الى صديقي (تالف الذكر) الذي ادمن الانزواء

[سجمان]

ويين اختفيت.. خليت وراك صهلي الحروف.. تلهث من السكك البقت ودارة.. والدارة اتملت شقيق محوطة بالعويل.. وانا في قفاك شهودت حلما في رجاك.. يااااالله حسن الخاتمة.. ويااااالله مَرَقَتْ من ثنيّات الشُراع.. شيّعتو لي مثواه في اقصى البقاع.. ما دا البشلهت في الفراق.. الذكرى والحلم… العشم.. والوحدة يا خل ان غِبَتْ.. خاطرك هواجس الاشتهى.. ممنونة هي المرقت حروف غنياتنا.. فتّشت العيوش.. من ود عكر.. شِبْعن زرازير الهواجس.. وما قنع خاطر الغنا..ولا العشم.. الكان قبيل..شلناهو للقاك انتهى..

يا الله وين دافن تواريبك..لا حس لا خبر.. حق الله ما بجيبك.. بالله عليك ماب تشتهي المرقت سنون الدابي.. مرّقت العَقَرّب في دريبك.. ماك مشتهي الراجيها حول.. تربالنا لي فوسيبك.. ماك مشتهي البشقت حَبْل السعف.. شدت علي القداد عناقريبك.. والنسيمات.. الدعاش.. والخِبِير الجانا طاش.. قالو المطامير انسرف عودا.. ودفق جمام نمير الناحو لي غروبك.. وقّحلنا الشقّاق.. وطَاتَك فينا مي حايقة.. اذا ما كنت فوق راسا.. ورغم المطرة مي رايقة.. بلملم شملها البرّاق.. متين يا خي تطل فوقنا.. علينا الدمعة مي لايقة.. رقاد الحوش مع النقناق.. وجهجهة الدخول والمرقة.. للجات من الكريم سايقا.. نضافة الحلة والدرّاو.. وجَلْط الباندقة الحولا.. قبل ما يمر وتتشقا..وتبقى اوَضْنَا متضايقة.. خريف الحلة يا حليلو.. حليل الناس وكت تجدع تواريبا.. وتحاحي الطير من الحبة.. وتقعد في التروس فايقة..عميرنا نضب.. خلاس ضنب العمر رقة..في ساساق وغربة كضب.. الا عشمنا في الاخر.. نعود من تاني لي بلودنا..وخريفنا الجاي بننهل منو لو بُقّة..
تَجُوبِكْ فينا بي شوقك.. اولُو هامّيك.. تعال يا خلي ماك مشتاق.. تَبَرْكِتْ مننا الحاصل.. تناجي غنانا ونناجيك.. نكون عايشين ويا دوبك.. نعود من تاني للراحة وهداوة البال.. تلمنا تاني في توبك..

في يات مكان دسّيت غناك
الناوحني واتقالدني وكت الحاجة
قفّل ذرايع الغفلة وكتين العيون لجلاجة
ودفق الفرحة في عيون الفراغ
جبّر سراويل البهجمو نعاجة
ما خلاني في السهلة
ومشي الاوحال بدون صاجة

[عبدالحكيم]

المشاركة الأصلية كتبت بواسطة سجمان

ويين اختفيت.. خليت وراك صهلي الحروف.. تلهث من السكك البقت ودارة.. والدارة اتملت شقيق محوطة بالعويل.. وانا في قفاك شهودت حلما في رجاك.. يااااالله حسن الخاتمة.. ويااااالله مَرَقَتْ من ثنيّات الشُراع.. شيّعتو لي مثواه في اقصى البقاع.. ما دا البشلهت في الفراق.. الذكرى والحلم… العشم.. والوحدة يا خل ان غِبَتْ.. خاطرك هواجس الاشتهى.. ممنونة هي المرقت حروف غنياتنا.. فتّشت العيوش.. من ود عكر.. شِبْعن زرازير الهواجس.. وما قنع خاطر الغنا..ولا العشم.. الكان قبيل..شلناهو للقاك انتهى..

يا الله وين دافن تواريبك..لا حس لا خبر.. حق الله ما بجيبك.. بالله عليك ماب تشتهي المرقت سنون الدابي.. مرّقت العَقَرّب في دريبك.. ماك مشتهي الراجيها حول.. تربالنا لي فوسيبك.. ماك مشتهي البشقت حَبْل السعف.. شدت علي القداد عناقريبك.. والنسيمات.. الدعاش.. والخِبِير الجانا طاش.. قالو المطامير انسرف عودا.. ودفق جمام نمير الناحو لي غروبك.. وقّحلنا الشقّاق.. وطَاتَك فينا مي حايقة.. اذا ما كنت فوق راسا.. ورغم المطرة مي رايقة.. بلملم شملها البرّاق.. متين يا خي تطل فوقنا.. علينا الدمعة مي لايقة.. رقاد الحوش مع النقناق.. وجهجهة الدخول والمرقة.. للجات من الكريم سايقا.. نضافة الحلة والدرّاو.. وجَلْط الباندقة الحولا.. قبل ما يمر وتتشقا..وتبقى اوَضْنَا متضايقة.. خريف الحلة يا حليلو.. حليل الناس وكت تجدع تواريبا.. وتحاحي الطير من الحبة.. وتقعد في التروس فايقة..عميرنا نضب.. خلاس ضنب العمر رقة..في ساساق وغربة كضب.. الا عشمنا في الاخر.. نعود من تاني لي بلودنا..وخريفنا الجاي بننهل منو لو بُقّة..
تَجُوبِكْ فينا بي شوقك.. اولُو هامّيك.. تعال يا خلي ماك مشتاق.. تَبَرْكِتْ مننا الحاصل.. تناجي غنانا ونناجيك.. نكون عايشين ويا دوبك.. نعود من تاني للراحة وهداوة البال.. تلمنا تاني في توبك..

في يات مكان دسّيت غناك
الناوحني واتقالدني وكت الحاجة
قفّل ذرايع الغفلة وكتين العيون لجلاجة
ودفق الفرحة في عيون الفراغ
جبّر سراويل البهجمو نعاجة
ما خلاني في السهلة
ومشي الاوحال بدون صاجة

سجمان السجمان ..
السجمان سجمان ...

لعل العنوان جاء من معنى سجمان من الدارج السوداني ،:

وهو من المعجم السوداني الدارج فأنت يا سجمان :

تعريف :
لافيده فيه شبه باوار النار بعد موت النار
:

مثال : « اخوك ده سجمان لافايدة فيه ...

اما المعجم العربي فمعنى غير ... ومن اقرب معجم فأنت يا سجمان "

أسجمَ يُسجم، إسجامًا، فهو مُسجِم، والمفعول مُسجَم (للمتعدِّي) • أسجمتِ السَّحابةُ: دامَ مطرُها. • أسجمتِ العينُ الدَّمعَ: سجمته؛ ذرفته، أسالته وصبّته.

وبالربط وعنوانك :

الى صديقي (تالف الذكر) الذي ادمن الانزواء ...

وتعريفنا الدارج لاسمك وجدت كأن في علاقة بين تالف الذكر وال هو صديقك ومن وجهت له رسالتك فهو مجهول الهوية وقد آثر الانزواء ربما لأنه تالف الذكر والتلف كما نعرف هو الفسد تلف الشي أي فسد ..
وصداقة السجمان للفاسد ممكنة وغير مستبعدة ..
كما الاختفاء صنو الانزواء ....
وهو من دس الغناء فأخفاه ..

الله يلمكم تاني تالف الذكر والسجمان توب وتركنوا للراحة وهداوة البال..

هي محاولة منك أولا ......... وجرجرة من عندي تانية

[ناصر يوسف]

محمد صديق سجمان



إنا لله ياخ من متل هذه الكتابة المارقة من حواف القلب

[سجمان]

المشاركة الأصلية كتبت بواسطة عبدالحكيم

سجمان السجمان ..
السجمان سجمان ...
لعل العنوان جاء من معنى سجمان من الدارج السوداني ،:
وهو من المعجم السوداني الدارج فأنت يا سجمان :
تعريف :
لافيده فيه شبه باوار النار بعد موت النار
مثال : « اخوك ده سجمان لافايدة فيه ...
اما المعجم العربي فمعنى غير ... ومن اقرب معجم فأنت يا سجمان "
أسجمَ يُسجم، إسجامًا، فهو مُسجِم، والمفعول مُسجَم (للمتعدِّي) • أسجمتِ السَّحابةُ: دامَ مطرُها. • أسجمتِ العينُ الدَّمعَ: سجمته؛ ذرفته، أسالته وصبّته.
وبالربط وعنوانك :
الى صديقي (تالف الذكر) الذي ادمن الانزواء ...
وتعريفنا الدارج لاسمك وجدت كأن في علاقة بين تالف الذكر وال هو صديقك ومن وجهت له رسالتك فهو مجهول الهوية وقد آثر الانزواء ربما لأنه تالف الذكر والتلف كما نعرف هو الفسد تلف الشي أي فسد ..
وصداقة السجمان للفاسد ممكنة وغير مستبعدة ..
كما الاختفاء صنو الانزواء ....
وهو من دس الغناء فأخفاه ..
الله يلمكم تاني تالف الذكر والسجمان توب وتركنوا للراحة وهداوة البال..
هي محاولة منك أولا ......... وجرجرة من عندي تانية

سلام حكيمنا الحكيم..
سجمان دا (بالمعنى الأول في مداخلتك) بالعامية السودانية وفي اعتقادي أنه ليس الأوار بل هو السكن.. زمان لمن كنا بنمشى الخلوة بنكتب في اللوح، الحبر بتاع الكتابة كان يصنع من هذه (السجم) وفي رواية (السكن) يخلط مع الصمغ بماء ومن ثم تُصنع منه عجينة تشكل في شكل كُرات صغيرة تسمى في هذه المرحلة بــ(العَمَارْ) بترقيق الراء، بعد ذلك توضع في محبرة لتذاب بالماء ويوضع داخل السائل سبيب من ضنب الحصان (ولي هسة ما فاهم الغرض من السبيب دا شنو) ويسمى في هذا المرحلة بالــ(دواية).. هذا ما كان من شأن سجمان من عاميتنا..
والاختيار هنا تم كـ(سِبِرْ)..
لكن عجبني المعنى التاني بما أني من عشاق التعول..

أما عن تالف الذكر هذه عبارة عن جملة (سالف الذكر) بعد سربعتها.. وهي كلمة مفتاحية لمصاريع ذلك المنزوي..

شكراً لإبحارك في البوست..
دمت..

[سجمان]

المشاركة الأصلية كتبت بواسطة ناصر يوسف

محمد صديق سجمان



إنا لله ياخ من متل هذه الكتابة المارقة من شغاف القلب

اتحتحتنا من باقي النضم..
ودخلنا من حتت بيمرك صوت غناك..
ورجعنا بيك للذكرى والونسة الدقاق..
كان ينلحق في يوم مداك..

يا حبيب.. دي الموية الوعدناك بيها..
وأنا عارف صاحبك كويس بتمرقو المطرة
وحاجات تانية معاك

[سجمان]

وأنهكني رصيفُ الانتظارِ.. وما نأيت عن الكتابةِ قيد شبر ..إنما.. تتغير الساحات والأفق الجليلةُ حيثُ تعدو في مخيلتي الشدائد بعضُ همسٍ من تواريخ انتأت.. وبعضُ ذكرى في شعارات خبت.. في مكان السر والمهد الأنيق.. ومحض غوص في انكسارات مضت جرّاء حسن باغت الإحساس في عُمرٍ أُريق.. حيث لا حسرات في القلب الذي هز الشباب زهوره.. فأنار لي في العمر بعض من بريق..
وتخالني بعد السنون تكالبت.. قد ضاع لحني وانقضى.. وانفض عن حرفي السليق..

[ناصر يوسف]

المشاركة الأصلية كتبت بواسطة سجمان

اتحتحتنا من باقي النضم..
ودخلنا من حتت بيمرك صوت غناك..
ورجعنا بيك للذكرى والونسة الدقاق..
كان ينلحق في يوم مداك..

يا حبيب.. دي الموية الوعدناك بيها..
وأنا عارف صاحبك كويس بتمرقو المطرة
وحاجات تانية معاك

أنضُم زيييييييييييييييين يا حبوب و شنو الفضل لينا غير النضم الحُلُو


أنضم ياخ و أدينا فرصة إننا نتوازن بالقراية

المشاركة الأصلية كتبت بواسطة سجمان

وأنهكني رصيفُ الانتظارِ.. وما نأيت عن الكتابةِ قيد شبر ..إنما.. تتغير الساحات والأفق الجليلةُ حيثُ تعدو في مخيلتي الشدائد بعضُ همسٍ من تواريخ انتأت.. وبعضُ ذكرى في شعارات خبت.. في مكان السر والمهد الأنيق.. ومحض غوص في انكسارات مضت جرّاء حسن باغت الإحساس في عُمرٍ أُريق.. حيث لا حسرات في القلب الذي هز الشباب زهوره.. فأنار لي في العمر بعض من بريق..
وتخالني بعد السنون تكالبت.. قد ضاع لحني وانقضى.. وانفض عن حرفي السليق..

لحنك لا يزال قائماً فيك ، في دواخلك الجميلة و حرفك أيضاً



فقط أمنح نفسك وقتاً للكتابة و أمنحنا نحن بعض البريق



محبتي التي تعلم يا صديقي الجميل

[جيجي]

يالله تمرق في الجحر🤣

[أمير الأمين]

المشاركة الأصلية كتبت بواسطة سجمان

.. متين يا خي تطل ..عميرنا نضب.. خلاس ضنب العمر رقة..في ساساق وغربة كضب.. الا عشمنا في الاخر.. نعود من تاني لي بلودنا..وخريفنا الجاي بننهل منو لو بُقّة..

يا سلام يا صاحب ياهو دا الحال

[سجمان]

المشاركة الأصلية كتبت بواسطة ناصر يوسف

أنضُم زيييييييييييييييين يا حبوب و شنو الفضل لينا غير النضم الحُلُو


أنضم ياخ و أدينا فرصة إننا نتوازن بالقراية

لحنك لا يزال قائماً فيك ، في دواخلك الجميلة و حرفك أيضاً



فقط أمنح نفسك وقتاً للكتابة و أمنحنا نحن بعض البريق



محبتي التي تعلم يا صديقي الجميل

صديقي الانيق ناصر

نجهل اي الحروف تعمق الجراح وايها تبرؤها..
لعل الحرف يصادف ذات شوق فسيح
يخفف بعض ما كنناه ويلولي جهال الحنين..

كن دائما اجمل















كنننانه دي نوناتا كم

[سجمان]

المشاركة الأصلية كتبت بواسطة جيجي

يالله تمرق في الجحر🤣

علي حس الزهور تروى النجيلة

































تضحك بلاهن يا قول السريرة

[سجمان]

المشاركة الأصلية كتبت بواسطة أمير الأمين

يا سلام يا صاحب ياهو دا الحال

ياخ ربنا يصلح حال المغتربين كلهم...
ثم والنعم.. لهذه الطلة.. والاشواق يا صديق
تلك الايام نداولها بين الناس

خليك باين.. لو بالشبه..
مسرور والله بي جيتك وكان هبشت لينا الاديب الاريب بلة
تكون ما قصرت معانا

مودتي..