الغزل بمرابيع النجوم والشاعر عبد الله ود شوراني

[خالد الحاج]

المشاركة الأصلية كتبت بواسطة رأفت ميلاد

عزيزى خالد الحاح



أتاريك غاتس

ده تراث جميل أرجو أن لا تنسـانا من الحكايا الشعبية أيضآ

تحياتى

هي داب غتسة يا رأفت

ويحصل خير سأفرد جزء منفصل للحكايا الشعبية.

يديك العافية

[خالد الحاج]

المشاركة الأصلية كتبت بواسطة عالم عباس

العزيز خالد
كنت حاسس أنو سكاتك دة، معناه راقد لك فوق راي!
هذه ثقافة بديعة و"بوست" في غاية الأهمية و التثقيف
وياخوي أقول لك يا دوبك:

وفرصة لأولاد البندر علشان يتعلموا كيف أهلنا المزارعون يديرون شؤونهم الزراعية وحساباتهم مع المطر والأنواء (علم فلك )مقنن وموثق ومجيَّه!

واصل العزف و الشرح وياسلام على كلام أستاذنا شوقي بدري وغزارة علمه
ياهو ده كلام ناس البطانة وأهل السافل و الصعيد

والخبر الأكيد قالوا البطانة اترشت
وسارية تجود حتى الصباح ما انفشت
هاج فحل ام صريصر والمنايح بشّت
وبت ام ساق على حدب الفريق اتعشّت
أو كما قال الحردلو
ياسلام
واصل يا خالد
(زدنا عشقاً زدنا)!

أستاذي الصديق عالم عباس

"عَاشقِي العِندُو حَقْن المُويَة ضَايِق خَشُو"
جنس ده هو البيخلينا نختفي بالله شوف ليك جنس وصف؟
يا أخي دي مبالغة ما عادية
وبيني وبينك أنا حقن الموية ضايق خشو
أما الحردلو فهذا حكايا لوحده ويعجبني أيضا أشعار الهمباتة

أشكر وجودك المفرح

[عبدالله وداعه الامين]

ود الحاج الجميل

لك التحية وشكرا على كل هذا البذخ اللذيذ

الله يديك العافية وتمتعنا اكتر واكتر

والله زي ما قال منعم شوف دا بوست شحمان

امدد اقامتي هنا وافرش يد الدهشة والغبطة

كل الود وتسلم حبيب

[خالد الحاج]

أخي عبد الله
سلامات كتار
طبيعي أن يعجبك مثل هذا الإبداع الفطري الجميل
والشعراء "علي أشكالهم يقعون"
يديك العافية يا زول يا جميل

[خالد الحاج]

(4)
الدبران

[align=center]رِيدًها الجاب لَهاَ الدًبَران بِريقآ لاَمِعْ
مَاَ فَيًقنيِ اَفكٍر فِي مَعَاشْ وُمَطَامِــعْ
سِتْ قافْيةْ غُنايْ الفُوقَها طَارْبَ السًامِعْ
قَلًتْ صَبْرِي شَالَت قَلبيِ قُول يا جَامِعْ[/align]


جاء الدبران ولم يفق من حبه بعد.. حبه الذي لم يدع له عقلا يفكر في عمله وكسب عيشه. بل وجه كل جهده إلي اخراج الشعر الرصين الجيد في مدح محبوبته ، ليطرب كل من يستمع إلي وصفه لها فهي "ست قافية غناي" كما يقول ويعترف بأنها انفدت صبره وذهبت بعقله وهو يعلم ذلك ولكن لا يملك لنفسه أمرآ فيقول للمستمع "قلت صبري شالت قلبي قول يا جامع" فيجمع في دعوة "قول يا جامع" قصدين يا جامعا قلبه المأخوذ أو يا جامع الأحباب.

[معتصم الطاهر]

المشاركة الأصلية كتبت بواسطة خالد الحاج

(2) البطين


[align=center]عَاشقِي العِندُو حَقْن المُويَة ضَايِق خَشُـــو
[/align]


" .......

غايتو يا خالد دا الا فى الماسنجر

[Osman Hamad]

والله ياخالد ياخى إنتَ مرات كويس خلاص

[خالد الأيوبي]

يا ســلام يا خالد ... شئ رائع بحق

لأننا ســـنداوم علي المرور من هنا ولأن البوست يستحق، أقترح أن يوضع اللنك فوق مع العناوين الرئيسية

الموضوع يجمع بين التراث الشعبي و الشـــعر .. لذا أتوقع أن يكون جاذب لمداخلات ثرة و إضافات من أهل المعرفة ..
وأتمني أن يواصل شوقي بدري و عالم عباس

[عالم عباس]

يا ود الحاج (الزول السمح الفات الكبار والقدرو)!
أقول ليك البجنني!
ياهو زي الكلام ده:

سِتْ قافْيةْ غُنايْ الفُوقَها طَارْبَ السًامِعْ
قَلًتْ صَبْرِي شَالَت قَلبيِ قُول يا جَامِعْ

والله يجمع كل زول وحبيبو
ليه كل زول!
كل مخلوق وحبيبو

وأنا راجي أخونا الأكبر شوقي بدري، و(كان بدري عليك، تودعني وأنا مشتاق ليك، كان بدري عليك) يا خالد الأيوبي

[خالد الحاج]

المشاركة الأصلية كتبت بواسطة معتصم الطاهر

غايتو يا خالد دا الا فى الماسنجر

هي يا باش دايرة ليها مسنجر
المعلوم وصل

[خالد الحاج]

المشاركة الأصلية كتبت بواسطة Osman Hamad

والله ياخالد ياخى إنتَ مرات كويس خلاص

عثمان حمد
الحمد لله الذي جعل فينا خيرا ولو قليل
أبقي قاعد الجاي جميل وبديع
وده يا عثمان بكايا ماهو خمج

[خالد الحاج]

المشاركة الأصلية كتبت بواسطة خالد الأيوبي

يا ســلام يا خالد ... شئ رائع بحق

لأننا ســـنداوم علي المرور من هنا ولأن البوست يستحق، أقترح أن يوضع اللنك فوق مع العناوين الرئيسية

الموضوع يجمع بين التراث الشعبي و الشـــعر .. لذا أتوقع أن يكون جاذب لمداخلات ثرة و إضافات من أهل المعرفة ..
وأتمني أن يواصل شوقي بدري و عالم عباس

تعرف يا أيوبي
تخيلتك هنا بعد صف الحبايب (معتصم، عكود،عالم عباس)
والغريب أني تخيلت كذلك وجود شقليني لكن الله غالب.

أرجو أن تبحتو معاي الزول ده ماهو هين يشهد الله وعندو حاجات ما سبقه عليه زول حد علمي والله أعلم
حاولت إقناع أخونا عماد آدم بالإشتراك في سودانيات الرجل بحر في هذا المجال ولكنه لا يحب إلتزام النت
ولو شارك فما أظنكم إلا مستمتعين حد الدهشة.

يديك العافية

[خالد الحاج]

(5)
الهكعة

[align=center]بَرْق الهَكْعَه رَفً وْلاَحْ وُفَكً رِياحُو
ذَكًرْنِي البِفُوق دَهَبْ اَلَبراتِي سَمَاحُو
الَخَلاًنِي اقِيم اللًيل مِلاَقِي صَبَاحُو
بَعَدْ الشًيبْ خَفِيف الرُوح جَرَحنِي سْلاَحُو[/align]


بدأ برق عينة الهكعة يرف بعيدا خافتا ... ثم دني ولاح قويا ولامعا . أتراه بشيرا بالغيث؟ كلا فالخريف لم يحن بعد .. انه بشير بالرياح المحملة بالأتربة ولا يحفل ود شوراني بما يجلبه هذا البرق انما يركز علي البرق نفسه لأنه يذكره بالذي "يفوق دهب البراتي" بجماله ، وذهب البراتي هو أحسن أنواع الذهب. وماذا فعلت به هذه الذكري؟ انه الأرق... الأرق حتى يلاقي الصباح والكري بعيد عن أجفانه.. انه جريح الحب رغم ما أصابه من الكبر وما علا رأسه من الشيب، وجراحات الحب هذه هي التي جعلته يقيم الليل حتى الصباح، وهاهو يقول هذه الحقيقة في أسلوب شيق:
"الَخَلاًنِي اقِيم اللًيل مِلاَقِي صَبَاحُو
بَعَدْ الشًيبْ خَفِيف الرُوح جَرَحنِي سْلاَحُو"

[خالد الحاج]

المشاركة الأصلية كتبت بواسطة عالم عباس

يا ود الحاج (الزول السمح الفات الكبار والقدرو)!
أقول ليك البجنني!
ياهو زي الكلام ده:

والله يجمع كل زول وحبيبو
ليه كل زول!
كل مخلوق وحبيبو

وأنا راجي أخونا الأكبر شوقي بدري، و(كان بدري عليك، تودعني وأنا مشتاق ليك، كان بدري عليك) يا خالد الأيوبي

أستاذي عالم
طبعا تأخرت في الرد عليك قاصدا..
حتى أنزل عينة الهكعة...

الَخَلاًنِي اقِيم اللًيل مِلاَقِي صَبَاحُو
بَعَدْ الشًيبْ خَفِيف الرُوح جَرَحنِي سْلاَحُو

أها شوف ليك جنس قيام ليل وما أظنه إلا نائلا به الغفران وأكاد أقول الجنة .

[خالد الحاج]

(6)
الهنعــــة

[align=center]الهَنْعه امْ هَبَايِبْ قَام سِحَابَها مَْهدًرْ
هَوَاها البَارِد اصبح للسًخانَة مْفَدًرْ
وينْ دُرْ جَوهَر الحَضَرِي الصٌعُوبتُو تكَدًرْ
مَمنُوع ما سِهِلْ لِتجَارْتو كُلً مُسَدًرْ[/align]

هذه هي العينة قبل الأخيرة في فصل الصيف وقد شارف الخريف ولذلك أصبح السحاب يظهر مبكرا . وتتميز عينتا "الهكعة" و "الهنعة" بالرياح الشديدة المحملة بالأتربة ويطلق عليها أيضا "العَصِي" فالهكعة هي العصي الأولي والهنعة العصي الثانية لذلك قال ود شوراني "الهنعة ام هبايب" .
ويبني الخريف أسسه علي اشلاء الصيف فلا غرابة ان كان في الهنعة هواء بارد في الصباح علي الأقل
"هواها البارد أصبح للسخانة مفدر" .
ولا زال يتساءل عن محبوبته التي يمثلها بالدر والجواهر النفيسة الصعبة الحصول "وين در جوهر الحضري الصعوبتو تكدر" ويجيب علي تساءله " ممنوع ما سهل لتجارته كل مسدر " أي مصدر .