مانفيســــــــــــــــتو

[أشتر]

المشاركة الأصلية كتبت بواسطة أسامة معاوية الطيب

قيل في الأثر : أفضل ثلاث : فتل البوست ، وفتله مرة أخرى ، وعند الفتلة الثالثة تبدأ فتلتك الأولى
قلنا : ليت قومي يعلمون
شكرا على التوليفة الجيدة ... وسمراء دي شغلتها من شؤون العضوية ياخي
مافي قطيعة جديدة ؟؟؟؟

القطايع ماليه الضهر .. وما لقينا ضهر ذاتو يشيل عننا فليتة ضهرنا دا
سمرا دي لو اهتمت بشؤون العضوية أحسن ليها

[jezabell]

[QUOTE=مرافي;256483]

المشاركة الأصلية كتبت بواسطة وجيدة حاتم عباس

اسامة ووجيدة

انتو بتحبو الوطن

وانا بحبو

وبحبك

وبحبه

وبحبكم

دا بلنتي جااااااهز لأي زول رايح

اسامة قصيدتك حلوة شديد بس صراحة جابني الشمار

[أسامة معاوية الطيب]

المشاركة الأصلية كتبت بواسطة الرشيد اسماعيل محمود

أسامة معاوية الطيب..
عوداً حميداً طيبا..
كم إفتقدنا قلمك المسكون بالجمال..
كن قريباً دائما..

صديقي الرشيد ... والله انا اقرب اليك مما تتصور ... حروفك تقربني إليك دائما ... رغما عن جيبك اليمين الفاضي طوالي دا ... انت شكلك واقع شمال يا الرشيد
ياخي مشتاقين والذي نفسي بيده

[أسامة معاوية الطيب]

[QUOTE=جود;256592]

المشاركة الأصلية كتبت بواسطة مرافي

دا بلنتي جااااااهز لأي زول رايح

اسامة قصيدتك حلوة شديد بس صراحة جابني الشمار

جود ما تاخدي الحروف اتجاه واحد ... زي شوارع سواكن كدا
اسع قت لي جابك الشمار بس ؟ ان شاء الله نصيحتن تخدرك
حبابك (اتجاه واحد )

[حسين عبدالجليل]

الاخ أسامة .

شكرا علي هذا الشعر الجميل . وعودا حميدا يارفيق سودانيات .

[أسامة معاوية الطيب]

المشاركة الأصلية كتبت بواسطة حسين عبدالجليل

الاخ أسامة .

شكرا علي هذا الشعر الجميل . وعودا حميدا يارفيق سودانيات .

حسين عبدالجليل ... صباحك خير ياخي
وشكرا على الكلام الجميل ...
وحسن ظنك فينا
سودانيات بيتنا ... تحرد ... تزعل ... تطق راسك في السما ... ترجع ... وتلقى الاحضان مفتوحة

[أسامة معاوية الطيب]

وهادي عودة بذات المانفيستو

مدّيت لساني على الأسف
لمّيت جنات الأغنيات
ناديت وجاوبني النشيد

أمرق قبل نار المسافات تحرقك
قبل الغناوي تشتتك نار من قصيد

وأكسر شبابيك السكات للكلمة
وأفتح بابا للجار والبعيد

وإتمّطّ فوق صدر السماح
أفرد جناحات العشم لي يوم جديد

وأكتب قدر قدرة غناكَ على الخلود
وقدرة طيور الروح تطير
وقدرة حنينك في الوريد

وإندّس في نص الكلام
يحييك وكت تتعب غُنا
وترتاح شهيد

[محمد عبد الرحمن]

المشاركة الأصلية كتبت بواسطة أسامة معاوية الطيب

وهادي عودة بذات المانفيستو

مدّيت لساني على الأسف
لمّيت جنات الأغنيات
ناديت وجاوبني النشيد

أمرق قبل نار المسافات تحرقك
قبل الغناوي تشتتك نار من قصيد

وأكسر شبابيك السكات للكلمة
وأفتح بابا للجار والبعيد

وإتمّطّ فوق صدر السماح
أفرد جناحات العشم لي يوم جديد

وأكتب قدر قدرة غناكَ على الخلود
وقدرة طيور الروح تطير
وقدرة حنينك في الوريد

وإندّس في نص الكلام
يحييك وكت تتعب غُنا
وترتاح شهيد

سلامات يا وريف

مانفيستو جميل للتفاؤل

ينفع يكون نشيد صباح

[أسامة معاوية الطيب]

المشاركة الأصلية كتبت بواسطة محمد عبد الرحمن

سلامات يا وريف

مانفيستو جميل للتفاؤل

ينفع يكون نشيد صباح

انا مرشحو سلام وطني للمنتدى
اها كيف ؟

[محمد عبد الرحمن]

المشاركة الأصلية كتبت بواسطة أسامة معاوية الطيب

انا مرشحو سلام وطني للمنتدى
اها كيف ؟

100 100

وعشان نكون عمليين
نعمل إقتراع طوالي