راكوبة المجادعات.. النمة والدوباي

[خالد غالي]

ركايب ريدك الدخلن قليبي محبّة
اشعل نار غرامي كل مانسيمك هبا
لو ماني خايف ريدك يبقى لي مسبا
بدفعو كل عمري بس القى لي فد لبّة




زمن والله ياخي ... زمن

[تماضر حمزة]

المشاركة الأصلية كتبت بواسطة خالد غالي

ركايب ريدك الدخلن قليبي محبّة
اشعل نار غرامي كل مانسيمك هبا
لو ماني خايف ريدك يبقى لي مسبا
بدفعو كل عمري بس القى لي فد لبّة




زمن والله ياخي ... زمن

هاك تحت الحساب لامن اجيك تاني

شراب البن غرامو وبكريو محال إتنّن
قطّاع معصم الليد الصباعا مَحنّن
مابنساهو هن مت بي وراو واتجنّن
الأمياقو رامحة وسام سهمها مَسنّن

[سارة]

المشاركة الأصلية كتبت بواسطة خالد غالي

ركايب ريدك الدخلن قليبي محبّة
اشعل نار غرامي كل مانسيمك هبا
لو ماني خايف ريدك يبقى لي مسبا
بدفعو كل عمري بس القى لي فد لبّة




زمن والله ياخي ... زمن

ركايب ريدك السًون قليبى وسادة
زاد الشوق على ونار الغرام وقًادة
لو ماخايف الملام ريدك بعبدو عبادة
بديك العمر الفات واللى جاى هوادة


هيييييييييييييع وتانى هيييييييييييييييييع

[خالد غالي]

النفس ياتماضر .. النفس عديييل تقولي لي بن ؟


النفس ياحبيب انا اوكسجيني هواك
مابطيب لي مقام تلقاني دوم في رجاك
من ماغبت مني ات قلبي شلتو معاك
ان شاء الله يعدمو النبض لو اي يوم ينساك

[سارة]

المشاركة الأصلية كتبت بواسطة تماضر حمزة

الويل والهلاك لي قلبي كان بيباصرو
زولا للجمال حدّد مكامنو وحاصرو
أنا ياخِلّي شر الدنيا دايماً قاصرو
مالي ومال هواو اللي أذايا بناصرو

الويل والهلاك فى قلبى سكنن ضمة
زولا من جمالو طاوى الرويح زى عمة
يا خلاى ريدو ادانى السهر والحمى
لو فى الطيف يزورنى بسعد كتير وانجمى

[سارة]

المشاركة الأصلية كتبت بواسطة خالد غالي

النفس ياتماضر .. النفس عديييل تقولي لي بن ؟


النفس ياحبيب انا اوكسجيني هواك
مابطيب لي مقام تلقاني دوم في رجاك
من ماغبت مني ات قلبي شلتو معاك
ان شاء الله يعدمو النبض لو اي يوم ينساك

النفس يا حبيب انا اوكسجينى لماك
ياعالى المقام غاية منايا رضاك
الروح بـ يمينك وقلبى فى يسراك
مهما قسيت عليا انا برضو بستناك

[تماضر حمزة]

المشاركة الأصلية كتبت بواسطة خالد غالي

النفس ياتماضر .. النفس عديييل تقولي لي بن ؟


النفس ياحبيب انا اوكسجيني هواك
مابطيب لي مقام تلقاني دوم في رجاك
من ماغبت مني ات قلبي شلتو معاك
ان شاء الله يعدمو النبض لو اي يوم ينساك

النفس البخم ريدة حبيبي امامي
يالتلت الاخير شايل معاهو قيامي
الزول كان حنين ومالك معاي الهامي
بكتب للصباح لو طيفو بس.. قدامي

[شبارقة]

نضَـميكم سمح بالحيل ... ما بنعرف نجاريكم .. لكن أقل حاجة واجبة علينا هي الإشادة والإعجاب بما تنثرونه هنا ... شكرا ً لكم ... أستمروا في هذا العطاء وما تقيفوا .. ومزيد من الدهشة والجمال ... مبدعين والله.

[خالد غالي]

المشاركة الأصلية كتبت بواسطة سارة

النفس يا حبيب انا اوكسجينى لماك
ياعالى المقام غاية منايا رضاك
الروح بـ يمينك وقلبى فى يسراك
مهما قسيت عليا انا برضو بستناك

في انتظار الحبيب ياسارة انا قلبي اتحرّق
وباقي العمر من بين اليدين اتسرّق
انهل من كلامو ومن حلاتو اتشرّق
من طيفو بس تلقي الجسم اتعرّق

[تماضر حمزة]

الليل انختم بالقالو هو ووصّابو
أخطيت في العشق لكن غرامك صابو
كايل الريد وزونو وزدت ليهو نصابو
الحارق قلبي حدّو متلجاات أعصابو


يكون مالو

[تماضر حمزة]

المشاركة الأصلية كتبت بواسطة خالد غالي

في انتظار الحبيب ياسارة انا قلبي اتحرّق
وباقي العمر من بين اليدين اتسرّق
انهل من كلامو ومن حلاتو اتشرّق
من طيفو بس تلقي الجسم اتعرّق

الريد البشيق في همي غرِّب وشرِّق
من لهجو القبيل للليلة أنا مِتشرّق
كامن بالعشق لي قلبو ياني مِشرِّك
من شدة حَلاو بطفينا ثمّ يحرِّق

شوشوة مبالغة

[سارة]

المشاركة الأصلية كتبت بواسطة تماضر حمزة

الليل انختم بالقالو هو ووصّابو
أخطيت في العشق لكن غرامك صابو
كايل الريد وزونو وزدت ليهو نصابو
الحارق قلبي حدّو متلجاات أعصابو


يكون مالو

الليل انتلت والشوق غرز نشًابو
يا مالك القلوب اقسمنى من احبابو
كيل الريد وزيد فى الحب تملى نصابو
شاوى قليبى شى ومتل التلج اعصابو

[خالد غالي]

هوي هوي

واضح جدا انو انا مابقدر عليكم انتو الاتنين

هروووووووووووووووووووووووووب

[سارة]

المشاركة الأصلية كتبت بواسطة شبارقة

نضَـميكم سمح بالحيل ... ما بنعرف نجاريكم .. لكن أقل حاجة واجبة علينا هي الإشادة والإعجاب بما تنثرونه هنا ... شكرا ً لكم ... أستمروا في هذا العطاء وما تقيفوا .. ومزيد من الدهشة والجمال ... مبدعين والله.

يسمح حالك انت خليك تملى حدانا
بالنم والكلم نشرب وتروى معانا
بنسعد بمجيكم وكلماتكم النديانة
نضرب بالحروف لا حراب ولا جبخانة

[سارة]

المشاركة الأصلية كتبت بواسطة خالد غالي

هوي هوي

واضح جدا انو انا مابقدر عليكم انتو الاتنين

هروووووووووووووووووووووووووب

ما بينفع هروب وانت البديتها حرابة
سويت بالعشق والم الفراق كترابة
ويا بادى الشبك شبك الغرام اتشابا
انت رسول غرام وانحنا ليك صحابة


هروب نهى نهى يا خالد