نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 28-04-2022, 05:04 AM   #[1]
بابكر مخير
:: كــاتب نشــط::
الصورة الرمزية بابكر مخير
 
افتراضي البصيرة أم حمد والمسافة وفرح ود تكتوك

الحبيب النسيب "المسافة" فيصل سعد.
بتذكر مرة في واحد من بوستاتي. سألني عن رأئي في حاجة ووكتها إعتزيت بي نفسي والشهقة من الإعجاب بي روحي قربت تفوتني للدنيا القدام ولي الأخرة.
سؤال عن تعريف قولة دنيا أو عالم. هل المقصود بيها دنيانا وعالمنا الإحنا فيهو دآ.
كرة أرضية بي قارتها ومحيطاتها وسماواتها والخلق العايشين فيها من طير وأسماك وحيوانات بشقيها البشري والأخر صاحب التسمية من أبقار وأسود وفيلة الي أخره؟؟ ولا هي أوسع فهما ومعنى وأنهو الدنيا أوسع وتعني كل عالم هو تحت ملكوت المولى عز وجل من أقمار وشموس ونجوم وكواكب ومجرات؟؟
وبرضك قولة الأخرة شنهو المقصود منها؟؟
الأخرة المقصود منها الأخرى ولا الأخرة وهي الأخيرة بمعني نهاية الحياة وبعدها بحبح؟؟
هنا تتباين الحجج والتفاسير؟
من له إيمان بيوم الحساب العظيم فهو يأخذها على أنها الأخرى
ومن لست له إيمان فهو يأخذها أنها بمعنى الأخيرة اللآ منها رجعة وسفرة لي قدام (بحبح)
المهم والقصد من البوست..
أني ورغم أنهو المسافة بيني وبين الإتنين الفوق شاسعة وبعيدة إلا أنهو الحسيب النسيب فيصل بي رده البستفسر فيهو عن شئ ما، خلاني إزدت ثقة وقررت أفرع البوست دآ.
أخت ليا فيهو أسئلة وقدر حجتي أجاوبها..
شيخ فرح كان بيفتي في الامور قدر معرفتهو وبمنطق عن تجارب وما يروى عن البصيرة أم حمد أنها كانت تفتي على الأمر حسب مخيلتها ومن هذا سيكون محور البوست.. يعني ذي حكاية (بين الحقيقة والخيال)..
الي لقاء




التوقيع:
بابكر مخير غير متصل   رد مع اقتباس
قديم 28-04-2022, 11:19 PM   #[2]
بابكر مخير
:: كــاتب نشــط::
الصورة الرمزية بابكر مخير
 
افتراضي

كلمة من المفردات السودانية.
شدت إنتباهي جداً. الا وهي قولة:
ناغم
عندنا يقولوا ليك ناغم ليا فلان بمعنى أنده له ولا بالعامية كوريك ليا لي فلان وهي تقال حين. تطلب أنهو فلان دآ يجيك..
ناغم هي في الأصل عربية من بيت الكلاوي ولمن قوقلتا ليقيتها ..
كلمة مليانة حنان وحب..
ناغَم زوجتَه: كلّمها كلامًا رقيقًا، خَفِيّ الصَّوت، همس في أذنيها.
وأنها فعلن كما تصورت مرتبطة بالنغم (اللحن والموسيقا والجمال) فيقال: ناغم العودُ الكمانَ بقصد أن شارك العود الكمان في العزف وإصدار النغم.
كلمة للأسف الشديد أنها ذهبت مع تراث حبوباتنا وحنينهن..
هل يعني ممكن نناغم دآك الإرث ولا خلاص إختفت تلك الكلمات الجميلة من قاموسنا فصارت جافة بلا رحمة وبلا "مرتوية"..
بقينا ناس كوريك ليا ليهو (مبهمة ونشاذ)



التوقيع:
بابكر مخير غير متصل   رد مع اقتباس
قديم 29-04-2022, 06:06 AM   #[3]
فيصل سعد
:: كــاتب نشــط::
الصورة الرمزية فيصل سعد
 
افتراضي

واصل .. يديك العافية 💚💚



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 29-04-2022, 02:48 PM   #[4]
بابكر مخير
:: كــاتب نشــط::
الصورة الرمزية بابكر مخير
 
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة
واصل .. يديك العافية 💚💚
يديك العافية "يما" ويديك العافية "يابا"
قولة يما وقولة يابا
تحس بيهم جوآآآك
أتذكر في هجرتي الأولى للإمارات في السبعينات كانت معاي الأسرة ووكتها كانن البنيات وأمهن بس. الولد القلب البلد لساتهو "هذا ما أطلقته سيدة سارة الفاضل عليها الرحمة، لأنهو محمد إتولد يوم 25 وإنقلاب البشير حدث في يوم تلاتين من يونيو" ما كان جآ ولا إنقلاب (الإنقاص)..
أها مدينة وزينب كانن بيمشن المدرسة أمنة لساتها زولة منزل (ذي حكاية رب منزل) ولاحظت أنهن لمن يتكلموا عن المدرسة يقولن أبلة فلانة ومرة كدآ فلتت من واحدة منهن قولة يا ماما أو بابا ما متذكر. أها في إجتماع أسري مع السيدة الفضلى إتفقنا أنهو الأمور ما حتمشي كرغبتنا في الحفاظ على ثقافتنا البنعتز بيها وأننا إنحنا الإتنين إرتضينا نسميهن بالأسماء دي (أتذكر صديق قال ليا: ليييه مسمينهم الأسماء القديم دي وكان حضور أحد الأقارب الرباطاب فسبقني وردا؛ إمهم إسمها حسب سيدها، يعني عايزهم يجيبوا إسم تاني من وين "مع إحترامي للسيدة الفضلى وهي حاملة إسم عمتها والمحبوبة من أخوانها بابكر وعبد الكريم والخضر")..
لي حسي ربنا يحفظهن بيقولن أمي وأبوي والأحفاد يقول لينا. حبوبة وجدو (مع أنهو الصاح السودانية الخالصة هي قولة "جدي" وترفق بالإسم أو اللقب مثلن يا جدي العم وهو الجد عبد الكريم بدري أو جدي الطاهر والمقصود هو الجد الطاهر مخير عم الوالد).. ورغم أن قولة جدي أو جدو مربوطة بحنيتنا ومحبتنا وإجلالنا. إلا أن هناك صفة تطلق على الحبوبة والجد وهي أحلى قولا وأعذب تقبلا.. حين يقال لي الحبوبة أمي بتول وأمي السهوة ويقال لي الجد يابا الخضر ويابا حمد أبو البشر...
أهاااااا
يديك العافية والتي عندنا في ثقافتنا تحمل في طياتها دعاء جميل مقصود منه أن العافية تكون متملكاك وأنت لها مالك. عافي ومعافى ومتعافي. إلا كما سمعت بأنها غير ذلك عند أهل المغرب (المراكشيون) فهي تعني النار كدعاء عليك ولست دعاء لك كما عندنا...

أكيد يابا قصدك يديك العافية بتاعتنا ..
محبة وشوق



التوقيع:
بابكر مخير غير متصل   رد مع اقتباس
قديم 03-05-2022, 05:25 PM   #[5]
بابكر مخير
:: كــاتب نشــط::
الصورة الرمزية بابكر مخير
 
افتراضي

وبتفرج ذيي وذي زول سوداني مليان وحشة للبلد، قلبو عليها من الوحوش.
بتفرج في القنوات اللاها جاية من بحر ولا نهر ولاها صابة في خور ولا جدول يزقي الشتل...
في الأول بدت بقصة السر قدور الراجل السمح. ما قولت الجمال ليها مواصفات ممكن البعض ما يشوفا فيهو وإن كان أنا غير ذلك. بشوفهو جميل من دواخلهو وجميل في كلمة قالها لكنهو برضهو زولن سمح قبل وبعد للي صفاتهو وكرم خلقهو. حكى عن نفسهو وتاريخ مسيرتهو وعلى قول قاسم بدري أنهو فعلن السر قدور حكآيي...
تانيها حلقة لي شباب جميليين ودآ حسب وصف بعضهم البيفهم الجمال أنهو الوشيش والقامة وكانوا ديل الشباب السمح العديل. ناس مسلسل أحمد ود الجقر وما ظلم لي المجموعة المتميزة من بنياتي الحلوات ولا وليداتي الفالحيين الهم عصب المسلسل وروحه. لكن لأنهو أحمد هو وليدي كان أبوهو أخوي وكان أمه بت عمي وما خاب إبن الوز إن طلب منهو العوم.. أبوهو زولن مسرح كامل ومتكامل وأهله البناويين حياتهم فن بي أصول، كان قول، كان غنا، كان حركة وحضور.. مسلسل عشتهو وأعجبت بيهو فشكرا كتيييييييير ليهم..
أها بعد دآك جات اللازمة تكون مدام اليوم فرح وشيتهو مربوط بالدين؟؟
جابو حلقة لي ناسن نظاك في هندامهم، رويانيين في عروقهم. الوشوش تقول نازة دهن واللبس التقول من بياضهو ينعمل دعاية لصابون "تايد" والجميل بالجد فيها أنهو الناس ديل سمحيييييييين عديل ومنعميين..
ودآ ياهو المجنني.
ليييييييه ناس الصوفية موولس والنغنغة في محياهم الناعم وجميل..
لييييه؟؟
سايبين لينا الغبشة وهم خضرت لبسهم إلا تلال الحبشة
يدينهم ناااااعمة، لا جرحة لا خدشة
وركوبهم المرسيدس سايبين للخلق ركوب الرقشة
ما قلنا شيخ فرح بيقول الحق والبصيرة ست الهترشة



التوقيع:
بابكر مخير غير متصل   رد مع اقتباس
قديم 06-05-2022, 12:31 PM   #[6]
بابكر مخير
:: كــاتب نشــط::
الصورة الرمزية بابكر مخير
 
افتراضي

وإحنا في وحستنا والبلوة الواقعة فوق راسنا، البرهان والعسكور وحكمهم البقآ في رقابنا ومربوط بي حياتنا.
سئل الشيخ فرح ود تكتوك عن حالتنا ومصيبتنا مع "الشيطان الرجيم برهان"، فقال بحسه المتميز:
ياهو دآ.. زمن الأبوات باليل تنوم تحلم وجناها للبلد يقوم يحكم..
ومن ثم سئلت البصيرة أم حمد، كيفن يما الفكآك..
رأيها كان واحد ومن غير تأويل وتفسير..
ما دام هو ما دايريمشي.. أمشوا إتو!



التوقيع:
بابكر مخير غير متصل   رد مع اقتباس
قديم 09-05-2022, 04:27 PM   #[7]
بابكر مخير
:: كــاتب نشــط::
الصورة الرمزية بابكر مخير
 
افتراضي

يومتها والناس مع زنقة العيش وحرية مافيش والبرهان يا إنسان حاكم وحميدتي الماسك الصولجان..
زيارات البلور إنقدت علي البلد ناس داليا البحيري والحسي دي، مخففة من البي الناس والعليها..
فسئل الشيخ فرح عن زيارة بلقيس، إستعجل وردآ: ملكة اليمن.
قيل له: لا، لكنها ذيها ملكة زمانها، بيييضآ وحلات التوب فيها يضوي وحتى هو مشجر..
قال الشيخ بعد ما وضحت ليهو القصة وهو سيد الرؤية؛
أهآآآ، الياهو دا الزمن الفيهو بياض الحسان،، بكون خلقة لا برهم ولا تقشيرة كمان...
وهنا بصيرتنا، فهامتنا قالت قولن عكس قول شيخنا..
قالت بياضن بدون تفسيخ بيبقى مسيخ، أبقن يا بنيات عليهو حتى لو بالكلوركس وماتنسن لشلاليفكن البوتكس..
يظهر الحاجة؟! ناسية فينا العرق الأفريقي غالب




التوقيع:
بابكر مخير غير متصل   رد مع اقتباس
قديم 13-05-2022, 05:21 AM   #[8]
بابكر مخير
:: كــاتب نشــط::
الصورة الرمزية بابكر مخير
 
افتراضي

يوم من بعيد الدنيا تنشاف محومرة..
تبقآ يا كتاحة جآية
ولا دي الترابة التكيل خشم البنيات
والحالة للإنهيار والسقوط هيا أيلة....
بس هي قولها؟؟
يوم من بعيد الدنيا تنشاف محومرة..
دي التاتشرات بي جنجويدها جاية.


فال الله ولا فالك



التوقيع:
بابكر مخير غير متصل   رد مع اقتباس
قديم 13-05-2022, 03:02 PM   #[9]
فيصل سعد
:: كــاتب نشــط::
الصورة الرمزية فيصل سعد
 
افتراضي

الماندولا شن نفرها و شن خبرها يا عمنا و خالنا العزيز ... شايف رافعين الكلفة تب 😅😅😅😅



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 13-05-2022, 03:06 PM   #[10]
فيصل سعد
:: كــاتب نشــط::
الصورة الرمزية فيصل سعد
 
افتراضي

اقتباس:
المشاركة الأصلية كتبت بواسطة بابكر مخير مشاهدة المشاركة
يوم من بعيد الدنيا تنشاف محومرة..
تبقآ يا كتاحة جآية
ولا دي الترابة التكيل خشم البنيات
والحالة للإنهيار والسقوط هيا أيلة....
بس هي قولها؟؟
يوم من بعيد الدنيا تنشاف محومرة..
دي التاتشرات بي جنجويدها جاية.


فال الله ولا فالك

الجنجويد ما بعمروا في وطن الجدود كتير ... شايفين تسعة طويلة ضربوها المواطنيين الاحرار في مقتل ....... الجنجويد سوف يندحروا مع الغناء الهابط و القونات و كل السخفاء ان شاء الله، و سيعود للوطن العزيز رونقه و بهاءه باذن الله ....



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 13-05-2022, 03:08 PM   #[11]
فيصل سعد
:: كــاتب نشــط::
الصورة الرمزية فيصل سعد
 
افتراضي

و انت وين مستقر هسة حبيبنا و زعيمنا بابكر مخير يا حبوب !!!!



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 13-05-2022, 04:55 PM   #[12]
بابكر مخير
:: كــاتب نشــط::
الصورة الرمزية بابكر مخير
 
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة
الجنجويد ما بعمروا في وطن الجدود كتير ... شايفين تسعة طويلة ضربوها المواطنيين الاحرار في مقتل ....... الجنجويد سوف يندحروا مع الغناء الهابط و القونات و كل السخفاء ان شاء الله، و سيعود للوطن العزيز رونقه و بهاءه باذن الله ....
اللهم أميييين
من بوئك لباب السمآ...
أنا يابا في اللندرآ.. تحت عناية الملكة وحكومتها الميمونة... ربنا يغطيها من عين الحسود (جيكسوية التسعينات في الطريق للمية)



التوقيع:
بابكر مخير غير متصل   رد مع اقتباس
قديم 14-05-2022, 07:23 AM   #[13]
عبد المنعم حضيري
:: كــاتب نشــط::
الصورة الرمزية عبد المنعم حضيري
 
افتراضي

الكمندان فيصل

لكما التحية

متابعين



التوقيع: إذا فتحت ابواب خير فأقبلوا

موائد أهل الله خير الموائد
عبد المنعم حضيري غير متصل   رد مع اقتباس
قديم 14-05-2022, 10:47 AM   #[14]
فيصل سعد
:: كــاتب نشــط::
الصورة الرمزية فيصل سعد
 
افتراضي

اقتباس:
المشاركة الأصلية كتبت بواسطة عبد المنعم حضيري مشاهدة المشاركة
الكمندان فيصل

لكما التحية

متابعين
مرحب بيك عزيزنا عبد المنعم حضيري، و حبابك ما غريب الدار 💚💚



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 15-05-2022, 05:30 AM   #[15]
بابكر مخير
:: كــاتب نشــط::
الصورة الرمزية بابكر مخير
 
افتراضي

اقتباس:
المشاركة الأصلية كتبت بواسطة عبد المنعم حضيري مشاهدة المشاركة
الكمندان فيصل

لكما التحية

متابعين
يا سلاااام وآآآآ حليلك يابا
دآ لمن الزول الزينا يلقى الدفعة في وشهو..
الدنيا ظاتها بتحلآ في طعمهو.
وبعد طشاش الشوف دآكا. بتنور وتضوي قدام عينهو.



التوقيع:
بابكر مخير غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 04:39 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.