سلام يا نديدو..
ياخي شكراً عشان أوّل مرّة أسمع الاغنية دي!!
نجي للمجمجة:
القصيدة دي أقل كتير من مستوي أغاني عبد الرحمن الريّح، كلمات عادية، مبهولة ساي، مافي شي بيلمّها، وما فيها ولا صورة جمالية واحدة ساي لافة، ولو مغالطني كدي جيب لي مقطع ممكن نقول عليهو مقطع جمالي أو فيهو إبداع أو لمحة مُبدعة ساي..
اقتباس:
يا اسمرانى اللون يا ناير
فى وجهك القمر الداير
خلانى في وصفك حائر
لانك انت ملااك
فى الحسن سامى علااك
كيف الفؤاد بسلاك
|
شنو المميّز في الاغنية دي!؟، شنو يعني "يا أسمراني اللون يا ناير"!!!،بالمناسبة حتي اللحن عادي ودائري ومافيهو إبداع الجابري المعروف في أغانيهو التانية، شوف موسيقي "هوج الرياح" مثلاً كنموذج. بتخيّل لي الاغنية دي اتغنّت مجاملة ساي.
المهم:
هسع نخلي المجمجة ونساعدك في المضمون وندعمك في افتقاد أميرة المنتدي (حسب توقيتنا المحلي)
سمراء، وبنقول ليها: يا أسمراني اللون يا ناير، وينك؟
