تـيه وإتـاكا .. ود الرضي ( الشاعر) !!! عبد الحكيم

نظرية المؤامرة !!! وجيدة

المسخوته !!! الفاتح

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 08-08-2013, 08:37 PM   #[856]
الزوول
عضو
الصورة الرمزية الزوول
 
افتراضي

يا شباب عيدكم مبارك
وإن شاء الله يعود عليكم وكلكم وبلدكم في أحسن حال
...
بس دقيقة نصلح المعلومة دي
مش ممكن البوست ده يكون مرجع
المافي شنو؟؟
...


اقتباس:
المشاركة الأصلية كتبت بواسطة الزوول مشاهدة المشاركة
...

وكان ما أخاف الكضب
أظن برضو ذكر انو محمد يوسف موسى هو خال جمال فرفور وللا حاجة بالشكل ده
....
الصحيح
أن خال جمال فرفور هو الشاعر عوض حسن أحمد
أشهر قصايدو ما تغنى به عبد العزيز داؤد (فينوس) و (صغيرتي)
وقال السر قدور أنه (أي عوض حسن أحمد) هو من سمى جمال فرفور على الزعيم الراحل جمال عبدالناصر



التوقيع:
يا متلبك في الأدران ... الحجـر الأسـود مـاهو البروة
وماها مكاوي الكعبة تجيها ... حين ينكرفس توب التقوى
ومافي خرط للجنة تودي وما في خطط ممهـورة برشوة
والمشروع الديني الخـالص ... ما محتاج لدراسة جدوى
ويات من قال "يا رب" من قلـبو ... رد الخالق دايما "أيوه"


حِمّيد
الزوول غير متصل   رد مع اقتباس
قديم 08-08-2013, 08:51 PM   #[857]
الزوول
عضو
الصورة الرمزية الزوول
 
افتراضي

تصدقو يا جماعة
قبل كم يوم كدى
وفي أثناء مشاهدتي لبرنامج أغاني وأغاني
لفتت انتباهي لقطة صغيرة لعازف الايقاع (مليجي) تألق فيها بشكل مدهش
وبالأمارة جعلت اسماعيل عبدالجبار ينتبه إليها ويشيد بها (بعيونو)
قررت يومها اركز عليها في تعليقي في البوست ده ... ونسيت
الليلة قررت افتش كل الحلقات عنها
من صباحات الله ما خليت لي حلقة الا اتفرجت عليها
تصدقوا ...
كل الحلقات وبى شوكن (اعلانات ريم ست الحريم واسبيرات مارينا..الخ)
بعد ده كلو ما لقيت الحتة الأنا قاصدا
بس طلعت بى حصيلة ما بطالة
هي ملخص اوسكار الحلقات
(عمكم أباذر عكود مر يبارك العيد، فلحقتو بى كم حلقة كدي ...gapgap)
تابعونا
...



التوقيع:
يا متلبك في الأدران ... الحجـر الأسـود مـاهو البروة
وماها مكاوي الكعبة تجيها ... حين ينكرفس توب التقوى
ومافي خرط للجنة تودي وما في خطط ممهـورة برشوة
والمشروع الديني الخـالص ... ما محتاج لدراسة جدوى
ويات من قال "يا رب" من قلـبو ... رد الخالق دايما "أيوه"


حِمّيد
الزوول غير متصل   رد مع اقتباس
قديم 08-08-2013, 09:06 PM   #[858]
الزوول
عضو
الصورة الرمزية الزوول
 
افتراضي


الحلقة الأولى:
10/7
فاطمة عمر وبامتياز أغنية عثمان حسين (جايي تترجاني اغفر ليك ذنبك)
مصطفي السني وبتقدير جيد جداً عبدالعزيز محمد داؤد (زرعوك في قلبي)
...
الحلقة الثانية:
11/7
لا يوجد
...
الحلقة الثالثة
12/7
لا يوجد
...
الحلقة الرابعة
13/7
عن محمود عبدالعزيز
لا يوجد
....
الحلقة الخامسة
14/7
الشاعر كامل عبدالماجد
معتز صباحي ورائعة الجابري (البلوم في فرعو غنى)
...
الحلقة السادسة
15/7
مع الشاعر الصادق الياس
لا يوجد
....
الحلقة السابعة
16/7
عن التاج مصطفى
لا يوجد
...
الحلقة الثامنة
17/7
عن الشعراء الاعلاميين
لا يوجد
...
الحلقة التاسعة
18/7
بلال موسى
لا يوجد
....
الحلقة العاشرة
19/7
التراث الغنائي
لا يوجد
....
الحلقة 11
20/7
أبو آمنة حامد
طه سليمان وو البادية في رائعة صلاح بن البادية (وشوشني العبير)
....
الحلقة 12
21/7
مواصلة أبو آمنة حامد
لا يوجد
....
الحلقة 13
22/7
فرح الفن
مصطفى السني وجمال فرفور في رائعة أبو داؤد والعطبراوي (يا ناس دلوني)
نسرين هندي ومصطفى السني (دمعي الاتشتت وغلب اللقاط)
....
الحلقة ال14
23/7
عبدالرحمن عبدالله
لا يوجد
...
الحلقة 15
24/7
الطيب عبدالله
لا يوجد
...
الحلقة ال16
25/7
الحلقة عن عوض جبريل
لا يوجد
....
الحلقة 17
26/7
عن الليل
فهيمة (الليل والليل يا عيني)
....
الحلقة 18
27/7
التجاني حاج موسى
لا يوجد
....
الحلقة 19
28/7
الزمن
الفرقة الموسيقية في أغنية زمان الناس للكابلي والتي أداها طه سليمان
...
الحلقة 20
29/7
الهادي ود الجبل
افتقدتك طه سليمان والهادي الجبل
...
الحلقة 21
30/7
عبدالعظيم حركة
لا يوجد
...
الحلقة 22
31/7
صلاح محمد عيسى
لا يوجد
....
الحلقة 23
1/8
الايقاع
فهيمة عبدالله (يا الجافيت بدون اسباب)
...
الحلقة 24
2/8
الأسئلة
الفرقة الموسيقية في اغنية وردي (كده اسأل نفسك بينك وبينا) والتي أداها ود المأمون
طه سليمان قالو وقلنا ليه ليه
...
الحلقة 25
3/8
عبدالحميد يوسف
لا يوجد
....
الحلقة 26
4/8
الشاعر ابراهيم الرشيد
معاذ ود البادية ورائعة ابراهيم عوض (لو مشتاق حقيقة)
طه سليمان ورائعة ثنائي الجزيرة (بغير عليك يا جار)
...
الحلقة 27
5/8
محمود تاور
طه سليمان في (ارجع تعال عود لي)
....
الحلقة 28
6/8
حسن سليمان الهاوي
لا يوجد
...
الحلقة 29
7/8
الشاعر اسحق الحلنقي
لا يوجد

بصفة عامة (الطف) الحلقات حلقة محمود تاور وابراهيم الرشيد



التوقيع:
يا متلبك في الأدران ... الحجـر الأسـود مـاهو البروة
وماها مكاوي الكعبة تجيها ... حين ينكرفس توب التقوى
ومافي خرط للجنة تودي وما في خطط ممهـورة برشوة
والمشروع الديني الخـالص ... ما محتاج لدراسة جدوى
ويات من قال "يا رب" من قلـبو ... رد الخالق دايما "أيوه"


حِمّيد
الزوول غير متصل   رد مع اقتباس
قديم 08-08-2013, 09:29 PM   #[859]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
المشاركة الأصلية كتبت بواسطة خالد غالي مشاهدة المشاركة

اتفق مع الرشيد انو اداء عافية افضل من اداء فاطمة، اقول هذا واستغفر الله العظيم
انا اختلف معاك وبتفق مع استاذنا قيقراوي

ابداً انا ما قارنت (تفاضلياً) بين الاتنين يا غالي، أنا فقط اتكلمت عن إضافة فاطمة لأغنية يا حنين من عدمها، لأنو أنا شايف عافية ما خلت فرصة لزول يضيف للاغنية شئ فوق البيعة، وطبعاً وجهات النظر بتختلف من زول لتاني.
طبعاً الكلام دا كلو مستند علي فكرة تحويل ملكية الاغنية من عافية (المعتزلة) لفاطمة، عشان كدا كنت منتظر أشوف حتعمل شنو بعد الاغنية بقت حقتها رسمياً، لو الموضوع مقتصر علي أداء أغنية حقت زول تاني بس، كنت حأقول ليك والله جضّمتها جد من غير تفكير.


عيد الضحية قريب، والكيشة الله يخونو



الرشيد اسماعيل محمود غير متصل   رد مع اقتباس
قديم 08-08-2013, 09:36 PM   #[860]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
الحلقة 27
5/8
محمود تاور
طه سليمان في (ارجع تعال عود لي)
وفرفور في (حياتي حلوة)..

دا كان افضل أداء لفرفور في الموسم الحالي يا الزوول، أدّاها بحيوية وانفعال واحساس، حتي الرضا كان باين علي تاور، حقيقي كان أداء بمستوي عالي.


كل سنة وإنت طيّب يا الزوول، قلت لي العمدة لحقتو كم حلقة كدي؟!، عشان كدا قال ليهم الرشيد دا أدوهو راسو



الرشيد اسماعيل محمود غير متصل   رد مع اقتباس
قديم 08-08-2013, 09:55 PM   #[861]
خالد غالي
:: كــاتب نشــط::
 
افتراضي

والله يا الزول اجحفت في حق فاطمة تماما اذا قلت انو اداءها لاغنية جاني طيفو طايف ماكان اكتر من ممتاز!!

شخصيا بعتبرو افضل اداء في البرنامج كلو

كدى اسمع تاني ووريني رايك

http://youtu.be/U34h3cPnDJQ



خالد غالي غير متصل   رد مع اقتباس
قديم 08-08-2013, 10:03 PM   #[862]
خالد غالي
:: كــاتب نشــط::
 
افتراضي

اقتباس:
انا اختلف معاك وبتفق مع استاذنا قيقراوي
هههههههههههه

اتسديت يعني

كويس بخلصها منك بي خمسين وسيك



خالد غالي غير متصل   رد مع اقتباس
قديم 09-08-2013, 01:17 AM   #[863]
فتحي الصديق
:: كــاتب نشــط::
الصورة الرمزية فتحي الصديق
 
افتراضي

كانت (وشوشني العبير ) هي جوهر صدر الأغاني في هذا العام ..
طه سليمان كان أداؤو ثابت ورصين ..


---------------------------------
خيبت ظني نسرين هندي ..فقد أستمعت لها قبلاً وهي تؤدي بشكل أفضل من أدائها في (أغاني وأغاني) .



التعديل الأخير تم بواسطة فتحي الصديق ; 09-08-2013 الساعة 01:22 AM.
فتحي الصديق غير متصل   رد مع اقتباس
قديم 09-08-2013, 02:40 AM   #[864]
قيقراوي
:: كــاتب نشــط::
الصورة الرمزية قيقراوي
 
افتراضي

يا رشيدنا جاتك اشادة -مستحقة- من اكتر زول شناف في الاسافير ..
عمر الفاروق همسلف!!


ومعاها دعوة لتكوين رابطة الناقدين الفنيين العنقالة .. باللضين بس













-----

الليل هووود بي جايي ..
صباحتو بيض

احتقب اجمل امانيك يا جميل
ماشي اودي لوداعة صاحب الوداعة .. وداعة تخصو تماماً



التوقيع: شجرة وشجرة يساوي شجرتين ..
شجرة وشجرة وشجرة بتعمل غاااابة
قيقراوي غير متصل   رد مع اقتباس
قديم 09-08-2013, 11:14 AM   #[865]
قيقراوي
:: كــاتب نشــط::
الصورة الرمزية قيقراوي
 
افتراضي

اقتباس:

غايتو البضمنو ليك يا فتح الرحمن إنو الزول الإسمو الرشيد اللي جبت مداخلته من سودانيات لي هنا الزول ده زول فاااهم فهم ما طبيعي في قصة الاستماع ..وياريت يكون زول بيعتمد على أضانو زيينا كده وما زول بتاع علم موسيقى عشان أضمو لي النادي بتاعنا نحن زمرة العنقالة اللي في كل يوم بيأكدوا نظريتي إنهم ربما أفضل من ناس العلم الموسيقي ..
الزول ده مداخلته زاااتا ما خلى لينا فيها أرموص زي ما هو قال عن عافية عشان الواحد يجي يعقب عليهو .. الزول ده بالجد كتب مداخلة دسمة مختصرة وصفت تماااما فاطمة عمر وعافية ..
عن نفسي أجد عافية حسن هي تاني أفضل صوت نسائي بعد صوت ملاك الأمين المعتزلة مبكرا للغناء ومن بعدها ظهرت عافية وبرضو إعتزلت مبكراً..
عافية مستحيييل يجي زول بعدها يضييف في الاغنية دي مهما حاااول لااازم يلاقي روحو في لحظة اتقمص صوت وشخصية عافية ..
الشي الملفت وبالفطرة كده في تشابه شديييد بين إحساس وتوصيف عافية وفاطمة .. ياخ لي درجة تصليح الطرحة عندهم بيتشابه ..إضافة لي حركة قلبة اليد وهي قريبة من الكتف دي .. والأغرب برضو استخدام لغة العيون عندهم الاتنين في توصيف الاغنية والابتسامة .. الحاجة دي مااا فيها أييي تقليد من فاطمة لي عافية ..
انا مصر جدا انو فاطمة قبل ما تكون فنانة هي مستمعة عااادية بتحب تسمع غنا كتير من الفنانين وبتتأثر بيهم شديد حتتتى الفنانين الشباب وده ظاهر في طريقة كتير من إنفعالاتها وترديدها لي بعض ابيات الاغنيات بي طريقة شبابية مرحة..
لفتت نظري الليلة وهي بتغني يا ربيع الدنيا وفي حتت معينة بقت تقول يا لذااذة الدنيا .. ودي واحدة من الحاجات المشهور بيها سامي المغربي و وبتخلي روح الاغنية جميلة .. وواضح إنو فاطمة عمر سمعتا من هناك في تسجيلات لي سامي..
فاطمة بتندمج حتتتى مع العزف بتاع الموسيقى وبتعييشو كمستمعة عااادية .. وبرررضو لاحظت ليها قبيل في حفلة النيل الأزرق لمن بتاع الصفارة طلع ليهو صولة كده أو تقريبا طلعة ففاطمة دي قالت يا سلاااام ..
عافة كانت عندها نفففس الحاجات دي ونفففس الاحساس ده لكن للأسف ما إستمرت ..
احمد المك انا بعتبرو إنسان للأسف نفعي و إنتهازي وعايز الحاجات الجاااهزة .. حاااول احمد المك أن يصنع من افراح عصام شخصية عافية ولحححن ليها كل الاعمال بي نفس وريحة ونكهة عافية لكن ديييك خزلتو بي صوووتا البيضرس داك وما قدرت تمرر ليهو ألحانه الح توصلوا للشهرة ..فقام تماها ليها ألحان من وع مجنونة وميونة وشنو ديلك من الاغنيات المحبشنة ديك..
الان يبدو إنو المك وجد ضالته في فاطمة عمر وكمييية الالحان الكان مفصلها لي عافية حسن ح يحولها لي فاطمة عمر والله يستر بعد شوية نبقا في عايز يتزوجها ولقا في تطابق واحساس مشترك وما ادراك من الزوبعة المصطنعة والتمثيلية البااهتة الكانوا قادننا بيها هو وافراح عصام عبر مسريحية روميو وجولييت الحاموا بيها اصطناعا في قنوات التلفزيون السودانية كلللها وتمخضت عن إنفصال مبكر وتصريحات مزعجة عبر الصحف واللتفزيون لاحقاً..
فاطمة أعملي حسابك .. ظهور مرتين في اول يوم عيد في قنوات كبيرة أوووعا يوهمك إنك وصلتي ..
الحلنقي والمك ما يخلعوك وتقولي بقيت بتعامل مع شاعر وملحن كبيرين.. في المرحلة دي صدقيني إنتي الكبيرة وهم المحتاجيين ليك وليس العكس..

تخريمة :
تسجيل يا حنيين في قناة النيل الأزرق لي عافية أجمل من تسجيله الماستر بتاعت تلفزيون السودان .. تقريبا داك تسجيل كانوا معاها بابكر صديق وحرم النور وامال النور و و ..دام الفعلا اتسلطنت فيهو عافية ..
                  
الناقد/ عمر الفاروق

هنااجمل الاعياد .. فاطمة عمر و(ياحنين) رسمياً على (السودان الفضائية)



التوقيع: شجرة وشجرة يساوي شجرتين ..
شجرة وشجرة وشجرة بتعمل غاااابة
قيقراوي غير متصل   رد مع اقتباس
قديم 09-08-2013, 12:23 PM   #[866]
خالد غالي
:: كــاتب نشــط::
 
افتراضي

مششششششج

والله صاحبك ده فاكيها في نفسو فكة العدو


يا الرشيد عافية غنت ياحنيين احسن من فاطمة من كل النواحي وبي فرق كبير شديد، ماتقعد تسمع لينا كلام الناقد الجابو قيقا ده وتقعد تفلسفها



خالد غالي غير متصل   رد مع اقتباس
قديم 09-08-2013, 02:11 PM   #[867]
قيقراوي
:: كــاتب نشــط::
الصورة الرمزية قيقراوي
 
افتراضي

http://www.youtube.com/watch?v=CC9VKqPIgFk


أسمع!!



التوقيع: شجرة وشجرة يساوي شجرتين ..
شجرة وشجرة وشجرة بتعمل غاااابة
قيقراوي غير متصل   رد مع اقتباس
قديم 09-08-2013, 08:01 PM   #[868]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
المشاركة الأصلية كتبت بواسطة خالد غالي مشاهدة المشاركة
يا الرشيد عافية غنت ياحنيين احسن من فاطمة من كل النواحي وبي فرق كبير شديد، ماتقعد تسمع لينا كلام الناقد الجابو قيقا ده وتقعد تفلسفها


يا قيقا قول للفاروق دا والله الزول دا عنقالي أباً عن جد، معتمدين علي سمع الاضان دا بس، وبالله خلينا نشرع في تكوين رابطة الناقدين الفنيين العنقالة. أكيد بكرة دي حنسمع عن كيانات مختلفة للعنقالة، رابطة الرياضيين العنقالة، قدامي اللاعبين، الادباء، الشعراء.. إلخ. أصلو السودانيين يحبُّو الكوبي آند بيست زي عيونهم.
طبعاً لا يفوت عليكم إنو رابطة الناقدين الفنيين العنقالة دي ما حتكون الأولي من نوعها، لأنو قبليها في السياسيين العنقالة، الفرق إضافة لعدم الاعلان عنها، إنو السياسيين عنقالة ولا يدرون أنهم عنقالة.

شكراً يا فاروق علي المؤازرة والاشادة الليها قيمتها كونها من زول أُشتُهر بالشناف.

كل سنة وإنت طيّب يا فاروق والجميع



الرشيد اسماعيل محمود غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:43 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2022, vBulletin Solutions, Inc.