راكوبة المجادعات.. النمة والدوباي

[سارة]

المشاركة الأصلية كتبت بواسطة طارق صديق كانديك

الشوف بالقلب وقلبك كبير يا السادة
والنظرة ان بقت منك معاها زيادة
قولة شو تغرّق مطرا معاهو رعادة
والبكاء في الغرام سبقونا ناس ولادة

الشوف بالقلب وانتو القليب مالكنو
ونظراتكم شفى لو مرة ..مرة تحنو
هالكنا الفراق وارواحنا هامو وجنو
البكاء والنحيب حتى المآقى أبـــنو

[مي هاشم]

المشاركة الأصلية كتبت بواسطة سارة

الشوف بالقلب وانتو القليب مالكنو
ونظراتكم شفى لو مرة ..مرة تحنو
هالكنا الفراق وارواحنا هامو وجنو
البكاء والنحيب حتى المآقى أبـــنو

انتي جنيتي..أخير انوم عشان ما تعاديني

[سارة]

المشاركة الأصلية كتبت بواسطة مي هاشم

انتي جنيتي..أخير انوم عشان ما تعاديني

[شهد]

يا ناس الحرف عارفين دروبو وفنو
جيناكم ناس سهر عيونا الرقاد جافنو
لا عرفنا الوصول ولا البعاد قادرنو
بس نبقى حداكم اتو والبال يريح ظنو

[سارة]

المشاركة الأصلية كتبت بواسطة شهد

يا ناس الحرف عارفين دروبو وفنو
جيناكم ناس سهر عيونا الرقاد جافنو
لا عرفنا الوصول ولا البعاد قادرنو
بس نبقى حداكم اتو والبال يريح ظنو

حباب ست النضم حرفك عرفنا دروبو
كاتلنا السهر ومرضنا ما دريــوبو
قاطعين الوصال قلوبنا ما بيتوبو
خليكم حدانا رجوعنا قاسية دروبو

[nezam aldeen]

المشاركة الأصلية كتبت بواسطة سارة

حباب ست النضم حرفك عرفنا دروبو
كاتلنا السهر ومرضنا ما دريــوبو
قاطعين الوصال قلوبنا ما بيتوبو
خليكم حدانا رجوعنا قاسية دروبو

حبابك شهد وبختك ،، رحبتبيك سارا ،،،،

وذي ماعد بقول وصفا بدورولو بصارا ،،،،

قلما مانبض حاميها ضيفها وجارا ،،،،

سطرا ذي بحر وانحنا فيو بحارا ،،،،

[سجمان]

المشاركة الأصلية كتبت بواسطة سارة

الشوف بالقلب وانتو القليب مالكنو
ونظراتكم شفى لو مرة ..مرة تحنو
هالكنا الفراق وارواحنا هامو وجنو
البكاء والنحيب حتى المآقى أبـــنو

يا سلاااااااااام
يا زمان هل من عودة هل؟؟

مرسالي البجيك يالسارة مات جامليلو
وحس النم معاك إسّرعي وناغميلو
يا خيتي الزعل خليني من تأويلو
يا نمك معاي اعضايا جت تأويلو

نظام حناثة وكدا عاملة سكاكاتك الطوال ديل

[أبو أماني]

المشاركة الأصلية كتبت بواسطة سجمان

يا سلاااااااااام
يا زمان هل من عودة هل؟؟

مرسالي البجيك يالسارة مات جامليلو
وحس النم معاك إسّرعي وناغميلو
يا خيتي الزعل خليني من تأويلو
يا نمك معاي اعضايا جت تأويلو

نظام حناثة وكدا عاملة سكاكاتك الطوال ديل

السجمان حويلتك تحنن قليب الكافر ..
تدودر في الغــزال وهو منك .. نافر ..
شايف الشوق غلب ولمشاعرك ضافر
ما بشوف ليك حل..عيلا..ليه تسافر!
*** *** ***
كاااااااااااااك !!!

[عبد المنعم حضيري]

المشاركة الأصلية كتبت بواسطة أبو أماني

السجمان حويلتك تحنن قليب الكافر ..
تدودر في الغــزال وهو منك .. نافر ..
شايف الشوق غلب ولمشاعرك ضافر
ما بشوف ليك حل..عيلا..ليه تسافر!
*** *** ***
كاااااااااااااك !!!

السجمان معلّق بيين التريا وجارا
معذور كان سرقو الدمع وإنجارا
المازيهو قاطع كبدو جابلو حرارة
نافر ديمة من خلق الله جت ينضارا

[سجمان]

المشاركة الأصلية كتبت بواسطة أبو أماني

السجمان حويلتك تحنن قليب الكافر ..
تدودر في الغــزال وهو منك .. نافر ..
شايف الشوق غلب ولمشاعرك ضافر
ما بشوف ليك حل..عيلا..ليه تسافر!
*** *** ***
كاااااااااااااك !!!

الناس القبيل يا خلي زادو عويلي
منشرين بعيد ديل عاجبم بهديلي
يا عيس ود شكير قوم للغفار أطويلي
لافيني الفجر عند المسهد ليلي

[فخري الزين]

المشاركة الأصلية كتبت بواسطة سجمان

الناس القبيل يا خلي زادو عويلي
منشرين بعيد ديل عاجبم بهديلي
يا عيس ود شكير قوم للغفار أطويلي
لافيني الفجر عند المسهد ليلي

الناس القبيل ياخلي زادو نواحي
ساكنين بعيد في الطرف وضواحي
خلوني لي اسمي ناسي وماحي
و مسهي ليلي كلو ﻻمن اﻻقي صباحي

[سجمان]

المشاركة الأصلية كتبت بواسطة فخري الزين

الناس القبيل ياخلي زادو نواحي
ساكنين بعيد في الطرف وضواحي
خلوني لي اسمي ناسي وماحي
و مسهي ليلي كلو ﻻمن اﻻقي صباحي

الناس القبيل يا خلي زادو البهجة
نازلين بالغرام بين الرموش والمهجة
الصلاح عموم حمد البفك الزهجة
تلفو الفي الغرام بالفرقة مدهوج دهجة


الفخرنجي كيفنك نعلك عافية