راكوبة المجادعات.. النمة والدوباي

[طارق صديق كانديك]

المشاركة الأصلية كتبت بواسطة أحمد محمد زين حسين

يا كانديك اخوي انا زولي خابر سيرتو
حالي كلامو لين طبعو صافية سريرتو
الخلا القليـب طافش وعمياء بصيرتو
قدلاتو المتل جدي العـزاز في مسيرتو

بغران من أرض مشى فيها بي تنيتو
الباب ابتسم وكت انتكل في جيتو
وصاحبنا الخنق بلع الاكل بالفيمتو
الزول كان كِتل في المتلوعافين ديتو

[تماضر حمزة]

المشاركة الأصلية كتبت بواسطة أحمد محمد زين حسين

يا كانديك اخوي انا زولي خابر سيرتو
حالي كلامو لين طبعو صافية سريرتو
الخلا القليـب طافش وعمياء بصيرتو
قدلاتو المتل جدي العـزاز في مسيرتو

زولي الجد بريدو وباهية دايما سيرتو
راقي صحيح مهندم وافية صحبة جيرتو
صافية روحو ونيتو معدومة فوقو جريرتو
سوّاي الحنين الريدتي باقية ضريرتو

أيووووووووي

[تماضر حمزة]

المشاركة الأصلية كتبت بواسطة طارق صديق كانديك

بغران من أرض مشى فيها بي تنيتو
الباب ابتسم وكت انتكل في جيتو
وصاحبنا الخنق بلع الاكل بالفيمتو
الزول كان كِتل في المتلوعافين ديتو

بغران من أرض ساقت علينا خطاهو
الزول السمح وفاق القمر محياهو
في الريد والحنين مين البقول بسواهو
مابنساهو هن هدّد علينا سماهو

[تماضر حمزة]

المشاركة الأصلية كتبت بواسطة أبو دعد

الزول يغيب و يلقى الناس سوا الفوت
الكلام يرصوهو ذى التقول غقد ياقوت
الناس جروحا تنذف بالضمى و انا يوت
حالىذى المكبر بى سيف و ضاربنو سوط

يوت =يومى
بالضمى =يوم بعد يوم

الزول البغيب في بالنا دايما حاضر
سوّاي السمح يأمر نرد بي حاضر
هن زاد الغياب فات الزمان الحاضر
بشكيو للقليب مابين حنين و محاضر

[طارق صديق كانديك]

المشاركة الأصلية كتبت بواسطة عثمان السمري

ودكانديك يمين صبر الصبر من صبري
ودمع العين نشف والشوق محير فكري
مخضوب البنان كل يوم مضيق شبري
عالي قوامو حالي كلامو قهوة بكري
*

ود السمري اخوي قالو الزرع من بدري
هي شتيلة المطور هن تدري او لاتدري
تملأ العين تكيل .. هاك النقولك ندري**
بلفاها ان حييت .. وعقبا بيوسع سدري


* درج (المتعاطون) للدوبيت على الشكل الرباعي لشعرهم

** ندري = نذري من النذر

[تماضر حمزة]

المشاركة الأصلية كتبت بواسطة سارة

قادر يا كريم ..عالم بسرى وجهرى
كترن بى الهموم ومحبوبى قاصد هجرى
لا بيحن لا بيعطف ولا بحالى بـ يدرى
زايد حبى ليهو ونارقلبى يوت مشتعلى

قادر ياكريم تلطف تهوّن قدري
زايدات الهموم فاتن وعدّن صبري
الزول البريدو وكانلي قمرة عمري
زايدلي البعاد واقد عليّ نار جمري

[سارة]

المشاركة الأصلية كتبت بواسطة طارق صديق كانديك

بغران من أرض مشى فيها بي تنيتو
الباب ابتسم وكت انتكل في جيتو
وصاحبنا الخنق بلع الاكل بالفيمتو
الزول كان كِتل في المتلوعافين ديتو

بغران من ارض باركنــــها اقدامو
زى الصافنات هيبة وعدالة لجامو
وكان القاسية جات بيتصنتولو كلامو
دا الدخل القليب كنس الورا وقدامو

[سارة]

شيطان الشعر لا تفضحنى جود بنــمة
فى الشاغلنى يوت ولفة القليب زى عمة
لا بتلفن بيسال ولا براسل ضمة
لو ناسينى قلبو ياريت اموت وانجمى

[عثمان السمري]

المشاركة الأصلية كتبت بواسطة سارة

شن شاف الصبر وانا فى الصبر ايوب
دا الهاجرنى يوت خلا العقل مسلوب
دمع عينى نشف وقلبى مابى يتوب
مرضان العشق ما بينفعنو حبـــوب

يا سارة السرور فارق دريبي وداري
وسري سوار الفي مشيهو يراري
سارق نومي شاغل فكري جافي مداري
سالب لحمي في اعضاي سوي مجاري

[عثمان السمري]

المشاركة الأصلية كتبت بواسطة مي هاشم

انا بت العزاز ما بتلقى ليّ مثيل
ممشوقة قوام معدولة من الميل
مبرومة حشا ومايقي طبعو كحيل
بهدلت الرجال حتى البنات.. بالحيل

أها..لقيتني كيف؟

حليل البنات يا حليل حلاوة الزوق
ويا حليل الكجر في خدرو خاتي مروق
نومو علي الوضيب كتل العشوق بي الشوق
ضامر هافو شاغل فكري الفارع الممشوق

[عثمان السمري]

المشاركة الأصلية كتبت بواسطة سارة

فتشت الصبر يمكن.... يزيد لى صبرى
تلمع سنو زى براق.... شلع فـ القبـــلى
فليردمور عبيرو......ولونو المذهب تبرى
وكت فى النوم يزورنى دمعى بيلل سدرى

المشاركة الأصلية كتبت بواسطة طارق صديق كانديك

ود السمري اخوي قالو الزرع من بدري
هي شتيلة المطور هن تدري او لاتدري
تملأ العين تكيل .. هاك النقولك ندري**
بلفاها ان حييت .. وعقبا بيوسع سدري


* درج (المتعاطون) للدوبيت على الشكل الرباعي لشعرهم

** ندري = نذري من النذر

زرعا في العوالي وشرابو نزيز
مترامي الكفيل الفارع ابحزيز
في صدرو المدافع زي جني الجميز
اسكر لي العقول ريقو اللهيجو لزيز

[سارة]

المشاركة الأصلية كتبت بواسطة عثمان السمري

يا سارة السرور فارق دريبي وداري
وسري سوار الفي مشيهو يراري
سارق نومي شاغل فكري جافي مداري
سالب لحمي في اعضاي سوي مجاري

عثمان السرور ما مر حول بـ دارى
من هجر الحبيب ما حنا يوم لوصالى
انسلبت لحومى واتشتتن افكـــــــــارى
الشوق شاوينى شى يوماتى موقدة نارى

[عثمان السمري]

المشاركة الأصلية كتبت بواسطة سارة

عثمان السرور ما مر حول بـ دارى
من هجر الحبيب ما حنا يوم لوصالى
انسلبت لحومى واتشتتن افكـــــــــارى
الشوق شاوينى شى يوماتى موقدة نارى

كل ما الشوق يحن سارة السوار صدالي
وساري الليل علي هبهب نسيمو قبالي
شوقي الشاوي جلدي ودايما مووقد ناري
شارف في القوام عقبال صديرو العالي

[أبو دعد]

ختى اليقين والزمى الصبرر يا سارا
حروفك ذى سحابة الصعيد الجارا
معاك رجالا تعرفى قدرهم فى الحارا
ما رقين للموت حاشا ما بنضارا

[أبو دعد]

المشاركة الأصلية كتبت بواسطة تماضر حمزة

الزول البغيب في بالنا دايما حاضر
سوّاي السمح يأمر نرد بي حاضر
هن زاد الغياب فات الزمان الحاضر
بشكيو للقليب مابين حنين و محاضر

دا الكلام البخلى الزول يساهر
قامت تمنعنى المسير تماضر
شعرا قديم الليلة بقالنا حاضر
يحفظك ربى من كل المخاطر