راكوبة المجادعات.. النمة والدوباي

[أبو دعد]

المشاركة الأصلية كتبت بواسطة مواهب

ياسيد الديار مرحب حباب صداتك.....
سامعين من قديم شوتك وجمال صداتك.....
الخلانى أرجع تانى أدوبى واقيف فى قصادك ...
حرّيق البنات ناس جيجى لبخراتك

سبحان ربى العزيز و اهب
و كم خصاك بى علم ومواهب
حت فى الدوبيت سهمك ساهب
احفك ربى من كل شريا مواهب

[مواهب عبد العزيز نقد الله]

المشاركة الأصلية كتبت بواسطة أبو دعد

سبحان ربى العزيز و اهب
و كم خصاك بى علم ومواهب
حت فى الدوبيت سهمك ساهب
احفك ربى من كل شريا مواهب

أبو دعد الكريم أدخل دحين لا جوّة .........
مشتاقين كتير ,قسما" وحات الخوّة ........
قول للهم خلاص أبعد وفرّمن كوّة .........
ديل أخوانى جو , أفزعنى يا ابو مرّوّة .....

[أبو دعد]

المشاركة الأصلية كتبت بواسطة مواهب

أبو دعد الكريم أدخل دحين لا جوّة .........
مشتاقين كتير ,قسما" وحات الخوّة ........
قول للهم خلاص أبعد وفرّمن كوّة .........
ديل أخوانى جو , أفزعنى يا ابو مرّوّة .....

فزعك يا ام وضيب نرمى ليهو فى الودع
و يا ما تشوفى فعايلن سيدا بلحيل مبدع
قولى لى ابو الريش خلاص للميس ودع
نزل صقر الجو البخم البيض و المفقع

[أبو دعد]

كبستى يا الحلة الليلة بقيتى ضلام
وعلمنا الله من زولا نقولو سلام
الزول المتلج جسيمو دا الحمام
هرد الكبدة غورجرحو فى ابدمام

[تماضر حمزة]

فلاش باك ياميّ

زولي الفي الوصف حاقق جوايز وكاس
ستّار للعروض ..بتشاوروهو الناس
راقي ،سمح،مهندّم وفي الحديس ونّاس
واسمك مابقول يالباقي ليّ وسواس

[أسامة معاوية الطيب]

المشاركة الأصلية كتبت بواسطة تماضر حمزة

فلاش باك ياميّ

زولي الفي الوصف حاقق جوايز وكاس
ستّار للعروض ..بتشاوروهو الناس
راقي ،سمح،مهندّم وفي الحديس ونّاس
واسمك مابقول يالباقي ليّ وسواس

الله لا كسبو

[تماضر حمزة]

المشاركة الأصلية كتبت بواسطة أسامة معاوية الطيب

الله لا كسبو

[أبو دعد]

المشاركة الأصلية كتبت بواسطة تماضر حمزة

فلاش باك ياميّ

زولي الفي الوصف حاقق جوايز وكاس
ستّار للعروض ..بتشاوروهو الناس
راقي ،سمح،مهندّم وفي الحديس ونّاس
واسمك مابقول يالباقي ليّ وسواس

كتير القرا حروفك و قعد يشابا
و قال خلاص انغرس فى نشابا
ايقونت مى زى جمر... الهشابا
وصفك ليهو مربوع لاهسع ما شابا

[تماضر حمزة]

المشاركة الأصلية كتبت بواسطة أبو دعد

كتير القرا حروفك و قعد يشابا
و قال خلاص انغرس فى نشابا
ايقونت مى زى جمر... الهشابا
وصفك ليهو مربوع لاهسع ما شابا

شوقا للنميم عِلّا المرابيع ..جافية
وشوقاً للصحاب ضمّنتو بيتاً وقافية
وشوقاً للحبيب الفيو قساوة ألمافيا
يضرب بالرصاص روحاً تريدلو العافية

^_^