وما الناسُ بالناس الذين عرفتهم !!! عبد الله الشقليني

إلى د. طلال فى حربه العادلة و قيادته الماثلة !!! معتصم الطاهر

الجن وعالــم اللامرئيـات/Parapsychology !!! خالــد الحـــاج

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 16-03-2013, 09:25 AM   #[1591]
أبو دعد
:: كــاتب نشــط::
 
افتراضي

قلبتوا الصفحات ورانا و كترتوا النم
و انا بى غادى غرقان فى بحور الهم
ادونى فرصة اخد راحى و شوية انجم
بضاير الساكنين مع العرب و العجم



أبو دعد غير متصل   رد مع اقتباس
قديم 16-03-2013, 10:10 AM   #[1592]
سارة
:: كــاتب نشــط::
الصورة الرمزية سارة
 
افتراضي

اقتباس:
المشاركة الأصلية كتبت بواسطة حافظ حسن مختار مشاهدة المشاركة
قول لي ام سماح هجرانك نار لافحانا
و كاتمنو ريدك الا الأشواق فاضحانا
الخلاني بين حجر الرحى ومسحانا
في سوق هواك تجارتنا مي ربحانا

كر ساي...

كاتمين الوجع وقاطعنو جوة حشانا
نتدارى وندارى الا الدموع فاضحانا
سكنتو الوريد ولا بشوفنا لا بيطرانا
زى ابل الرحيل شايلة السقى وعطشانة:p:D

وتانى كر مهداة لخالد غالى وليك يا حافظ مختار



التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا
لك الرحمة ياخالد ولنا صبرا جميلا
سارة غير متصل   رد مع اقتباس
قديم 16-03-2013, 06:18 PM   #[1593]
حافظ حسن مختار
:: كــاتب جديـــد ::
 
افتراضي

اقتباس:
المشاركة الأصلية كتبت بواسطة سارة مشاهدة المشاركة
كاتمين الوجع وقاطعنو جوة حشانا
نتدارى وندارى الا الدموع فاضحانا
سكنتو الوريد ولا بشوفنا لا بيطرانا
زى ابل الرحيل شايلة السقى وعطشانة:p:D

وتانى كر مهداة لخالد غالى وليك يا حافظ مختار
نشتل في الريد والبحصدو سوانا
ونكتب في الغنا كايسن رضاها فلانا
مكتوب في لوحنا فرحه محال تغشانا
ما نسعدبو حبيب لامن الاجل يوفانا

هدية مقبولة يا سارة



التعديل الأخير تم بواسطة حافظ حسن مختار ; 16-03-2013 الساعة 06:21 PM.
حافظ حسن مختار غير متصل   رد مع اقتباس
قديم 16-03-2013, 06:23 PM   #[1594]
حافظ حسن مختار
:: كــاتب جديـــد ::
 
افتراضي

طالت الغيبة ونار فراقك شبّت
والجوارح اتملت بالشوق وإتعبـّت
يا الريدك فرهد في الدواخل ونبّت
كل ما اطراك ألقى العيونات كبّت



حافظ حسن مختار غير متصل   رد مع اقتباس
قديم 16-03-2013, 09:51 PM   #[1595]
مي هاشم
:: كــاتب نشــط::
الصورة الرمزية مي هاشم
 
افتراضي

اقتباس:
المشاركة الأصلية كتبت بواسطة سجمان مشاهدة المشاركة
والله في البال لكن الوكت داهمني فعذراً أختي..

أردب عذر معاو مكنتل حزني
ما ودعت ناس "فيحا" الوكت أوجزني
يا مي النضم بي عذري تب أعجزني
طالبين السماح الشيخ حسن يحجزني
لا اله الا الله..
عاد كان قاصد سيدي الحسن اب جلابية أو سيدي ود حسونة أو سيدي حسن الشيخ قريب الله بتكون عصرت علي شديد ياخ..انا مسكينة :D


طنّين شوق معاو صابّات همايل مُزني
ما شفت الحليق سيف الألم حاززني
الخلاّ الحرف يمرق علي ناغِزني
متحوّي الكرام بي ريدتهم بارزني



تُبت لله والرسول..
مدد



التعديل الأخير تم بواسطة مي هاشم ; 16-03-2013 الساعة 09:55 PM.
التوقيع: [align=center]

الحب والجمال منشآ الكون[/align]
مي هاشم غير متصل   رد مع اقتباس
قديم 16-03-2013, 10:09 PM   #[1596]
سارة
:: كــاتب نشــط::
الصورة الرمزية سارة
 
افتراضي

اقتباس:
المشاركة الأصلية كتبت بواسطة حافظ حسن مختار مشاهدة المشاركة
نشتل في الريد والبحصدو سوانا
ونكتب في الغنا كايسن رضاها فلانا
مكتوب في لوحنا فرحه محال تغشانا
ما نسعدبو حبيب لامن الاجل يوفانا

هدية مقبولة يا سارة
نشتل فى المحبة وغير الجحود ما جانا
وفى لوحة كتوفنا كتبنا (انت منانا )
يا مقنع غطاى قليبى عندك امانـــــــة
سو فيهو البعجبك وانا بالحكم رضيانا

تانى كر:D

مى يا جميلة سلامات




التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا
لك الرحمة ياخالد ولنا صبرا جميلا
سارة غير متصل   رد مع اقتباس
قديم 16-03-2013, 10:10 PM   #[1597]
سارة
:: كــاتب نشــط::
الصورة الرمزية سارة
 
افتراضي

اقتباس:
المشاركة الأصلية كتبت بواسطة مي هاشم مشاهدة المشاركة
لا اله الا الله..
عاد كان قاصد سيدي الحسن اب جلابية أو سيدي ود حسونة أو سيدي حسن الشيخ قريب الله بتكون عصرت علي شديد ياخ..انا مسكينة :D


طنّين شوق معاو صابّات همايل مُزني
ما شفت الحليق سيف الألم حاززني
الخلاّ الحرف يمرق علي ناغِزني
متحوّي الكرام بي ريدتهم بارزني



تُبت لله والرسول..
مدد
التوبة لله الكريم:p



التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا
لك الرحمة ياخالد ولنا صبرا جميلا
سارة غير متصل   رد مع اقتباس
قديم 16-03-2013, 10:22 PM   #[1598]
مي هاشم
:: كــاتب نشــط::
الصورة الرمزية مي هاشم
 
افتراضي

سرورة يا ست الكل.. سلامات


ياختي ده شنو الصّقع ده؟؟!!
الكلام ده كبير علي ياخ..وكمان جابت ليها تِحِوّي في أهل الله!!
بري يا يُمّة.. وكُر :D



التوقيع: [align=center]

الحب والجمال منشآ الكون[/align]
مي هاشم غير متصل   رد مع اقتباس
قديم 17-03-2013, 07:20 AM   #[1599]
حافظ حسن مختار
:: كــاتب جديـــد ::
 
افتراضي

اقتباس:
المشاركة الأصلية كتبت بواسطة سارة مشاهدة المشاركة
نشتل فى المحبة وغير الجحود ما جانا
وفى لوحة كتوفنا كتبنا (انت منانا )
يا مقنع غطاى قليبى عندك امانـــــــة
سو فيهو البعجبك وانا بالحكم رضيانا

تانى كر:D

مى يا جميلة سلامات

الفارع قواما ونور وشيها يلالي
آسراني بي ذوقه ونغيم لهيجه الحالي
الأسعد دواخلي وغبن ترك عزالي
لمّحت لي براها يا خلاي رايده وصالي



حافظ حسن مختار غير متصل   رد مع اقتباس
قديم 17-03-2013, 08:25 AM   #[1600]
أبو دعد
:: كــاتب نشــط::
 
افتراضي

يا ود مختار اول مرحبتين حبابك
و سعبد يوما لينا بالنميم جابك
بشوفك بين سارة ومى دفق تبرابك
بوصيك شمر ضرعاتك و غرز نابك



أبو دعد غير متصل   رد مع اقتباس
قديم 17-03-2013, 08:34 AM   #[1601]
حافظ حسن مختار
:: كــاتب جديـــد ::
 
افتراضي

اقتباس:
المشاركة الأصلية كتبت بواسطة أبو دعد مشاهدة المشاركة
يا ود مختار اول مرحبتين حبابك
و سعبد يوما لينا بالنميم جابك
بشوفك بين سارة ومى دفق تبرابك
بوصيك شمر ضرعاتك و غرز نابك
حباب ابو دعد المستف بالمعاني جرابك
رجاله وكرم جارات بالاراضي تيابك
شربت النميم بلغت منو نصابك
مع سارة ومي بنجادع وكلامنا ماهو مشابك



حافظ حسن مختار غير متصل   رد مع اقتباس
قديم 17-03-2013, 08:43 AM   #[1602]
أبو دعد
:: كــاتب نشــط::
 
افتراضي

اقتباس:
المشاركة الأصلية كتبت بواسطة حافظ حسن مختار مشاهدة المشاركة
حباب ابو دعد المستف بالمعاني جرابك
رجاله وكرم جارات بالاراضي تيابك
شربت النميم بلغت منو نصابك
مع سارة ومي بنجادع وكلامنا ماهو مشابك
الكلام اوزنو معاهن و اختا العترة
ديل حديثن واضح زى سحاب النترة
و الواحدة فيهن بى الطيبة منسترة
مقفات و ما بجيبن كلمة شترة



أبو دعد غير متصل   رد مع اقتباس
قديم 17-03-2013, 08:51 AM   #[1603]
أبو دعد
:: كــاتب نشــط::
 
افتراضي

اقتباس:
المشاركة الأصلية كتبت بواسطة حافظ حسن مختار مشاهدة المشاركة
حباب ابو دعد المستف بالمعاني جرابك
رجاله وكرم جارات بالاراضي تيابك
شربت النميم بلغت منو نصابك
مع سارة ومي بنجادع وكلامنا ماهو مشابك

الكلام معاهن اوزنو و اختا العترة
ديل بنات عز و فوقن خت الشكرة
الواحدة فيهن باينة زى سحاب النترة
وتماضر النميم عندها سجية و فطرة



أبو دعد غير متصل   رد مع اقتباس
قديم 17-03-2013, 09:38 AM   #[1604]
حافظ حسن مختار
:: كــاتب جديـــد ::
 
افتراضي

اقتباس:
المشاركة الأصلية كتبت بواسطة أبو دعد مشاهدة المشاركة
الكلام اوزنو معاهن و اختا العترة
ديل حديثن واضح زى سحاب النترة
و الواحدة فيهن بى الطيبة منسترة
مقفات و ما بجيبن كلمة شترة
اقتباس:
المشاركة الأصلية كتبت بواسطة أبو دعد مشاهدة المشاركة
الكلام معاهن اوزنو و اختا العترة
ديل بنات عز و فوقن خت الشكرة
الواحدة فيهن باينة زى سحاب النترة
وتماضر النميم عندها سجية و فطرة
هسه انا مشغووول بجيك بي مهله امسك دي عربون

اتلومت يا الدعد لامن اللوم رجح ميزانو
وتبع ترى الرهاب الما شرب عطاشنو
عكرت صفاي وتورت للغضب شيطانو
والراجل الخفيف يا خوي عيبو لسانو

انا الهيلي الكلام موزون وماهو ملتق
بارع في الحديث من تب عودي وبتق
انا الولد الاصيل معروف وعزي معتتق
حاشاني الغلط... وكرامتي ما بتتفق



حافظ حسن مختار غير متصل   رد مع اقتباس
قديم 18-03-2013, 07:03 AM   #[1605]
حافظ حسن مختار
:: كــاتب جديـــد ::
 
افتراضي

هذه المرثية كتبتها في والدتي الله يرحمة

الليل ساق وروّح والعيون فاض ماها
وغير سهر الاماقي حزناَ كبير تلاّها
يامولاي عاد بالرحمة اتولاها
وفي جنات عدن فيض جودك يتوالاها
. #### .
مفجوع فيك ..وياداب ما فرقتِك بانت
ويا زينة الحريم اللي الحديث ماشانت
مفقودة وبلاك خربانة دار ما انصانت
باكينك رجالاً للاسود ما انهانت
. #### .
يبكنك بناتن شايلات حدادن وحفن
يبكوك الضيوف والطلبة واقفين صفّن
باكيك قلبي بالدم والدموع ماكفّن
يابت الكرام الدوام عهودك وفّن
. #### .
فاقدك بالكتير وصبري اصبح ناجع
وخبرك جانا صاروخ فوقنا تلّب واقِع
يالكرمك مطر كاب شووو وخاتي صواقع
للجار والبعيد لون سنك ابيض ناااصع
. #### .
دامي القلب ناعيك ونفسي عليلة
وين المتلك ؟آآ المهلة النقول ياحليلة
عشاية الضيوف يالساهرة لي حد ليلا
مافي مثيلا فاجعنا القدر بي رحيلا
. #### .
عيني دميها تقطر والكبد متفوفة
وكيف اقدر اقابلها وامس ليها كفوفة
ياخلاي مناي من تاني مرة اشوفة
ادعو معاي لأمي الكتير معروفة
. #### .
ويوم الجمعة ياغالية الخبر تب جاني
قاسي علي مرير عجل علي جناني
انا الكت يمة حافيك بي وداد وحناني
كيف القاك ويبسم لي الزمن من تاني
. #### .
نزل خبر السواد وكل البلد حزنانا
فاقداها الخلوق الناهلة من تحنانا
يا سحب الخريف الكنتي ظالة سمانا
من بعد الفراق حزن الحرازة كسانا
. #### .
وانا لا يوم النشور دائماً عليكي بنوح
يا البعدك صبح قلبي الصميم مجروح
لو كان بالمراد افديك براي بالروح
يالذكراك صدي من داخلي تب مابروح
. #### .
فاقداك البيوت من كهله لي اطفالا
يبكو علي فراق الحاشا مي نقالا
فراقك يمة شااال وهطني في الملالا
حار حارق حشاي واعضاي ست بي حالا
. #### .
وكيف الشورة يا خلاي عاد دلوني
ومن قل الصبر جف ويبس ماعوني
سيل الوادي الجارف ما بجاري عيوني
وكت أنسى وادق وأرجاها في تلفوني
. #### .
كل الناس تنوح تردح عليك مفجوعة
وزينوبة الصغيرة بتبكي فيك موجوعة
عينها محاربه للغميد كملت إسبوعة
وكان المات بعود أمي درنا رجوعه
. #### .
وعاد كيف الصبر يا خلا ادعو معايا
فراق الام مرير وكلامي ماهو كفاية
يارب العباد لزمني حكمة وآية
ارحم امي ياربي استجيب لي دعايا
. #### .
حد مافيك أقول وأكتب وأجيد تعبيري
أعجز عن بيان الكاتمو جوة ضميري
من حب واحترام ومودتي وتقديري
بي فقدك شقيت بقت التعاسة مصيري
. #### .
دموع العين عليك صبابه هادره هميله
وفقدك طامة مابتنطاق علينا تقيله
ياست الخصال الما اتوجد تفصيله
فراقك هد صبري ونفسي باكية عليله
. #### .
سالك يا كريم وليك دوام بترجه
تفوز بالجنة أمي وفي النعيم تنفجه
الموت حق علينا أبدا ما بنحتجه
الا فقدنا الحار زلزل نفوسنا ورجه
. #### .
كل الحروف لي فضلها ما بوفن
و كل سنين عمري دعوات ما بكفن
الخلا الحواس يا خلاي يهاتن يرفن
ميت بي فراقة وفاضلي بس اتكفن
. #### .
يا مولاي في دنياي اجبر كسري
ومن سجن الذنوب ياربي حلحل اسري
يا خالق الفجر وليلاتً كراماً عشرِي
أمنا في جنان رضوان تقيّل وتسري
. #### .
بترجى الكريم يغفر لساني ذلاتو
وبصلي علي النبي المعظمة ذاتو
يا مولاي ارحم جميع اهلنا الماتو
بالصلاة والسلام حافظ ختم كلماتو



حافظ حسن مختار غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 08:54 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.