من ذاكرة المدمرق !!! النور يوسف محمد

اوبريتـــات سودانيـــة (اوبريت) !!! عبد الحكيم

هَكَذَا يَمْضِي الغفاريون نَحْوَ الله: في رحيل مظفر النواب !!! عبد الله جعفر

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 24-06-2021, 11:26 AM   #[1]
علي الشيخ
Guest
 
افتراضي المفراكه،،،،،،

*المفراكه،،،،*
المفراكه دي اكتشاف سبق زمنه،،، و اندثر،، نظام
*Three in one*
*3X1*
هي حاجه،،،
بسوطو بيها الملاح،،،،
و بدقوا بيها الشفع،،،
و بحكوا بيها الضهر،،،
بتكون معلقه في باب *التكل،،،* يعني المطبخ للناس الراكبه معانا مسطحين،،،،
هي مقاسات مختلفه،،، و أشكال حسب نوع الاستخدام،،،،
كل مفراكه لملاح معين للسواطه،،، *الله يكفينا شر السواطه،،،*
و طول المفراكه حسب نوع
*اُلْقِدْر*،،،، *(الحله)* ،،، شي كوجين،،، و شي لخبطه ساي،،،، زي الحاصل هسه في البلد،،،، ناس بتسوط،،، وناس بتكوجن،،،
اللعبه وين 🤔 الخبرة و قوة 💪 بتسوط و بتحسم الموقف،،،،
سر المفراكه،،، في ضواقة الاكل،،، تعال يا ولد،،،، ليه ما بنادوا البنات،،،، شن عرفني،،،،
*الضواقه* ،،،، هي هبشه كده على الماشي،،،، بي طرف المفراكه،،، زي باصات ميسي ⚽ و هو جاري،،،، و جدعه كده من الملاح في طرف اليد،، 👋🏻 و منها مباشره الضواقه 😋،، دي جمل تكتيكيه،، منظمه ،،،،، تضوق و تدي رأيك،،، مع اللحسه،،، و تقوم جاري،،،،
حسك،،،، 👁️،،، تقول مسيييييخ،،، كان وقفت،،، تجيك كعه كده من المفراكه،،، و ده نظام دبل اكشن *Double Action*
ناس بتسوط ،،، وناس بتجوط،،، وناس بتلحس،،، بدون ضواقه،،،
كلما المفراكه تبقى قديمه،،، بتم ترقيتها زي نظام الديش،،، ما بجدعوها،،، بعلقوها ،،،، بخلوها للمناسبات،،، الأعياد،،،، عواسة رمضان،،، و شحدة الجيران،،،،
المفراكه ،،،،، من المستحيل تمرق من البيت،،،
سماحة المفراكه بتتلقي في أي بيت،،، عند الفقير،، وعند المروق،، ومرطب ،،،، و كمان محشوره في بيت العذابه،،،،
*سؤال استثنائي؟؟؟*
سر العلاقه و ونسة البنات،،،، في الوصف شنو 🤔
امشي عامله ك....... كده زي المفراكه ،،،،،
العارف يرفع ☝🏻،،،
اي حاجه قديمه بي نكهتها ،،،، و ذكرياتها،،،،
دخلت العولمه و جابت لينا مفراكة الكهرباء ناس زنننننننننننن،،،
بس البقاء للاقوي،،،
وييييييين يااااااا مع ❌❌❌ الكهرباء ،،،، النسي قديمه تاه،،،،
المفراكه ،،،،، خرجت أجيال واجيال،،، تربية المفراكة ،،،، موزونه،،، مافي زول دقوه بالمفراكه فشل،،،، لا ساط،،، لا كوجن،،،
هسه بالجد محتاجين ليها ،،،، في ناس دايرين نديهم بالحته السنينه ،،،، نقره ،،، نقرتين في صنقوعهم كان يفتحوا شويه،،،
و كان ادينهاهم حكه ،،،،، حكتين ،،،، في ضهرهم،،، ممكن يجوا معانا في الخط،،،
آخر كلام،،،،
كتبه في جواب،،،،
ساط الناس،،،، و لخبط حساباتهم،،،، قاموا يتجاروا،،، و يجتمعوا ،،،،
قلناها قبل كده و بنأكد عليها،،،، حلقومنا اتشرط زاتوا،،
كان قعدنا كلنا في الواطه،،،
و بطلنا السواطه،،،
و الكوجين ،،،، و اللحس 😋
ممكن،،، نضوق خيرات بلدنا،،،،
و نرجع نستمتع بالأكل و نشبع،،، و الشفع ،،،، يسمعوا الكلام،،، و الكبار يركزوا،،، ويبطلوا النقه ،،،، و قعاد الضلله ،،،،،
عازمكم قريب،،،،
*ملاح مفروكه ،،،، بي كسره بايته،، بس*

*د. علي الشيخ*
*الحنين*
*امدرمان*
*٢٤ يونيو ٢٠٢١*



  رد مع اقتباس
قديم 27-06-2021, 09:21 AM   #[2]
imported_ناصر يوسف
:: كــاتب نشــط::
الصورة الرمزية imported_ناصر يوسف
 
افتراضي

اقتباس:
المشاركة الأصلية كتبت بواسطة علي الشيخ مشاهدة المشاركة
عازمكم قريب،،،،
*ملاح مفروكه ،،،، بي كسره بايته،، بس*

*د. علي الشيخ*
*الحنين*
*امدرمان*
*٢٤ يونيو ٢٠٢١*
قرررررررررررررض علي العيزومة دي يا دكتور



التوقيع: [align=center][motr1][move=up]ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس[/move]
[/motr1][/align]
imported_ناصر يوسف غير متصل   رد مع اقتباس
قديم 27-06-2021, 11:16 PM   #[3]
علي الشيخ
Guest
 
افتراضي

حبابك ١٠٠٠
بالقديم
لأنه عنده معنى
لأنه عنده قيمه
مثلكم



  رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 08:14 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2022, vBulletin Solutions, Inc.