نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 04-08-2021, 03:31 PM   #[1]
علي الشيخ الحنين
:: كــاتب جديـــد ::
 
افتراضي بتاع الاورنيش و النقلتي،،

*ب📝 الحنين،،،*
*د. علي الشيخ،،،،*

*بتاع الاورنيش،،، و النقلتي*،،،،،
*بتاع الاورنيش،،،،،*
هو فنان تشكيلي،،،، رسام،،،،
فيهو موهبه،،، ودواخله فيها زول نضيف،،،،
أدواته بسيطه جدا،،،، اجتهد في تجميعها،،،،
مهنته معقده شويه،،،
انك تمسح وتنضف جزمه،،، أو شبط،،، أو مركوب،،، أو أي نوع من الاحذيه،،،
تنضفها لي زول تاني مقابل حفنه من المال،،، ليس من أجل المال،،، في فلسفتي،،،
لكن ،،،،،
بكون ساهم في إكمال أناقة شخص آخر،،،،
للحقيقه،،، تجدهم مجتهدون،،، و صابرون،،، و الكفاح سميرهم دائما
برغم آهات الزمن،،،،
مقتنعون بمهنتهم،،،
منهم *الكبير* الذي عشق مهنة الاورنيش،،، و التصق بها،،، ومثل هذا الصنديد تجده ملتزم بي موقعه،،، وغالبا يلتصق به زبائن عشقوا النظافه والقيافه،،،،،،
ومنهم *الصبي* الذي يتجول،،، مع نغمه متعارف عليها،،،، *كششش ،،،،* *كششششش ،،،،* يتحرك بدون التزام لاشارات المارين،،،
سر مهنتهم يقبع،،،، في أنهم مقتنعون،،،، دائمآ نظرتهم للأرض،،،، واحذيه الآخرين،،،
*النقلتي*
شخصيه مكمله لبتاع الاورنيش،،،،
النقلتي أو *الصرماتي*
مهنه شبه اندثرت،،،
لا يأبه و لا يخجل لمهنته بل الافتخار شيمته،،، فهو يعتز بها،،، و يحبها،،،،
كما *الجراح،،،* لكل حذاء نوع من الإبر،،، ونوع خاص من الخيوط،،، ما أجمله عندما يضع قماشه كأنه يعقم ما حوله،،،
الفرق،،، ليس للبنج أو التخدير مكان في طاولته،،،
و كذلك كما جراحة التجميل هو يبدع،،، يستأصل،،، و يقطع،،، ويوصل،،، و ينتشي جمالاً،،،،
ولا ينتظر أن يفيق الحذاء من أثر التخدير،،، بل بكل ثقه،،، و عزة نفس،،،، لاينتظر منك مالا،،،، بل ينتظر ردك من إجادة عمله،،،،
نحن ما عايزين،،،، نقلتي ما بعرف شغله،،، ولا بتاع اورنيش مستجد،،،،
الزول بمشي بالطريقه البتريحو،،، في ناس بعفصوا بي قدام،،، ديل خترين شديد،،، في ناس دايسين بالكعب،،،، وديل كعبييين ،،،،،
في ناس ام غمتي،،، الله لا جاب عقابهم،،،
*بتاع الاورنيش و النقلتي*
نحتاجهم الان،،،، ليس لمزاولة عملهم في مهنتهم،،،،
بل نحتاجهم بصيغه أخرى،،،،
لترميم وتجميل ماعلق بنا من شوائب،،،،
نحتاجهم لنظافة المدن،،،، الأسواق،،،، لنظافة الطرق و الدروب،،، و الشوارع،،،،
نحتاجهم،،، حتى تظهر بلدنا أجمل و انضف،،،
ده بتم كيف،،،،
*نعمل للبلد دي خياطه داير،،،، ما يدور،،،،*
بالفهمين ،،،،
الداير ،،،،، داير ،،، و المادير و ماعاجبو ،،، يقع سد النهضه،،،

لكم الجمال هديه،،،، و الحب مرسال للشوق،،،،

*من الأرشيف،،،*

*د. علي الشيخ*
*الحنين*
*امدرمان*
*٢٦ أكتوبر ٢٠١٩*



علي الشيخ الحنين غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:31 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.