تعال يا غالى اخوى
مافى زول كفرك سيب الخرخرة gap
اقتباس:
المشاركة الأصلية كتبت بواسطة خالد غالي
سلامات يا ابو ابراهيم
الصورة الجبتها دي جميلة شديد ياخي ...
لكنها بالتاكيد لاتمثل دليل على وجود الله  |
وعليكم السلام يا غالى
منو القال ليك وجود الله داير صورة لاثباته ؟!
الصورة دى رفرش بس
وبركة العجبتك ياخ
وبالله عليك المأكد عندك ما ضرورى يتأكد عند غيرك 
اقتباس:
المشاركة الأصلية كتبت بواسطة خالد غالي
ياحبيبنا لمن امين زمااان داك اجتهد شهرين وجاب سرقات هشام انا واحد من الناس اتكيفت منو جدا واثمنت اجتهادو خالص .. وحتى كلامو عن انو اجتهد الاجتهاد لانو هشام قال ليهو اتحداك دي برضها لقت احترام واتفاق كبير مني .. اتحفظت حبة من قسوة الطرح .. لكن دي عارفة رومانسية مني ساي
اها الموضوع ده كان المفروض انتهى لحد هنا ... |
اسمح لى يا بروف انفرد ليك بى غالى دة 
شكلنا ياغالى نحن اولاد كارة واحدة
معليش اسمح لى اقول ليك عتالة ونرجسية زايدة ساكت gap(والله صحى)
الموضوع دة كنت متابعو من قولة تيت والوقت داك ما عندى عضوية فى سودانيز اونلاين
وعندى موثق ومصور فى ايامو الاولانية .
وعلى العكس تماما ماكان قرايتى لكلام البروف امين القال فيه (
انو داير ينتصر فيه لنفسه الامارة ويجازى عنطسة وطنقعة هشام فى وكتها بفضحه وكشفه) عشان انتصر لنفسه .
ابدا مافهمت كدة ولا اظن دة مبرر لذلك من اى شخص دعك من امين محمد سليمان
انا فهمت من الكلام دة حركة زكية لى زول عارف كيف بتحرك فى مساحته المعلومة
وخصوصا موقع زى سودانيز اونلاين ومعروف فيه شكل الشللية والاصطفاف الايدولجى فيه
فـ عشان اقفل الباب على النرجسية واصحاب الاجندات ختاها على بلاطة انو حايواصل مهما اكثروا من الجلبة
مع انها برضوا حصلت والبروف مشكور وقف بعد ما حصلت نفس الحالة الوصفها (اخونا ماجد تاج) وقف البروف على مضضنا نحن وقال بعد فترة لــ هشام ( انت لمن ترفع ايدك او شاور بس انا جاهز للباقى – او قريب من كدة .
وممكن برضنا نقرى هنا ( وممكن يكون برضو غلط ) اترفعت الايد وكانت رفعة الايد واضحة للمتابع .مما يعنى الموضوع كان فاتح .
حسب قرايتى دة التسلسل التاريخى للقصة دى لو انت متابع كويس يا غالى
ما اخفيك فقدنا المتعة بهناك ( سامحنا يا بروف ....)
اقتباس:
المشاركة الأصلية كتبت بواسطة خالد غالي
كونو البروف يستخدم الكلام ده تاني بالطريقة دي انا شفت فيهو نوع من الارهاب ومسك اليد البتوجع وحبة ابتزاز واستخدام اسلحة غير مناسبة
يعني انا فهمت كلام البروف كده ... ياهشام ادم قلت لي الله مافي والرسول كذاب ؟؟ اوكى تعال نوريك الدليل على وجود الله ... اليوم داك انت سرقت المقال الفلاني .. وبعدو جيت سرقت القصة الفلانية والخ الخ !!
فما علاقة هذا بهذا ؟ تكرار سيرة سرقات هشام ادم لتاديبه على التطاول على كريم المعتقدات ادى انطباع عندي بالابتزال ومسك اليد البتوجع
مع انطباعي القديم بتاع انو البروف كان اقسى من اللازم على هشام وكان ممكن يأزيهو ازى اكبر من حجم اختلافهم .. الانطباع ده زاد اسي مع التكرار المخل ده
وكل سنة وانت طيب ياحبيبنا |
تانى يا غالى اخوى عندك كلمات بتكشح فيها بى صورة ما ظريفة
الابتزاز ياهو الابتزاز مافيه حبة وكتير
وتانى منو البمسك من الايد البتوجع
البقبضك بالثابتة انك حرامى ؟؟!!
ولة البقول ليك ( خاب وخسئ ) ربك كذب وهو غير موجود
ورسولك كذاب وهو شهوانى و و و
وبعد داك اعمل ليك حنين و وديع محترم
داير احاورك فى تفاصيل شريعتك
وتانى من كشحك للكلمات ساكت كلمة (ابتزال )
اول شى هى ما بالزال ( وينك يا عم فتحى )
معقول يا غالى
يا زول حرام عليك وين الابتذال هنا
اصلو هشام دة بقى هدم يمتهنوا ؟
وبرضو من معانى الابتذال عدم الحشمة
طيب البزار يكون قنبلة نووية ولة شنو ؟؟!!
.............
كل دقيقة وكل ساعة وكل يوم انت فى احسن حال
وبلدنا فى اتم قوة واهلها فى احسن حرية
