نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > نفــاج خالــد الحــاج

إضافة رد
 
أدوات الموضوع انواع عرض الموضوع
قديم 17-05-2014, 06:42 AM   #[91]
عكــود
Administrator
الصورة الرمزية عكــود
 
افتراضي

اقتباس:
المشاركة الأصلية كتبت بواسطة نبراس السيد الدمرداش مشاهدة المشاركة

تحاياي للعمده وشاكره جدا اهتمامك ومتابعتك اللصيقه لمشروع الافطار
وبدوري اشكر كل من ساهم في انجاح الافطار سواء بالمال او التفكير او التنفيذ

الحمدلله ربنا وفقنا في تنفيذ افطار طالب من شهر 8/2013 حتى شهر 3/2014
تقريبا من بداية العام الدراسي وحتى نهايته ان شاء الله ح اكتب تقرير في بوست منفصل عن ما تم انجازه والتكلفه الكليه للمشروع كانت كم والمتوفر بالخزينه

بالنسبه للعام الجديد اذا ختينا اي تكلفه حتكون زي البنحرث في البحر لانو الاسعار كل يوم متحوله ومتغيره مع تغير سعر الصرف

الاجدى الان عرض المشروع على العضويه من جديد ومعرفة نيتهم في الاستمرار من عدمها..يا ريت لو فتحت بوست يا عمده في منتدى الحوار
في حال الموافقه على الاستمرار يبقى انو تتجمع التبرعات من اول شهر 6 لانو المدارس باذن الله حتفتح بعد عيد رمضان كدا حنقدر نبدا من اول ايام العام الدراسي في مد المدرسه بالافطار مع ملاحظة انو العدد حيذيد طلاب الصف الاول
سلام يا نبراس،

مجهودك ومجهود المعاك مقدر تماماً والله يديكم العافية ويتقبل منكم.

الأنسب يا نبراس، أن تكتبي تقريرك المفصل هنا ولا داعي لتشتيت البوستات عن نفس الموضوع، وده لسهولة المرجع الواحد.
نفس الشي بينطبق على إستنفار الناس للدعم للعام الدراسي المقبل، برضو يكون هنا في نفس البوست، بس ده بيحصل بعد تقريرك عشان الناس تكون على بينة في تحديد مبلغ الدعم الممكن يساهموا بيهو.

البوست ده ممكن ننشر رابطو بوسائط مختلفة لإستقطاب الدعم، فمن الأفضل أن يكون شاملاً.

كل الشكر.




التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 18-05-2014, 11:23 AM   #[92]
نبراس السيد الدمرداش
:: كــاتب نشــط::
الصورة الرمزية نبراس السيد الدمرداش
 
افتراضي

بسم الله الرحمن الرحيم
تحيات طيبات زاكيات
ادناه تقرير عن مشروع افطار طالب بعد نهاية العام الدراسي
وتحياتي لكل من ساهم في مشروع افطار طالب سواء ماديا او ذهنيا او حتى بالتقريع لتقصير حدث

الفكره كانت انو نشتغل في مدرسة في منطقة غرب الحارات امدرمان من خلال اخت كريمه لكن اعتذرت فجأة لانها ارتبطت بعمل في جهة ما واصبحت لا تستطيع التوفيق بين عملها والاشراف على الافطار

في اثناء بحثنا انا واحمد عن بدايل جاني اتصال من خال فاطنه بانو في بوست منزلو حافظ في الفيسبوك عن حوجة مدرسة لدعم عاجل في نواحي كتيره (الافطار..كتب..ادوات مكتبيه..بناء فصول)

تقع المدرسة في منطقة الفتح 2 مربع 8 جوار سوق 9 اسم المدرسة مركز امل
قامت منظمة حواء بانشاء المدرسة للاطفال فاقدي السند والاشراف عليها لمدة عام دراسي واحد فقط ورفعت يدها عنها حسب افادة استاذة روجينا واصلت روحينا ومن معها من معلمات العمل لعام دراسي اخر بمجهود فردي ودون اي دعم من وزراة التربيه والان هذا العام الثالث ومستمرات في عملهن بمحبه دون كلل..الان بالاضافه للاطفال فاقدي السند تضم المدرسة اطفال نازحين من منطقتي دارفور وابوكرشولا
يوجد بها 3 فصول دراسيه (اولى..ثانية وثالثة) عدد الطلاب الكلي 160 طالب الطلاب في الفصول المتقدمه بتم توزيعهم على المدارس الحكوميه

شاورت احمد واتفقنا انو نتبنى المدرسة ويتم تنفيذ المشروع فيها ونتكفل بافطار الطلاب لنهاية العام الدراسي وبالفعل سلمت خال فاطمه مبلغ 350ج لشراء مواد تكفي افطارهم لمدة اسبوع زي ما وضحت في مداخلات سابقة..اتصلنا بحافظ وقال انو حاليا في مواد بتكفي الناس ديل لبعد العيد فاحسن تبدو بعد العيد جات الامطار وتاجلت المدارس

يوم الخميس 22/8/2013 اتصلنا على الاستاذه روجينا مديرة المدرسة واتفقنا نتقابل يوم الجمعه 23/8/213في سوق امدرمان وفعلا اتلاقينا هناك انا وخال فاطمه اولا وبدينا نشتري في احتياجات المدرسة الملحة اثناء انتظارنا لروجينا..وصلتنا بعد ساعه سلمناها كل الطلبتو بالورقه والقلم وتم الاتفاق على انها قبل ما تخلص المواد العندها تتصل علي او على خال فاطنه عشان نجهز ليها مواد تاني(لانو قالت شوال الفول 50 كيلو بيقعدهم فتره كويسة اكتر من اسبوع فقط حندفع ليها حاليا قروش العيش اسبوعيا) واجرنا ليها عربة امجاد واطمأنيت على وصولها بالسلامه

تم الاستمرار في دعم المدرسه عن طريق الاستاذه روجينا شهريا اقوم بتحويل رصيد لها على ارقام هواتفها او احيانا تحضر لاستلام المبلغ يدويا وتم كل ذلك بمتابعه ومشاركه من احمد زين في ايصال بعض المبالغ الماليه


الميزانية التم توفيرها من الداعمين للمشروع من داخل وخارج سودانيات
13360 ج

طلب احد الاخوه تحويل مبلغ 1000ج من تبرعو لصالح مشروع شارع الحوادث..لتصبح الميزانية المتوفره

12360ج

ما تم صرفه من اواخر شهر اغسطس 2913 وحتى اواخر شهر مارس 2014
كان 9550 ج

مقارنة الوارد مع المنصرف
12360-9550=2810 ج

الان متوفر بخزينة الافطار مبلغ 2810 ج سوداني

اتمنى من الله انو نكون قدرنا قدمنا ولو اليسير للطلاب والمدرسه واوفينا جزء من حق المجتمع علينا
واتمنى اكون قدرت اوفيت لسودانيات بعض حقها علي وللخال عليه الرحمه الذي لولاه لما قامت كتير من الاشياء الجميله باسم سودانيات

حابه اشكر ناس ساعدوني في تنفيذ المشروع
اولهم الفاتح شليل لانو منبع الفكره
وتانيا كل الدعمو المشروع ماليا
وكل الدعمو بالسؤال والاهتمام والمتابعه
وشكري لشخوص بعينها

احمد زين
خال فاطمه
حافظ حسين
مهند الخطيب
العمده عكود
لنا جعفر
امال الشيخ
واخيرا زوجي وعضو المنبر عصام عبدالسلام

الان الامر بين ايديكم للاستمرار في هذا المشروع المهم مع الوضع في الاعتبار ان هذه المدرسه لا حول لها ولا قوة وانها لولا دعمنا لهؤلاء الطلاب لتسربو من الدراسه..وايضا الانتباه لانو في العام الدراسي الجديد سيذداد عدد الطلاب

نفتح باب الدعم والتبرعات منذ الان استعدادا لعام دراسي جديد ان رغب الاعضاء في ذلك وكذلك التنبيه لجمع كتب قديمه من اسر الاعضاء ليتم توزيعها على طلاب المدرسه

اذا في اي مساءله او استفسار انا حاضره

رقم الاستاذه روجينا للتواصل معها
0928352816
0127252243



التعديل الأخير تم بواسطة نبراس السيد الدمرداش ; 18-05-2014 الساعة 12:48 PM.
التوقيع:
اذا جاء نصر الله والحب
ورأيت الورد في الطرقات يمنحك الامان
فاشرع سفينتك العتيقة وامنح الياقوت وجهك
وانتظر فرح الزمان

عصام عبدالسلام
نبراس السيد الدمرداش غير متصل   رد مع اقتباس
قديم 18-05-2014, 11:34 AM   #[93]
عكــود
Administrator
الصورة الرمزية عكــود
 
افتراضي

اقتباس:
هذه المدرسه لا حول لها ولا قوة وانها لولا دعمنا لهؤلاء الطلاب لتسربو من الدراسه.

شكراً نبراس على التقرير الوافي الواضح، والشكر مرة تانية لكل الناس الذكرتيهم.

الجملة أعلاه، حريّ بها أن تحرك فينا دوافع الإنسانية والواجب للإستمرار والمساهمة ولو بالقليل.

لي قدّام.



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 26-05-2014, 08:21 AM   #[94]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

شكراً يا نبراس علي التقرير الوافي الكافي
وشكراً لمجهودات كل الذين شاركوا في إنجاح هذا المشروع

عن نفسي أعتذر لأني كنت بعيد جداً عن المشروع بكل النواحي
الآن أنا أضع نفسي تحت أوامر اللجنة المُكلَفة
ووعدت د. احمد زين بتسليمه مبلغ من المال حيصلكم قريب جداً بمشيئة الله

ويلا لا قِدام



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 16-06-2014, 03:17 PM   #[95]
نبراس السيد الدمرداش
:: كــاتب نشــط::
الصورة الرمزية نبراس السيد الدمرداش
 
افتراضي

السلام عليكم

اتوقعت تداخلات في البوست من العضويه
بخصوص دعم المدرسه اوعدمها

حسب ما كان مقرر المدارس مفترض تفتح بعد عيد رمضان
لكن الان الوزارة طلعت قرار ببداية العام الدراسي يوم 22/6 يعني بعد اسبوع
اها الراي شنو



التوقيع:
اذا جاء نصر الله والحب
ورأيت الورد في الطرقات يمنحك الامان
فاشرع سفينتك العتيقة وامنح الياقوت وجهك
وانتظر فرح الزمان

عصام عبدالسلام
نبراس السيد الدمرداش غير متصل   رد مع اقتباس
قديم 21-05-2015, 09:56 AM   #[96]
فتح العليم
:: كــاتب نشــط::
 
افتراضي

هل نستطيع إعادة هذا البوست الذي يمجد عظمة الخير في نفوس أعضاء سودانيات .
رمضان كريم وكل سنة وانتم طيبين



التوقيع: إذا كنت محايدا في حالات الظلم فقد اخترت أن تكون بجانب الظالم .
فتح العليم غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 11:19 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.