اقتباس:
المشاركة الأصلية كتبت بواسطة شهاب كرار
محمد قرشي - وهو مسلم ملتزم تماما - لديه رأي في موضوع الاعجاز العلمي
ويظن ان بعض الشيوخ يفسرون الايات بشكل جزافي للعثور على إعجاز
ويقول ان الدين ليس بحاجة لمثل تلك التلفيقات
أظن من الافضل انتظاره لينتهي من الامتحانات لقول رأيه بوضوح حول ملاحظتك ياسمراء وهو موضوع ثر وجيد للنقاش.
لك كل الود والتقدير
|
محمد قرشي تطير عيشتو
يكتب على عجل تجي بدور تقول بتجرس من النقاش
أسيب الكتابة يجي شهاب يستشهد بي
غايتو بس ضمان كده النوريكم المعاي في الرأي الفوق ده منو:
الإمام الشاطبي
الشيخ محمد شلتوت (الأزهر الشريف)
سيد قطب
محمود شاكر
عباس محمود العقاد
بنت الشاطيء
عبدالحليم محمود
أمين الخولي
محمد مصطفى المراغي
و آخرون ..
فدحين أنا المسكين ده شنو قصاد ديل !!
لكن مادام مافي واحد فيهم عنده حساب بسودانيات
ممكن أجي يوم بعد الإمتحانات و أفتح بوست لوجهة النظر المتجاهلنها الناس دي !!
بوستك سمح يا شهاب
لكن المؤمنين ما ريحوك ..
شي قيامة و شي إعجاز ..
و شي مبحث الوجود
..
يا ناس هوي ..
الموضوع ده علمي و جميل
فدحين ختوا الكورة واطة و هدوا اللعب شوية
سلام