عبقرية البساطة عند(محجوب شريف)....."يابا مع السلامة" نموذجاً

[هيثم علي الشفيع]

ثم ...
تتصاعد حدة الآلام ..
ويرتفع عويل النائحات

يا حليلك حليلك يا حليل الحكاوي
تتونس كأنك يوم ما كنت ناوي
تجمع لم تفرّق بين الناس تساوي
نارك ما بتحرّق ما بتشد تلاوي
ما بتحب تفرّق من جيبك تداوي
الحلم الجماعي
والعدل اجتماعي
والروح السماوي
والحب الكبير

و
وافجيعتنا فيك ...

ونحن المفقودون في زمان البؤس ...

في الزمن المكندك والحزن الاضافي
جينا نقول نفرّق نجي نلقاه مافي
لا سافر مشرّق لافتران وغافي
وين عمي البطرّق جواي القوافي
يا كرسيه وسريرو هل ما زلت دافي
يا مرتبتو امكن في مكتبتو قاعد يقرا وذهنو صافي





وتأمل -يا رعاك الله- ...

كيف يقوم شخص ما
ب"تطريق القوافي"
داخل شاعر ما...

[النور يوسف محمد]

بسم الله الرحمن الرحيم

الحبيب هيثم
التحيات وكل الود ،

محجوب شريف كشاعر وإنسان كالظاهرة
والظواهر يستبعد أن تتكرر فى المدى القريب ،
هى نفحات ومحطات ليس لنا غير أن نتفيأ من ظلالها ثم نواصل رحلة الحياة
وعلى هدى من قبسها واسلوبها وإرثها يمكن أن تظل موجودة ولأوقات قد تطول ،

موفق فى اختيارك للبساطة كمدخل لعوالم محجوب شريف ،،


تحياتى

[هيثم علي الشفيع]

المشاركة الأصلية كتبت بواسطة النور يوسف محمد

بسم الله الرحمن الرحيم

الحبيب هيثم
التحيات وكل الود ،

محجوب شريف كشاعر وإنسان كالظاهرة
والظواهر يستبعد أن تتكرر فى المدى القريب ،
هى نفحات ومحطات ليس لنا غير أن نتفيأ من ظلالها ثم نواصل رحلة الحياة
وعلى هدى من قبسها واسلوبها وإرثها يمكن أن تظل موجودة ولأوقات قد تطول ،

موفق فى اختيارك للبساطة كمدخل لعوالم محجوب شريف ،،


تحياتى

أستاذي المبجل/النور

مما يُنسب للراحل العظيم "حميد" ما معناه ..

(إن أي دارس -أو قارئ- للشعر السوداني ، لم يمر بتجربة محجوب شريف الشعرية فقراءته -او دراسته- ناقصة...)

ومما لا شك فيه ..
أن الشريف محجوب -يرحمه الله- كان رائد رواد مدرسة السهل الممتنع

وكان دائماً ما يتحفنا ب(أصعب السهل)..





دمت -سيدي- بالف خير

وشكراً على إضافاتك الثرة دائماً

[هيثم علي الشفيع]

في الزمن المكندك والحزن الاضافي
جينا نقول نفرّق نجي نلقاه مافي
لا سافر مشرّق لافتران وغافي
وين عمي البطرّق جواي القوافي
يا كرسيه وسريرو هل ما زلت دافي
يا مرتبتو امكن في مكتبتو قاعد يقرا وذهنو صافي

و..

تأخذنا الذكريات بعيداً..
فنسرح خلفها...

يا تلك الترامس
وينو الصوتو هامس
كالمترار يساسق
يمشي كما الحفيف
كم في الذهن عالق
ثرثرة المعالق
والشاي اللطيف
تصطف الكبابي
اجمل من صبايا
بينات الروابي
والضل الوريف
احمر زاهي باهي
يلفت انتباهي
هل سكر زيادة
ام
سكر
خفيف

[معتصم الطاهر]

هيثم شوف عاميتنا البسيطة لم تزيد بساطة و تزيدك انبساطة ..

كم سيرة وسريرة من حولك ضراك
والناس الذين خليتم وراك
وعيونم حزينة بتبلل ثراك
ابواب المدينة بتسلم عليك
والشارع يتاوق يتنفس هواك..



يا حليلك حليلك يا حليل الحكاوي
تتونس كأنك يوم ما كنت ناوي
تجمع لم تفرّق بين الناس تساوي
نارك ما بتحرّق ما بتشد تلاوي
ما بتحب تفرّق من جيبك تداوي

في الزمن المكندك والحزن الاضافي
جينا نقول نفرّق نجي نلقاه مافي
لا سافر مشرّق لا فتران وغافي
وين عمي البطرّق جواي القوافي
يا كرسيه وسريرو هل ما زلت دافي
يا مرتبتو امكن في مكتبتو قاعد يقرا وذهنو صافي

اخ بس عليها شاى بلبن و تكية فى سرير هبابي و كل الكون يحسدك

[هيثم علي الشفيع]

المشاركة الأصلية كتبت بواسطة معتصم الطاهر

هيثم شوف عاميتنا البسيطة لم تزيد بساطة و تزيدك انبساطة ..

كم سيرة وسريرة من حولك ضراك
والناس الذين خليتم وراك
وعيونم حزينة بتبلل ثراك
ابواب المدينة بتسلم عليك
والشارع يتاوق يتنفس هواك..



يا حليلك حليلك يا حليل الحكاوي
تتونس كأنك يوم ما كنت ناوي
تجمع لم تفرّق بين الناس تساوي
نارك ما بتحرّق ما بتشد تلاوي
ما بتحب تفرّق من جيبك تداوي

في الزمن المكندك والحزن الاضافي
جينا نقول نفرّق نجي نلقاه مافي
لا سافر مشرّق لا فتران وغافي
وين عمي البطرّق جواي القوافي
يا كرسيه وسريرو هل ما زلت دافي
يا مرتبتو امكن في مكتبتو قاعد يقرا وذهنو صافي

اخ بس عليها شاى بلبن و تكية فى سرير هبابي و كل الكون يحسدك

يا باش..

معليش والله

(باااااالي مشغول..)
-بي شنو ما عارف!!-

ف

إتأخرت عليك شوية..



شكراً ...
وأنت تضيف ل"طعامة" كلمات الشريف محجوب
، طعماً أحلى



مودتي

[هيثم علي الشفيع]

و..

تأخذنا الذكريات بعيداً..
فنسرح خلفها...

يا تلك الترامس
وينو الصوتو هامس
كالمترار يساسق
يمشي كما الحفيف
كم في الذهن عالق
ثرثرة المعالق
والشاي اللطيف
تصطف الكبابي
اجمل من صبايا
بينات الروابي
والضل الوريف
احمر زاهي باهي
يلفت انتباهي
هل سكر زيادة
ام
سكر

خفيف

و ....
تشدّنا معها -الذكريات-

عميقاً ....عميقا :

ينده للبنية يديها الحلاوة
والخاطر يطيب
يدخل جِنّو مِنّو محبوب الشقاوة
يستنى النصيب
الدفو والنداوة السنا والعبير
كالغزلان هناك في الوادي الخصيب
حيث الموية عذبة والغصن الرطيب
كم تحت المخدة اكتر من مودة
للجنا والغريب
عش وعشب اخضر جدول من حليب

الشمس البتطلع بلت منو ريقا
والنجمة البتسطع فيه تشوف بريقا
الندى في حركتو يطفيها الحريقة
ننهل من بركتو زي شيخ الطريقة
شاييهو وطرقتو والايدي الصديقة
يلا نسد فرقتو حب الناس درقتو

ثم...

يا موت لو تركتو مننا قد سرقتو
كنا نقول ده وقتو لكنك حقيقة