وما الناسُ بالناس الذين عرفتهم !!! عبد الله الشقليني

إلى د. طلال فى حربه العادلة و قيادته الماثلة !!! معتصم الطاهر

الجن وعالــم اللامرئيـات/Parapsychology !!! خالــد الحـــاج

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 20-10-2009, 11:42 AM   #[1]
سجمان
:: كــاتب نشــط::
 
افتراضي راكوبة المجادعات.. النمة والدوباي

أفتح باب غناك نفاج..
سر العرضة دلوكة
وناس بي غبارا معروكة
بطان عنسيد..
يفصد للحم فجاج..
صوقير الصبي القارح..
يخلي السمحة مشبوكة
تكنتل "كيفتا" الشبال..
ترحمن لي قلب لجلاج..



سجمان غير متصل   رد مع اقتباس
قديم 20-10-2009, 11:52 AM   #[2]
سجمان
:: كــاتب نشــط::
 
افتراضي بيت الكلاوي يا ناصر..

البرمو الربل انقهمو شافو الودعة
والساق المتبّر وصدراً مدافع الكبعة
انطوت الهدوم من الكفل منجمعة
يالفقتي اللرايل بي رق الضمير والفدعة



سجمان غير متصل   رد مع اقتباس
قديم 20-10-2009, 11:58 AM   #[3]
أسامة معاوية الطيب
:: كــاتب نشــط::
الصورة الرمزية أسامة معاوية الطيب
 
افتراضي

دخلت عرضت عرضة جد ... ومرقت
رجعت أرحب بيك جد
وأعرض تاني وأمرق

واحتمال أجيك بي عكاكيزي المرة الجاية ... كن دائما مفرهد



أسامة معاوية الطيب غير متصل   رد مع اقتباس
قديم 20-10-2009, 12:07 PM   #[4]
سجمان
:: كــاتب نشــط::
 
افتراضي

اقتباس:
المشاركة الأصلية كتبت بواسطة أسامة معاوية الطيب مشاهدة المشاركة
دخلت عرضت عرضة جد ... ومرقت
رجعت أرحب بيك جد
وأعرض تاني وأمرق

واحتمال أجيك بي عكاكيزي المرة الجاية ... كن دائما مفرهد
حبابك ألف..

حباب أسامة حباب الجاني هايش حرفو
ستار العروض الـ للمهتك برفو
أخو الدعج الوضيبة من الكفل بتغرفو
ذو كرماً قديم من هزة سلامو تعرفو

جيب عروبك جت وتعال بي جاي..
والله الدارة عجاجا لاوي..



سجمان غير متصل   رد مع اقتباس
قديم 20-10-2009, 12:18 PM   #[5]
مي هاشم
:: كــاتب نشــط::
الصورة الرمزية مي هاشم
 
افتراضي

أبشر يا سجمان(الله لا سجّمك)..والله ما باقي لي أقول اسمك ده!!
كنت دايرة اجادعك لكن لقيت رميتك بعييييييييييده خلاس..
خوفتني

لكن برضو بحاول..

بره الخط "المره الرهيبة دي ما عندك ليها صورة، والله كسّرتني انا زاتي"



التوقيع: [align=center]

الحب والجمال منشآ الكون[/align]
مي هاشم غير متصل   رد مع اقتباس
قديم 20-10-2009, 12:50 PM   #[6]
سجمان
:: كــاتب نشــط::
 
افتراضي

اقتباس:
المشاركة الأصلية كتبت بواسطة مي هاشم مشاهدة المشاركة
أبشر يا سجمان(الله لا سجّمك)..والله ما باقي لي أقول اسمك ده!!
كنت دايرة اجادعك لكن لقيت رميتك بعييييييييييده خلاس..
خوفتني

لكن برضو بحاول..

بره الخط "المره الرهيبة دي ما عندك ليها صورة، والله كسّرتني انا زاتي"
هلا والله نورتي الراكوبة..
سجماااااااااااااااااااان عارف نفسي ..
ما تتحسسي قولي عادي..

كونك صبيتي الرمية البعيدة دي ..
معناها بتجدعي زيها ..
يلا ورينا نمك..
عندي الأصل ينفع..
تخريمة:
البت الكسرتك دي ذكرتني المربوع دا..
قال:
بت ناساً عزاز عيني ما لمحنك
بت ناساً عزاز "فرك" القرمصيص جرحنك
إنت البرتقان والليمون جناين جنك
بهدلتي الرجال حتى البنات عشقنك
منتظرنك بي نمة..



سجمان غير متصل   رد مع اقتباس
قديم 20-10-2009, 01:17 PM   #[7]
مي هاشم
:: كــاتب نشــط::
الصورة الرمزية مي هاشم
 
افتراضي

انا بت العزاز ما بتلقى ليّ مثيل
ممشوقة قوام معدولة من الميل
مبرومة حشا ومايقي طبعو كحيل
بهدلت الرجال حتى البنات.. بالحيل

أها..لقيتني كيف؟



التوقيع: [align=center]

الحب والجمال منشآ الكون[/align]
مي هاشم غير متصل   رد مع اقتباس
قديم 20-10-2009, 12:01 PM   #[8]
سجمان
:: كــاتب نشــط::
 
افتراضي

متل رمال القيف من الهبوب خوافة
إن وقفت عديل في الطول تحاكي زرافة
طلقت عليْ كرفة طليحة وشافا
فوق الساق رسم بي لون حمارو شرافة



سجمان غير متصل   رد مع اقتباس
قديم 20-10-2009, 12:14 PM   #[9]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
المشاركة الأصلية كتبت بواسطة سجمان مشاهدة المشاركة
متل رمال القيف من الهبوب خوافة
إن وقفت عديل في الطول تحاكي زرافة
طلقت عليْ كرفة طليحة وشافا
فوق الساق رسم بي لون حمارو شرافة
متل شتل القيف من الهبوب تاكيتا
إن وقفت عديل .. النال يحاكي سبيطها
طلقت عليْ كرفة خمرتا وكبريتا
فوق نحرها ورتنى رقدتها و مبيتا



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 20-10-2009, 12:41 PM   #[10]
سجمان
:: كــاتب نشــط::
 
افتراضي

اقتباس:
المشاركة الأصلية كتبت بواسطة معتصم الطاهر مشاهدة المشاركة
متل شتل القيف من الهبوب تاكيتا
إن وقفت عديل .. النال يحاكي سبيطها
طلقت عليْ كرفة خمرتا وكبريتا
فوق نحرها ورتنى رقدتها و مبيتا
كككككككككككككككككككككع
أبشر بالخير والله بسطتني بسطة جد..

متل فرع الأراك زارعنو في مطمورا
وإن هلت عليك فايقة القمر في الصورة
طلقت عليْ كرفة "كليت" وبخورا
في السدر الطمح ضيعني جوز الكورة



سجمان غير متصل   رد مع اقتباس
قديم 20-10-2009, 03:28 PM   #[11]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
المشاركة الأصلية كتبت بواسطة سجمان مشاهدة المشاركة
البرمو الربل انقهمو شافو الودعة
والساق المتبّر وصدراً مدافع الكبعة
انطوت الهدوم من الكفل منجمعة
يالفقتي اللرايل بي رق الضمير والفدعة
البرمو الودع اندهشو من البسمة
و الوش المتمّر و فاطرا يفر زى نجمة
اطوت الهموم وكتين تهب زى نسمة
يالـ فـُتـِى الارايل وزى الظبا منقسمة



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 20-10-2009, 05:16 PM   #[12]
مي هاشم
:: كــاتب نشــط::
الصورة الرمزية مي هاشم
 
افتراضي

كل الجمال عندي..أوعـاك ليهو تواسي
لابسة الحشمة من قدميّ لا حد راسي
للنضم الفراغ والله ما جلاّسي
بَخَدِم عرضي حارّة قلب حساسي

*تقول لي سماحة بس!!هييع



التوقيع: [align=center]

الحب والجمال منشآ الكون[/align]
مي هاشم غير متصل   رد مع اقتباس
قديم 20-10-2009, 05:29 PM   #[13]
عكــود
Administrator
الصورة الرمزية عكــود
 
افتراضي

سلام يا سجمان . .

ده حديثاً سمح بالحيل،
والناس الجوك سمحين بالحيل (أسامة، مي، معتصم، شليل)،
عاد ده شعراً (الشين تُقرأ بالفتحة أو بالكسرة) مااا عندي ليهو رقبة.
دحين بتّكي علي عكّازي ده وإتفرّج . .
وأدّيها هزّة . . هزّة.

واصلوا لا تقيفوا شي . .
ونحن فوقكم مبشّرين.




التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 21-10-2009, 07:41 AM   #[14]
سجمان
:: كــاتب نشــط::
 
افتراضي

اقتباس:
المشاركة الأصلية كتبت بواسطة عكــود مشاهدة المشاركة
سلام يا سجمان . .

ده حديثاً سمح بالحيل،
والناس الجوك سمحين بالحيل (أسامة، مي، معتصم، شليل)،
عاد ده شعراً (الشين تُقرأ بالفتحة أو بالكسرة) مااا عندي ليهو رقبة.
دحين بتّكي علي عكّازي ده وإتفرّج . .
وأدّيها هزّة . . هزّة.
واصلوا لا تقيفوا شي . .
ونحن فوقكم مبشّرين.
حباب عكود ..

أبقى لا داخل..
طلبنالك القهوة أدخل نزيد تعريف
إياك تمامة كيفنا وفكة القرييف
كان ماك داير تجادع أبقالنا بس كشّيف
كلما تعجبك نمة أديها هزة سيف



سجمان غير متصل   رد مع اقتباس
قديم 25-10-2009, 01:00 PM   #[15]
عادل عسوم
:: كــاتب نشــط::
الصورة الرمزية عادل عسوم
 
افتراضي

اقتباس:
المشاركة الأصلية كتبت بواسطة عكــود
سلام يا سجمان . .

ده حديثاً سمح بالحيل،
والناس الجوك سمحين بالحيل (أسامة، مي، معتصم، شليل)،
عاد ده شعراً (الشين تُقرأ بالفتحة أو بالكسرة) مااا عندي ليهو رقبة.
دحين بتّكي علي عكّازي ده وإتفرّج . .
وأدّيها هزّة . . هزّة.

واصلوا لا تقيفوا شي . .
ونحن فوقكم مبشّرين.
ديـارنـا ديـــار كـــرام حـتــى الـحـريـم فـارســات
وجـدودنـا فـرسـان مــن بعانـخـي أخــدوا صـفـات
تاريـخـن مسـطّـر فــي الكـتـب نحكيـهـو للجنـيـات
تلقـى مهيـرة راكبـا حصانـا تنظـم للجنـود قافـيـات
والمدفع رطن والدم بحر وصقرا فوق يعاين المات
كانوا رجال وكانوا كبـار ساسـا راسـي كلّـو ثبـات
أمـا تراثنـا قمـر السبعتيـن ليهوالنـجـوم حـارسـات
شعـر حميـد وودالدابـي واسماعيـن وكلّـو عـظـات
أمانـة عظيمـة فـوق أكتافنـا لازم نبقـا ليهـا حمـات
عشـان الكبـري والخـزان معـاهـن تكـتـر اللّـمّـات
أخـوان مـن قبايـل تانيـة بُكـرا يجونـا فـي البكنـات
نبقا غزار ونبقا عـزاز (نصفّـح) لـي تراثنـا بنـات



التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده)
عادل عسوم غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:02 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.