راكوبة المجادعات.. النمة والدوباي

[مي هاشم]

المشاركة الأصلية كتبت بواسطة أحمد محمد زين حسين

يا ست البنات العمدة قال مشغول
والنم والغنا دايرلو زول ممهول
داخرنك يمين للحارة وسديد القول
يا عمدتنا ياخ عذرك معاك يا زول

يا سيد الرجال العمده ما بعفيهو
والنم والغنا هولو معطون فيهو
يجيكَ يمين من قلبو لا عند فيهو
لا دايرلو مهله ولا بيفكر فيهو

[احمد زين]

[QUOTE=مي هاشم;167194]

المشاركة الأصلية كتبت بواسطة أحمد محمد زين حسين

باللااااااااااااي...داير تقنعنا بالفول بعد ما ضربتو الشية

هههههههههههههههههههههههههههههههههههه
قولي غلبتك في المجادعة

ووقف غزال الشيخ في العتبة

[مي هاشم]

هوي
آآ ناس ساهرتو بي شهّيتو عيني الغمدة
كان اتّ ود الزين كان سارة كان العمدة

والله أبت تتم..كدي خلوني انوم هسي والصباح رباح

[احمد زين]

المشاركة الأصلية كتبت بواسطة مي هاشم

هوي
آآ ناس ساهرتو بي شهّيتو عيني الغمدة
كان اتّ ود الزين كان سارة كان العمدة

والله أبت تتم..كدي خلوني انوم هسي والصباح رباح

خليني اتمها ليك انا

اجيكم بالنهار ماخدالي حبة سندة
ولا السمسمية الكمدة ديك بالرمدة

حاشية:-
السمسمية عبارة عن نبات اخضر يسأل عنه فتحي مسعد - ابواماني - سارة ومن( لفّ لفّهم)

[مي هاشم]

[QUOTE=أحمد محمد زين حسين;167197]

المشاركة الأصلية كتبت بواسطة مي هاشم

هههههههههههههههههههههههههههههههههههه
قولي غلبتك في المجادعة

ووقف غزال الشيخ في العتبة

النوم طار من عيني..كلو ولا المكاوا
دقيقةهسي بتجي.. انت قاصد مجادعة الليل دي


تغلب منو؟؟ اتْ كُت حلمان أظنك
تغلبني انا..ده المرق من جِنّك؟؟؟
حاشا عليّ راااااكزة..مالي بشرد منك؟؟
الغزال والشيخ في العتبة .. فوت راجنك


هوي ..والله بعد ده النوم..ما تغيظني تاني..

[مي هاشم]

المشاركة الأصلية كتبت بواسطة أحمد محمد زين حسين

خليني اتمها ليك انا

اجيكم بالنهار ماخدالي حبة سندة
ولا السمسمية الكمدة ديك بالرمدة

حاشية:-
السمسمية عبارة عن نبات اخضر يسأل عنه فتحي مسعد - ابواماني - سارة ومن( لفّ لفّهم)

ود الزين أخوي..نحن ما ناس لفّه
لا بنعرف سجار لا ضقنا طعم السفّه
بينين في البلد حاشانا ما بنتخفّا
بنقود الزمام ما بنمشي تبع الزفّه

أها..تحَسبو لِعِب؟؟هيييع
وتصبح على خير

[فيصل سعد]

[align=center]سلامات يا شباب:

اقول يا الجيلي* ابو العباس
اشوف العافية ليك لباس
حبيبي
انت ما بتنقاس
الوحيد في قلوبنا
ماخد الكاس
حبيبي ..

* الجيلي احمد "ابو اليشا"[/align]

[align=center][flash1=http://rafatmilad.com/ramia.mp3]WIDTH=400 HEIGHT=50[/flash1][/align]

[سجمان]

المشاركة الأصلية كتبت بواسطة مي هاشم

انا بت العزاز ما بتلقى ليّ مثيل
ممشوقة قوام معدولة من الميل
مبرومة حشا ومايقي طبعو كحيل
بهدلت الرجال حتى البنات.. بالحيل

أها..لقيتني كيف؟

حسيت من صباح شفت القماري يقوقن
لي داوود مزامير ما اظن نغيمو يفوقن
يالفقتي الدرر بالنور مبورا سوقن
شرفتي أم شِعَبْ حروفي فيك ما بحوقن

[سجمان]

المشاركة الأصلية كتبت بواسطة شليل

سجمان "المسربع"
أهلاً حبابك خي
نوًرت الديار
إنت و" خيتك" مي
جدعك جدع ماهل
ماهيل كلاماً ني
أجدع قلم شاطر
إلا المحل والصي.

شبه الدسدسو خايفينلو من السرقة
لي محل السنون من ضيقة تبقى المرقة
يالفي بني شنقول مشهور دوام بالبرقة
بي جيتك يمين الفرحة عملت شرقة

أبقى داخل علي البنابر ديك..

[سجمان]

المشاركة الأصلية كتبت بواسطة معتصم الطاهر

البرمو الودع اندهشو من البسمة
و الوش المتمّر و فاطرا يفر زى نجمة
اطوت الهموم وكتين تهب زى نسمة
يالـ فـُتـِى الارايل وزى الظبا منقسمة

البرمو الودع في الفونقة قعدو عطاشا
ختيت البياض لسؤالي عملو طراشى
قالولي لبن الطير بنجيبو من أعشاشا
أسهل من النهلت رحيقو فراشة

[سجمان]

المشاركة الأصلية كتبت بواسطة مي هاشم

كل الجمال عندي..أوعـاك ليهو تواسي
لابسة الحشمة من قدميّ لا حد راسي
للنضم الفراغ والله ما جلاّسي
بَخَدِم عرضي حارّة قلب حساسي

*تقول لي سماحة بس!!هييع

أخوك آبنية يوم الدعكة أم خيولاً تارة
أخوك جبل الحديد ليهو المجامع قارة
يوم عرض الدكاكر والناس تقبل فارة
إيدو بتختف الفقر أم دماياً حارة



أها شوفي الحرارة دي..

[سجمان]

المشاركة الأصلية كتبت بواسطة عكــود

سلام يا سجمان . .

ده حديثاً سمح بالحيل،
والناس الجوك سمحين بالحيل (أسامة، مي، معتصم، شليل)،
عاد ده شعراً (الشين تُقرأ بالفتحة أو بالكسرة) مااا عندي ليهو رقبة.
دحين بتّكي علي عكّازي ده وإتفرّج . .
وأدّيها هزّة . . هزّة.
واصلوا لا تقيفوا شي . .
ونحن فوقكم مبشّرين.

حباب عكود ..

أبقى لا داخل..
طلبنالك القهوة أدخل نزيد تعريف
إياك تمامة كيفنا وفكة القرييف
كان ماك داير تجادع أبقالنا بس كشّيف
كلما تعجبك نمة أديها هزة سيف

[سجمان]

المشاركة الأصلية كتبت بواسطة طارق صديق كانديك

الجيد الهناك سرحت معاهو النظرة
والحشا والخديد ناراً تجيك مندرعه
لحظاً من تقع عينك تجيك منصرعه
لاتقدر تصل لا تلقى درب الرجعه

الجيد خيزران ماح بالصدير الفتّق
لي عرو الزراير ونفساً عبيرو معتّق
يا شتيل المطور الشال نوارو وبتّق
ألفيهو الدِرِك في ريدو قلبو اتهتق

[سجمان]

المشاركة الأصلية كتبت بواسطة طارق صديق كانديك

الريد والشكر راجيك من أجدادك
والرجاء والعشم تب ما بفوتي جوارك
كان درت السمح راميهو لي عند جارك
وان درت الدواس خبرن يجيك في نهارك

الجود والكرم مشهوربو ليكا منسّل
للجار والبعيد حاشاكا ماب تتفسّل
هيلك في الفضل توب السماح اتفصل
ويوم دبكي الخيول أرواح عداك تتسل سل

[طارق صديق كانديك]

المشاركة الأصلية كتبت بواسطة مي هاشم

طارق ..لقيتك ما هيّن..
هاك..

نِحْنَ الشّكْرة هيلنا .. وبرضو ما بِنْدورا
أفضالنا معروفات ما بنكشف المستوره
بنرافي الضّعيف ونجبّر المكسوره
والدّايرنا صِحْ بلقانا ساعة الشّوره

مي هاشم

انا اللقيتك ما ساهلة .. والله ..

أمسكي :

نحن العزانا بنعزو ونجل مقدارو
والمابينا حرّم ناسو القبيل يضارو
قومتنا الخلا والليل بعد هبارو
زولنا نفرتقو يصبح يكوس نجارو