يبدو أن هناك حرب مافيا تجارية بخصوص الذهب.. المافيا القديمة سلطت عليهم عادل الباز ومزمل لفضح شركة الفاخر.
من يقف وراء شركة الفاخر ومن أين أتت بالأموال الضخمة لشراء كل الدهب بالسودان و امس تجار الذهب يقولوا جو بالدفارات (لواري) وعدم الشفافية بيدل على أن حميدتي وراهم. اذا مشيت السودان حتكتشف في فوضى غير طبيعية وظاهرة، مثلآ حتى الآن ما في زول يقدر يقول من وين حميدتي عنده المليارات وبيمول الحكومة ويدير بنك السودان.
احكي ليك عن الفوضى الحاصلة كنت في السودان بعد تعيين حمدوك وكانت في مشكلة سيولة وصعوبة الحصول على الفلوسك من البنك
فضربت تلفون لشيخ ابراهيم تاجر العملة عشان افك ه ألف يورو فجاء الى البيت بعربته البرادو في ظرف ساعة زمن ومعه حوالي ٤٠٠ ألف جنيه سوداني.... الحاجة الغريبة أنه كل الفلوس كانت من فئة ال ٥٠٠ جنيه الجديدة لنج ولم تكن موجودة حتى بالبنوك .. كل الفلوس في رزم جديدة وبنمر متسلسلة وانا اول، شخص يستلمها.. يعني من المطبعة مباشرة لتجار العملة ثم لزين عبدالله😁
|