جااااكم الما بختاكم .. فتحى ظااااتو

[ZEIN ABDALLA]

فتحى
صباح الخير
شايف الأيام دية الشباب دائمآ بتكلمو عن (الإسكلا) و يزخرفوها بقصيدة ود الرضي
من الاسكلا و حلا قام من البلد ولا
دمعي الـ للثياب بلا

انا افتكرت الاسكلا رجعت و بقت بعاتى
و اكتشفت فى النهاية انهم بيتكلمو عن مطعم
(الاسكلا طلعت مطعم)

يا فتحى ما تطلع خرائطك و تذكرنا بيها


زين عبد الله

[wadosman]

المشاركة الأصلية كتبت بواسطة رأفت ميلاد

ياخ ده ما فلم قديم .. بقولوا ليك غردون ميوزك هول ..

ضيف السهرة كان الله يرحمه زين العابدين محمد عبد القادر .. المعروف بالزين "كو" .. و أو الزين بهجة .. وما كان سكران .. السكران الشاف السهرة وجا .. المناضل المخبول أبو القاسم محمد إبراهيم .. كانت حديث المدينة .. نكروها عينك عينك .. ولم تعاد السهرة كالمعتاد فى صباح اليوم التالى ..

الزين بهجة رحمه الله كان ود بلد .. ونفض نفسو بدرى من ناس أب عاج وده ما دفاع عنه .. كان بجى سويسرا كل عام يتعالج يعمل فحص عام مع ناس الألوبياد .. قبل فصله فى فضيحة الرشوة الأخيرة التى ظهر إسمه نمرة واحد .. كنا وقتها فى معسكر للاجئين وذالك فى أواخر عام 1995 .. زارنا هناك مع أحد أصدقائه وتناول معنا الطعام .. من نوادره وهو "شارب" قال "نحن حكمناكم 15 عام وكنا سكارا .. ديل واعين ليكم شيلوا شيلتكم .. وأثناء الطعام نفدت الكسرى الحبشية .. فأرسلت زوجتى بنتى قائلة "أمشى لى سارة جيبى منها كسرة" قال الزين كو " هى عاين ديل عندهم نفاج"
حكى عن السودان بأسى حقيقى .. حكى قصة محزنة بأن إحدى السيدات دخلت مضطربة فى إجزخانة أمدرمان .. حيث تعود الجلوس هناك .. تبحث عن دواء لطفلها .. ولم يكن معها ثمن الدواء رغم لباسها الجيد .. فخرجت بسرعة للنساء الآئى يبعن الشاى أمام الإجزخانة .. وعرضت عليهن بيع ثوبها .. وخلعته فى قارعة الطريق .. قال زين العابدين هرولت نحوها وأرجعت لها الثوب ودفعت لها ثمن الدواء ..

والقصة على ذمته رحمه الله

[align=center]رأفت ...

سلااااام

لا يخفى عليك بان الراحل زين العابدين محمد احمد عبد القادر (زينكو) هو جد عزيزنا فيصل سعد الشيخ مشرف المنتدى، و خال و عم والدته، و كدا نكون عرفنا روح المرح و الفكاهة بتاعة فيصل دي جاتوا بالوراثة و كدا ..ههههههههههههه[/align]

[فيصل سعد]

انتوا يا ناس رأفت الخواجة صاحبنا دا طش وين و لبد و كب الزوغة ،،
لازم تتفقدوا ما تكون عشرقت بيو سمسمية و كدا
و يا ود عثمان كلامك مظبوط مية مية و نسأل الله ان يتولاه بالرحمة و المغفرة ..

ابقوا طيبين ..

[رأفت ميلاد]

المشاركة الأصلية كتبت بواسطة wadosman

[align=center]رأفت ...

سلااااام

لا يخفى عليك بان الراحل زين العابدين محمد احمد عبد القادر (زينكو) هو جد عزيزنا فيصل سعد الشيخ مشرف المنتدى، و خال و عم والدته، و كدا نكون عرفنا روح المرح و الفكاهة بتاعة فيصل دي جاتوا بالوراثة و كدا ..ههههههههههههه[/align]

والله ما عندى فكرة يا ود عثمان .. طيب أنت مدردقنى ليه ياخ .. أتمنى أن لا يكون العزيز فيصل تضايق من السرد .. وعمومآ سيرة المرحوم ليس بها ما يعيب .. ولم يتلطخ إسمه بسوءات نميرى كما حدث مع إبن حارتنا .. الخارج من عائلة الأصول خالد حسن عباس .. حيث تلطخ إسمه بدماء أصدقائه فى أحداث يوليو ..
عمومآ يا فيصل المرحوم زين العابدين صار شخصية عامة وملكآ للجميع موجبآ وسلبآ وبإختياره .. بعدك عن التداخل هو الأجدى .. فى مثل هذه الأحوال ..

أما الخواجة إتضح دخوله من لابتوب آلاء .. ما يكون لحقو ليها السمحين .. وإنتوا ياخ برضو مرات بتخلوه بضرب الكيبورد شديد

تحياتى

[فيصل سعد]

المشاركة الأصلية كتبت بواسطة رأفت ميلاد

والله ما عندى فكرة يا ود عثمان .. طيب أنت مدردقنى ليه ياخ .. أتمنى أن لا يكون العزيز فيصل تضايق من السرد .. وعمومآ سيرة المرحوم ليس بها ما يعيب .. ولم يتلطخ إسمه بسوءات نميرى كما حدث مع إبن حارتنا .. الخارج من عائلة الأصول خالد حسن عباس .. حيث تلطخ إسمه بدماء أصدقائه فى أحداث يوليو ..
عمومآ يا فيصل المرحوم زين العابدين صار شخصية عامة وملكآ للجميع موجبآ وسلبآ وبإختياره .. بعدك عن التداخل هو الأجدى .. فى مثل هذه الأحوال ..

أما الخواجة إتضح دخوله من لابتوب آلاء .. ما يكون لحقوا ليها السمحين .. وإنتوا ياخ برضو مرات بتخلوه بضرب الكيبورد شديد

تحياتى

الحبيب روفي:

يا زول اكتب التكتبه و ما تاخد في بالك اي حساسيات و كدا بعدين ارجوك بالله ضرب الخواجة الشديد للكيبورد ما تبهتني بيو و تدرعوا فيني ساي و امشي كوس الحبيب ود مخير و تاج السر الملك و خليهم يخففوا عليه و كدا ..

قال انسحب قال .. داير تهيص براك و تقبض الجو
يا بتاع الطبشير و السبورة

[فيصل سعد]

و لا زلنا نسأل بشدة عن حال و احوال عمنا الخواجة فتحي مسعد افندي حنفي ..
و يا زول بطل زوغة و تعال واصلنا هنا كلنا مفلسين و قرفانيين و زهج الف
لكن بنتمها تواصل و مودة ، و يا بابكر مخير لا اسكت الله لك حسا ..

[فتحي مسعد حنفي]

المشاركة الأصلية كتبت بواسطة فيصل سعد

و لا زلنا نسأل بشدة عن حال و احوال عمنا الخواجة فتحي مسعد افندي حنفي ..
و يا زول بطل زوغة و تعال واصلنا هنا كلنا مفلسين و قرفانيين و زهج الف
لكن بنتمها تواصل و مودة ، و يا بابكر مخير لا اسكت الله لك حسا ..

والله يافيصل الحكاية وما فيها انو البوست استنفذ أغراضو..واحد كان غايب ورجع طيب تاني شنو ولا الحكاية سقرطة كي بورد..
لو انت كي بوردك مسقرط وداير ليك شمارات أفتح ليك بوست مشبوه حتلقانا جينا ناطين ليك طوالي بس احنا يالحبيب ما بنخش بوستات البكا عشان دموعنا نشفت من زمان والفضل خاتنو للاستعمال المنزلي..وعموما كتر خيرك علي السؤال وأنا عارف انك زول أصيل وتمباكك قسما عظما لسة موجود وراجي أي زول يجي القاهرة في طريقو لمناطقكم عشان لامؤاخذة اديهو ليهو

[فيصل سعد]

المشاركة الأصلية كتبت بواسطة فتحي مسعد حنفي

قسما عظما لسة موجود وراجي أي زول يجي القاهرة في طريقو لمناطقكم عشان لامؤاخذة اديهو ليهو

مرحب يا اب احمد و نفتقد سخريتك و محنك و جغمستك دي
و اعمل حساب الكروت الصفراء