نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > مكتبات > مكتبة الجيلي أحمد

إضافة رد
 
أدوات الموضوع انواع عرض الموضوع
قديم 02-02-2006, 09:49 PM   #[16]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

فدريكا فى مجموعها تمازج مدهش من العادات الغريبة والمثيره,
حتى جمالها مختلف وغامض..اعينها ناعسة بطعم الغروب تتنافر
زرقتها الصافية مع شعرها المصبوغ باللون الأسود الفاحم..
انفها صغير وشفاهها رخوة وأركان فمها عزبة كمزاق قهوة
الصباح..اينما حلت تحل الحياة فيما حولها..كثيرة الحركه
والقراءة والأسيئلة .. تقضى معى عطلة نهاية الأسبوع وازورها
بقية الايام فى غرفتها بسكن الطلاب ..
فيدريكا تلقت تعليمآ كاثوليكيآ صارمآ ولكنها تمردت عليه ..
ولم تعد لها علاقة بأسرتها المتدينة..كانت تحكى لى عن معاملة
الراهبات الصارمة حين سألتنى (What about you?) ..(انا
يافدريكا إترعت سيطان نيم وبسطونه)..فى المتوسطه كان أستاذ
الرياضيات رجل شرس أخرج الحجاج بن يوسف من قبره ولبس عمامته,
كان رجلآ وسيمآ وانيقآ تفوح منه على الدوام عطور جيده لهذا اسميناه
بيننا (حنكوشه)بعض الأساتذه اصبحوا ينادونه
به كذلك من خلف ظهره , كان هو يعلم بالاسم ولكنه يتجاهل
.. وسبب تعطره وتلك الأناقه هى مدرسة البنات
التى يفصلنا عنها باب حديدى يمر منه ذلك الأستاذ رائحآ
غاديآ أكثر من الفراشين او اى شخص آخر..ومن سوء حظى أنه كانت
بينا قرابة بعيدة فكانت وصية اهلى ان يرسلنى اليهم عظمآ..
كان يكتب المسألة على السبوره وقبل ان يكملها ينادينى بإسمى
طالبآ الأجابه!! فى احدى المرات سألنى عن مسألة غاية فى الصعوبه
فحرت فيها ,كان غاضبآ وضجرآ اكثر من اى يوم مضى..كان يسألنى
وهو يذبد كالمجنون ومع صراخه والصفعات المتتالية تحجر عقلى تمامآ
,صاح باأربعة من (عتاولة الكنبه الآخيره)..شدوهو..
مطونى من أطرافى الاربعة(كنبلة الطير) وأخذ هو ينهال على (ببسطونة
المويه) حتى تصبب عرقه وقاربت ان اهلك من الصراخ والألم ..ذاك
الرجل يصلح ليعذب المساجين فى الأقبيئة الوطيئة وليس ليربى الصبية,
لم استطع ليلتها النوم من الحنق والألم,وقررت الإنتقام..
مساء اليوم التالى أحضرت ( بوهية) حمراء وارتديت قفازات وأنتظرت حتى
اسدل الظلام ستاره وبدأت فى الكتابه على كل أعمدة الكهرباء الخرصانية
بخط تعمدته مختلفآ ..حنكوشه واسمه فى الأسفل.. كتبت على كل الأعمده
حول المدرسه وبعيدآ عنها حتى نفذت (البوهيه)..حنكوشه..حنكوشه...
صباح اليوم التالى كانت المدرسة مقلوبة ,فى طابور الصباح تحدث المدير
بغضب ونعلنا جميعآ وامهلنا خمسة دقائق ليعترف من قامو بالجرم..
بعدها بدأ المدير وحشد الأساتذه الغاضبين فى البحث عن آثار البوهية
فى اجسدنا..دون فائدة..استبد بهم الغضب واعلنوا العقاب الجماعى..
وتم يومها جلد كل المدرسة فى طابور الصباح..أصبح إسم الأستاذ الرسمى
حنكوشه..حنكوشه فى الشارع وحنكوشه من طالبات مدرسة البنات ومعلماتها
..بعد هذه الحادثه بشهر تم نقل الاستاذ الشرس,لاادرى أكان بسبب هذه الحادثه
ام شئ آخر..لكنه حتمآ قد مارس ارهابه على صبية آخرين فى مدارس أخرى..

فى ذلك المساء قصدنا السينما لمشاهدة فيلم (Good Will hunting)
قصة الفتى العبقرى..جلسنا فى آخر الصفوف ..الفتى ويل
يشتغل عامل نظافة بالجامعة.. يحضر نهاية اليوم لينظف القاعات
,يجد مسائل رياضية على لوحة الدراسة فيقوم بحلها ,وفى الصباح
يدهش البروفيسور و.. أحسست بيدها تتسحب نحوى كأفعى (فدريكا
هى ضفاف الرغائب تضم نهرها اينما ولى) مددت يدى نحو صدرها
فانتفضت بقوة الأشتهاء وأخذت تنهنه
, واخذت لوحة المكان تتشكل وتتكون من جديد,
هذه اللحظة ملكنا ولن ندعها تذهب وليس من الضرورى ان نحضر
اجسادنا لتتساكن فقط فى المساء..يانتوءات الجسد والعنصر السيولة
هنا ننصهر ولنعود بعدها كهدنا مع القطيع..



التعديل الأخير تم بواسطة الجيلى أحمد ; 02-05-2012 الساعة 01:29 PM.
الجيلى أحمد غير متصل   رد مع اقتباس
قديم 02-02-2006, 10:13 PM   #[17]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

عتمان

خلينا من شاماراتك وقول لى..
مافى كوكابولا جديده


حبيبنا حميد

سلامات وماك طيب

الزول يركز فى حاجة واحده..

الشوف ملحوق..


جقجق يالذيذ

تسلم ياحبيب وخليك قريب..
بنفك الحظر فى الجايات

ابقى عافيه
وشد الحيل بالغناوى



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 03-02-2006, 07:19 AM   #[18]
حمدي اب جقادو
:: كــاتب نشــط::
 
افتراضي

اقتباس:
المشاركة الأصلية كتبت بواسطة Elgaily


فى ذلك المساء قصدنا السينما لمشاهدة فيلم (Good Will hunting)
قصة الفتى العبقرى..جلسنا فى آخر الصفوف ..الفتى ويل
يشتغل عامل نظافة بالجامعة.. يحضر نهاية اليوم لينظف القاعات
,يجد مسائل رياضية على لوحة الدراسة فيقوم بحلها ,وفى الصباح
يدهش البروفيسور و.. أحسست بيدها تتسحب نحوى كأفعى (فدريكا
هى ضفاف الرغائب تضم نهرها اينما ولى) مددت يدى نحو صدرها
فانتفضت بقوة الأشتهاء وأخذت تنهنه بصوت خافت وقد تكشف جسدها
عن مواضع مغوية, واخذت لوحة المكان تتشكل وتتكون من جديد,
هذه اللحظة ملكنا ولن ندعها تذهب وليس من الضرورى ان نحضر
اجسادنا لتتساكن فقط فى المساء..يانتوءات الجسد والعنصر السيولة
هنا ننصهر ولنعود بعدها كهدنا مع القطيع..
الجيلي ياعزيزي
اسعد الله هذا الصباح الجميل

ياخوي انحنا مالنا ومال استاذ الرياضيات ؟؟؟

ياخي النبي فوقك شحتفة الروح بلاش منها

خلينا مع فدريكا احسن
اها وياني لسه متابع

بالامل صبرت قلبي وعشت في دنيا الاماني

ابقي شمس ياارقي زول

جقجق



حمدي اب جقادو غير متصل   رد مع اقتباس
قديم 03-02-2006, 09:17 AM   #[19]
الطيب بشير
:: كــاتب نشــط::
الصورة الرمزية الطيب بشير
 
افتراضي

اقتباس:
وأخذت تنهنه بصوت خافت
حبيبنا الجيلي..سلامات
صلاح أحمد إبراهيم قال نحن ناس مهذبين عمومآ و قال:
حتى صيحات اللـذة عند عواهرنا عـذراء..
محـض ثـغـاء..
Looooool
قلت لي فدريكا أخذت تنهنه بصوت خافت ؟
بالإنجليزي يا خروتشـوف؟



التوقيع: -- ------------------------------------------------------------------------------
أنا .. لن أخونَ الحُزن
إنّي لن أُقـرّب في الفِداءِ جهالةً
قطّـي الأليفْ ..
الحُـزنُ أضحى "سيّدي" بعضي
و حازَ مكانَكَ المرموقَ في نفسي
و حَدَّثَني بأنّـك ..
محضُ زِيفْ



[align=center]مقالات أخري ل الطيب بشير[/align]
الطيب بشير غير متصل   رد مع اقتباس
قديم 03-02-2006, 09:27 PM   #[20]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

حبيبنا جقجق
مساء الخيرات والسعاده ام طعمآ هانى..

حكاية الأستاذ دى طويلة ,انا اختصرتها عشان عارفك بتذهج
تصدق ياابجقادو إنى اكتشفت انو كلمة بسطونه من أصل اللغه السيسيليه..
فى الشغل معاى عمك عجوز إيطالى وزول ظريف ونكته ومكجن واحدة
شغاله معانا كجينة الدبايب..الظاهر إنها ضايقتو ,جانى زهجان
قال لى مامعناه : البت دى حلها بس بسطونه..
لما قالها انا لما اتهجمت
ياناس انتو برضو هنا بسطونه

تطرقت للموضوع بشكل سريع ولدى الكثير لقوله.. وقد نفتح لاحقآ
بوست منفصل بشأن هذه القضيه(الجد جد جد مهمه)

خليك جميل ذى ماانت
وليك المحبه



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 04-02-2006, 12:32 AM   #[21]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

ودبشير
مغارب الجزيره وكت الهجعى..


الله يفك الشواطين ويربط الروح الجافله..

خارج النص

ذمان مشينا مع جدنا حاجه بسموها (الرجبيه)
مكان مدهش ,نواحى (الحمره) و (الدونكى) ,ذكر ومديح
النوبه مقداما يسير والارض خيام وهوائم ..المدائح تلهم
الانبيه والسحب وصاحبى الزين يقول لى -فى عرس بى جاى ورحكاكا..

النقاره ضاربه والذغاريد تخرج من حلوق تعرف معنى الفرح..

رسلوا الدكان كشح البن وحير النسوان

ويردد الرجال بصوت عال نفس المقطع..
ثم تأت اللحظه التى ينساب فيها هدل الصوت وكشح الشبالات
رسلوا الدكان كشح البن وحير النسوان

كشح البن
كشح البن
كشح البن



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 04-02-2006, 02:02 PM   #[22]
هاشم الشيخ
:: كــاتب نشــط::
الصورة الرمزية هاشم الشيخ
 
افتراضي

اقتباس:
كانت تحكى لى عن معاملة
الراهبات الصارمة حين سألتنى (What about you?) ..(انا
يافدريكا إترعت سيطان نيم وبسطونه)..فى المتوسطه كان أستاذ
الرياضيات رجل شرس أخرج الحجاج بن يوسف من قبره ولبس عمامته,
طيب المقام جيلي

مدهش ..مدهـــــــــــــــــــــــــش يعجبني الخروج الذي سميته في قاموسي الخاص بمقاماتك الخروج المربوط زي ربطتنا بالمقامات انت قاعد تتامر علينا يا جيلي من اول سلم في المقامات وانا مشحتف معاك من السنة الفاتت وانت قاصدني.
لاني قاعد اشوف مابقراء وليس من سمع كمن راي



التوقيع: هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس )


هاشم الشيخ غير متصل   رد مع اقتباس
قديم 04-02-2006, 03:05 PM   #[23]
غيداء
:: كــاتب نشــط::
 
افتراضي

الجيلي كتب

بالمناسبة المقامات دى مكتوبة ليها سنين
وعشان انزلها هنا اشيل واضاير واشقلب فيها


هي مقامات عالية وتحتوي لغة اجدها الي الشعر اقرب
فقط احس (اشيل واضاير واشقلب فيها)هذه
ياريت تنزل في بوست واحد
هو رجاء ياصديقي ل نقراء الدهشة جيدا
تسجيل حضور ايضا
غيداء



غيداء غير متصل   رد مع اقتباس
قديم 04-02-2006, 11:56 PM   #[24]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

هاشم
ياصاحب القوس الموشى

سلام عليك..
يامن رأى..

محبتى[I]



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 05-02-2006, 12:00 AM   #[25]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

صديقتى غيداء

فى بعض الأحيان تتختزل هذه (الشقلبه) الكثير من خصوصيات
النصوص..ولكنى مضطر..

سعيد بوجودك هنا
ولك المحبة المقيمة



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 11-02-2006, 10:21 PM   #[26]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي


فدريكا استطابت الطعام السودانى..وخصوصآ الطعميه..
عدت ذات يوم من عملى لأجد رائحة الخمرة والبخور..
عابقة فى كل العمارة,طلبتها من صديقتنا السودانيه,
فى ذلك المساء ذهبنا لحفل (حنة) صديقى, أصرت والدة صديقى
على أن تحننها(وترسم ليها)..
ياإلهى الحناء والرسم وجمال فدريكا الفارق.. ذلك المساء
كان جسد فدريكا البض ينفض وجه الثلوج وينتمى برغبة
لمسام الجروف..
تلك فتاة تعرف كيف تعتق المسآت بضحك ومرح صاف هى لا
تبخل على المساء بهبة السماء من أسنان بيضاء متراصه
وضحكة متقطعه لاهثه بغنج هو شئ من طبعها..تعلمت منها
عشق المطر والريح العاصفة..حين تولول الريح وترعد السماء
ويبداء المطر فى النزول بعنف كانت تقف بجوار النافذه
تتطلع إلى نشيد الطبيعه بلذة ونشوة غريبتان ,كانت تردد
- ان للطبيعة لغة ساحرة..كى تفهمها عليك أن تكون
جزء منها..
كنت أجد كلامها أحيانآ غريبآ وغير مفهومآ حينى تقول
- فى كل قطرة ماء تنزل من السماء رسالة..

فى العطلات كنا نمشى لمسافات طويلة فى ضواحى المدينة
لم أر فى حياتى من يقدس الطبيعة مثلها ..كنا نمشى
وهى تردد مقاطع الأغنيات السودانية التى تعرفها..
فدريكا أحبت عبد الخالق محجوب وأعجبت بشجاعته,
كانت تغنى (عبد الخالق اب قلبآ (هجر)..) هكذا كانت
تنطقها عوضآ عن حجر ..تغنيها طوال اليوم بشكل
مضجر..
ذات مساء صيفى دعونا الاصدقاء لحفل وداعها ..كانت
قد تلقت منحة لمواصلة أبحاث تتعلق بدراستها فى المكسيك
..ودعتنى وهى تنسج حلم بلقاء قريب , أنا لاأهتم بهذا
الأمر.الحياة عندى تلك الحظات التى نمثل أمام تجربتنا
فيها أما أى اصطناع لاحق فلا حوجة لى به ..فى المطار
كانت تلوح بقبلات وهى تعبر نحو الطائرة ومن ذلك البعد
كنت أستطيع رؤية دمعة منفلته كتلك التى سالت منها
وأنا أحكى لهاعن محمود محمد طه ..
كانت تلك آخر مرة اراها فيها.



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 13-02-2006, 07:05 AM   #[27]
فيصل سعد
:: كــاتب نشــط::
الصورة الرمزية فيصل سعد
 
افتراضي

[align=center]الجيلي سلامات
و حبابك الف.

شكرا لامتاعنا و تشويقنا
بس زيد الجرعات شوية
و قلل من الردود و التحايا
و ردها بعدين يا ريت.[/align]



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 13-02-2006, 11:32 AM   #[28]
عز المزار
:: كــاتب نشــط::
 
افتراضي

الشفيف الجيلى
كل الياسمين
الله يا انسان واصل وادهشنا وامتعنا واصل لكى ندرك .
احبك جدا جدا



التوقيع: [foq]ولولا الذكرى ما في أسف
ولا كان التجني وقف
وصوت ذكراك رزاز صفق
على خطوات بنات سجعن
وشوق رؤياك حنين لي رحلة في المجهول
لولا الذكرى ما في وصول
ولولا الذكرى ما في شجن
[/foq]
عز المزار غير متصل   رد مع اقتباس
قديم 13-02-2006, 09:53 PM   #[29]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

سلامات يامسافة

شكرآ ليك على المرور الطيب
وتكرم

ليك المحبة



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 13-02-2006, 09:53 PM   #[30]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

عزنا الزول الحنين

نورت البكان
ونعمنك صاحب كلمتك
رديت الزيارة بأكرم منها..


دى شكلها خلصت ..
لكن سنحاول إنزال مقامات آخيره لهذا الشتاء..

نبادلك المحبة بأكثر منها
دم بخير
دومآ طيبآ



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:06 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.