القرج -قصاصات شاردة
ساحة النشاط الطلابي في القرون الوسطي(السنين التي درسنا فيها) قبل ميلاد الجيل الحالي :
تعج بالسابلة بمختلف الوانهم حزب الجني جداد الارستقراطي احزاب العديل والزين المتحدة وهلمجرا
ترمق امال نابغ بطرف خفي وهو يقضم من الهامبورجر ولعابة يسيل في الكاتشب كاي فيل في حديقة الحيوان الجديدة يقال ان الاسد انتحر بعد ان رحلوا الحديقة القديمة لان مسكنه كان بجوار اللبوة وفي مقره الجديد استبدلوا جيرانه بنعامة طائشة غير مستقرة والاسد يكره النعامة لانها اطول منه(قنبلة)
حسب فهم(الككو)
القرنتية ام شلاضيم كان لها راي اخر فحسبت علي الطابور الخامس خصوصا انها لاتدلي باصواتها نهائيا ولها راي مخالف في اسس ادرارة الازمة الحالية بين قطاع غزة وحكومة الخنازير اليهودية كيف لا وقد قتل اطفال غزة وترملت نساء غزة ونحن يادوبك بنربط في شنطنا ونسمع وصيات زوجاتنا (هي ماتخالف الجماعة) اكان قالوا وقف اطلاق النار اوعاك تلعلع وتقول لا والف لا يسقط الخونة والعملاء اكان قالوا هدنة مؤقتة اوعاك تنسي تشتري لي شبشب المرقة خصوصا عرس ناس ريماز قرب وماتنسي تجيب معاك لوائل جزمة منتظر الزيدي بلون بني عشان اليومين الجامعة وكده.
التيس مخاطبا الغنماية اتصوري عندي (ميتنق) مهم اون تيوسداي خلي بالك من السخلان لانو عربيتي احتمال تبنشر ( دعواتي ليك االفنجري المابتشبه التيوس ابودقينتا محفوفة وقالوا القسمة مامعروفة خت بالك من السخيلات السغار( قالوا ختافات تيوس) ماسامعن اليومين دي بغنن(تيس الغنماية حلو حلا).
انتهي البيان:
نعود لساحة النشاط
عفصتني يا اتا
خت بالك من موبايلي الشيطان الرجيم
موبايلي ماركة المرحوم
دخل ساحة النشاط الطلابي رجلا تجاوز الاربعين بقليل خطوت نحوه تناولت فطوري معاهو نظرنا سويا للساحة ( ياخوي زمنا دالك ماكان في موبايلات والله اهلك مايعرفو خبرك الا وكت تقبل علي السوق الشعبي)
هسي : اتعشيت مع منو
اوعاك تباري جداد الخلا ليوديك الكوشة
عربيتي الليكزز استلفا بابا
تودد اختي امبارح سرقو موبايلا التلاتين اربعطاشر فاصل عشرة
علي فكرة اليومين دي الطقس عندنا رهيب
اطلق الرجل عقيرته علي بالطلاق انا البدفع الحساب
سكتت ساحة النشاط الطلابي
بدات همهمات وسط الطلاب:
رهيب
هاي دي الرمجلة
عاجبني
ذكرني بالمرحوم جدي
هي انا سمعتا الحلفة دي وين
ارجوك عمو نزل لي المقطع ده نغمة
في اليوم التالي اتصلت هند علي ريماز لتخبرها ان اللكاشر اتلغت
رن تلفون ريماز ( عليييييي بالطلاق) تررن تررن( علي بالحرام)
سالتها جارتها رهيب صابر الرباعي ده
اقيف جنبك بالبلوتوث ونزلي لي اللعب ده
سال التيس صاحب الركشة التي اقلته لمكان عمله
بالله هسي انتا بتاخد كم
خمسة وعشرة ليرة اقصد جنيه
والركشة دي بتاعت منو
بتاعت واحد تيس قريبنا هاجر مشي استراليا
امم
تمام ياولدي الشغل ماعيب
حزب الجداد ينوي ترشيح نفسه بالقائمة ادناه:
ديك العدة
ديك المكوة
ديك ود امام
ديك الهايفات
ممثلين لمختلف اطياف الديوك
جدادة واحدة عن تيار السواسيو
تامر لصاحبه علي يمينه( شنو يامان شايف الكافتيريا الليلة ملانة قرج ساكت)
ياعمك والله امبارح كانت فيها جنس مزز
ابوي الغريبة الليلة سالني قال اول من رفع علم الاستقلال منو
اتحكحكت وقلتا ليهو غايتو واحد فيهم ياسلن ديون ولامايك تايسون غايتو
مش قالوا البلد كان فيها انجليز وكده
الاسد في قمة احباطاته هوي مخاطبا النعامة ( هوي ياهبلة ام سواقين) والله اكلم ليك البوليس شايف امبارح قاعدة( تحنكي) بعدين قلبتيها شي تاني
ها الرجال بانت هسي القدرك يقدل في مجاهل افريقيا وانت قاعد الشفع يتفرجوا فيك
الاسد مطرقا راسه صدقتي ياختي
ملعون ابو اليوم الوداني اتحاوم في ضهاري كينيا
لموا فيني الجماعة ديل وزوط علي البندر
اتصوري انا هنا من زمن الحكم الثنائي
حضرت رفع العلم
وحكومة البكباشي منو مابتذكرو
وحضرت حكومة عبود
وانقلاب هاشم العطا
وانقلاب نميري
انتفاضة ست ابريل المسمين عليها حديقتنا الزمان
ساحة النشاط الطلابي تقف حنان امام الكاشير
اديني هامبورجر ومايونيز ومعاهو ظرف كاتشب وعصير واتنين سفري هوت دوق
رجل الاربعين ( اقين) واقف قدامي
وين يادفعة
ياحليل فطورنا البوش ومواصلاتنا الدفارات والتاتات التي ينهب الارض ومابتقيف الا في بوابة عبد القيوم
التفتت احدي القرجاويات
علي يافكرة ياعمو عبد القيوم ده منو ؟؟؟
والطابية دي شنو
وابروف ده منو
وشارع العرضة ليه سمو كده عشان اتجاهين ولاشنو
وبعدين حوش الخليفة ده شنو؟؟؟؟
ابتي انتي دايرا ليك حصة جغرافيا وتاريج ومازميتكس
سلام
|
