قهوة النشاط ! - الصفحة 123

أبو أماني · 11-06-2014, 02:08 PM

يا أخوانا عليكم الله .. كدي كلموني القهوة دي مالكم مقاطعينها؟ يعني كل مرة أجي أقعد مصنقر الله ورقبتي .. زول يجي ماري بي عندها سااااكت مافي ؟ الحاصل شنو؟ يكون كلام صاحبي الحلبي فتحي مسعد صاح؟؟ وهي فعلا إستنفدت أغراضها ؟؟ ولا الطلبات بقت غالية في الزمن العلينا ده .. فنجان القهوة بكباية الشاي بي 4 جنيه حسوما .. والعصير ب 6 جنيه والساندويتش بي 12 و16 جنيه .. خلاااااس عشان أغريكم بعلن ليكم تخففيض خمسين في المائة من الأسعار لحدي آخر إسبوع منه ورمضان حا تكون كل الطلبات مجاني .. خم رماد بي مزاااااج .. يلا علينا جاي زيارة واحد وكان ما رجعتو تاني تعالوا لوموني .. ده بؤس شنو ده يااااا ربي ؟؟؟ كاااااااااك .. وتاني كااااااااااك .. ومعاها الروب كمان ...

عكــود · 11-06-2014, 05:57 PM

سلام يا الزين،

للمرور والمطايبة وناخدلنا خشم خشمين.

اقتباس:

لي صديق عزيز ..هو بمثابة الشقيق بالنسبة لي يبلغ الآن من العمر الكم وستين .. نزل المعاش منذ أكثر من خمسة ست شهور ونال حقوق الخدمة والتعويض والذي منه وبالإضافه لمدخراته يقارب المبلغ المتجمع لديه حاليا نص المليار جنيه بنى بيت ملك أسكن فيه أسرته .. وحجج أمه وأبيه قبل رحيلهما .. وله ولدان وثلاثة بنات تزوجن البنات وإبنه الكبير خاطب والصغير شغال .. على قدر حالهما .. جاء لكي يستشيرني في كيفية إستثمار هذا المبلغ إستثمارا مضمونا يرجع إليه بعائد شهري وفير يكفيه شر الحاجة والسؤال في زمن..إنعدم فيه أبو مروووه..وطلعت أسعار السلع السماء السابعة..ولكي يضمن لأنجاله حياة كريمة مـن بعد رحيله عن هذه الفانية وضربت أخماسي في أسداسي وكان كلها .. قسمة ضيزى .. فما رائكم دام عزكم أفتوني بالمشورة الحسنة .. أثابكم الله .. ولكم الحب خالصا لوجهه تعالى ..

تحياتي لصديقك وربّنا يوفّقو إن شاء الله.
بالله لو لقيت مشورة، أدينا خبر، فذلك هاجس أغلب المغتربين بعد رجوعهم وقد أفنوا زهرة شبابهم في طلب الرزق وسترة الحال.

أبو أماني · 12-06-2014, 08:48 AM

اقتباس:

المشاركة الأصلية كتبت بواسطة عكــود

سلام يا الزين،

للمرور والمطايبة وناخدلنا خشم خشمين.

تحياتي لصديقك وربّنا يوفّقو إن شاء الله.
بالله لو لقيت مشورة، أدينا خبر، فذلك هاجس أغلب المغتربين بعد رجوعهم وقد أفنوا زهرة شبابهم في طلب الرزق وسترة الحال.

يا أخي والله خشمك لو ما فتحته برضو بينقط عسل الله يكرمك في الدارين ياجابر الخواطر .. وكان جينا لكلامك الفوق ده والله زاد الأفكار بلبلة .. لأنه ذكرني عودتي مرتين من دار الغربة ..ومعى فلوس زي ما بيقولوا النار ما تأكلها بس نارا كترغير نار الإنقاذ دي .. وفي المرتين أخوك أب زرد وقع ضحية ولقمة سائغة .. لأرباب الغرض وأصحاب المرض والسماسرة الذين يأكلون مال النبئ لمجرد إنه حبيبهم كما يزعمون! ومرقت المرتين كييييت .. إلا من باقي كبرياء وحبة شهامة ودلوقت كلما سألوني بقول الحمــدووووو لله .. عشان كده يا حبائب همتكم معاي نشوف لينا طريقة إستثمار (شبه) مضمون لصاحبي ده يمكن الله يعدل طريقه حقيقي حالته تحنن الأمها ميتة .. وحاليا الإستثمار المطروح .. الأراضي والبيوت يعني العقار من حيث هو بس بيني وبينكم بقت أسعار العقارات نار منقد عدييييييل ومامكن يكب العنده كلها في عقار ويرجى الله في (الكريبة) وهو ما عنده التكتح لمصاريف يومه .. شاركونا الهم يا أخوانا وحلف بسيدي الحسن ماني داير منكم غير الشورة وبس .. حرررررم ملين منكم ماني دايرها .. يلا تشششااااوووو

أبو أماني · 19-06-2014, 08:20 AM

محاولة لتحفيز وحث (أحفاد سيدنا أيوب) نقدم لكم قائمة عشوائية لما صار عليه حال الأسعار الخيالية بالسودان ...

ساندويتش الفول الكان بأقل من جنيه قريب ده بقى وعلى عينك يا تاجر في المراية بيتباع ب .. 6\7\8 جنيه في محلات مختلفة !!.

فقراء الشعب من العاملين (يومية) يقتاتون الفتة بموية الفول .. وفي كل دكان أو مطعم شعبي يلتم شملهم حول قدح كبير تسفح بداخله حوالي 25 \30 عيشة ويتم غمرها بموية الفول وعليها كيس شطة (عينة طبيه) وشمار .. بجنيه .. وزيت ب 3\4 جنيه وسلطة بحوالي 7\10 جنية ويتجمع حول صحن الفتة في قارعة الطريق ما لايقل عن 10\13 عامل يلتهمون الصحن جملة حساب هذا الصحن النهائية تتراوح ما بين 35\40\50 جنيه!! .

رب الأسرة صاحب الدخل المحدود والذي لو بقى شغال تلاتين سنة في مقر عمله لن يتراوح راتبه الألف وخمسمائة\ألفين جنيه سوداني..بعض بل معظمهم يسكن بإيجار حسب الوضع من 500 كحد أدني لمليون .. مليون وشوية شهريا .. هذا مطالب بتوفير حلة طعام يوميا لآسرته تكلفتها بالميت لا تقل عن 40\50 غير السكر الشاي اللبن .. الرغيف يوميا ..غير مطالب افراد الأسرة اليومية للمدارس والجامعات والترحيل والفطور وخلافه .. علما بأن تذكرة الباص لآقل مشوار .. تتراوح ما بين جنية وجنيه ونص وإتنين وأحيانا تلاتة ..

رجل وأسرته (خمسة أفراد) يسكنون الصحافة غرب .. شقيقة زوجته وبنت عمه طريحة الفراش بمستشفى الخرطوم التتعليمي و شقيقه وبن عم زوجته تجرى له عملية جراحية (ميجر).. بمستشفى خاص بالخرطوم بحري .. هو رقيق الحال .. وبيتدين ويتبيين..إستلف مبلغ 200 جنيه لزيارة أخت زوجته وبنت عمه طريحة فراش مستشفى الخرطوم التعليمي وكذلك أخيه وإبن عم زوجته .. عامل عملية جراحية بمستشفى خاص بالخرطوم بحري ركب ركشتين من أمام منزله ليصل إلى موقف الحافلات (6 ج) ثم ركب الحافلة إلى الخرطوم (موقف جاكسون) + (5ج) من موقف جاكسون ركب وأسرته مواصلات بري لينزل أمام المستشفي دفع +(5ج) أمام مستشفى الخرطوم ال..(جامعي)! دفع رسوم زيارة مريض 2 جنيه ونص النفر أي دفع + (12.5 ج) قبلها كان قد إشترى من البقال علبة حلاوة تسمى (قزقز) كان سعرها عند ظهورها قبل أقل من سنة 4\5 جنيه وصارت حاليا ب 12\13 فيضاف للمبالغ أعلاه + (12ج) قام بالواجب مع حماته هو وأسرته وكانت لفتة مقدرة .. تخللتها كلمات المجاملة الجذلة وسعادة غامرة عمت وجه المريضة وهي تقول والله ما كان تتعبوا ..خرج من مستشفى الخرطوم فرحا لكونه لم يطلب منه دفع رسوم الخروج من المستشفى !.. من (شارع الإسبتالية!) ركب راجعا إلى ميدان (جاكسون) ودفع مبلغ + (5 ج) ومن جاكسون تكبد المشوار حتى موقف الإستاد .. ومن هناك ركب حافلات الكدرو التي تمر بجوار المستشفى ودفع لكل فرد مبلغ 2 جنيه تذكرة باص في 5 أنفار .. + (10 ج) ومن محطة الباص ركب سيارة أجرة هو وأسرته ليصل المستشفي القريب نوعا ودفع .. (10ج) كان لزاما عليه أن يعطي المريض طريح الفراش وربيب المعاش والشقيق!! مبلغ من المال في هذا الظرف وكان مبلغ العشرين جنيه لا يسوى شروى نقير فوضع له مبلغ + (50 ج) ألأدهى وأمر أن يمر بنفس الروت والمصاريف التي دفعها ذهابا للمواصلات مرة أخرى عندما يغامر بالعودة إلى منزله .

وعلى ذلك قيسوا مدى المعاناة اليومية التي يتعرض لها المواطن السوداني الغلبان من أحفاد سيدنا أيوب عليه السلام !!..

أولم يحن الأوآن لنتوجه إلى ميادين التحرير بعد أيها الرفاق ؟؟؟؟

يحي عثمان عيسي · 19-06-2014, 12:28 PM

( 1)

ما هو البديل ؟ أحسن لينا الجماعة ديل ..........................حاجز خوف

هذه الاحزاب والكينات السياسية الهرمة لن تقوي على قيادة الجماهير وإحداث التغيير ...... حاجز خوف

سيكون بين كل متظاهر وأخر مليشيات تابعة للنظام .........................حاجز خوف

كيف لشعب جائع خائر القوي أن ينتفض ....................................حاجز خوف

المتبقي من الجيش تابع للنظام ...............................................حاج ز خوف

الحزب الحاكم لن يتخلي عن مصالحة الخاصة سيستميت في الدفاع عنها .................حاجز خوف

الاعلام الرسمي قنوات فضائية واقلام .........................................حاجز خوف

القنابل المسيلة للدموع ........................حاجز خوف

السياط ... الهراوات ... .........................حاجز خوف

الاعتقالات والتعذيب ..........................حاجز خوف

الرصاص الحي ...................................حاجز خوف

سقوط الشهداْء ......................حاجز خوف

قد ينجح نظام ما في تشيد وتعلية هذا الحاجز بما يجعلة متيقنا أنه يكفي لاستمرارة , لكن بالمقابل وفي لحظة ما ينجح الاخرون في كسر هذا الحاجز وزلزلة الانظمة . إن القراءة الواعية لتاريخ الشعوب أوضحت هذه الحقيقية في كثير من لحظات التاريخ الحاسمة سواء في تاريخنا الحديث والمعاصر او غيرة .

هنالك مصيدة زكية يسقط فيها الكثيرون دون أن يبصروها أو يتبصروها ثم بعدها رغما عنهم يصبحون لبنات لتعلية حاجز الخوف ... أنا مع رياح التغيير لكن ما هو البديل .. مصيده ... نحن ندرك أن النظام فاسد لكن من يضمن ان القادم لن يكون أسواء.... مصيده زكية ... تم تخريب الجيش والموجود كله موالي للنظام فمن سيقف معنا في لحظاتنا الحاسمة ...مصيدة زكية... أعطوا هذا النظام فرصة فقد التقط انفاسة اخيرا والانجازات بالتأكيد ستتوالي .. مصيدة زكية .. نحن نحتاج الي تضافر الجهود لا الي الفرقة ...مصيدة زكية .... شراك مقنعة بالسقوط في المصيدة تتجدد بتجدد المواقف في ساحة الحدث شهدناها كثيرا على مر التاريخ والان في تونس ومصر والسودان ...

أذا بين الخوف وكسر حاجز الخوف لحظة حاسمة تحتاج ان نستدعي هذا المخزون من الوعي ليكون سلاحا فقد انبثقت وتفتحت كما الزهور في صباحها من بين جموع الشباب قيادات جديدة اعتلت الواجهة وخلفت القيادات الحزبية الهرمة خلفها فكانت البديل واجبرت القيادات الحزبية التقليدية ان تتناغم مع رياحها وأن تسعي للحاق بسرعتها حتما تساقطت بعض الاحزاب الي الابد .. امام الاصرار والتضحيات تلاشت مليشيات النظام رغم ضراوتها في التنكيل وتنوع آلياتها مابين غاز وهراوات وسياط ورصاص ... لم تُعر الجموع لا أذن ولا عين للاعلام الرسمي ومحاولاته المستميته في طمس الحقائق و تزييف وتغييب الوعي الجماهيري وأخيرا سيحاول التصالح مع ثورة الجماهير وهذا ماشهدناه بالامس في تونس ومصر والسودان لكن الجماهير التي كسرت حاجز الخوف لم تنطلي عليها اٌحبولة الشيطان .

وكما للسيل العرم والعواصف الهوجاء وقصف الرعود رهبة ورعب وارتجاف كذلك لصوت الجماهير التي كسرت حاجز الخوف رهبة تخر لها الجيوش والطغاة وشواهد التاريخ ما أكثرها وأروعها في تصوير ذلك . لطفي المصري في الاسكندرية شاهدناه على شاشات التلفاز مشي عاري الصدر متحديا كاسرا حاجز خوفه رصاصة حية في القلب استشهد فهل انكسرت الجماهير وركنت الي حاجز خوفها لا فقد فات الاوان وانكسر حاجز الخوف وكغيرة من وقود الثورة الهب الملايين ...

دعونا نبدأ لنكون معول هدم لكسر حاجز الخوف بدلا من أن نكون لبنات لتعليته فالتاريخ لا يرحم .

أبو أماني · 19-06-2014, 01:44 PM

فعلا نحن في حاجة ماسة لمثل هذه الحقائق وهذا الكلام الجرئ المنطقي يجب أن نشعر بمشكلتنا الدائمة هذه نحللها ونتبصر أمورنا ونأخذ المفيد .. ونتجاهل أصوات خائبة تقول .. الحا يجي حا يكون أسوأ من ديل .. ومن يقول والله الناس ديل صحي أكلوا لاكين كمان عملوا لينا كباري وبنوا عمارات .. وآخر يقول مافي بديل والبديل يخلينا نندم بس يا جماعة الخير ليكن شعارنا .. واحد لا تاني له تغيير نظام الفساد الإنقاذي .. بأي ثمن .. ومهما كان البديل .. إستلهموا من نص التاريخ الذي يسرد وقائع أعظم ثورة شعبية بيضاء بإفريقيا بل بالعالم أجمع ثورة وأحد وعشرين أكتوبر الظافرة .. ولنستعيد للذاكرة كلمات أبا القاسم الشابي إذا الشعب يوما أراد الحياة فلابد أن يستجيب القدر كفى خنوعا ..كفي ركونا كفي ركوعا وإستسلاما مشين .. لديكم أسلحة فتاكة أولها العزيمة والإصرار .. تأتي بعدها إرادة الشعب والعصيان المدني العام .. أشعلوها نارا لا تبقي ولا تذر .. وتأكدوا .. أن يدخل كل جرذ جحره .. ويطلع كل قرد شجرته مولولا .. ولا غرت أعين الجبناء .. ولتك ثــورة حتى .. النصــــر المبين ..

علاءالدين عبدالله الاحمر · 19-06-2014, 01:49 PM

غبنا كتير نعلو

نزار حسن علي · 23-06-2014, 07:07 AM

الحبيب
ابواماني
صباح الصحة والسعادة
والله قهوتك وحشتنا والله مع الناس الحلوة والجميلة يا حليلن وربنا يلاقينا بيهم في لحظات جميلة وحلوة وكل يوم بديك طلة طلة
واوعدك يوميا نكته

نكته

مسطول قالو ليهو اتكلم عن نفسك قال ليهم ما عاوز اتكلم عن نفسي كتير لكن لما ادخل مول الواحه والله العظيم الباب بفتح لي براهو
ودقي يا مزيكة

نزار حسن علي · 04-07-2014, 08:24 PM

الحبيب
ابواماني
كل سنه وانت طيب وناس القهوة طيبين

نزار حسن علي · 04-07-2014, 08:28 PM

نكته

مسطول عندو صاحبو صلاتو متقطعه يوم يصلي ويوم لا المسطول قال لصاحبو خليك كده لحد ما يوم القيامة يوم يدخلوك النار ويوم الجنه لمن يجيك التهاب

ودقي يا مزيكة

احمد ابوزيد · 26-07-2014, 12:39 AM

سلام ابو اماني .. وشوق وحنين والله ..
وخليني ارجع ليك البوست ده لي منحاه الحقيقي .. الترويح وما الا ذلك ..

ودي ايام الجامعة في المواصلات .. الحصل كالآتي :

كمساري الحب
في خط الشوق
كورك يآ ناااااااس
الريده نفر ...
"كبري العشاق"
"نادي الأشواق"
يلاك يا حبيب
قدامنا سفر ..

كمساري الحب
طقطق بسمات
اديتو احساس
رجعلي كلام
طااااعم وسكر ..

في كرسي النص
الجمبي ملاك
بادرتو حنين
بادلني هيام
خلاني اشوف
اجمل منظر ..

ومحطة تفوت
تسقيك افراح ،،

ومحطة تجي
بتزيلا جراح ،،

والريده جواك
ديمة بتكتر ..
استوب الهم
مففول علي طول
اضحك يا زول
دربك اخدر ...

مقعد شكرا
قاعدين طلاب
في الحب يا داااب
ما ضاقوا سهر ..
حلوين وظراف
وانا بتزكر
في الحاصل داك
لكزتني الجمبي
يا راجل قوم
الناس نزلت ..
‏....................................
شفتا كيف ؟؟..

أبو أماني · 26-07-2014, 02:36 AM

اقتباس:

المشاركة الأصلية كتبت بواسطة احمد ابوزيد

سلام ابو اماني .. وشوق وحنين والله ..
وخليني ارجع ليك البوست ده لي منحاه الحقيقي .. الترويح وما الا ذلك ..

ودي ايام الجامعة في المواصلات .. الحصل كالآتي :

كمساري الحب
في خط الشوق
كورك يآ ناااااااس
الريده نفر ...
"كبري العشاق"
"نادي الأشواق"
يلاك يا حبيب
قدامنا سفر ..

كمساري الحب
طقطق بسمات
اديتو احساس
رجعلي كلام
طااااعم وسكر ..

في كرسي النص
الجمبي ملاك
بادرتو حنين
بادلني هيام
خلاني اشوف
اجمل منظر ..

ومحطة تفوت
تسقيك افراح ،،

ومحطة تجي
بتزيلا جراح ،،

والريده جواك
ديمة بتكتر ..
استوب الهم
مففول علي طول
اضحك يا زول
دربك اخدر ...

مقعد شكرا
قاعدين طلاب
في الحب يا داااب
ما ضاقوا سهر ..
حلوين وظراف
وانا بتزكر
في الحاصل داك
لكزتني الجمبي
يا راجل قوم
الناس نزلت ..
‏....................................
شفتا كيف ؟؟..

يا أخي والله إنت عسل عديييل كده ومجهودك لإحياء القهوة مقدر ونحن على أبواب عيد سعيد عاوزين نفرفش ونمرح وعشان طلتك الظريفة دي أنا حا أديك واحده (فروم ذا هاووس أوف كيدنيز) .. يعني من بيت الكلاوي .. بس لاكين حا تكون من الزول الظريف الراقي اللي عمره ما غاب من القهوة حا تكون من الحبيب الرائع نذار حسن على .. وين إنت يا زول يا منقة .. (مخلوطة) .. عليك الله إكراما لأخيك أحمد أبو زيد عاوزين لينا نكات عيدية من بيت الكلاوي زي ما وعدته .. وكل عام وإنتم جميعا بخير ومبسوطين 44 قيراط .. تشششااااوو مؤقتا .. يلا يا نزار ...

نزار حسن علي · 27-07-2014, 10:18 AM

الحبيب ابواماني

عام سعيد وعمر مديد

نزار حسن علي · 27-07-2014, 10:25 AM

قالوا واحد راكب بص والتذكرة بجنية قام الراكب دفع جنية قام الكمساري رجع ليهو 9 جنية لما الكمساري راجع القروش لقاها ناقصة تسعة جنية قال للراجل انا رجعته ليك بالزيادة لية ما بتقول لية اديتك قروش زيادة قال ليهو نان يا ولدي انا ما عارف تذاكركم بكم
ودقي يا مزيكة

احمد ابوزيد · 28-07-2014, 03:33 AM

ناس القهوه ، حبابكم طن
وكل سنه وانتو طيبين
وعساكم من عواده
مع اجمل الأمنيات

تحياتي

11-06-2014, 02:08 PM	#[1831]
أبو أماني :: كــاتب نشــط::	أكيد قهوتي دي معمول ليها عمل .. وأتهم فتحي مسعد !! يا أخوانا عليكم الله .. كدي كلموني القهوة دي مالكم مقاطعينها؟ يعني كل مرة أجي أقعد مصنقر الله ورقبتي .. زول يجي ماري بي عندها سااااكت مافي ؟ الحاصل شنو؟ يكون كلام صاحبي الحلبي فتحي مسعد صاح؟؟ وهي فعلا إستنفدت أغراضها ؟؟ ولا الطلبات بقت غالية في الزمن العلينا ده .. فنجان القهوة بكباية الشاي بي 4 جنيه حسوما .. والعصير ب 6 جنيه والساندويتش بي 12 و16 جنيه .. خلاااااس عشان أغريكم بعلن ليكم تخففيض خمسين في المائة من الأسعار لحدي آخر إسبوع منه ورمضان حا تكون كل الطلبات مجاني .. خم رماد بي مزاااااج .. يلا علينا جاي زيارة واحد وكان ما رجعتو تاني تعالوا لوموني .. ده بؤس شنو ده يااااا ربي ؟؟؟ كاااااااااك .. وتاني كااااااااااك .. ومعاها الروب كمان ...
أبو أماني :: كــاتب نشــط::	التوقيع: اللهم أرحمه وأغفر له .. يشرفني أن رجلا مثله في ذمة الله قال عني يوما :- ... ولا يفوتني أن أعلن فرحتي بقلم تريان يا أبا أماني... أنت إضافة لسودانيات مبهجة ولا شك . رحمة الله عليك وإنا لفقدك لمحزونون

19-06-2014, 08:20 AM	#[1834]
أبو أماني :: كــاتب نشــط::	على شاكلة قهوة النشاط بجامعة الخرطوم في عام 60 محاولة لتحفيز وحث (أحفاد سيدنا أيوب) نقدم لكم قائمة عشوائية لما صار عليه حال الأسعار الخيالية بالسودان ... ساندويتش الفول الكان بأقل من جنيه قريب ده بقى وعلى عينك يا تاجر في المراية بيتباع ب .. 6\7\8 جنيه في محلات مختلفة !!. فقراء الشعب من العاملين (يومية) يقتاتون الفتة بموية الفول .. وفي كل دكان أو مطعم شعبي يلتم شملهم حول قدح كبير تسفح بداخله حوالي 25 \30 عيشة ويتم غمرها بموية الفول وعليها كيس شطة (عينة طبيه) وشمار .. بجنيه .. وزيت ب 3\4 جنيه وسلطة بحوالي 7\10 جنية ويتجمع حول صحن الفتة في قارعة الطريق ما لايقل عن 10\13 عامل يلتهمون الصحن جملة حساب هذا الصحن النهائية تتراوح ما بين 35\40\50 جنيه!! . رب الأسرة صاحب الدخل المحدود والذي لو بقى شغال تلاتين سنة في مقر عمله لن يتراوح راتبه الألف وخمسمائة\ألفين جنيه سوداني..بعض بل معظمهم يسكن بإيجار حسب الوضع من 500 كحد أدني لمليون .. مليون وشوية شهريا .. هذا مطالب بتوفير حلة طعام يوميا لآسرته تكلفتها بالميت لا تقل عن 40\50 غير السكر الشاي اللبن .. الرغيف يوميا ..غير مطالب افراد الأسرة اليومية للمدارس والجامعات والترحيل والفطور وخلافه .. علما بأن تذكرة الباص لآقل مشوار .. تتراوح ما بين جنية وجنيه ونص وإتنين وأحيانا تلاتة .. رجل وأسرته (خمسة أفراد) يسكنون الصحافة غرب .. شقيقة زوجته وبنت عمه طريحة الفراش بمستشفى الخرطوم التتعليمي و شقيقه وبن عم زوجته تجرى له عملية جراحية (ميجر).. بمستشفى خاص بالخرطوم بحري .. هو رقيق الحال .. وبيتدين ويتبيين..إستلف مبلغ 200 جنيه لزيارة أخت زوجته وبنت عمه طريحة فراش مستشفى الخرطوم التعليمي وكذلك أخيه وإبن عم زوجته .. عامل عملية جراحية بمستشفى خاص بالخرطوم بحري ركب ركشتين من أمام منزله ليصل إلى موقف الحافلات (6 ج) ثم ركب الحافلة إلى الخرطوم (موقف جاكسون) + (5ج) من موقف جاكسون ركب وأسرته مواصلات بري لينزل أمام المستشفي دفع +(5ج) أمام مستشفى الخرطوم ال..(جامعي)! دفع رسوم زيارة مريض 2 جنيه ونص النفر أي دفع + (12.5 ج) قبلها كان قد إشترى من البقال علبة حلاوة تسمى (قزقز) كان سعرها عند ظهورها قبل أقل من سنة 4\5 جنيه وصارت حاليا ب 12\13 فيضاف للمبالغ أعلاه + (12ج) قام بالواجب مع حماته هو وأسرته وكانت لفتة مقدرة .. تخللتها كلمات المجاملة الجذلة وسعادة غامرة عمت وجه المريضة وهي تقول والله ما كان تتعبوا ..خرج من مستشفى الخرطوم فرحا لكونه لم يطلب منه دفع رسوم الخروج من المستشفى !.. من (شارع الإسبتالية!) ركب راجعا إلى ميدان (جاكسون) ودفع مبلغ + (5 ج) ومن جاكسون تكبد المشوار حتى موقف الإستاد .. ومن هناك ركب حافلات الكدرو التي تمر بجوار المستشفى ودفع لكل فرد مبلغ 2 جنيه تذكرة باص في 5 أنفار .. + (10 ج) ومن محطة الباص ركب سيارة أجرة هو وأسرته ليصل المستشفي القريب نوعا ودفع .. (10ج) كان لزاما عليه أن يعطي المريض طريح الفراش وربيب المعاش والشقيق!! مبلغ من المال في هذا الظرف وكان مبلغ العشرين جنيه لا يسوى شروى نقير فوضع له مبلغ + (50 ج) ألأدهى وأمر أن يمر بنفس الروت والمصاريف التي دفعها ذهابا للمواصلات مرة أخرى عندما يغامر بالعودة إلى منزله . وعلى ذلك قيسوا مدى المعاناة اليومية التي يتعرض لها المواطن السوداني الغلبان من أحفاد سيدنا أيوب عليه السلام !!.. أولم يحن الأوآن لنتوجه إلى ميادين التحرير بعد أيها الرفاق ؟؟؟؟ التعديل الأخير تم بواسطة أبو أماني ; 19-06-2014 الساعة 08:26 AM.
أبو أماني :: كــاتب نشــط::	التوقيع: اللهم أرحمه وأغفر له .. يشرفني أن رجلا مثله في ذمة الله قال عني يوما :- ... ولا يفوتني أن أعلن فرحتي بقلم تريان يا أبا أماني... أنت إضافة لسودانيات مبهجة ولا شك . رحمة الله عليك وإنا لفقدك لمحزونون

19-06-2014, 12:28 PM	#[1835]
يحي عثمان عيسي :: كــاتب نشــط::	( 1) ما هو البديل ؟ أحسن لينا الجماعة ديل ..........................حاجز خوف هذه الاحزاب والكينات السياسية الهرمة لن تقوي على قيادة الجماهير وإحداث التغيير ...... حاجز خوف سيكون بين كل متظاهر وأخر مليشيات تابعة للنظام .........................حاجز خوف كيف لشعب جائع خائر القوي أن ينتفض ....................................حاجز خوف المتبقي من الجيش تابع للنظام ...............................................حاج ز خوف الحزب الحاكم لن يتخلي عن مصالحة الخاصة سيستميت في الدفاع عنها .................حاجز خوف الاعلام الرسمي قنوات فضائية واقلام .........................................حاجز خوف القنابل المسيلة للدموع ........................حاجز خوف السياط ... الهراوات ... .........................حاجز خوف الاعتقالات والتعذيب ..........................حاجز خوف الرصاص الحي ...................................حاجز خوف سقوط الشهداْء ......................حاجز خوف قد ينجح نظام ما في تشيد وتعلية هذا الحاجز بما يجعلة متيقنا أنه يكفي لاستمرارة , لكن بالمقابل وفي لحظة ما ينجح الاخرون في كسر هذا الحاجز وزلزلة الانظمة . إن القراءة الواعية لتاريخ الشعوب أوضحت هذه الحقيقية في كثير من لحظات التاريخ الحاسمة سواء في تاريخنا الحديث والمعاصر او غيرة . هنالك مصيدة زكية يسقط فيها الكثيرون دون أن يبصروها أو يتبصروها ثم بعدها رغما عنهم يصبحون لبنات لتعلية حاجز الخوف ... أنا مع رياح التغيير لكن ما هو البديل .. مصيده ... نحن ندرك أن النظام فاسد لكن من يضمن ان القادم لن يكون أسواء.... مصيده زكية ... تم تخريب الجيش والموجود كله موالي للنظام فمن سيقف معنا في لحظاتنا الحاسمة ...مصيدة زكية... أعطوا هذا النظام فرصة فقد التقط انفاسة اخيرا والانجازات بالتأكيد ستتوالي .. مصيدة زكية .. نحن نحتاج الي تضافر الجهود لا الي الفرقة ...مصيدة زكية .... شراك مقنعة بالسقوط في المصيدة تتجدد بتجدد المواقف في ساحة الحدث شهدناها كثيرا على مر التاريخ والان في تونس ومصر والسودان ... أذا بين الخوف وكسر حاجز الخوف لحظة حاسمة تحتاج ان نستدعي هذا المخزون من الوعي ليكون سلاحا فقد انبثقت وتفتحت كما الزهور في صباحها من بين جموع الشباب قيادات جديدة اعتلت الواجهة وخلفت القيادات الحزبية الهرمة خلفها فكانت البديل واجبرت القيادات الحزبية التقليدية ان تتناغم مع رياحها وأن تسعي للحاق بسرعتها حتما تساقطت بعض الاحزاب الي الابد .. امام الاصرار والتضحيات تلاشت مليشيات النظام رغم ضراوتها في التنكيل وتنوع آلياتها مابين غاز وهراوات وسياط ورصاص ... لم تُعر الجموع لا أذن ولا عين للاعلام الرسمي ومحاولاته المستميته في طمس الحقائق و تزييف وتغييب الوعي الجماهيري وأخيرا سيحاول التصالح مع ثورة الجماهير وهذا ماشهدناه بالامس في تونس ومصر والسودان لكن الجماهير التي كسرت حاجز الخوف لم تنطلي عليها اٌحبولة الشيطان . وكما للسيل العرم والعواصف الهوجاء وقصف الرعود رهبة ورعب وارتجاف كذلك لصوت الجماهير التي كسرت حاجز الخوف رهبة تخر لها الجيوش والطغاة وشواهد التاريخ ما أكثرها وأروعها في تصوير ذلك . لطفي المصري في الاسكندرية شاهدناه على شاشات التلفاز مشي عاري الصدر متحديا كاسرا حاجز خوفه رصاصة حية في القلب استشهد فهل انكسرت الجماهير وركنت الي حاجز خوفها لا فقد فات الاوان وانكسر حاجز الخوف وكغيرة من وقود الثورة الهب الملايين ... دعونا نبدأ لنكون معول هدم لكسر حاجز الخوف بدلا من أن نكون لبنات لتعليته فالتاريخ لا يرحم . التعديل الأخير تم بواسطة يحي عثمان عيسي ; 19-06-2014 الساعة 02:47 PM.
يحي عثمان عيسي :: كــاتب نشــط::	التوقيع: أكان ما جور زمان وناسا فهمها قليل شرك أم قيردون كيفن بقبض الفيل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ ياحليل زولا دفقلي رحو

19-06-2014, 01:44 PM	#[1836]
أبو أماني :: كــاتب نشــط::	صح لسانك ولا فض فوك يا يحي ... فعلا نحن في حاجة ماسة لمثل هذه الحقائق وهذا الكلام الجرئ المنطقي يجب أن نشعر بمشكلتنا الدائمة هذه نحللها ونتبصر أمورنا ونأخذ المفيد .. ونتجاهل أصوات خائبة تقول .. الحا يجي حا يكون أسوأ من ديل .. ومن يقول والله الناس ديل صحي أكلوا لاكين كمان عملوا لينا كباري وبنوا عمارات .. وآخر يقول مافي بديل والبديل يخلينا نندم بس يا جماعة الخير ليكن شعارنا .. واحد لا تاني له تغيير نظام الفساد الإنقاذي .. بأي ثمن .. ومهما كان البديل .. إستلهموا من نص التاريخ الذي يسرد وقائع أعظم ثورة شعبية بيضاء بإفريقيا بل بالعالم أجمع ثورة وأحد وعشرين أكتوبر الظافرة .. ولنستعيد للذاكرة كلمات أبا القاسم الشابي إذا الشعب يوما أراد الحياة فلابد أن يستجيب القدر كفى خنوعا ..كفي ركونا كفي ركوعا وإستسلاما مشين .. لديكم أسلحة فتاكة أولها العزيمة والإصرار .. تأتي بعدها إرادة الشعب والعصيان المدني العام .. أشعلوها نارا لا تبقي ولا تذر .. وتأكدوا .. أن يدخل كل جرذ جحره .. ويطلع كل قرد شجرته مولولا .. ولا غرت أعين الجبناء .. ولتك ثــورة حتى .. النصــــر المبين ..
أبو أماني :: كــاتب نشــط::	التوقيع: اللهم أرحمه وأغفر له .. يشرفني أن رجلا مثله في ذمة الله قال عني يوما :- ... ولا يفوتني أن أعلن فرحتي بقلم تريان يا أبا أماني... أنت إضافة لسودانيات مبهجة ولا شك . رحمة الله عليك وإنا لفقدك لمحزونون

19-06-2014, 01:49 PM	#[1837]
علاءالدين عبدالله الاحمر :: كــاتب نشــط::	غبنا كتير نعلو
علاءالدين عبدالله الاحمر :: كــاتب نشــط::	التوقيع: هل لي غير هذا الوجه لأعرف وجهك من جديد وطنا تقاسمه الحنين غاب في ابد الرحال ولم يعد لنا وطنا جديد

23-06-2014, 07:07 AM	#[1838]
نزار حسن علي :: كــاتب نشــط::	الحبيب ابواماني صباح الصحة والسعادة والله قهوتك وحشتنا والله مع الناس الحلوة والجميلة يا حليلن وربنا يلاقينا بيهم في لحظات جميلة وحلوة وكل يوم بديك طلة طلة واوعدك يوميا نكته نكته مسطول قالو ليهو اتكلم عن نفسك قال ليهم ما عاوز اتكلم عن نفسي كتير لكن لما ادخل مول الواحه والله العظيم الباب بفتح لي براهو ودقي يا مزيكة
نزار حسن علي :: كــاتب نشــط::

04-07-2014, 08:24 PM	#[1839]
نزار حسن علي :: كــاتب نشــط::	الحبيب ابواماني كل سنه وانت طيب وناس القهوة طيبين
نزار حسن علي :: كــاتب نشــط::

04-07-2014, 08:28 PM	#[1840]
نزار حسن علي :: كــاتب نشــط::	نكته مسطول عندو صاحبو صلاتو متقطعه يوم يصلي ويوم لا المسطول قال لصاحبو خليك كده لحد ما يوم القيامة يوم يدخلوك النار ويوم الجنه لمن يجيك التهاب ودقي يا مزيكة
نزار حسن علي :: كــاتب نشــط::

26-07-2014, 12:39 AM	#[1841]
احمد ابوزيد :: كــاتب نشــط::	سلام ابو اماني .. وشوق وحنين والله .. وخليني ارجع ليك البوست ده لي منحاه الحقيقي .. الترويح وما الا ذلك .. ودي ايام الجامعة في المواصلات .. الحصل كالآتي : كمساري الحب في خط الشوق كورك يآ ناااااااس الريده نفر ... "كبري العشاق" "نادي الأشواق" يلاك يا حبيب قدامنا سفر .. كمساري الحب طقطق بسمات اديتو احساس رجعلي كلام طااااعم وسكر .. في كرسي النص الجمبي ملاك بادرتو حنين بادلني هيام خلاني اشوف اجمل منظر .. ومحطة تفوت تسقيك افراح ،، ومحطة تجي بتزيلا جراح ،، والريده جواك ديمة بتكتر .. استوب الهم مففول علي طول اضحك يا زول دربك اخدر ... مقعد شكرا قاعدين طلاب في الحب يا داااب ما ضاقوا سهر .. حلوين وظراف وانا بتزكر في الحاصل داك لكزتني الجمبي يا راجل قوم الناس نزلت .. ‏.................................... شفتا كيف ؟؟..
احمد ابوزيد :: كــاتب نشــط::	التوقيع: الحالة كلها زي بعض ، إلا المساخيت الدقون ختوها بين اهلك قرض بالدين .. وبالطين .. بالنسب بالمايكرفونات .. بالخطب .. بالبنطلونات بالرتب ( فرق تسد )

27-07-2014, 10:18 AM	#[1843]
نزار حسن علي :: كــاتب نشــط::	الحبيب ابواماني عام سعيد وعمر مديد
نزار حسن علي :: كــاتب نشــط::

27-07-2014, 10:25 AM	#[1844]
نزار حسن علي :: كــاتب نشــط::	قالوا واحد راكب بص والتذكرة بجنية قام الراكب دفع جنية قام الكمساري رجع ليهو 9 جنية لما الكمساري راجع القروش لقاها ناقصة تسعة جنية قال للراجل انا رجعته ليك بالزيادة لية ما بتقول لية اديتك قروش زيادة قال ليهو نان يا ولدي انا ما عارف تذاكركم بكم ودقي يا مزيكة
نزار حسن علي :: كــاتب نشــط::

28-07-2014, 03:33 AM	#[1845]
احمد ابوزيد :: كــاتب نشــط::	ناس القهوه ، حبابكم طن وكل سنه وانتو طيبين وعساكم من عواده مع اجمل الأمنيات تحياتي
احمد ابوزيد :: كــاتب نشــط::	التوقيع: الحالة كلها زي بعض ، إلا المساخيت الدقون ختوها بين اهلك قرض بالدين .. وبالطين .. بالنسب بالمايكرفونات .. بالخطب .. بالبنطلونات بالرتب ( فرق تسد )