إلى ناصر يوسف

[فتح العليم الإمام]

عندما انشغل الجميع بهمومه وانزاحو عن سودانيات كنت انت.
عندما غضب البعض فى الحوار كنت انت موجودا تلطف الأجواء وتهدى الخواطر
فكم زرت الدول والمدن لجمع أعضاء سودانيات.
عندما غاب خالد الحاج كنت انت محله فى هذا البيت وفى بيته الخاص هناك مع أسرته.
انت كل الإنسانية والكرم.
نأمل العودة إلى بيتك.

[بابكر مخير]

المشاركة الأصلية كتبت بواسطة فتح العليم الإمام

نأمل العودة إلى بيتك.

وسيعود بقلبه الكبير وبحبه الذي لا يقل
بس متيييني
دي علمها عند الله وعنده
وإحنا للحول بننتظر

والله يا استاذ فتح العليم وعمنا د بابكر اتعودنا على ناصر . . وسودانيات زااااااتها اتعودت عليه . . يا يرجع ناصر ولا شوفوا لينا دكتور لمعالجة ادمانها ليه . .
حبيبنا ناصر . . كفاك
ما تتخنها
يااااخى مشتاااااااقين

[imported_رأفت ميلاد]

كلام فتح العليم شلتو فى صرة وخيط وختيتو ليهو ومعاهو لنك لكن نبزتو ههههههههههه

[imported_سارة]

ابو رحيق يا جميل الخلقة الاخلاق
يسالك الله قلت لى شنو؟؟؟
اتصلت على كم مرة وكتبت لى كم مرة وشتمتنى كم مرة
واخر مرة التقينا فى الوافر عملت لى عاهة مستديمة مش كله بسبب
البيت دا وامانة خالد الله يرحمه؟؟

تجيبنى تمشى؟؟؟ ما عافية ليك كلو كلو

[imported_الجيلى أحمد]

ابو رحيق يا جميل الخلقة الاخلاق
يسالك الله قلت لى شنو؟؟؟
اتصلت على كم مرة وكتبت لى كم مرة وشتمتنى كم مرة
واخر مرة التقينا فى الوافر عملت لى عاهة مستديمة مش كله بسبب
البيت دا وامانة خالد الله يرحمه؟؟

تجيبنى تمشى؟؟؟ ما عافية ليك كلو كلو

هسه سرورة دي خلت كلام تاني لي زول؟

يلا ياحمبكة,
بطل الحركات بتاعت الكبر دي
ورجع لينا الكونفو باندا بتاعنا

[imported_الجيلى أحمد]

و بما انو الليلة عيد ميلاد الكونفو باندا,

فكل سنة وانت طيب ياأبا رحيق

بطل عكلتة الكبر دي يادشن

[imported_Hassan Farah]

بالمناسبة أمس كان عيد ميلادو....انا هنيتو فى الفيس بوك لكن ما إشتغل بى

[imported_الجيلى أحمد]

ياعم حسن,
عيد ميلاد شنو كمان للكونفو,
دا مواليد واحد واحد سنة حفرو البحر

هسه لقي الجو بتاع ميكي دا ودخل في دور السائح
عيد ميلاد
ومابعيد يجيبو ليهو تورتة كمان,
وشموع يطفيها بشلاليفو الكبار ديل

ربونا دا عندو حاقات

[imported_عبدالله الشقليني]

[rams]https://www.youtube.com/watch?v=uGP4ZwhIRNg[/rams]

[عكــود]

المشاركة الأصلية كتبت بواسطة الجيلى أحمد

ياعم حسن,
عيد ميلاد شنو كمان للكونفو,
دا مواليد واحد واحد سنة حفرو البحر

هسه لقي الجو بتاع ميكي دا ودخل في دور السائح
عيد ميلاد
ومابعيد يجيبو ليهو تورتة كمان,
وشموع يطفيها بشلاليفو الكبار ديل

ربونا دا عندو حاقات

مالو ما يطفي الشمعات،
هم الطفوا الشمعات وجاتهم هدايا دباديب بنفسجية أحسن منو في شنو!


سلام يا جيلي

[imported_الجيلى أحمد]

سلامات ياعمدة,

العوجة دي مابتجيهو, هو ذاتو بقي الأيام دي كائن لطيف لطيف كدا..
روحو محرقاهو ويمكن في أي لحظة يخش في دور الشمعة ذاتا

[فتح العليم الإمام]

المشاركة الأصلية كتبت بواسطة الجيلى أحمد

سلامات ياعمدة,

العوجة دي مابتجيهو, هو ذاتو بقي الأيام دي كائن لطيف لطيف كدا..
روحو محرقاهو ويمكن في أي لحظة يخش في دور الشمعة ذاتا

سلامات الجبلي
خسارة يالجيلى صرح مثل سودانيات ينهار وانتم نتفرجون .
فشلت كل المحاولات لإعادة الأعضاء
ياخى اعملوا حاجة تحرك المكان ونسق مع معتصم وعكود وغيرهم الاتصال على الناس.
عاوزين كل الأطياف يرجعوا.
اجتهدوا لعودة ناصر .
واعتقد ان سبب خروج ناصر يرجع لاحباطه حول عودة الاعضاء.
حتى مدخلات الاعضاء المتواجدين حاليا ضعيفة ناصر يستحق كلمة من كل من يتصفح سودانيات حاليا.
أوقفت بوست الغربة البكاية تعاطفا مع رحيل هذا الإنسان الجميل ناصر يوسف
دومتم بخير وعافية
دومتم بخير

[بابكر مخير]

المشاركة الأصلية كتبت بواسطة فتح العليم الإمام

واعتقد ان سبب خروج ناصر يرجع لاحباطه حول عودة الاعضاء.
حتى مدخلات الاعضاء المتواجدين حاليا ضعيفة ناصر يستحق كلمة من كل من يتصفح سودانيات حاليا.
أوقفت بوست الغربة البكاية تعاطفا مع رحيل هذا الإنسان الجميل ناصر يوسف
دومتم بخير وعافية
دومتم بخير

يا فتح يابا
عودة الاعضاء كيف إن بقآ كل عضو يحبط يمشي..
من خلالك رسالة لي نصوري..
إبني العزيز ناصر
المولى عز وجل لمن موسى طلب يشوفه، ما بخل عليه، لكن موسى الما قدر على كدآ..
وهنا يابا
أحبائك طلبوا منك أن تظهر لغايت ما فضت المحابر من الحبر وجفت الحلاقيم من الصياح منادية..
فهل حتترفع برضهو..
الأمر بيدك وما أكتر ولا أقلا..
وبرضك ليك حبنا
عمك بابكر

[imported_كيشو]

المشاركة الأصلية كتبت بواسطة فتح العليم الإمام

سلامات الجبلي
خسارة يالجيلى صرح مثل سودانيات ينهار وانتم نتفرجون .
فشلت كل المحاولات لإعادة الأعضاء
ياخى اعملوا حاجة تحرك المكان ونسق مع معتصم وعكود وغيرهم الاتصال على الناس.
عاوزين كل الأطياف يرجعوا.
اجتهدوا لعودة ناصر .
واعتقد ان سبب خروج ناصر يرجع لاحباطه حول عودة الاعضاء.
حتى مدخلات الاعضاء المتواجدين حاليا ضعيفة ناصر يستحق كلمة من كل من يتصفح سودانيات حاليا.
أوقفت بوست الغربة البكاية تعاطفا مع رحيل هذا الإنسان الجميل ناصر يوسف
دومتم بخير وعافية
دومتم بخير

السلام عليكم يا فتح العليم
أعتقد أن أحد أسباب الجمود الذي تعاني منه سودانيات هو تقدم معظم الأعضاء في العمر، وهذا في تقديري يقلل من الحماس ويزيد من الزهد في المحاورة ومحاولة إقناع الآخر بوجهة النظر، سودانيات في حاجة لاستقطاب دماء شابة تنشط الحوار بحماسها وتساؤلاتها
غياب ناصر يوسف وانصرافه عن سودانيات يجب مناقشته فيه ليعلم أن أسباب غياب الأعضاء ليس من بينها تنكرهم لسودانيات، ناصر لم يعطِ نفسه الفرصة ليستمع إلى الناس؛ بل قرر بنفسه ما توصل إليه
صحيح أن هناك ظروفاً مرت بها سودانيات أهمها الانتخابات -بت الكلب- وما صاحبها من معارك استخدمت فيها أساليب لم يجد أصحابها غيرها للأسف