نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 05-07-2015, 02:30 PM   #[1]
حافظ حسين
:: كــاتب نشــط::
الصورة الرمزية حافظ حسين
 
افتراضي بوست ساي

أول حاجة رمضان كريم
تانياً البوست دا انا أبدأ ما ح أكون الراعي الرسمي ليه اي زول/ة يجي يرعي بقيده و ديك اللايحة التلجة السايجة .... بمناسبة اللايحة دي شايف زي بقي في عزوف عن تفسير التفسير لها المسكينة ... لكن دا أبدأ ما الموضوع
و الموضوع و ما فيه في عدم موضوع في هذا البوست المبارك ببركة رمضان

يلا هو بوست قفة دلالية أي حاجة ممكن يقبلها
بقبل الغناء
النعي
الالفاظ غير الخادشة للنسيج الإجتماعي و ما مجرحة في رمضان ......
ممكن أجي بعد الفطور و ممكن قبله و ممكن ما أجي



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 05-07-2015, 02:39 PM   #[2]
حافظ حسين
:: كــاتب نشــط::
الصورة الرمزية حافظ حسين
 
افتراضي

ح أبدأ باحدث الحكايات لكن أوعي تطمئنوا شديد
-----------------------------
يوم الجمعة الفاتت عندنا قريبنا وصل عمر الموت و مات ....
هو عيان ليه سنين يعني موته ما أمر ذو بال لكن تقول شنو؟
ضرب لي أخوي المهذب و مجامل شديد علي فكرة كل أخواني مهذبين و أنا ذاتي مهذب صح؟.... بعدين الزول دا مات في حر كدا انسي بس ... المهم جاني تلفون من أخوي المجامل و دارت المحادثة الأتية:
الوو حافظ عم إسماعيل دا اتوفي
أنا: أها و المطلوب مني شنو؟
أخوي: البركة في أمة محمد (أنا ولله لا قلت البركة في اي زول براهو اتبرع) خلاص تعال في بيت البكاء
أنا: شوف حسك عندك انت لا كلمتني لا حاجة أو أتصلت علي و تلفوني قافل
أخوي: أسمع نحن قربنا نطلع علي المقابر و انت بعيد تعال المقابر طوالي
أنا: يا زول مقابر شنو انا قلت ليك في الحر دي لو مات منو ما طالع
أخوي: لا ما في داعي تجي البيت تعال علي المقابر طوالي ... مقابر حمد النيل ... أيوة مقابر حمد النيل
و الخط قفل .... أنا براي قلت أخوي دا مسكين جن هسي, لكن قلت الجن بداوي و بمشي ليه بعد الفطور اشوف موضوع الجن دا .. و تاني أستبعدت قصة الجن قلت ربما انخفاض السكر في الدم بسبب الصيام بخلي الزول يتكلم برا رأسو لكن الشي العارفو اني ما ماشي أي مقابر و لو ما مشيت ما أظن ح يحردوا يدفنوه يا خي.... قبل اخت رأسي كويس ضرب تلفوني تاني ضرب و نمرة أخوي المجامل تاني
الوووو في شنو يا خي؟
أخوي: يا أهبل أولاد الزول جنبي ....
يعني ما عندك سكة تجي تجي أنا ضربت ليك قدامهم و عارفين أنك قاعد في الخرطوم ...
و برضو ما مشيت لكن الليله لو الله رفع القدم بمشي



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 05-07-2015, 02:53 PM   #[3]
حافظ حسين
:: كــاتب نشــط::
الصورة الرمزية حافظ حسين
 
افتراضي

حكايات من الاستعفانات
أها وقتها كنت اشتغلت و اتعطلت عن العمل بسوء السلوك لكن في الشغل كنت ختري شديد ..... أها بقيت عاطل لدرجة اني بشيل حق الصعوط من حدو و و طارق أخوي شفت التدهور دا كيف؟.... أها جاء زول قريب ابوي بقروش كتار و فتح كم شركة و عمل قاعة في جامعة الخرطوم و أكل التماسيح ديل أكل جد .... أها الزول دا قال ما داير زول في القبيلة عاطل و عيال القبيلة اشتغلوا سواقين و ناس هدف برتبة غفرا و اييييك يعني بالعربي كدا بقوا قوي حديثة و بصرصروا لباقي خلق الله .... ابوي قال لي عمك فلان دا ضرب لي و سألني منكم قلت ليه عندي حافظ دا ما شغال يلا تمشي للزول دا عشان تشتغل ... قلت ليه لا يا يابا كلو و الا الشغل مع الناس ديل....
المهم ملاني فارغة شديدة تمشي تشتغل انت اصلك بتريد الفلس و الجوع أمشي اشتغل يا (.......... )هو ما بتلفظ لكن لو كان بتلفظ تموا النقاط البين القوسين دي حسب خيالكم.... حرنت و قلت كلو و الا الشغل مع الزول دا..... لاني في الوقت عندي رأي في الرأسمالية الوطنية خليك من تكون طفيلية و جاية من وين ما تعرف ... المهم تحت ضغط الوالد و الفقر قلت يا زول أمشي أنا داير اسرق معاهو ما بشتغل 8 ساعات و بتخارج....
والله قشرت في امان الله ... بنطلون الجينز و قميص معقول و جزمة زيها و زي جزم كل خلق الله.... مشيت الشركة و لاقيت زول كدا قلت ليه ... انا ود فلان الفلان من عندكم و فلان الفلان دا قال لي اجي اشتغل عندكم ... رحب بي شديد و سألني من ابوي و صحته و قلت ليه الحمد لله في زحمة من النعم .... اها طابق ورقي و خشيت للزول بتاع الكمبيوتر و ال هوي ح يعايني .... لجنة المعاينة مكونة من 3 انفار ... الزول بتاع المعاينة دا ود صغير خريج التقانة .... لابس ليه جزمة كبيرة و بنطلون كيف كيف ما عارف لكن ما اسكيني ... تي شيرت عامل سبعة في الرقبة و في شعره عامل كريم لدواعي التجلط .. أها خشيت كدا مسحني ليك بنظرة من رأسي لاخمص جزمتي و حسيت بالامتعاض في وشو .... عرفت لحظتها اني ما ح أشتغل في الحتة و في الحتة انا تاني ما بشتغل
بدت المعاينة بالاسئلة السخيفة المعروفة ديك و قالوا لي كلمنا عن نفسك.... و الله ما قصرت كلمتهم عن الميلاد و الدراسة, الشغل السابق, طموحاتي في الحياة ونقاط قوتي و ضعفي و أجمل جدعة في نقاط الضعف قلت ليهم واحدة من مشاكلي العويصة ما بعرف اشتغل في تيم فيه أغبياء ... عاينو لبعض كدا و صنو شوية .... يلا بعد كم سؤال كدا جات الاسئلة في المجال و ديلاك سكتووا و بدأ يسألني الشافع ابو دبابة كبيرة دا قال لي في ال سي في بتاعك كاتب انك اشتغلت كم سيستم باوركل هل اشتغلت باكسس؟
رديت قلت ليه: طبعا الزول البصل مرحلة يشتغل باوركل قطع شك بعرف اكسس
يلا دي اكلها في حنانو ....قام سألني الفرق شنو بين الاوركل و الفشوال بيزك؟
هنا وصلت الحد و بالعبارة دي قلت ليه (اجري الحصان) هو في علاقة عشان يكون في فرق ؟
لجنة المعاينة قلعوا عيونهم كبار .... و المعاين اب نعال كبيرة سكت لكن انا ما سكت و قلت الليله بوصلها معاهو الحد و قلت : اسمع إنت قريت وين؟
سكت و اتبرع واحد من اللجنة شكلو ما قارش ملحة الزول دا و قال لي إتخرج من التقانة؟
قلت ليه عليك الله الزول دا اتخرج سنة كم؟
في البداية اضاير لكن في النهاية لا يصح الا الصحيح و قال لي 2006 صح يا فلان ؟...
و فلان دا كاضم من الهجمة ..... و انا جاني الهبوب و ضريت العيش و عملت حركات عيال جامعة الخرطوم و قلت ليه اسمع انا اتخرجت من جامعة الخرطوم و 2005 انا كنت بتدرس الزيك دا في التفانة و انا كأستاذ ما مطالب اعرف الطالب لكن الطالب المجتهد مفروض يعرف استاذه .....
بقي يقاطع فيني يا زول راعي لكلامك يا زول احترم نفسك
ما اشتغلت بيه و الشجعني الاتنين بتاعين اللجنة كانوا متكيفين و واصلت ... قلت ليه يعني هسي انا ممكن أشتغل هنا و انت تكون مديري صدقني لو بتدوني مليون دولار ما داير و شكرا علي زمنكم
و أتخارجت



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 05-07-2015, 05:59 PM   #[4]
كيشو
:: كــاتب نشــط::
 
افتراضي

قبل ما أواصل استمتاعي؛ بقول ليك انت زول مطموس زي مابتقول حبوبتي عشه بت الشريف الله يرحما
انت يا حافظ تلفونات البكا مابتعرفا؟ يعني مما الزول المتصل يبدا يتكلم بتكون عرفت الخبر، صاح يمكن ما تعرف الزول المات، لكن تلفون البكا ظاهر



كيشو غير متصل   رد مع اقتباس
قديم 05-07-2015, 06:08 PM   #[5]
كيشو
:: كــاتب نشــط::
 
افتراضي

ودي فرصة أقول ليك اتصل ياخ
عندي ليك خبر عاجل



كيشو غير متصل   رد مع اقتباس
قديم 05-07-2015, 06:16 PM   #[6]
حافظ حسين
:: كــاتب نشــط::
الصورة الرمزية حافظ حسين
 
افتراضي

اقتباس:
المشاركة الأصلية كتبت بواسطة كيشو مشاهدة المشاركة
قبل ما أواصل استمتاعي؛ بقول ليك انت زول مطموس زي مابتقول حبوبتي عشه بت الشريف الله يرحما
انت يا حافظ تلفونات البكا مابتعرفا؟ يعني مما الزول المتصل يبدا يتكلم بتكون عرفت الخبر، صاح يمكن ما تعرف الزول المات، لكن تلفون البكا ظاهر
أها اعرف تلفون البكاء كيف؟
يعني النغمة ثكلي؟
لكن بقيت أخواي هدام الملذات دا لو اتصل علي ما برد
لحد ما أتصل علي أخوي التاني الما بريد الفواتح و البكيات و أتأكد ان الموضوع ما زول ابي الفترتيتة بعديها بتصل
ح أتصل هسي بس قول لي انت في السودان



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 05-07-2015, 07:02 PM   #[7]
احمد سيداحمد
:: كــاتب نشــط::
الصورة الرمزية احمد سيداحمد
 
افتراضي

حافظ : رمضان كريم





التوقيع:
من يعيش في سلام مع نفسه فهو يعيش دائماً في سلام مع اﻵخرين إنه ﻻ يستطيع أن يكره ، وﻻ يخطر بذهنه أن يرفع سلاحاً في وجه أحد إنه قد يطلق ضحكةً أو يترنّم بأُغنية ، ولكنه أبداً ﻻ يفكّر في أن يطلق رصاصة . وإنما تولد الكراهية للآخرين حينما تولد الكراهية للنفس.
د.مصطفى محمود
احمد سيداحمد غير متصل   رد مع اقتباس
قديم 05-07-2015, 08:39 PM   #[8]
عايد عبد الحفيظ
:: كــاتب نشــط::
 
افتراضي

أستاذنا حافظ
رمضان كريم وتصوموا وتفطروا على خير
إخوانك ديل ذكروني آخوين في عطبرة . . الكبير
فيهم بتاع مجاملات . . والثاني بتاع بهجة . . صباحا
بدري باب بتاع البهجة دق . . لقى ولد قال ليهو يا
عم لبة . . ده لقبهم . . ابوي قال ليك هم خلاص
طالعين على المقابر . . قال ليهو انت غلطان . . أنا
لبة أفراح . . الباب داااك لبة أحزان .
جعل الله أيامنا افراحا
تحياتي وتقديري



التوقيع: وانا . . من انا يا سيدى
سوى
واحد من جنودك يا سيدى
خبزه . .خبز ضيق
ماؤه . . بل ريق
والممات بعينيه . . كالمولد
واحد من جنودك يا . . سيدى
يركع الان ينشد جوهرة
تتخبأ فى الوحل
او قمرا فى البحيرات
او فرسا فى الغمام
امل دنقل
عايد عبد الحفيظ غير متصل   رد مع اقتباس
قديم 05-07-2015, 09:11 PM   #[9]
شبارقة
:: كــاتب نشــط::
الصورة الرمزية شبارقة
 
افتراضي

اقتباس:
المشاركة الأصلية كتبت بواسطة حافظ حسين مشاهدة المشاركة
... المهم جاني تلفون من أخوي المجامل و دارت المحادثة الأتية:
الوو حافظ عم إسماعيل دا اتوفي
أنا: أها و المطلوب مني شنو؟
أخوي: البركة في أمة محمد (أنا ولله لا قلت البركة في اي زول براهو اتبرع)


جهجهتو مع أولاد المرحوم .. لكن المخارجة عندو.



شبارقة غير متصل   رد مع اقتباس
قديم 05-07-2015, 10:16 PM   #[10]
اشرف السر
:: كــاتب نشــط::
الصورة الرمزية اشرف السر
 
افتراضي

ازيك يا حافظ

دا امنقه بوست من مدة طويلة


اها نروج لحاجاتنا...

الحاجات الفي البوست دا بتهمك شديد كمصدر لحاجات محتملة.. اديهو شوية من وكتك

من هنا



التوقيع:

اشرف السر غير متصل   رد مع اقتباس
قديم 05-07-2015, 10:47 PM   #[11]
شبارقة
:: كــاتب نشــط::
الصورة الرمزية شبارقة
 
افتراضي

تحياتي للجميع

بمناسبة المعاينات ، تعرف يا حافظ أنا أول وآخر معاينة لي في السودان كانت عقب تخرجنا وكانت في مكاتب لجنة الإختيار والكلام ده كان في 1987م (عز خريف الديمقراطية التالتة) ... وكنا متخرجين وقاعدين عطالة ومافي شغل .. المهم عملوا إعلان في الإذاعة وفي الجرائد للمعاينة الكنا بنحلم بيها ... مشينا لجنة الإختيار .. كنا حوالي 18 نفر فقط .. وأكتشفنا إنو مافي توظيف وإنما هي معاينة لترتيبنا فقط (من الأول للأخير) وبعدين لو جات وظيفة من رحم الغيب يدوها للأول ولو جات وظيفة تانية بعد فترة يدوها للتاني وهكذا .. المهم بدأت المعاينات وجاء دوري ودخلت غرفة فيها 3 تربيزات كبار .. تربيزة فيها واحد يشبه المصريين عمرو فوق الستين وملامحو غير مريحة أبدا ً .. التربيزة التانية فيها دكتور في الجيولوجيا (مجال دراستنا وهو الحيعمل لينا المعاينة) عمرو دون الأربعين بقليل وشكلو مريح .. والتربيزة التالته فيها حسناء لابسة توب (ليوم الليلة ماعارف سبب وجودها كان شنو) .. قعدوني في كرسي وقام صاحبنا البشبه المصريين داك إتحرك من مكانو ووقف في وسط الغرفة وبحركات مسرحية كدة (بعد ما سجل بياناتي) قام قال لي أنا حأسألك سؤال واحد بس وبعدين بحولك للدكتور (وأشار لدكتور الجيولوجيا) ولكن قبل ما أسألك السؤال الأساسي حاديك سؤال يعتبر مدخل للسؤال الأساسي .. وطوالي دخل معاي في السؤال الغير أساسي :

هو : أذكر لي أعضاء مجلس رأس الدولة

فاجأني السؤال .. وأربكني .. والسبب إني قادم حديثا ً من مصر ومش متأكد تماما ً من أسماء أعضاء مجلس رأس الدولة إلا القليل منهم وذك من خلال ورود أسمائهم في نشرات الأخبار القليلة التي سمعتها .. فتذكرت أول واحد (أحمد عثمان الميرغني) وكان هو رأس الدولة ..
فأجبت مسرعا ً (قبال ما الإسم يطير) والله صحي ..
أنا : أحمد عثمان الميرغني

هو (غاضباً) : غلط
والله خلعني خلعة تطير رحمن القلب (زي ما بقولوا حبوباتنا )

أنا : ما أحمد عثمان الميرغني؟!!

هو : يا زول بقول ليك إجابتك غلط
وألتفت لتلك الحسناء (التي لا تهش ولا تنش) وقال ليها: بالله شاب وخريج وما يعرف إسم رئيس بلدو ..

والله إفتكرتو بستفز فيني عشان يشوف مدى تحملي وما هي حدود مقدراتي على التعامل مع الآخرين ومدى إحتواء غضبهم وزعلهم وإستفزازهم (لانو زمان كان الانترفيو بيشتمل على حاجات زي كده) .. المهم زاد تهكمو وإستخفافو بي .. وكان يزرع الغرفة ماشي وجاي ومرة يديني وشيهو ومرة يديني قفاهو ..غضبت بصراحة ولم أتحمل كلامو وبالذات لما قال لي إنتا من وين؟ .. ولما أجبته زاد غضبه (أي والله) .. لأنو عرف إني من دائرة جغرافية تتبع لهم بالكامل إلا قليلا (وأنا من ضمن الـ إلا قليلا ً دول )

أنا : أحمد عثمان الميرغني مش أخو محمد عثمان الميرغني؟

هو (مازال غاضباً) : أيوه أخوهو

أنا : طيب

هو (بعد أن خمّ نفـَسو) : محمد عثمان إسم مركب ياخي وهو محمد عثمان علي الميرغني أما شقيقه أحمد فهو أحمد علي الميرغني وليس أحمد عثمان الميرغني .. وإجابتك غلط ... وواصل مستطردا ً وبتهكم : ما سمعت بالسيد علي الميرغني ولا بأولادو؟ !!! .

والله دي كانت أول مرة أعرف فيها إنو محمد عثمان إسم مركب وشقيقه هو أحمد علي الميرغني وليس أحمد عثمان ... عمك بتاع المعاينة كان إتحادي عشان كده زعل مني ... وواصل في سؤالو القال عليهو مدخل للسؤال الأساسي :

هو : طيب أذكر لي الباقيين

أنا (بعدما أدوني كباية موية) : دكتور علي حسن تاج الدين - محمد الحسن عبد الله ياسين - مرغني النصري - إدريس البناء

والله تذكرت إسماءهم (وكأنها نزلت علي من السماء) يمكن السبب هو وجود تلك الأسماء في عقلي الباطني (غصبا ً عني) وذلك بسبب كثرة ذكرهم في نشرات الأخبار

بعدها عمك قال لي : أها .. السؤال ده كان مدخل لسؤالنا الأساسي .. والآن حاسألك السؤال الأساسي بتاع المعاينة .

قلت في نفسي أكان ده المدخل بس .. الغريق يكون كيف؟ وقام سألني السؤال الأساسي

يتبع ..



شبارقة غير متصل   رد مع اقتباس
قديم 06-07-2015, 07:57 AM   #[12]
حافظ حسين
:: كــاتب نشــط::
الصورة الرمزية حافظ حسين
 
افتراضي

اقتباس:
المشاركة الأصلية كتبت بواسطة عايد عبد الحفيظ مشاهدة المشاركة
أستاذنا حافظ
رمضان كريم وتصوموا وتفطروا على خير
إخوانك ديل ذكروني آخوين في عطبرة . . الكبير
فيهم بتاع مجاملات . . والثاني بتاع بهجة . . صباحا
بدري باب بتاع البهجة دق . . لقى ولد قال ليهو يا
عم لبة . . ده لقبهم . . ابوي قال ليك هم خلاص
طالعين على المقابر . . قال ليهو انت غلطان . . أنا
لبة أفراح . . الباب داااك لبة أحزان .
جعل الله أيامنا افراحا
تحياتي وتقديري
يا خي دي فكرة جميلة جداً ... كنا انا و أخوي وقتي القبال ابقي انتي سوشيال يا عابد قسمنا الديوتي الاجتماعي بينا .... هو يمشي اي مناسبة إجتماعية بتخصنا طيلة ايام الاسبوع و انا علي الجمعة و السبت لانو هو من يوم الخميس بالليل بقفل تلفونو تاني ما بفتحو الا الأحد
شكراً ابوحميد علي النغم الجميل



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 06-07-2015, 08:03 AM   #[13]
حافظ حسين
:: كــاتب نشــط::
الصورة الرمزية حافظ حسين
 
افتراضي

اقتباس:
المشاركة الأصلية كتبت بواسطة شبارقة مشاهدة المشاركة


يتبع ..
بالله تبعنا سريع أنا منتظر
هو بالله محمد عثمان دا طلع اسم مركب ؟
كويس أنك عرفتهسنة 1987 انا والله عرفته هسي يا شبارقة ههههههه



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 06-07-2015, 08:15 AM   #[14]
حافظ حسين
:: كــاتب نشــط::
الصورة الرمزية حافظ حسين
 
افتراضي

يا ابو الشوش المداخلات الجاية دي ح تكون عن الايجارات وقع ليك
و مداخلة (1) أو لذي القرنين كلمة .....
و ذو القرنين اذا اتيناهو من لدن علماً
اجرنا بيت في أمبدة و سميناهو زي القرنين لانو في سور الجالوص في قرون تور كدا منتصبات ناحية السماء البدت لنا ... في الحقيقة هو نص بيت, نص أجرناهو نحن و نص لبله و اخواته و يلا اخوات بله ديل فاكين اللعب شديد , و لطيفات خالص المهم الموضوع سالك كويس سلامات و احترامات متداولة بينا و بينهم لحد يوم جانا خميس يتيم ... الجامعة دي عن بكرة ابيها كانت في ذي القرنين شي جبهة ديمقراطية بكل تامراتها ... حق و عدائهم التاريخي للجبهة الديمقراطية, المستقلين كانوا حضور و بصرصروا للأتحاديين قبال تبدأ القعدة, حزب الامة جوا و اتحالفوا مع المستقلين ضد الاتحاديين كمنافس تاريخي ليهم و أي زول صاري غبنه السياسي و مستني بيه اول كاس... يا خي فصيل وطني كامل سكران... و اللحظة الدايرة دارت علي الطابور و مزجنا الاسبرت بالماء و استرخت الاعصاب... بدا الردحي ....و بدأت المعركة جبهة ديمقراطية ضد أخيه في الجبهة الديمقراطية و فت تأمر سالف عينة أنت ما قلت فلان أمنجي ... و فلان الامنجي دا يطلع حضور في القعدة المهم تقوم شمطة كدا نطفيها بكاس و يلا نغني و بله أخوات بغادي بشيلوا معانا و مرات بذكرنن ما فات علينا من لحن .... تنتهي الغنية و مرة أخري الشمطة تقوم...و المرة بين ناس حق و الجبهة الديمقراطية و تنتهي بغنية (حم حم حمام يا حمام شتت ليك سكر يا حمام) اها الغنية دي الحوشين حتوا فيها قرض و الصراخ متبادل ايضاً .... تنتهي الاغنية و يقوموا ليك الاتحاديين و المستقلين يتذكروا زمااااااااااااااااااااان كان في تفاوض حول الاتحاد و طرشق بسبب أن الاتحاديين قالوا ممكن يدفعوا قروش عشان يشيلوا 8 مقاعد لان المستقلين قالوا ليهم انتو ما عندكم ثقل في الجامعة عشان يدوكم 8 مقاعد زيكم زي الناس .... أها التفاوض دا جاء ذو القرنين و أنتهي بسب دين و بعدين ما كان دين عادي و إنما استهدف الذات الاتحادية فوق ... ممثل حزب الأمة في القعدة يتكشم ساي و يزيد النار حطب ضد غريمه الاتحادي .... أها دين الميرغني دا خط احمر جدا و الاتحادي زعل و سب مؤخرات امهات الكل و المستقل ما قصر رد الدين دينين و لم يكتفي بالميرغني و إنما تعداه للذي أوجد الميرغني اها الاتحادي و الامة و بلة اخوات زعلوا شديد للدين المسبوب دا .... و نادت واحدة من بله أخوات الكانن برقصن معانا وراء حجاب ديلاك , نادت يا محمود يا محمود لحد هنا كفاية
و بكرة الصباح اللجنة الشعبية طردتنا
يتبع



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 06-07-2015, 08:43 AM   #[15]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة حافظ حسين مشاهدة المشاركة
و بكرة الصباح اللجنة الشعبية طردتنا
يتبع

لأ كان ما يطردوكم يا ،،،
































زناااااااااااااااااادِقَه



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 02:54 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.