تسلم يارئيس ..

سلافة التوم · 25-07-2007, 11:25 AM

زيارة السيد رئيس الجمهورية الى اقليم دارفور تعتبر فريدة فى ظل الاوضاع التى نسمع بها عن دارفور .
الاوضاع مستقرة فى الاقليم .. احسن بكثير وافضل ومايذكره الاعلام الغربى تشويش لاغير وفبركة وترزق ومكسب من قضية دارفور . والاهم رغم الازمة افتتح العديد من مشاريع البنى التحتية .
اللهم رد كيد الاعداء المتربصين على الوطن .

سلافة التوم · 25-07-2007, 11:40 AM

والازمة تفبرك لها أجهزة الاعلام الغربية بصورة بشعة ابادة جماعية ودواليك من الحديث .. ربنا يكون فى عونك يابلد .

رأفت ميلاد · 25-07-2007, 12:56 PM

الأخت سلافة

سلام
أما بعد ...

متابعين ...

زى الهبوبة البى ترابا
وسط البرد الشاقاو سحابة
جوز سطور مشات حبابة
زى البرق الغزالة والكترابه

واصلى

بابكر مخير · 25-07-2007, 02:18 PM

اقتباس:

المشاركة الأصلية كتبت بواسطة سلافة التوم

اللهم رد كيد الاعداء المتربصين على الوطن .

اللهم آآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآميييييييييييي يييييييييي يييييييييييييييييييييييييييييييييين
ما هو دا لو حصل حنرتاح من ناس ديل

همسة؛ لأاحظتي كم مرة نفسي إنقطع
ودا طبعا من الشدة الوجع

سلافة التوم · 25-07-2007, 02:42 PM

الاخوة الاعزاء
رأفت ميلاد
وبابكر مخير
دى النهاية ؟؟
الاخ بابكر
الله ماقطع نفسك ولا جاب الشدة !!

طارق الحسن محمد · 25-07-2007, 02:59 PM

اقتباس:

المشاركة الأصلية كتبت بواسطة سلافة التوم

والازمة تفبرك لها أجهزة الاعلام الغربية بصورة بشعة ابادة جماعية ودواليك من الحديث .. ربنا يكون فى عونك يابلد .

سلافة
والله الفبركة ما عندك لكن
قلت لينا ولا ابادة جماعية ولا دواليك ؟؟
ياخى تخ
كوزة وكمان مكابرة
ذكرتينى بنكتة البيقنع الديك شنو لكن
قصــــــــــــــــة غريبة

طارق الحسن محمد · 25-07-2007, 03:06 PM

اقتباس:

المشاركة الأصلية كتبت بواسطة رأفت ميلاد

الأخت سلافة

سلام
أما بعد ...

متابعين ...

زى الهبوبة البى ترابا
وسط البرد الشاقاو سحابة
جوز سطور مشات حبابة
زى البرق الغزالة والكترابه

واصلى

الكترابة يا رافت يا خوى
شنو القصة
دى خوة جريوات زى ما قالت سارة ولاشنو ؟؟
انت البيموت ولا يحرد ولا يغرق ما بتجيبو خبرو ؟؟
والله بالغت وشذيت ؟؟؟
لكن والله مشتاق يا جميل
لكن طلعت ديامى اى كلام
سلام
تخريمة :
تخيل لحدى لان فى ناس بتكابر فى ما حدث ويحدث فى دارفور حتى الان
اليوم مجلس الامن بيناقش مشروع دخول القوات الدولية او الهجينة او العجينة او اى شى فقط المهم والاعظم تحت البند السابع ودا الاحسن والاهم عشان ناس كتار يقبضوهم قبيض الفرة
تعرف الفرة اكيد طبعا ! !
اما
سلافة الكوزة
فى دى زولة
مكابرة بخشم الباب

Deer · 25-07-2007, 03:26 PM

اقتباس:

المشاركة الأصلية كتبت بواسطة سلافة التوم

زيارة السيد رئيس الجمهورية الى اقليم دارفور تعتبر فريدة فى ظل الاوضاع التى نسمع بها عن دارفور .
الاوضاع مستقرة فى الاقليم .. احسن بكثير وافضل ومايذكره الاعلام الغربى تشويش لاغير وفبركة وترزق ومكسب من قضية دارفور . والاهم رغم الازمة افتتح العديد من مشاريع البنى التحتية .
.

[align=justify]يا سلافة الفن...

والله نحن بنتمى انه الشفناهو يكون حقيقي... بس لمشكلة انه ما حقيقي... هي الشغلانة كلها اتعملت عشان العالم يعرف انه دارفور آمنة... عايزاهم يجيبوا لينا شنو؟؟؟؟

لكن بيني وبينك كدا والجماعة ما يسمعونا شفتي قوات التأمين دي كانت مشتتة كيف؟؟(اللهم فرق شمل أعدئنا - قولي آمين)...[/align]

اقتباس:

اللهم رد كيد الاعداء المتربصين على الوطن

[align=justify]آآآآآآآآآآآمين يا رب العالمين ... اللهم رد كيد أعداء الوطن والمواطن ولو كان من دمه ولحمه (مرات الجشع بيخلي الولد يقتل والده) اللهم شتت شملهم .. شتت شملهم ولو كرهوا...[/align]

بعدين يا أختي مسئولة من الخير الشوش وفبرك واترزق ظهرت في عويناته وجضيماته وكليواته... والله بس عجبتني (البنى التحتية دي) شديد... ربنا يقويهم على عمل الخير..

اقتباس:

رئيس...

[align=justify]أجي يا أختي بقوا يقولوها كدي؟!!!!! ... زمان كانت (ريس) ولا خلاص بعد المركب تغرق الناس بترجع (للتأصيل).

مودتي...

[/align]

طارق الحسن محمد · 25-07-2007, 03:34 PM

اقتباس:

المشاركة الأصلية كتبت بواسطة Deer

[align=justify]يا سلافة الفن...

والله نحن بنتمى انه الشفناهو يكون حقيقي... بس لمشكلة انه ما حقيقي... هي الشغلانة كلها اتعملت عشان العالم يعرف انه دارفور آمنة... عايزاهم يجيبوا لينا شنو؟؟؟؟

لكن بيني وبينك كدا والجماعة ما يسمعونا شفتي قوات التأمين دي كانت مشتتة كيف؟؟(اللهم فرق شمل أعدئنا - قولي آمين)...[/align]

[align=justify]آآآآآآآآآآآمين يا رب العالمين ... اللهم رد كيد أعداء الوطن والمواطن ولو كان من دمه ولحمه (مرات الجشع بيخلي الولد يقتل والده) اللهم شتت شملهم .. شتت شملهم ولو كرهوا...[/align]

بعدين يا أختي مسئولة من الخير الشوش وفبرك واترزق ظهرت في عويناته وجضيماته وكليواته... والله بس عجبتني (البنى التحتية دي) شديد... ربنا يقويهم على عمل الخير..

[align=justify]أجي يا أختي بقوا يقولوها كدي؟!!!!! ... زمان كانت (ريس) ولا خلاص بعد المركب تغرق الناس بترجع (للتأصيل).

مودتي...

[/align]

العزيزة دير
يسلم فمك
وقلمك
مودتى

مهند الخطيب · 25-07-2007, 09:41 PM

الأخت سلافة وجميع المتداخلين ، حقيقة تتملكني روح الرد على هذا البوست بصورة الهتر! ولكن تذكرت أن للعقل الفرصة الأولى ومامصابنا الا من تغييب العقل وعدم الامعان ... فأقول:
ان الاعتقاد بأن دارفور بلد آمن مطمئن لأن مجلس الوزراء قد اجتمع فيها هو اعتقاد أحمق،(والا الناس مالا قايمة وزعلانة فوق كم!!!!)
وان أمعنا النظر الى كامل الخريطة لرأينا مستنقعات كما رأت الأخت سلافة سهولا بزيارة الرئيس ومجلس الوزراء...
ذكرت بيانات أمنية أن الحكومة بصدد ارسال 20 ألف رجل شرطة يلحقون بـ 20 الف آخرين سبقوهم الى ذاك الأتون!!
أربعون الفا!! دون ذكر غيرهم من القوات الأمنية والجيش وووو !!!! وهنا نطرحه سؤالا جليا ، هل هذا دليل أمن ؟ اعتقد أن حشد كل تلك القوات لهو دليل على استفحال الوضع ان ذكرنا أن عدد قوات الشرطة بولاية الخرطوم يربون قليلا عن ربع هذا الرقم!
الجهات الحكومية تتحدث عن مليون لاجئ ، هل هذا دليل أمن واستقرار؟! ماالذي يجبرهم اذا على حياة أشبه بالموت في معسكرات تشبه المقابر؟
الحكومة تتعامل مع أزمة دارفور بدراماتيكية واضحة وبحتة وقمة الدراما كانت في عقد اجتماع مجلس الوزراء بدارفور لتظهر دارفور بمظهر الآمنة والأمن منها براء..

برة الموضوع:طارق ،،،، ياخي شوقا كتّال...

نبيل عبد الرحيم · 26-07-2007, 02:08 AM

الأخت سلافة
كانت البداية فى دارفور والنهاية فى كجبار و ماحدث فى دارفور والشرق والشمال من مذابح كان بصنع الإنقاذ أما المسرحية التى مثلها البشير لا تخدع طفل .
هؤلاء السفاحين يجب تقديمهم للمحاكمة لما أقترفوة فى حق الشعب السودانى من جرائم تمثلت فى تعذيب الشعب فى بيوت الأشباح والمذابح التى أرتكبت فى دارفور والشرق وأخيرا وليس أخرا ما حدث فى كجبار من ذبح مواطنين وهم تظاهرون فى مسيرة سلمية كما شاهدها الجميع فى الفيديو وأسألك هل ما حدث لهؤلاء المساكيين الذين يتمسكون بأرضهم هل هو نتاج مؤامرة خارجية أيضا ؟؟؟ وأى كانت الإجابة فهذا لا يجعلنا نصدق مسرحية البشير فى دارفور!؟؟ لأن فاقد الشئ لا يعطيه

بابكر مخير · 26-07-2007, 09:20 AM

الحبيبة سلافة
والله الزول دا ما عوير وبس كمان قبيح طبع
ما بقول قبيح خلقة لأنو دا الله ودي حكمتو
لكن شنو قباحة الطبع دي لمن في دارفور بيقول
ما في فرق بيناتنا، أنا وعلي دينار أولاد عم
يعني خلاص أفرحو يا ناس دافور بالنسبة المافي ذيو؟؟؟
هو منو القالك ليك هم راضيين بيك ذاتم

الحبيبة سلافة
قال ليك أنصر أخاك ظالما أو مظلوم
لكن بالفهم الحقيقي
والنصرة بالتأييد كما هو بالنصح والنقد
دحن أنصريهم وأنصحيهم خليهم يفكونو
والله ينصر دينك

سلافة التوم · 29-07-2007, 12:44 PM

الاخوان سلام عليكم
كيفنكم إن شا ء الله تمام
طولنا منكم ..
والله الزيارة فى ظل الازمة الحالية انا اعتبرها رسالة هامة للكل بانوا الاحوال هادئة ..

بابكر مخير · 29-07-2007, 01:01 PM

اقتباس:

المشاركة الأصلية كتبت بواسطة سلافة التوم

الاخوان سلام عليكم
كيفنكم إن شا ء الله تمام
طولنا منكم ..
والله الزيارة فى ظل الازمة الحالية انا اعتبرها رسالة هامة للكل بانوا الاحوال هادئة ..

إنشاء الله تصدقي وتهدء الأحوال ويرتاح البال والستار ينسدل على أقبح حكم مرا على البلد

رأفت ميلاد · 29-07-2007, 01:14 PM

زمااااان كان فى حى منسي فى كرتون الخرطوم يعيش فيه كلب وغنماية
كانت الغنماية لما تجى تاكل من الكوشة تتدبى عشان الكلب بكون نايم فى الضل تحت المزيرة المرطبة مايحس بيها .
لكن إبن الكلب كان فاضى ليها ينوم مغمض عين ومفتح عين . أول ما تبقى نص الكوشة ينط ليك عليها بكل رشاقة "هو هو هو" . تقوم المسكينة فللى .

يوم فى نص الكوشة وكانت غنية غير الورق بورتاب ملوخية طازجة وباقى عيدان جرجير مفرهد لامن بطنا غوغت . جاها الما بتسمى طاير "هو هو هو" . الدم طلع فى راسا دنقرت ليك قريناتا وغمضت عيونا وهبرت فيو .

لما فتحت عيونا لقتو فزع بعيد . صرت وشيها وواصلت الهجوم . جرى ولبد تحت المزيرة لامن "بال" وهو يقول "الغنماية دى جنت ولا شنو" .

25-07-2007, 11:25 AM	#[1]
سلافة التوم :: كــاتب نشــط::	تسلم يارئيس .. زيارة السيد رئيس الجمهورية الى اقليم دارفور تعتبر فريدة فى ظل الاوضاع التى نسمع بها عن دارفور . الاوضاع مستقرة فى الاقليم .. احسن بكثير وافضل ومايذكره الاعلام الغربى تشويش لاغير وفبركة وترزق ومكسب من قضية دارفور . والاهم رغم الازمة افتتح العديد من مشاريع البنى التحتية . اللهم رد كيد الاعداء المتربصين على الوطن .
سلافة التوم :: كــاتب نشــط::

25-07-2007, 11:40 AM	#[2]
سلافة التوم :: كــاتب نشــط::	والازمة تفبرك لها أجهزة الاعلام الغربية بصورة بشعة ابادة جماعية ودواليك من الحديث .. ربنا يكون فى عونك يابلد .
سلافة التوم :: كــاتب نشــط::

25-07-2007, 12:56 PM	#[3]
رأفت ميلاد :: كــاتب نشــط::	الأخت سلافة سلام أما بعد ... متابعين ... زى الهبوبة البى ترابا وسط البرد الشاقاو سحابة جوز سطور مشات حبابة زى البرق الغزالة والكترابه واصلى
رأفت ميلاد :: كــاتب نشــط::	التوقيع: رأفت ميلاد سـنمضى فى هذا الدرب مهما كان الثمن الشـهيد سـليمان ميلاد

25-07-2007, 02:42 PM	#[5]
سلافة التوم :: كــاتب نشــط::	الاخوة الاعزاء رأفت ميلاد وبابكر مخير دى النهاية ؟؟ الاخ بابكر الله ماقطع نفسك ولا جاب الشدة !!
سلافة التوم :: كــاتب نشــط::

25-07-2007, 09:41 PM	#[10]
مهند الخطيب :: كــاتب نشــط::	الأخت سلافة وجميع المتداخلين ، حقيقة تتملكني روح الرد على هذا البوست بصورة الهتر! ولكن تذكرت أن للعقل الفرصة الأولى ومامصابنا الا من تغييب العقل وعدم الامعان ... فأقول: ان الاعتقاد بأن دارفور بلد آمن مطمئن لأن مجلس الوزراء قد اجتمع فيها هو اعتقاد أحمق،(والا الناس مالا قايمة وزعلانة فوق كم!!!!) وان أمعنا النظر الى كامل الخريطة لرأينا مستنقعات كما رأت الأخت سلافة سهولا بزيارة الرئيس ومجلس الوزراء... ذكرت بيانات أمنية أن الحكومة بصدد ارسال 20 ألف رجل شرطة يلحقون بـ 20 الف آخرين سبقوهم الى ذاك الأتون!! أربعون الفا!! دون ذكر غيرهم من القوات الأمنية والجيش وووو !!!! وهنا نطرحه سؤالا جليا ، هل هذا دليل أمن ؟ اعتقد أن حشد كل تلك القوات لهو دليل على استفحال الوضع ان ذكرنا أن عدد قوات الشرطة بولاية الخرطوم يربون قليلا عن ربع هذا الرقم! الجهات الحكومية تتحدث عن مليون لاجئ ، هل هذا دليل أمن واستقرار؟! ماالذي يجبرهم اذا على حياة أشبه بالموت في معسكرات تشبه المقابر؟ الحكومة تتعامل مع أزمة دارفور بدراماتيكية واضحة وبحتة وقمة الدراما كانت في عقد اجتماع مجلس الوزراء بدارفور لتظهر دارفور بمظهر الآمنة والأمن منها براء.. برة الموضوع:طارق ،،،، ياخي شوقا كتّال...
مهند الخطيب :: كــاتب نشــط::	التوقيع: "أتعرفين ماهو الوطن؟ الوطن هو ألّا يحدث ذلك كلّه...!" غسّان كنفاني

26-07-2007, 02:08 AM	#[11]
نبيل عبد الرحيم :: كــاتب نشــط::	الأخت سلافة كانت البداية فى دارفور والنهاية فى كجبار و ماحدث فى دارفور والشرق والشمال من مذابح كان بصنع الإنقاذ أما المسرحية التى مثلها البشير لا تخدع طفل . هؤلاء السفاحين يجب تقديمهم للمحاكمة لما أقترفوة فى حق الشعب السودانى من جرائم تمثلت فى تعذيب الشعب فى بيوت الأشباح والمذابح التى أرتكبت فى دارفور والشرق وأخيرا وليس أخرا ما حدث فى كجبار من ذبح مواطنين وهم تظاهرون فى مسيرة سلمية كما شاهدها الجميع فى الفيديو وأسألك هل ما حدث لهؤلاء المساكيين الذين يتمسكون بأرضهم هل هو نتاج مؤامرة خارجية أيضا ؟؟؟ وأى كانت الإجابة فهذا لا يجعلنا نصدق مسرحية البشير فى دارفور!؟؟ لأن فاقد الشئ لا يعطيه
نبيل عبد الرحيم :: كــاتب نشــط::

26-07-2007, 09:20 AM	#[12]
بابكر مخير :: كــاتب نشــط::	الحبيبة سلافة والله الزول دا ما عوير وبس كمان قبيح طبع ما بقول قبيح خلقة لأنو دا الله ودي حكمتو لكن شنو قباحة الطبع دي لمن في دارفور بيقول ما في فرق بيناتنا، أنا وعلي دينار أولاد عم يعني خلاص أفرحو يا ناس دافور بالنسبة المافي ذيو؟؟؟ هو منو القالك ليك هم راضيين بيك ذاتم الحبيبة سلافة قال ليك أنصر أخاك ظالما أو مظلوم لكن بالفهم الحقيقي والنصرة بالتأييد كما هو بالنصح والنقد دحن أنصريهم وأنصحيهم خليهم يفكونو والله ينصر دينك
بابكر مخير :: كــاتب نشــط::	التوقيع:

29-07-2007, 12:44 PM	#[13]
سلافة التوم :: كــاتب نشــط::	الاخوان سلام عليكم كيفنكم إن شا ء الله تمام طولنا منكم .. والله الزيارة فى ظل الازمة الحالية انا اعتبرها رسالة هامة للكل بانوا الاحوال هادئة ..
سلافة التوم :: كــاتب نشــط::

29-07-2007, 01:14 PM	#[15]
رأفت ميلاد :: كــاتب نشــط::	زمااااان كان فى حى منسي فى كرتون الخرطوم يعيش فيه كلب وغنماية كانت الغنماية لما تجى تاكل من الكوشة تتدبى عشان الكلب بكون نايم فى الضل تحت المزيرة المرطبة مايحس بيها . لكن إبن الكلب كان فاضى ليها ينوم مغمض عين ومفتح عين . أول ما تبقى نص الكوشة ينط ليك عليها بكل رشاقة "هو هو هو" . تقوم المسكينة فللى . يوم فى نص الكوشة وكانت غنية غير الورق بورتاب ملوخية طازجة وباقى عيدان جرجير مفرهد لامن بطنا غوغت . جاها الما بتسمى طاير "هو هو هو" . الدم طلع فى راسا دنقرت ليك قريناتا وغمضت عيونا وهبرت فيو . لما فتحت عيونا لقتو فزع بعيد . صرت وشيها وواصلت الهجوم . جرى ولبد تحت المزيرة لامن "بال" وهو يقول "الغنماية دى جنت ولا شنو" .
رأفت ميلاد :: كــاتب نشــط::	التوقيع: رأفت ميلاد سـنمضى فى هذا الدرب مهما كان الثمن الشـهيد سـليمان ميلاد