نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 19-06-2013, 02:00 AM   #[1]
حسين عبدالجليل
:: كــاتب نشــط::
 
افتراضي الصداع : أسال مجرب .

نوبات الصداع أو الصداع النصفي تتكرر عند البعض و أنا منهم . لسبب ما نسبة اﻻصابة به وسط النساء أكبر بكثير منها وسط الرجال .

أخذت عدة سنوات و كثير من الساعات الضائعة حتي مَنّ الله علي بمعرفة معظم مسببات الصداع لي . و بتجنب تلك المسببات أستطعت , و بحمد الله , التقليل من نوباته اللعينة . لذا فأنا أريد أن أشرك المصدعين من عزيزي و عزيرتي القراء الكرام في ماتعلمته بالطريق الصعب - طريق التجريب, لعل الله يفيد بعضهم مما سأقوله .


أسرع مسبب للصداع لي, هو شم أي نوع من أنواع العطر أو الدخان . في أقل من 5 دقائق من شمي لأي نوع من أنواع العطر , دخان السجاير , أو البخور أصاب بنوبة صداع حادة . في البدء كان ذلك , يسبب لي حرج مع المدخنين و المتعطرين من المعارف و اﻻصدقاء الذين تجمعني معهم أي ونسة .


اذ أنني كنت أرجع بعد الونسة/الاجتماع/الزيارة السجايرية أو العطرية قي حالة يرثي لها . ولو كان ذلك اليوم يصادف أحد يومي عطلة نهاية أسبوع فسأقضي بقية اليوم راقدا في الفراش في غرفة مظلمة و مغلقة اﻷبواب .

تحملت ذلك الوضع المأساوي بضع سنين , و بعد ذلك قلت "يازول الظرافة تطير" . أصبحت أهرب و بسرعة, وبلا مجاملة من أي تجمع فيه تدخين أو رائحة عطر .


- يتبع
- لو المصدعين كُثر يمكن بوستي دا تفوت صفحاته بوست شجرة زول الله .



التعديل الأخير تم بواسطة حسين عبدالجليل ; 19-06-2013 الساعة 02:46 AM.
حسين عبدالجليل غير متصل   رد مع اقتباس
قديم 19-06-2013, 06:45 AM   #[2]
زول الله
:: كــاتب نشــط::
الصورة الرمزية زول الله
 
افتراضي

اقتباس:
المشاركة الأصلية كتبت بواسطة حسين عبدالجليل مشاهدة المشاركة
. أصبحت أهرب و بسرعة, وبلا مجاملة من أي تجمع فيه تدخين أو رائحة عطر .
والله ياحسين عصرت علينا عصرة العدو بـ حتة الهروب من الدخان دي
الدخاخين زاتا خشم بيوت وبعضها نمتهن السعي اليه حثيثاً ياخ

اكان كدي خلي الصداع ال يشق ريسينا ديل

واحد مصدع






اقول قولي هذا واستغفر الله لي..................



التوقيع:

انا يوماتي أردد إسمِك بعد الحمدو "مكان الآية"
لما وحاتِك -من أشواقي- حِفِظ القول خيط المُـصلاية



أبــداً ماهُنـتَ ياســـوداننا يـومـاً علـينا

زول الله غير متصل   رد مع اقتباس
قديم 19-06-2013, 07:32 AM   #[3]
مها عبدالمنعم
:: كــاتب نشــط::
 
افتراضي

سلامات
عندي تجربه غريبه شويه مع الصداع النصفي دا
من وانا في الثانوي اوقبل كدا مابتذكر شديد المهم اي مسكن جربتو من البندول للاسبرين للامكلاين لمن اصدع البيت كلو يقيف علي كرعينو ارقد في غرفه مضلمه مافي زول يمشي قدامه احس ب اثر الكرعين في راسي
المهم يوم قبل كم سنه كدا براي في البيت ومصدعه رابطه راسي بطرحه كاني عاوزه اثبت الوجع وبقلب في التلفزيون اشان اتشاغل مريت في قناة من القنوات الدينيه فيها رقيه قمت قلت خليني اقعد فيها اجرب فكيت طرحتي غطيت وشي بيها وقعدت سمعت الرقيه من خمسه لسبعه صدق او لا تصدق الان قريب سبعه سنه ماعاودني تاني الحمد لله المدعو الصداع النصفي



مها عبدالمنعم غير متصل   رد مع اقتباس
قديم 19-06-2013, 08:11 AM   #[4]
زول الله
:: كــاتب نشــط::
الصورة الرمزية زول الله
 
افتراضي

اقتباس:
المشاركة الأصلية كتبت بواسطة مها عبدالمنعم مشاهدة المشاركة
ارقد في غرفه مضلمه مافي زول يمشي قدامه احس ب اثر الكرعين في راسي
تحياتي مها
العارض دا تحديداً يشبه الجيوب الانفية
وصداعها من اسخف الصداعات ... مجرب طبعاً
الضوء والصوت العالي والبرد والحر وووو الواحد إلا يطير
-
آيات الكتاب شافية لاشك
حمدا لله على السلامة





اقول قولي هذا واستغفر الله لي.................



التوقيع:

انا يوماتي أردد إسمِك بعد الحمدو "مكان الآية"
لما وحاتِك -من أشواقي- حِفِظ القول خيط المُـصلاية



أبــداً ماهُنـتَ ياســـوداننا يـومـاً علـينا

زول الله غير متصل   رد مع اقتباس
قديم 19-06-2013, 10:05 AM   #[5]
شبارقة
:: كــاتب نشــط::
الصورة الرمزية شبارقة
 
افتراضي

اقتباس:
المشاركة الأصلية كتبت بواسطة حسين عبدالجليل مشاهدة المشاركة

أسرع مسبب للصداع لي, هو شم أي نوع من أنواع العطر أو الدخان
سلامات أخونا حسين

أسرع مسبب للصداع عندي هو الغبار والكتاحة .. أقل عجاجة وأصاب بالصداع مباشرة .. العلاج في هذه الحالة هو الإستحمام وكباية شاي حارة.

تسلم ونسلم من الصداع.



شبارقة غير متصل   رد مع اقتباس
قديم 19-06-2013, 02:29 PM   #[6]
وهاد ابراهيم محمد
:: كــاتب نشــط::
الصورة الرمزية وهاد ابراهيم محمد
 
افتراضي

مفروض البوست ده يُهدى لوهاد !

تحياتي يا حسين الجليل.

محدثتك يمثل الصداع رفيق شبه دائم لها, بيد أنه لا يُحسن الرفقة, ولا يترفّق إلا لماماً.
صدّق أو لا تصدق... آخر نوبة صداع مستمرة للآن منذ ثلاثة أيام خلت, ويبدو ستطول.
قرابة 15 قرص من أسبرين الى بنادول ولا خيال إنفراج في الأفق.

زمان, كانت الأسباب محصورة ومنطقية
القراءة لأوقات طويلة, الروائح النتنة, الجلوس أمام الكمبيوتر لساعات.
قليلاً, وأصبت بإرتخاء في عضلات العين (الحول الخفي)
صداعه لا يوصف, وصداع تمارين علاجه أصعب.
مؤخراً ما عاد من سبب محدد, يهاجمني وحسب, بيد أنه أخذ منحى أخطر,
(إرتبط بالحالة النفسية)
بعد كده الا أحرد ليهو راسي عديل


العلاج؟
والله ما بات ينفع شي, أحاول وأحاول ولما براهو يزهج مني, يمشي
بس برضو الحالة النفسية بتساعد.



وهاد ابراهيم محمد غير متصل   رد مع اقتباس
قديم 19-06-2013, 02:45 PM   #[7]
النور يوسف محمد
:: كــاتب نشــط::
الصورة الرمزية النور يوسف محمد
 
افتراضي

اقتباس:
المشاركة الأصلية كتبت بواسطة وهاد ابراهيم محمد مشاهدة المشاركة
مفروض البوست ده يُهدى لوهاد !

محدثتك يمثل الصداع رفيق شبه دائم لها, بيد أنه لا يُحسن الرفقة, ولا يترفّق إلا لماماً.
بسم الله الرحمن الرحيم

الصداع ده أصلو ما خاتى عليك يا وهاد ،
ياخى إنتى بتفكرى كتير ، ومدياهو فرصة ،
بتخيل لى الصداع ده مرتبط بعشق الدقة والتنظيم وترتيب كل الأمور

فشنو شوبة عدم إكتراث ،، وتانى تفتشى للصداع ما تلقيهو

وهاد إزيك ،،



النور يوسف محمد غير متصل   رد مع اقتباس
قديم 19-06-2013, 03:45 PM   #[8]
وهاد ابراهيم محمد
:: كــاتب نشــط::
الصورة الرمزية وهاد ابراهيم محمد
 
افتراضي

اقتباس:
المشاركة الأصلية كتبت بواسطة النور يوسف محمد مشاهدة المشاركة
بتخيل لى الصداع ده مرتبط بعشق الدقة والتنظيم وترتيب كل الأمور

لالالا كان كده إلا (أتسخت)

هلا بسعادتو والله..
وتطيب أيامك يارب.



وهاد ابراهيم محمد غير متصل   رد مع اقتباس
قديم 19-06-2013, 04:18 PM   #[9]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

جئت عمرة من مصر، وحتلت في مكة سنتين، كنت اصدع خلالهما يوميا تقريبا ...
مشيت السودان قعدت شهرين، ونسيت امر الصداع تماما، ولا ساعة ما صدعت ....
وحكيت السالفة للوالدة بعد شهرين من وصولي البلد،
وصداعي هناك وترطيبتي هنا ،
بكرة امشي الخرطوم، رجعت المغرب؛ صداع عجيب، ياخ اخطر من بتاع مكة ....
امي : مالك ااجنا ؟
انا : مصدعين يا حاجة
امي : اكان كدي، سحرت روحك براك ...

دحين يا حسين يا اخوي، شوف الخواجات ديل ما يكون ادوك عين ...

طبعا معروف الصداع بايخ !
عاجل الشفاء لكل مصدع،



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 20-06-2013, 01:51 PM   #[10]
حسين عبدالجليل
:: كــاتب نشــط::
 
افتراضي

اقتباس:
المشاركة الأصلية كتبت بواسطة زول الله مشاهدة المشاركة

....
الدخاخين زاتا خشم بيوت وبعضها نمتهن السعي اليه حثيثاً ياخ
.....
اقول قولي هذا واستغفر الله لي..................

والله يازول الله ياأخوي دي ذاتا "ممكن" تسبب لي صداع (لاحظ "ممكن" دي بتديك ياتو إنطباع !) لأنها لو إتعملت في البلد الأنا فيها دي, الجيران حتما سيستدعوا المطافي .

وكدا يبقي عليّ صداع من الدخان وصداع من كواريك عربات الحرِيقة .



حسين عبدالجليل غير متصل   رد مع اقتباس
قديم 20-06-2013, 01:59 PM   #[11]
حسين عبدالجليل
:: كــاتب نشــط::
 
افتراضي

اقتباس:
المشاركة الأصلية كتبت بواسطة مها عبدالمنعم مشاهدة المشاركة
سلامات
عندي تجربه غريبه شويه مع الصداع النصفي دا
من وانا في الثانوي اوقبل كدا مابتذكر شديد المهم اي مسكن جربتو من البندول للاسبرين للامكلاين لمن اصدع البيت كلو يقيف علي كرعينو ارقد في غرفه مضلمه مافي زول يمشي قدامه احس ب اثر الكرعين في راسي
المهم يوم قبل كم سنه كدا براي في البيت ومصدعه رابطه راسي بطرحه كاني عاوزه اثبت الوجع وبقلب في التلفزيون اشان اتشاغل مريت في قناة من القنوات الدينيه فيها رقيه قمت قلت خليني اقعد فيها اجرب فكيت طرحتي غطيت وشي بيها وقعدت سمعت الرقيه من خمسه لسبعه صدق او لا تصدق الان قريب سبعه سنه ماعاودني تاني الحمد لله المدعو الصداع النصفي

أنا جربت عدة رقيات , وبالمناسبة نحن معشر المصدعين و المصدعات بنكون جربنا أشياء كثيرة جدا , بعضها لايخطر علي قلب بشر غير مصدِع .

الحمد لله الذي عافاك بالرقية, من الصداع اللعين, ياأخت مها .



حسين عبدالجليل غير متصل   رد مع اقتباس
قديم 24-06-2013, 01:11 AM   #[12]
حسين عبدالجليل
:: كــاتب نشــط::
 
افتراضي

اقتباس:
المشاركة الأصلية كتبت بواسطة شبارقة مشاهدة المشاركة
سلامات أخونا حسين

أسرع مسبب للصداع عندي هو الغبار والكتاحة .. أقل عجاجة وأصاب بالصداع مباشرة .. العلاج في هذه الحالة هو الإستحمام وكباية شاي حارة.

تسلم ونسلم من الصداع.
سلام ياشبارقة :

أنا أيضا أقل غبار أو كتاحة يسببوا لي صداع في الحال . طبعا كويس جدا الواحد يعرف مسببات صداعه , حتي يتجنبها و خاصة أنو رمضان قد أقترب و لمعشر المصدعين و المصدعات قصص عديدة مع اﻷخ رمضان .



حسين عبدالجليل غير متصل   رد مع اقتباس
قديم 24-06-2013, 01:57 AM   #[13]
حسين عبدالجليل
:: كــاتب نشــط::
 
افتراضي

اقتباس:
المشاركة الأصلية كتبت بواسطة وهاد ابراهيم محمد مشاهدة المشاركة
مفروض البوست ده يُهدى لوهاد !

تحياتي يا حسين الجليل.

محدثتك يمثل الصداع رفيق شبه دائم لها, بيد أنه لا يُحسن الرفقة, ولا يترفّق إلا لماماً.
صدّق أو لا تصدق... آخر نوبة صداع مستمرة للآن منذ ثلاثة أيام خلت, ويبدو ستطول.
قرابة 15 قرص من أسبرين الى بنادول ولا خيال إنفراج في الأفق.

زمان, كانت الأسباب محصورة ومنطقية
القراءة لأوقات طويلة, الروائح النتنة, الجلوس أمام الكمبيوتر لساعات.
قليلاً, وأصبت بإرتخاء في عضلات العين (الحول الخفي)
صداعه لا يوصف, وصداع تمارين علاجه أصعب.
مؤخراً ما عاد من سبب محدد, يهاجمني وحسب, بيد أنه أخذ منحى أخطر,
(إرتبط بالحالة النفسية)
بعد كده الا أحرد ليهو راسي عديل


العلاج؟
والله ما بات ينفع شي, أحاول وأحاول ولما براهو يزهج مني, يمشي
بس برضو الحالة النفسية بتساعد.

تحياتي أخت وهاد :

غايتو لو 3 حبات بندول مانفعوا فحتما لن ينفع 15 حبة, وفي تناول عدد كبير من تلك الحبوب خطورة شديدة .


هنالك عدة أدوية , من مختلف دول العالم, تعالج الصداع بنفس الطريقة : الا و هي تقليل نسبة الدم الصاعد للمخ . زمان في التسعينات كان أصحابي المصريين بيجبوا لي دواء ممن مصر أسمو "ميجرا" .

في ال10 سنين الماضية كنت بأتناول دواء أمريكي أسمو "ايمتركس" . تجدين معلومات عنه في هذا الرابط:
http://www.drugs.com/imitrex.html

هو دواء فعال يقضي علي الصداع لو تم تناوله في بداية الشعور بنوبة الصداع . عانيت من آثاره الجانبية وهي الدوشة و عدم المقدرة علي قيادة السيارة بأمان عند تناوله .

قبل حوالي ال 6 أشهر غير لي الطبيب دواء الايمتركس بدواء آخر اسمو "ريلباكس" . تجدين معلومات عنه في هذا الرابط :

http://www.drugs.com/relpax.html

لقيتو دواء رائع ولم يسبب لي أي أثار جانبية . يقضي علي الصداع في دقائق لو تم تناوله في بداية نوبة الصداع .

نصيحتي لك ياأخت وهاد هو أن تزوري طبيب أخصائي (اﻻخصائي الذي أتعامل أنا معه هو أخصائي مخ و أعصاب) و تخليه يكتب لك روشتة بدواء صداع (ربما سيتركك تجربي عدة أدوية قبل أن تجدي الدواء المناسب لك , أعني الدواء الذي يمكنك تحمل أثاره الجانبية).




حسين عبدالجليل غير متصل   رد مع اقتباس
قديم 24-06-2013, 02:24 PM   #[14]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

اقتباس:
المشاركة الأصلية كتبت بواسطة النور يوسف محمد مشاهدة المشاركة
فشنو شوبة عدم إكتراث ،، وتانى تفتشى للصداع ما تلقيهو
النور البضوى,
غايتو الحاجة المحيرانى انو لحدى يوم الليلة ماجانى صداع, غير صداع الجبهة الاسلامية المزمن.
أفتكر انو مسألة الصداع دى ماعندها قانون بحكما, (ربما يكون هنالك عامل وراثى يلعب دور خفى)
لكن من تجربتى الذاتية قدرت أطلع بانو الحياة ذات الرتم الدقيق جدآ هى أكبر مسبب للصداع..
-بحب التدخين جدآ لكن مابدخن كل يوم (تلاتة يوم فى الاسبوع ومرة يومين ومرات شهر بدونو)
- من عشاق القهوة لكن يمكن تمر أيام بدون انو أتناولا.

الرياضة برضو أظنها بتلعب دور كبير فى التغلب على الصداع ..

___________
التحايا الطيبة للأخ حسين وضيوفه



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 24-06-2013, 02:53 PM   #[15]
عادل عسوم
:: كــاتب نشــط::
الصورة الرمزية عادل عسوم
 
افتراضي

السلام عليكم استاذي حسين
أسأل الله لك وللأحباب شفاء لايغادر سقما من هذا الصداع وآلامه...
أصبتُ بالصداع قبل أعوام عندما كنتُ أعمل في مختبر للغازات الطبية والصناعية...
وكان ذاك الصداع سببا في أترك العمل في ذلك المختبر برغم الراتب المجزي الذي كنت أتقاضاه...
وبرغم انتقالي الى عمل لايمتُ بِصِلَة الى ذلك الاّ أن نوبات الصداع اضحت ملازمة لي خاصة في فترات الأمسيات...
ثم قُدِّرَ لي بأن اسافر قبل أعوام الى الصين حيث فاجأني الصداع هناك...
ذهبت الى مستشفى (بودونق) في مدينة شانقهاي فعالجوني بالوخز بالأبر!
المهم في الأمر أنهم كانوا (يركزون) على مكان بعينه وهو التقاء الفكّين من تحت حلمة الأذنين حيث يغرزون ابرهم تلك!
وبحمدالله فقد سفيتُ تماما من الصداع ولا أجده يداهمني الاّ مصاحبا لالتهاب خلال الشتاء أو بين يدي ارهاق شديد...
والذي أود بأن أخبرك والأحباب به هو (وصية) لي من الطبيبة الستينية التي عالجني حيث اشارت لي الى ذات المكان (تحت حلمتي الأذنين) وطلبت مني بأن أقوم بالدلك بعدد 60 مرة خلال الدقيقة...
أقوم بذلك مرة مع عقارب الساعة ومرة ضد عقارب الساعة...
والمكان المعني يستطيع المرء بأن يتبينه بأصبعه حيث يحس بألم عندما يضغط عليه
وافر المودة والاعزاز ياحبيب

http://ahmedkelhy75.arabblogs.com/me...7/1152994.html



التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده)
عادل عسوم غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 10:37 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.