنا بفعلهم هو المبالغ فيه كمان

أبقي طيب يا عمدة

[imported_ود الشيخ]

المشاركة الأصلية كتبت بواسطة آخـر المواني

المشاركة رقم 107 للاخت همس الشوق ..>>> طبعن كان اسمها حلم الأماسي بدليل انه الاخ عكود رد ليها بي



المشاركة رقم 109 .. رد الأخ عكود علي همس الشوق ( ((وشين ضاحكات))

يلا شوفو تاني همس الشوق جات في الصفحة رقم 11 زنزلت مشاركة وكانه الموضوع جديد عليها ((وش مزغلل))

المشاركة رقم 161


وقالت جاية ..

الغريبة قبلها بي تلاتة مشاركات طارق كانديك مقتبس كلامها الزمان داك ورد عليها بي والله دا بالغ معاهو الوش ابو سنون (( ))


المشاركة 163 جانا عمنا عكود بي دي :

وطبعا جا راجع ليهم واحدا واحدا ... (( ))


يلا هنا تعليقي بكون حسب مضمون البوست انه اخونا عكود ما حب يقول لي همس الشوق انتي مخرفة ما قبل كدا جيتي وقلت وقلت ويجيب ليها كلامها .. عشان ما ينطبق عليهو كلام بيت الشعر لا تنهي عن (الباقي عارفنه طبعن) ...
وكمان قال ليها في انتظار جيتك ((وشين غامزات)) ...

ناصر ما تعاين لي ياخ انا فاضي اسوي شنو ؟؟

.......

يلا زولتنا المخرفة (()) جات في المشاركة رقم 176



وتااااني جات في المشاركة 179 قالت كلامها القبيييييل داك بس بدون تلوين (( وشين مزغللات )) !!



وتبعتها بي مشاركة رقم 180 ((وش محتار))


(( ))

القصة هنا عكود تاني رد عليها بالجملة في مشاركة واحدة يعني اقتبس اتنين في رد واحد (( ))


...............

غايتو الا يكون تفسيري حق انه ما عايز يرد عليها رد جاف القبيل قلتو دا يكون صحيح .. والا الاتنين مخرفين ((ما تعاين لي يا عكود ! انا قبيل قلت لي ناصر انا فاضي اعمل شنو ))

..

كان ما قريت عنوان المشاركة فوق ارجع ليه

السلام عليكم سلام حبا شوق
والله قاعد اجي احيانا الكراع جيابة وأحيانا شوق للذي مضى
وكثيرا يناديني منادٍ
مداخلة من أمها من زول عين صقر،وأحسبه عكليت زمانه
كنت مستني ود عكود يبقى لي حلم ، لكن توس نفست
أحيِّ اخي الكريم قصاص الأثر
تم تعيينك مع لجنة التفكيك حرامية الانجاس

[imported_ود الشيخ]

صحيح، لكل جيل معطياته وقد تعحب الأجيال السابقة وقد لا تعجبه

الحبيب ود عكود
الجيل ده sudaneseoffline مع الاعتذار للمنتدى
ديل لا مع العير ولا النفير
شنا وعولاق من التفة للبراطيش
مرمي الله مافي زول بفعو
(الأعوج رأي والعديل رأي)

[عكــود]

المشاركة الأصلية كتبت بواسطة ود الشيخ

الحبيب ود عكود
الجيل ده sudaneseoffline مع الاعتذار للمنتدى
ديل لا مع العير ولا النفير
شنا وعولاق من التفة للبراطيش
مرمي الله مافي زول بفعو
(الأعوج رأي والعديل رأي)

سلااااام يا ود الشيخ والبركة في الطلة بعد الغيبة.

والله ياخي الجيل ده حقق ال ما قدرت أجيالنا تحققو.
رغم التفة والبنطلون الناصل قدروا غيروا الحاصل.
ليهم التحية وليك التجلة.

[imported_ود الشيخ]

المشاركة الأصلية كتبت بواسطة عكــود

سلااااام يا ود الشيخ والبركة في الطلة بعد الغيبة.

والله ياخي الجيل ده حقق ال ما قدرت أجيالنا تحققو.
رغم التفة والبنطلون الناصل قدروا غيروا الحاصل.
ليهم التحية وليك التجلة.

بعد الحرب اللبنانية أفرزت هذه الحرب جيل آخر ولكثرة ما قيل عنه،صعّب العيشة على من قبله،انعدمت الأخلاق وساء السلوك وقويّ الرأس وفقد بوصلته.
ليس من رأى كالذي سمع،تعال حوم في الخرطوم،وافتح اضانك ميكرفون فيشان تسمع من العجب فنون.
تعال شوف على المكشوف وقرر وسيبك من قالوا وحكوا لي وقال لي من اثق فيه ولو كان تومك ، من سيئات طبعنا المبالغة حتى في الحلال والحرام.
عليك الله قول لي فاهمك