نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 08-01-2010, 07:30 PM   #[1]
imported_مي التجاني
:: كــاتب نشــط::
 
افتراضي غٌنانا حزين ولأّ الحزن حرفتنا؟؟

من فتره يمكن تكون طويله شويه، بتتردد علي افكار بتحسسني بالحزن والكآبه،
بتجيني في اي وقت من اليوم، وطوالي مزاجي بتغّير وبحس بالكآبه،
بقيت ابدأ يومي بالافكار دي واضمن انه اليوم كله اتلون بالحزن.
كل الحوارات الطويله والقصيره مع مع روحي ما كانت مجديه
في انها تحول تركيزي عن الافكار دي،،، استسلمتا وبقيت كمان ألقى
للأفكار أصول جواي،،، ما انا قلتا غٌنانا حزين،، وحاتم قال الحزن ده حرفتنا،،،
والذاكره مدتني بكميه من الاسماء المحترفه الحزن و الدنيا معاكساها،،،
لقيت لي مكان وسط مجتمع كبير.

قررتا اكسر دائرة الحزن بسودانيات واتابع المداخلات وانتظر عم حنفي يرجع من
صلاة الجمعه وناس الليل، والحال في حاله، جربتا الكتب ولقيتا مصدر وافر للافكار
الحزينه.

بقيت افتح youtube كتير، عشان أفتش عن حاجات تفرّح ولقيت لينك لأوبرا
ومنه لينك لفيديو عن قوة العاطفه فيه بقولوا انه الانسان ممكن يدمن الحزن و الضغوط
وانه الانسان لما تراوده فكره حزينه، دماغه بفرز إشارات لكل خلايا الجسم في شكل
بروتينات، وخلايا الجسم بتستقبل الاشارات دي وبتسجيب ليها، وبتحصل فيها تغيرات.
لما يتكرر إرسال نفس الإشارات خلال فتره، خلايا الجسم بتدمن النوع ده من الاشارات
و بتحث الدماغ انه يرسل ليها الاشارات. يعني حتي لو مافي بالك فكره حزينه، الدماغ
لازم يفتش علي فكره تحزنه عشان يضمن ارسال الاشارات دي لخلايا الجسم.
والحاجه دي بتنطيق علي كل انواع المشاعر فرح غضب رضا او احساس بالظلم.
بقولوا الحل وقفه والتخلص من كل ممارسات الماضي والبدايه الواعيه لنوع حياه جديده
عشان يتغير نظام إشارات المدغ.

طيب، يمكن في السودان احنا ادمنا الحزن عشان كده خالقين لنفسنا واقع بائس بنغذيه
بسلبيتنا عشان يستمر

يمكن أدمنا الإحساس باننا ضحايا، ضحايا للسياسات الغلط عشان كده مافي حركه للتغيير.

يمكن قادتنا ادمنوا بروتينات الغضب عشان كده كل يوم والتاني مفتعلين خلافات.

يمكن ادمنوا الضغوط عشان كده ما بنظروا نظره موضوعيه للواقع ولابحاولو يلقول حلول.

يمكن نحنا شعب ضحية ادمان!!!!!!!!



imported_مي التجاني غير متصل   رد مع اقتباس
قديم 08-01-2010, 10:37 PM   #[2]
النور يوسف محمد
:: كــاتب نشــط::
الصورة الرمزية النور يوسف محمد
 
افتراضي

بسم الله الرحمن الرحيم
العزيزة مى التجانى
أضحك الله زمانك ..
استهوانى هذا الطرح الجميل وهذا التشريح العميق للحزن
حقيقةً .. هل يفرز الجسم هرمون فى حالة الحزن يمكن أن يدمنه الجسم ؟؟
أنا شخصياً لست مختص ولكن قرأت أن راكبى الدراجات النارية
وهواة الألعاب الخطرة يفرز جسمهم هرمون الأدرنالين
وهو هرمون يعطى إحساساً بالسعادة والجرأة وفى مرحلة ما يدمنه اللاعب .
بالطبع هذا الهرمون إن صحّ يشير الى أن حزناً عميقاً متواصلاً ألمّ بالشخص
نتج عنه استجابة الجسد له بإفراز هذا الهرمون ..
السؤال ماهو منشأ الحزن وبداياته ؟؟
هل هو الإخفاق المستمر على الصعيد الشخصى ؟؟
أم هو تراكم إحباطات ناتجة من المحيط والبيئة ؟؟
ثم هل الحزن معدى ؟؟

الأخت مى
معجب جداً بمواضيعك التى تثيرينها .. لغة المدن مثالاً
شكراً لك



النور يوسف محمد غير متصل   رد مع اقتباس
قديم 09-01-2010, 05:07 AM   #[3]
imported_محمد عبدالله
:: كــاتب جديـــد ::
الصورة الرمزية imported_محمد عبدالله
 
افتراضي

مي التجاني؟
ياربي دي محاسن الصدف البقولوها؟ ولا شنو
اول حاجة مشتاقين
وتاني حاجة مبروك النجاح
وتالت حاجة خليك من ناس بت وينفري والتفكير الايجابي ديل, وكلامم الخارم بارم دا
الناس ديل بدو يتكلمو بالطريقة الحلوة دا بعد ما بقو نجوم
صاح انو في جزء من كلام معقول بس الباقي كلو تهويمات زهنية فارغة
انا شايف انو الحزن دا ، غالباً عندو اسباب موضوعية ،ولو مافي سبب موضوعي
دا اسمو حاجة تانية يتعاملو معاها ناس السيكلوجي ولا شنو؟
عشان كدا لامن يجي الحزن الموضوعي لاي زول بس يحزن ماشاء له الحزن
ويواصل المحطة الجاية.
طبعا كلامي دا زاتو ما مفيد والاسباب واضحة والحمدلله
وخلينا نلاقيك



imported_محمد عبدالله غير متصل   رد مع اقتباس
قديم 09-01-2010, 08:22 AM   #[4]
imported_مي التجاني
:: كــاتب نشــط::
 
افتراضي

تعليق بفرح يالنور،
والله طلع الكلام صحي وانه بندمن اي احساس ولو ما حاسين بيه بنفتعل الاسباب
عشان نحسه.
النور انت سألتا عن منشأ الحزن بس انا حاجاوبك عن لي بستمر، في الموقع قالوا انه الزول البدمن الاحساس بتاع الحزن، بعد داك بجذب لروحه الأحداث الحزينه عشان يضمن جسمه افراز مادة الحزن، وبقولوا انه قوة افكارنا هي البتشكل واقعنا.
لو استمر الحزن فتره قصيره ما حيدمنه الجسم لكن لو قررنا ننكد على روحنا فتره أطول بانه نتذكر الحدث البحزن مرارا وتكرارا، بعد داك الجسم بدمن الماده وصعب نتخلص منه.

عشان كده الزول الدمه فاير دمه فاير طوالي لانه جسمه محتاج للماده دي. اتخيل لي بعد ده حنعزر كل الناس



imported_مي التجاني غير متصل   رد مع اقتباس
قديم 09-01-2010, 08:34 AM   #[5]
imported_مي التجاني
:: كــاتب نشــط::
 
افتراضي

محمد عبالله
امبارح في سيرتك

نجاح ناس اوبرا باكد انه طريقتهم مضمونه واحسن نجربه
وهم زاتهم عندهم نقد جميل لنظرياتهم،
بقولوا انه الكون عنده كم قانون ما قانون واحد ذي مابقولوا كتاب التفكير الايجابي.



imported_مي التجاني غير متصل   رد مع اقتباس
قديم 09-01-2010, 08:57 AM   #[6]
imported_نزار حسن علي
:: كــاتب نشــط::
 
افتراضي

الكريمة
مى
زي ما قلتي ادمنا الحزن في كل شئ يعني اهلنا الكبار ما بحبو الا الالوان المحزنه انا بفتكر انو ده كلو من الحاصل عليهم اكثر يعني في ناس دايما قافلين نفسن في الاحزان يعني اديك مثال بسيط عندنا قريبتنا زوجها توفي قبل ثلاثين سنه للان ما بتمشي عرس ولا مجاملات بس تقولي شنو
مودتي لك بلا حدود



imported_نزار حسن علي غير متصل   رد مع اقتباس
قديم 09-01-2010, 09:04 AM   #[7]
imported_مي التجاني
:: كــاتب نشــط::
 
افتراضي


صباحك نور يانزار

احنا ما خلاص بقينا نعزرهم الموضوع ده ادمان، طلع من يدهم



imported_مي التجاني غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 05:44 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.