زهجة؛ نوع براهو

بابكر مخير · 24-02-2009, 06:58 AM

تبتسم!
إتا براك تحس أنها بااااااااااااهتا
تقول تتكلم، تلقى روحك تتلفت تفتش للحروف، الكلمات ديك ما بتبقى ضرب من المحال.
تقول أشغل نفسي بي آي حاجة، تلقى روحك غرقان لي شوشتك في أكبر شغلا.
(جدكم بابكر بدري قال: أكبر شغلا؟ قِّلة الشغلا)
تحس كدا بي؛
زمة صدر، عبرة سادة الحلق، دمعة تتاوق من طرف العيون وتقول تنزل،، ما تلقى ليها سبب ماهي إن نزلت تخلق إشكال من نشاف عيون وتبقي الزول في حوجة للنقط المعوضة للدموع وإن قعدت بتكون متأخذا، شاعرة بأنها غير مرغوب فيها والخلاص منها بيسهل من الحالة الزهجة النوعا براهو الواقع أنا فيها دي...
تعاين في التلفزيون تشوف خشوم تنفتح وتنقفل في لوح قزاز ووسطا الوشوش دي تشوف ليك وشن شاااااااحب وتسأل:
يا ربي أنا الوش دآ شفتو وين وتسرح في فتيشك للوش دا لغاية ما الدمع الحايرة في طرف العيون تبقى ذي المراية وتعكس ضوء التلفزيون ويقوم؟؟؟
يقع ليك العربي الفصيح!!! دي وشي أنا ذاتي..
تحبط وبحركة مغايرة لي التقل المخدر أطرافك، كف!!! تلفح الريموت وتقفل التلفزيون، تكتل الروح الفيهو، هو ظاتو شن فايدة عيشتو؟؟
ما اليها مسلسلات هابطة وأخبار حروب دايمة وحتى إن جاب ليك كورة، تلقىَّ الفريق البتشجعو منهزم...
تقول أولع ليا سيجارة، جرعة نيكوتين صغنونية يمكن تفك الكربة دي، تأخد النفس الأول عمييييييق وتبف دخانو الأبيض ما إتغير جوآ الرئتين، كان لونو أزوق سمواي وصافي...
بعد النفس دآك ما تنتبه إلا بلسعة بين صباع السبابة والمؤشر، يا أخي يلعن يوم السجاير غير أنه مُضر إقتصاديا كمان بيقى فيها تشتشا.
تقول أمرق الف شوية، أتفرج في خلق الله!!
تقعد تحسبا، هو في شنو يتفرجو فيهو ولا شنو اليشوفوهو.
يا أخي خليك مترزي قبلك..
ما قالوا: تطلع من بيتك حزين تلقىَّ الفرح عند مين....
المهم في القصة أنها زهجة
نوعها بر اهو وبيسموها ؟؟؟
مشروع دبرسة

الجيلى أحمد · 24-02-2009, 07:09 AM

اقتباس:

بعد النفس دآك ما تنتبه إلا بلسعة بين صباع السبابة والمؤشر، يا أخي يلعن يوم السجاير غير أنه مُضر إقتصاديا كمان بيقى فيها تشتشا.

اقتباس:

وحتى إن جاب ليك كورة، تلقىَّ الفريق البتشجعو منهزم...

برغم مشروع الدبرسة
إلا إنك أضحت صباحى ياصديقنا,

فكها ياعمنا

فكها هنا قبلك
ومال ناس فيصل وفتحى وعكود وخالد ديل قاعدين يسووا فى شنو..??

فكها فيهم لمن يفهمو حاجة,

والمسؤلية على شليل
وعلى..

بابكر مخير · 24-02-2009, 07:19 AM

اقتباس:

المشاركة الأصلية كتبت بواسطة الجيلى أحمد

فكها ياعمنا
فكها هنا قبلك
فكها فيهم لمن يفهمو حاجة,

جيلينا الجميل أبو جميل
طلتك؟!؟!
فكتها، صاملوة صامولة
نفشتها شعرة شعرة، خلخلتها سبيبة، سبيبة،،
و
الكويس أنها ما كانت سكرة، كان فكتها
لكن بيني بينك،
في حضرتك والمتعة النظر في طلعتك؟؟
دي؟؟؟
كان ربطت

معتصم الطاهر · 24-02-2009, 07:27 AM

come on MAN

just cry like a baby or ;ike ISMSAT

بابكر مخير · 24-02-2009, 07:34 AM

اقتباس:

المشاركة الأصلية كتبت بواسطة معتصم الطاهر

come on MAN

just cry like a baby or ;ike ISMSAT

عمدتنا
سلاااااااااااااااااااااااااااااام
عصمت دآك يابا قوي في عضمو
"بكية تفوت ولا حدي يموت"
لو كان البيهو بيا
كان فطستا عديل كدي

فيصل سعد · 24-02-2009, 08:06 AM

فكها يا الحبيب و هاك دي ، لكن
لو جابت ليها عكاكيز طايرة بنتقاسم تلت و كدا و الزول
الشاتها لينا ياخد التلتين :

جعلي كان مُسافر وقام ابوهو مات، الجماعه دفنوهو في مقابر الشايقية،
لما رجع الجعلي شال كوريكو ومشا يحفر في قبر أبوهو داير يرحل لي
مقابر الجعليين، أهلو جو مارين قامو سألوهو مالك بتحفر ؟؟ قال ليهم
والله أبوي ده أضانو تقيلة، و لو القيامة قامت الجماعة الدغيلين ديل ما
بصحوهو معاهم ..

بدور التركي · 24-02-2009, 08:53 AM

اقتباس:

يا ربي أنا الوش دآ شفتو وين وتسرح في فتيشك للوش دا لغاية ما الدمع الحايرة في طرف العيون تبقى ذي المراية وتعكس ضوء التلفزيون ويقوم؟؟؟
يقع ليك العربي الفصيح!!! دي وشي أنا ذاتي..

وش الهنا والسرور أريتو وشى

صباح الخير يا بابا بابكر

iman mohamed hussien · 24-02-2009, 09:04 AM

د/مخير
كيفنك ابوي

بالمناسبه الحلوه دي احكي ليك نكته
بس ياريت الخال ما يدخل هنا

قالوا ثور هائج مهجج ناس الحله
واحد شمر جلبابوا هجم علي الثور قعدو في الوطه
النسوان هاك يا ظقروته اه واحده حشريه
جات جنب الراجل اكيد جعلي
قال ليه لا والله شايقي
يا يمه اظنيتوا الثور دا باطل"
ايمان

فيصل علي · 24-02-2009, 09:58 AM

دكتور بابكر والاخوة
تحياتنا
طولت جدا من الدخول الي المنتدي وافتقدنا كثيرا قفشاتك وزهجاتك التي هي ترياقا لزهجاتنا
الجماعة بتاعين السنة(بكسر السين) بيقولوا ليك اذا قمت الصباح بايتة معاك ما بتفك الا بي كاس
هسة زهجتانا دي ما فكاها الازهجتك دي (لا يفل الحديد الا الحديد)
اديك نكتتين اعتقد انهم لنج
قالوا في واحد مرتو عضتها كديسة (ما كديسة البشيرالعايز يعمل جلدها جزمة)وماتت اثر تلك العضة .وحضر واحد للعزاء ولقي عدد هائل من الرجال في العزاء فسال يا اخوانا كل الرجال ديل جايين للعزاء
قالوا ليه لا ديل جايين يتسلفوا الكديسة (مجرد نكتة)ارجو الاتفتح علينا جبهة ونحن اصلا وضعنا مهدد
النكتة التانية
قالوا في واحد سطلجي ومعذب اهلو قالو يودوه لي شيخ يعلموه القران يمكن ربنا يهديو صاحبك اول يوم مشي للشيخ وجا راجع من الدرس سالوه في البيت كيف الدرس؟
قال ليه واله الشيخ زاتو ما عارف حاجة
مرة يقول لينا القارعة ..وتاني يقول لينا ما القارعة

عثمان · 24-02-2009, 10:18 AM

اقتباس:

المشاركة الأصلية كتبت بواسطة ياسمين

وش الهنا والسرور أريتو وشى

صباح الخير يا بابا بابكر

الرائعة ياسمين تسلمي والله ، ولبابا باكر مني ليهو القرض وبخور التيمان لزوم العين عشان الصورة الجميلة دي.

تحياتي/ عثمان الطيب

Hassan Farah · 24-02-2009, 10:28 AM

ياخى بطل الدبرسة والجرسة-- انصحك افتح البوست بتاع الرائعة قمر دورين واسرح مع العصافير-----

http://sudanyat.org/vb/showthread.php?t=10229

AMAL · 24-02-2009, 10:32 AM

سلام يادكترة

اقتباس:

ومال ناس فيصل وفتحى وعكود وخالد ديل قاعدين يسووا فى شنو..??

انا ظاااتي معاهم هاك اسمع الغنا الصاح دا

[media]http://sudaniyat.net/up/uploading/eish_may_alhob.mp3[/media]

عادل عسوم · 24-02-2009, 10:41 AM

[align=center]حبيب الشعب
كدي أسمع الشفع ديل [/align]
[align=center][flash=http://www.youtube.com/v/7Ye24eANI5k&hl=en&fs=1" type]WIDTH=400 HEIGHT=350[/flash][/align]
[align=center]وبعدين أختم بي عمنا (الظريف دة)

[/align]
]
[align=center][flash=http://www.youtube.com/v/m-v-ASi7qEQ&hl=en&fs=1" type]WIDTH=400 HEIGHT=350[/flash][/align]

أشتر · 24-02-2009, 11:30 AM

اهااااااااا بدينا!!!!!
دي واحدة من ازمات منتصف العمر ...
ترتيبها عكس الحروف العربية ...
بتبدا من الياء ... بتاعت يا الله هوي ...
ويا ناس يا هوي ... ويا ابومروة
وتنتهي بيك في الالف البقيف أحمر ... ممكن نقول عليها حراق روح ...
غايتو دي على ما اظن أزمة عابرة ... تلك التي لا تترك أتر ...
والازمات تأتي تباعاً في هكذا مرحلة ... حسب الظهور ... ومسرح احداثك ... واحداثياتك على الكرة الأرضية ... كقاعد وين؟ وكيف؟ ولشنو؟ ...

فمن واجبنا كأعضاء وابناء سبيل ... تفصلنا المطارات والقطارات والدروب ،،،
بالروح معاك وبنروح معاك ... وين ما نلاقي الابتسامة وسكة ما ملّت خطانا الحايمة بينا ...
لو جيتنا هنا بتفك ... أنا متأكد

...
ابوي إتّا ...
عندي فائض صبر ... وروح سلبة ...
بجمع طوابع وما عندي قضية مع ريموت التلفزيون نهائي ...
وحاليا وفي الواقع ... غير تاكل نارك ما عندي ليك شي ...
مالم تصلّح وضعك ...
...
المداخلات الفوق دي إعتبرا عربية اسعاف من غير ويو ويو والكواريك ديك ...
مع خالص تحياتنا وامانينا ...
وربنا يفك زنقتك زي ما فكّا زنقتنا ...
آميييييين ...
طيب ممكن طلب صغيروني ما بكلفك حاجة ...
.
.
.
.
.
.
.
.
.
.
.
.
.
.
.
.
.
.

إبتسامة ...

زي دي

بدور التركي · 24-02-2009, 11:42 AM

اقتباس:

المشاركة الأصلية كتبت بواسطة محمد أبوعاقلة

اهااااااااا بدينا!!!!!
دي واحدة من ازمات منتصف العمر ...
إبتسامة ...

زي دي

هووووووووووى اقيف بعيد واعمل شخيطين

قال منتصف العمر قال
وحياتى روحى الغالية شايفة ابوى فى بداية شبابه ونظارته
انت اللى وصلت منتصف العمر
اوعك تانى تقول لى ابوى كلام زى
انا بزعل
انت اللى باين وصلت نهاية عمرك

على يدى ان شاء الله

24-02-2009, 06:58 AM	#[1]
بابكر مخير :: كــاتب نشــط::	زهجة؛ نوع براهو تبتسم! إتا براك تحس أنها بااااااااااااهتا تقول تتكلم، تلقى روحك تتلفت تفتش للحروف، الكلمات ديك ما بتبقى ضرب من المحال. تقول أشغل نفسي بي آي حاجة، تلقى روحك غرقان لي شوشتك في أكبر شغلا. (جدكم بابكر بدري قال: أكبر شغلا؟ قِّلة الشغلا) تحس كدا بي؛ زمة صدر، عبرة سادة الحلق، دمعة تتاوق من طرف العيون وتقول تنزل،، ما تلقى ليها سبب ماهي إن نزلت تخلق إشكال من نشاف عيون وتبقي الزول في حوجة للنقط المعوضة للدموع وإن قعدت بتكون متأخذا، شاعرة بأنها غير مرغوب فيها والخلاص منها بيسهل من الحالة الزهجة النوعا براهو الواقع أنا فيها دي... تعاين في التلفزيون تشوف خشوم تنفتح وتنقفل في لوح قزاز ووسطا الوشوش دي تشوف ليك وشن شاااااااحب وتسأل: يا ربي أنا الوش دآ شفتو وين وتسرح في فتيشك للوش دا لغاية ما الدمع الحايرة في طرف العيون تبقى ذي المراية وتعكس ضوء التلفزيون ويقوم؟؟؟ يقع ليك العربي الفصيح!!! دي وشي أنا ذاتي.. تحبط وبحركة مغايرة لي التقل المخدر أطرافك، كف!!! تلفح الريموت وتقفل التلفزيون، تكتل الروح الفيهو، هو ظاتو شن فايدة عيشتو؟؟ ما اليها مسلسلات هابطة وأخبار حروب دايمة وحتى إن جاب ليك كورة، تلقىَّ الفريق البتشجعو منهزم... تقول أولع ليا سيجارة، جرعة نيكوتين صغنونية يمكن تفك الكربة دي، تأخد النفس الأول عمييييييق وتبف دخانو الأبيض ما إتغير جوآ الرئتين، كان لونو أزوق سمواي وصافي... بعد النفس دآك ما تنتبه إلا بلسعة بين صباع السبابة والمؤشر، يا أخي يلعن يوم السجاير غير أنه مُضر إقتصاديا كمان بيقى فيها تشتشا. تقول أمرق الف شوية، أتفرج في خلق الله!! تقعد تحسبا، هو في شنو يتفرجو فيهو ولا شنو اليشوفوهو. يا أخي خليك مترزي قبلك.. ما قالوا: تطلع من بيتك حزين تلقىَّ الفرح عند مين.... المهم في القصة أنها زهجة نوعها بر اهو وبيسموها ؟؟؟ مشروع دبرسة
بابكر مخير :: كــاتب نشــط::	التوقيع:

24-02-2009, 07:27 AM	#[4]
معتصم الطاهر :: كــاتب نشــط::	come on MAN just cry like a baby or ;ike ISMSAT
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

24-02-2009, 08:06 AM	#[6]
فيصل سعد :: كــاتب نشــط::	فكها يا الحبيب و هاك دي ، لكن لو جابت ليها عكاكيز طايرة بنتقاسم تلت و كدا و الزول الشاتها لينا ياخد التلتين : جعلي كان مُسافر وقام ابوهو مات، الجماعه دفنوهو في مقابر الشايقية، لما رجع الجعلي شال كوريكو ومشا يحفر في قبر أبوهو داير يرحل لي مقابر الجعليين، أهلو جو مارين قامو سألوهو مالك بتحفر ؟؟ قال ليهم والله أبوي ده أضانو تقيلة، و لو القيامة قامت الجماعة الدغيلين ديل ما بصحوهو معاهم ..
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة

24-02-2009, 09:04 AM	#[8]
iman mohamed hussien :: كــاتب نشــط::	د/مخير كيفنك ابوي بالمناسبه الحلوه دي احكي ليك نكته بس ياريت الخال ما يدخل هنا قالوا ثور هائج مهجج ناس الحله واحد شمر جلبابوا هجم علي الثور قعدو في الوطه النسوان هاك يا ظقروته اه واحده حشريه جات جنب الراجل اكيد جعلي قال ليه لا والله شايقي يا يمه اظنيتوا الثور دا باطل" ايمان
iman mohamed hussien :: كــاتب نشــط::	التوقيع: غذاء دواء

24-02-2009, 09:58 AM	#[9]
فيصل علي :: كــاتب نشــط::	دكتور بابكر والاخوة تحياتنا طولت جدا من الدخول الي المنتدي وافتقدنا كثيرا قفشاتك وزهجاتك التي هي ترياقا لزهجاتنا الجماعة بتاعين السنة(بكسر السين) بيقولوا ليك اذا قمت الصباح بايتة معاك ما بتفك الا بي كاس هسة زهجتانا دي ما فكاها الازهجتك دي (لا يفل الحديد الا الحديد) اديك نكتتين اعتقد انهم لنج قالوا في واحد مرتو عضتها كديسة (ما كديسة البشيرالعايز يعمل جلدها جزمة)وماتت اثر تلك العضة .وحضر واحد للعزاء ولقي عدد هائل من الرجال في العزاء فسال يا اخوانا كل الرجال ديل جايين للعزاء قالوا ليه لا ديل جايين يتسلفوا الكديسة (مجرد نكتة)ارجو الاتفتح علينا جبهة ونحن اصلا وضعنا مهدد النكتة التانية قالوا في واحد سطلجي ومعذب اهلو قالو يودوه لي شيخ يعلموه القران يمكن ربنا يهديو صاحبك اول يوم مشي للشيخ وجا راجع من الدرس سالوه في البيت كيف الدرس؟ قال ليه واله الشيخ زاتو ما عارف حاجة مرة يقول لينا القارعة ..وتاني يقول لينا ما القارعة
فيصل علي :: كــاتب نشــط::

24-02-2009, 10:28 AM	#[11]
Hassan Farah :: كــاتب نشــط::	ياخى بطل الدبرسة والجرسة-- انصحك افتح البوست بتاع الرائعة قمر دورين واسرح مع العصافير----- http://sudanyat.org/vb/showthread.php?t=10229
Hassan Farah :: كــاتب نشــط::

24-02-2009, 10:41 AM	#[13]
عادل عسوم :: كــاتب نشــط::	[align=center]حبيب الشعب كدي أسمع الشفع ديل [/align] [align=center][flash=http://www.youtube.com/v/7Ye24eANI5k&hl=en&fs=1" type]WIDTH=400 HEIGHT=350[/flash][/align] [align=center]وبعدين أختم بي عمنا (الظريف دة) [/align] ] [align=center][flash=http://www.youtube.com/v/m-v-ASi7qEQ&hl=en&fs=1" type]WIDTH=400 HEIGHT=350[/flash][/align]
عادل عسوم :: كــاتب نشــط::	التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده)

24-02-2009, 11:30 AM	#[14]
أشتر :: كــاتب نشــط::	اهااااااااا بدينا!!!!! دي واحدة من ازمات منتصف العمر ... ترتيبها عكس الحروف العربية ... بتبدا من الياء ... بتاعت يا الله هوي ... ويا ناس يا هوي ... ويا ابومروة وتنتهي بيك في الالف البقيف أحمر ... ممكن نقول عليها حراق روح ... غايتو دي على ما اظن أزمة عابرة ... تلك التي لا تترك أتر ... والازمات تأتي تباعاً في هكذا مرحلة ... حسب الظهور ... ومسرح احداثك ... واحداثياتك على الكرة الأرضية ... كقاعد وين؟ وكيف؟ ولشنو؟ ... فمن واجبنا كأعضاء وابناء سبيل ... تفصلنا المطارات والقطارات والدروب ،،، بالروح معاك وبنروح معاك ... وين ما نلاقي الابتسامة وسكة ما ملّت خطانا الحايمة بينا ... لو جيتنا هنا بتفك ... أنا متأكد ... ابوي إتّا ... عندي فائض صبر ... وروح سلبة ... بجمع طوابع وما عندي قضية مع ريموت التلفزيون نهائي ... وحاليا وفي الواقع ... غير تاكل نارك ما عندي ليك شي ... مالم تصلّح وضعك ... ... المداخلات الفوق دي إعتبرا عربية اسعاف من غير ويو ويو والكواريك ديك ... مع خالص تحياتنا وامانينا ... وربنا يفك زنقتك زي ما فكّا زنقتنا ... آميييييين ... طيب ممكن طلب صغيروني ما بكلفك حاجة ... . . . . . . . . . . . . . . . . . . إبتسامة ... زي دي
أشتر :: كــاتب نشــط::

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري