من ذاكرة المدمرق !!! النور يوسف محمد

اوبريتـــات سودانيـــة (اوبريت) !!! عبد الحكيم

هَكَذَا يَمْضِي الغفاريون نَحْوَ الله: في رحيل مظفر النواب !!! عبد الله جعفر

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 18-05-2010, 07:49 AM   #[1]
سمراء
:: كــاتب نشــط::
الصورة الرمزية سمراء
 
Post مـــوقف مـــر بى واحتاج رأيكم !!!


ذهبنا نحن مجموعه صديقات ، الى صديقه لنا فى دارهم كزيارة دورية نقوم بها
فى كل فترة ، صديقتنا بعد الاستقبال واللاذى منو وبعد ان دارت حلقات الونسة والشمار
فى أثناء كل ذلك ، كان زوج صديقتنا جالس فى ركن من اركان الصالون يشاهد التلفزيون
بعد ان سلم علينا عند الحضور ،،
صديقتنا -صاحبة الدار- حبت اكرامنا ، فنادت على زوجها بكل دلع (ياعااااطف )
فما كان من عاطف الا وجدع الرموت فى خفة مفتعلة من يده ، وجأ فى ثوانى ..نعم ياهويدا !
هويدا وهى (قاااعدة وخالفه كراعه) : عليك الله ياعاطف عاوذين لينا شاى
عاطف (ياحليلو) : حاااااااااااااااضر عيونا

فى ثوانى كان الشاى جاهز ، ومعاهو داك يا الكيك الماخمج ، عاااااطف جهز كل شى وجابو
وختى الصينية على جنب ، وجرى حضر الترابيز قدامنا ، وجا ووزع الكبابى !!

بصراحه انا كنت فى اثناء كل ده ، ومنذ النداء الاول بتاع يا(عاااااااطف) ولحد توزيع اخر كباية فى حالة ماعرفته ليها اسم كلو كلو ، ولحد الان !!

الحصل منى النصيحه ليك يالله ، تظاهرة بانى عاذة اصلى ، ودخلته غرفة هويدا الفقر وناديته جوة ، اها لمن جاتنى قلت ليها ليه تعملى كده وتحرجى زوجك قدام صاحباتك !!
العلاقه الخاصه دى مفترض تكون بينك وبينو براكم عشان تحافظى على شكلو وماتضربى برستيجو قدام صاحباتك !!
قالت لى ياخ هو مابزعل وعادى ده تعاملنا مع بعض !وهو عمرو ما استنكر الشى ده!

اها ياجماعه الخير ....رايكم شنو انتو ؟



التوقيع:
غيرنا التوقيع عشان النور قال طويل 
اها كدة كيف ؟
<img src=images/smilies/biggrin.gif border=0 alt= title=Big Grin class=inlineimg />
سمراء غير متصل   رد مع اقتباس
قديم 18-05-2010, 07:57 AM   #[2]
جانيت
:: كــاتب نشــط::
الصورة الرمزية جانيت
 
افتراضي

عاطف راجل الهنا والسرور يايما يابت يا نظرية
تصدقي انه هو مقتنع بالشراكة البينهم كويس وده ما بينقص من قدرو حاجة
خصوصا انو شايف صحباتها وعايزة تتونس معاهم ما مشكلة لو هو عمل الشاي او حتى غيرو
وبالمقابل لمن يجو اصحابو واهلو هي حتقوم بالواجب وزياده
يعني انت الا تناديها وتنكصي عيشتها
غايتو الله يديني زي عااااااااطف ده ونكون متفاهمين ويعرف متين يخدمني ومتين ارد ليه البيعملو
سجمانه انت



التوقيع: عشان القاك
جانيت غير متصل   رد مع اقتباس
قديم 18-05-2010, 08:00 AM   #[3]
همس الشوق
:: كــاتب نشــط::
الصورة الرمزية همس الشوق
 
افتراضي

[align=right]يعني دا راجلن تاني غير راجل عواطف ؟؟؟؟


ما بعرف طريقه التعامل كانت كيف ؟؟؟
لكن على حد قولك انه لابد أنها من المفترض تحتفظ لزوجها بكرامته قدام صديقاتها ...
لو جات من عندو يعني انتو قاعدين فجاة .. جاء داخل بالشاي نقول زوق منو .. حب يساعد مرتو قدام صاحبتها ...دي ما فيها حاجة

لكن حته تناديهو دي وتقول ليهو عايزين شاي
سجم الرجال يا يمه
شينه ياخ ... في حقه
وفي حقها

يقيني أنه أي علاقة في الحياة بصرف النظر عن نوع تلك العلاقة .. صداقة .. زماله .. جيره .. حب .. زواج لازم يكون أساسها منبي على الإحترام ثم الاحترام ثم الإحترام حتى بعد داك يجي الحب والمشاعر الاخرى ...

رجال آخر زمن
يعني ما الاسد براهو
[/align]



التوقيع:

[frame="1 80"]أنا إمراة لا أنحنى لكى ألتقط ماسقط من عينى ابداً[/frame]
همس الشوق غير متصل   رد مع اقتباس
قديم 18-05-2010, 08:02 AM   #[4]
همس الشوق
:: كــاتب نشــط::
الصورة الرمزية همس الشوق
 
افتراضي

اقتباس:
المشاركة الأصلية كتبت بواسطة جانيت مشاهدة المشاركة
عاطف راجل الهنا والسرور يايما يابت يا نظرية
تصدقي انه هو مقتنع بالشراكة البينهم كويس وده ما بينقص من قدرو حاجة
خصوصا انو شايف صحباتها وعايزة تتونس معاهم ما مشكلة لو هو عمل الشاي او حتى غيرو
وبالمقابل لمن يجو اصحابو واهلو هي حتقوم بالواجب وزياده
يعني انت الا تناديها وتنكصي عيشتها
غايتو الله يديني زي عااااااااطف ده ونكون متفاهمين ويعرف متين يخدمني ومتين ارد ليه البيعملو
سجمانه انت
[align=right]لا يا جنو
في فرق كبير بين المساعده وبين الفرض
دا الشي دا مفروض عليهو
ياخ قالوا ليك قولة يا عواطف رمى الريمتو

اذا كانت جات منو ... كان نقول
لكن يُومر بيها
شينه ياخ

بعدين هي يا صاحبة السرور ما عارفه صاحباتها جايات ما تحضر حاجاتها قبل ما يجو
هسه اظنو كان متابع ليهو مسلسل تركي ... ناس ما بتريح
[/align]



التوقيع:

[frame="1 80"]أنا إمراة لا أنحنى لكى ألتقط ماسقط من عينى ابداً[/frame]
همس الشوق غير متصل   رد مع اقتباس
قديم 18-05-2010, 08:04 AM   #[5]
أسامة معاوية الطيب
:: كــاتب نشــط::
الصورة الرمزية أسامة معاوية الطيب
 
افتراضي

سمراء ؟ اسي انت مش دايرة مشاكل ؟ يعني هذا (العاطف ) يسوي الشاي ويجيبو شايلين حالو ... يسمع مرتو كلام فارغ ويقول ليها يولية شاي شنو كمان البسويهو ليكم ... تطلعوهو ضد (الجندر) يرمي ريموتو بخفة ... تطلعوهو من القبيلة ... يعاين لي تلفزيونو - في امانة الله - يما يملا عينكم ؟
بيني وبينك عاطف زاتوووووو البيقعدو شنو في جنس المحل دا ؟ ياهو يسوي الشاي سواهو بلى يخمو
قتي لي كيكو كارب ؟ كدي أسألي هويدا دي عليك الله الكيك العملو منو ؟ عشان نحدد موقفنا ...
والله لكن راجل كارب ...
دا تعرفي بيكون شغال بالمثل القائل : اظبط شايك ... وكرّب الكيك ... يحتار عدوك فيك



أسامة معاوية الطيب غير متصل   رد مع اقتباس
قديم 18-05-2010, 08:05 AM   #[6]
wadosman
:: كــاتب نشــط::
 
افتراضي

اليومين ديل حاصل شنو..؟؟؟

مره اسد و مره عااطف...

الله يدينا خيركم..



wadosman غير متصل   رد مع اقتباس
قديم 18-05-2010, 08:09 AM   #[7]
سمراء
:: كــاتب نشــط::
الصورة الرمزية سمراء
 
افتراضي

اقتباس:
المشاركة الأصلية كتبت بواسطة جانيت مشاهدة المشاركة
عاطف راجل الهنا والسرور يايما يابت يا نظرية
تصدقي انه هو مقتنع بالشراكة البينهم كويس وده ما بينقص من قدرو حاجة
خصوصا انو شايف صحباتها وعايزة تتونس معاهم ما مشكلة لو هو عمل الشاي او حتى غيرو
وبالمقابل لمن يجو اصحابو واهلو هي حتقوم بالواجب وزياده
يعني انت الا تناديها وتنكصي عيشتها
غايتو الله يديني زي عااااااااطف ده ونكون متفاهمين ويعرف متين يخدمني ومتين ارد ليه البيعملو
سجمانه انت
غايتو ياجانيت اوعك تانى تقولى قريبتى يابت !! يابت شراكة شنو ؟
انا غايتو بصراحه الموقف ده مابلعتو ، انا فى فهمى (المتخلف) ده انو اى علاقه عندها خصوصيته ، يعنى انا مابرفض حتى المشاركة فى الحياة بمختلف اشكالها ....بس ده بكون فى حدود ! بمعنى انو المساعدة بالزات فى بعض الاعباء المنزلية ، بتكون بينى وبينو ، وبرانا
بس ياخ قدام زميلاتى ، او الضيوف مستحيل اقبل انو زوجى يخدم علينا !

انت عارفه بعد طلوعنا ، كل البنات استنكرو الحركة دى ، واشتغلت القطيعه فى (عااااااطف)
وانها حبت تثبت للبنات شوفونى انا لابساهو خاتم .

ياجانيت نحن لسه مجتمع عائش بالنظرة الذكورية الاتشربنا بيها ، ومابنقدر نتجاوذ ككتير من المفاهيم ، بالزات مفهوم الراجل الاترسم لينا فى مخيلتنا ...
بالرغم من انو شبه (انعدم )



التوقيع:
غيرنا التوقيع عشان النور قال طويل 
اها كدة كيف ؟
<img src=images/smilies/biggrin.gif border=0 alt= title=Big Grin class=inlineimg />
سمراء غير متصل   رد مع اقتباس
قديم 18-05-2010, 08:10 AM   #[8]
فتحي مسعد حنفي
:: كــاتب نشــط::
الصورة الرمزية فتحي مسعد حنفي
 
افتراضي


اذا أتتني مذمة من ناقص فهي شهادة لي يأني كامل



التوقيع: شيخ البلد خلف ولد..
سماهو قال عبد الصمد..
كبر الولد ولامن كبر نهب البلد..
ما خلي زول ما قشطو..
وآخر المطاف بقي شيخ بلد..
عجبي..
فتحي..
فتحي مسعد حنفي غير متصل   رد مع اقتباس
قديم 18-05-2010, 08:13 AM   #[9]
سمراء
:: كــاتب نشــط::
الصورة الرمزية سمراء
 
افتراضي

اقتباس:
المشاركة الأصلية كتبت بواسطة همس الشوق مشاهدة المشاركة
[align=right]رجال آخر زمن
يعني ما الاسد براهو
[/align]
الاسود يابتى ماتت اظنها مع الرجال ......
فى كررى
ياهمس حقو عاطف ده يعرس عواطف ، ونخلص نحنا زااااااااتنا
بس بينى وبينك الغلطان منو اسع !!

عااااااطف ....ولا هويدا الحقارة ؟؟



التوقيع:
غيرنا التوقيع عشان النور قال طويل 
اها كدة كيف ؟
<img src=images/smilies/biggrin.gif border=0 alt= title=Big Grin class=inlineimg />
سمراء غير متصل   رد مع اقتباس
قديم 18-05-2010, 08:21 AM   #[10]
جانيت
:: كــاتب نشــط::
الصورة الرمزية جانيت
 
افتراضي

يابنات هي
شنو عاطف عواطف
انا غايتو في راي لو الراجل قام عمل حاجة في بيتو ليها ولا لي صحباتها ما بينقص منو حاجة
بس طبعا علي حسب طريقة الطلب المن مرتو

يعني طايرة ليكم قطيعه بس يا سمرا

بس البيمشي بالهرشة ده ويعمل حاجة غصبا عنو ده كلو نواقص
انا شخصيا لو راجلي ما حاحترمو تاني

بس لو بالطلب الرقي ونوع من المساعده احييهو واديه وسام الحياة الزوجية المثالية



التوقيع: عشان القاك
جانيت غير متصل   رد مع اقتباس
قديم 18-05-2010, 08:45 AM   #[11]
سمراء
:: كــاتب نشــط::
الصورة الرمزية سمراء
 
افتراضي

اقتباس:
المشاركة الأصلية كتبت بواسطة أسامة معاوية الطيب مشاهدة المشاركة
سمراء ؟ قتي لي كيكو كارب ؟ كدي أسألي هويدا دي عليك الله الكيك العملو منو ؟ عشان نحدد موقفنا ...
والله لكن راجل كارب ...
دا تعرفي بيكون شغال بالمثل القائل : اظبط شايك ... وكرّب الكيك ... يحتار عدوك فيك
ههههههههههههههههههههههههههههه
غايتو يا اسامة شكيت محنك للخلقك
هسع انت الحرقك فى الموضوع ده اوع يكون موقف مشابه (سويت)فوقو الشاى
ياخ انا ماضد الناس تساعد بعض ، بس النصيحه ليك يا الله كان عندى راجل مابخليهو يساعدنى قدام صاحباتى ولا قدام اى ككو ...حتى اولادى !!
ياخ هيبة الراجل دى لازم الناس تحفظه !!

ملحوزة: الكيك بعد التقصى عرفنا انو عاطف كان ليهو الضلع الكبير فى عملو ؟



التوقيع:
غيرنا التوقيع عشان النور قال طويل 
اها كدة كيف ؟
<img src=images/smilies/biggrin.gif border=0 alt= title=Big Grin class=inlineimg />
سمراء غير متصل   رد مع اقتباس
قديم 18-05-2010, 09:00 AM   #[12]
أسامة معاوية الطيب
:: كــاتب نشــط::
الصورة الرمزية أسامة معاوية الطيب
 
افتراضي

اقتباس:
المشاركة الأصلية كتبت بواسطة سمراء مشاهدة المشاركة
ههههههههههههههههههههههههههههه
ملحوزة: الكيك بعد التقصى عرفنا انو عاطف كان ليهو الضلع الكبير فى عملو ؟
قت لي !!!
طيب بالمرة أسألي الست هويدا دي ودت الشيلة كم كم
ينوبك ثواب



أسامة معاوية الطيب غير متصل   رد مع اقتباس
قديم 18-05-2010, 09:04 AM   #[13]
زول الله
:: كــاتب نشــط::
الصورة الرمزية زول الله
 
افتراضي

ياسلاااام ياخ
عاطف دا نوع جديد من الرجال بسوي الشاي ويرص الترابيز ويوزع الكبابي
المشكلة يجي نوع تاني يلُخ الحنة وبرضو قدام الصحبات
انتو الوداكم عندهم شنو زاتو


جنبية:
زعلتك كيفتني في حناني

اسمعي بيتكم بي وين وأبوك بكون قاعد متين ؟؟؟؟؟؟؟











اقول قولي هذا واستغفر الله لي .............




التوقيع:

انا يوماتي أردد إسمِك بعد الحمدو "مكان الآية"
لما وحاتِك -من أشواقي- حِفِظ القول خيط المُـصلاية



أبــداً ماهُنـتَ ياســـوداننا يـومـاً علـينا

زول الله غير متصل   رد مع اقتباس
قديم 18-05-2010, 09:09 AM   #[14]
سمراء
:: كــاتب نشــط::
الصورة الرمزية سمراء
 
افتراضي

اقتباس:
المشاركة الأصلية كتبت بواسطة wadosman مشاهدة المشاركة
اليومين ديل حاصل شنو..؟؟؟

مره اسد و مره عااطف...

الله يدينا خيركم..
ومرة اتحمل أسايا

بالله ياود عثمان دى مناسبة دايرة ليها اغنية كااااااربة من شاكلة
بالضراء ان شاءالله راجل مرة يا ابشراء

الواحده تقول كده وتقعد تحنس لحد مايجى ، تقوم تضفرو !!
نسوان مناعيل شكيتهن للخلقن
يستاهلن البورة



التوقيع:
غيرنا التوقيع عشان النور قال طويل 
اها كدة كيف ؟
<img src=images/smilies/biggrin.gif border=0 alt= title=Big Grin class=inlineimg />
سمراء غير متصل   رد مع اقتباس
قديم 18-05-2010, 09:13 AM   #[15]
سمراء
:: كــاتب نشــط::
الصورة الرمزية سمراء
 
افتراضي

اقتباس:
المشاركة الأصلية كتبت بواسطة أسامة معاوية الطيب مشاهدة المشاركة
قت لي !!!
طيب بالمرة أسألي الست هويدا دي ودت الشيلة كم كم
ينوبك ثواب
قالت ماودت الشيلة ، عملت ليهو مسكول جاء براهو شاله

اسامة ياخ النصيحه فى نسوان الواحدة بتبوبر قدام صاحباته بانها لابسه راجله خاتم ، وانو بعمل كده ، وبغسل ليها العدة ، وبحمم الشفع .....الخ !!
انا بالجد بحتقر الحركة دى ، يعنى الواحده مفترض تقدر مشاركة زوجها من باب خصوصية الحياة، موش من باب شوفونى انا والله راجلى لابساهو خاتم ، وعافصاهو مداس !

وضد الراجل افجخى بصلة ، قبل مايبقى اصلة



التوقيع:
غيرنا التوقيع عشان النور قال طويل 
اها كدة كيف ؟
<img src=images/smilies/biggrin.gif border=0 alt= title=Big Grin class=inlineimg />
سمراء غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:13 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2022, vBulletin Solutions, Inc.