اقتباس:
المشاركة الأصلية كتبت بواسطة عبدالله وداعه الامين
ازيك ام التيمان وان شاء الله كويسة
هسه يا ام التيمان لو جاك ولدك وقادي اضانو وعامل راصتا وملفلف شعرو
ومالص بنطلونو زي ديل و(كاسر حسو) بتقول ليهو عادي ودي الموضة ولكل زمن رجال؟
الزمن اتغير نعم ونشيل من الموضة نعم
بس مفترض نشيل الحاجة الكويسة والبتحفظ كرامتنا وقمنا الجميلة
حصل وفي امريكا واحد اسود مالص بنطلونو واعتقلوهو ونزلوهو من الطيارة
و واحد في محل تجاري طلعوهو من المحل لانو لبسو ما كان محترم وناصل بنطلونو اها دي محل جاتنا الموضة وما محترمين البلبسوها البودينا نتعولق انحنا شنو؟
دا التقليد الاعمى وبس 
|
يا عبدالله شكل اللبس ليس انحلال انما ثقافة قد تتغير
على حسب متطلبات الزمن او المرحلة
مثلآ عندنا فى السودان قبل الانقاذ المرأة كانت تلبس
بطريقة نعتبرها اليوم منحلة و متفسخة
بل فى ما قبل الانقاذ كانت عادية و عادية جدآ
الكل يحترمها اكثر من الان اللابسات الحجاب و النقاب نوع اللبس دا فرضتو مرحلة
زى ما بقولو الشعوب على دين حكامها
اولادى برتدو اللبس العادى السائد فى البلد و انا لا اتدخل
اما اذا رايت شاب لابس سستم و مسرح شعرو لا انظر له بعدم رضا
مرحلة شبابية و بتنتهى و قد يكون من افضل الناس اخلاقيآ
