معرض مفروش !!! ناصر البهديــر

البطل المظلوم محمد نور 2 !!! شوقي بدري

كتابات مبعثرة جدا !!! Abdullahi Gafaar

فى ديوان الخليل ... قراءات و مدارسة !!! جعفر بدري

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 11-11-2009, 08:48 AM   #[1]
تحفة حوا
:: كــاتب ::
 
Smile يا ريت يلاقي الريدة في دربو

أتعلمنــــــــا من ريــــــــــدا
نحب الدنيـــــا ونريــــــــــدا
ونــــرحل في عيون النـــاس
نشيل لي كــــل زول ريـــدة

لمــا لقينــــا عينيـــــــــــها
لقيــنا الدنيــــا وافراحــــــا
للآمـــــال فتحــــــــنا دروب
لي أحلامنـــا كم ساحــــــــة
غريبــــة الدنيــــا جمعتنــــا
وبقــــولو عليها رواحــــــــة

وجـــــــانا الريــــــــد يعلمنا
نعيش الدنيـــا بالإحســــــاس
نســــامح بي قليب طيــــــب
نشيل الريـــد في كل النــاس
عرفنا الريـــدة في الطيبــــة
وحلاوة الريدة في الإخـــلاص

يـــاريت كــــــل زول تايـــــه
يلاقــــــي الريـــدة في دربــو
عشـــان النـــاس تحب النــاس
وزي عينيـــــــــنا يتحــــــبو
ما اصـــلو البزورو الريــــــــد
حب النــــــــــاس بزور قلــــبو



تحفة حوا غير متصل   رد مع اقتباس
قديم 11-11-2009, 10:25 AM   #[2]
عثمان
:: كــاتب نشــط::
 
افتراضي

تحفتنا أزيك وأهلك إنشاء الله طيبين
أغنية روياااانة والله وجديرة بالاستماع
والتأمل أغنية تخلي الواحد يعيش في عالم تاني

كسرة: فنانا ود عثمان يدك معانا ياخي:)
التحية/ عثمان الطيب



عثمان غير متصل   رد مع اقتباس
قديم 11-11-2009, 10:27 AM   #[3]
wadosman
:: كــاتب نشــط::
 
افتراضي

[align=center][media]http://sudanyat.org/files/it3lmna_min_rida.wma[/media][/align]



wadosman غير متصل   رد مع اقتباس
قديم 11-11-2009, 10:45 AM   #[4]
النور يوسف محمد
:: كــاتب نشــط::
الصورة الرمزية النور يوسف محمد
 
افتراضي

بسم الله الرحمن الرحيم
الأخت تحفة
رحم الله الخالدى .. كان راقياً ورقيقاً
عرفته يا تحفة عن قرب إبان عملى فى البوليس
فلم أرى فناناً فى تواضعه وعزوفه عن الشهرة والنجومية
بسيطاً فى كل شىء ,, مبتسماً على الدوام
كريم الوجه واليد واللسان
أحبه كل من عرفه
فى أغانيه مسحة من حزن .. نعته لمعجبيه
........ قبل الرحيل
شكراً على الإختيار الجميل



النور يوسف محمد غير متصل   رد مع اقتباس
قديم 11-11-2009, 11:09 AM   #[5]
سمورية
:: كــاتب نشــط::
 
افتراضي

اقتباس:
المشاركة الأصلية كتبت بواسطة تحفة حوا مشاهدة المشاركة
أتعلمنــــــــا من ريــــــــــدا
نحب الدنيـــــا ونريــــــــــدا
ونــــرحل في عيون النـــاس
نشيل لي كــــل زول ريـــدة

لمــا لقينــــا عينيـــــــــــها
لقيــنا الدنيــــا وافراحــــــا
للآمـــــال فتحــــــــنا دروب
لي أحلامنـــا كم ساحــــــــة
غريبــــة الدنيــــا جمعتنــــا
وبقــــولو عليها رواحــــــــة

وجـــــــانا الريــــــــد يعلمنا
نعيش الدنيـــا بالإحســــــاس
نســــامح بي قليب طيــــــب
نشيل الريـــد في كل النــاس
عرفنا الريـــدة في الطيبــــة
[mark=993366]وحلاوة الريدة في الإخـــلاص[/mark]

يـــاريت كــــــل زول تايـــــه
يلاقــــــي الريـــدة في دربــو
عشـــان النـــاس تحب النــاس
وزي عينيـــــــــنا يتحــــــبو
ما اصـــلو البزورو الريــــــــد
حب النــــــــــاس بزور قلــــبو
تحفةحوا ياجميلة

حلاوة الريدة في الاخلاص
ال3 كلمات وحرف الجر ديل
عندي خلاصة الموضوع
الاخلاص يعني الامان
يعني كسر الحواجز بدون خوف من ردود افعال
يعني اي شعور بيكون صااافي ونقي وصادق
احلي من كدا في الدنيا مافي



سمورية غير متصل   رد مع اقتباس
قديم 11-11-2009, 02:36 PM   #[6]
تحفة حوا
:: كــاتب ::
 
افتراضي

اقتباس:
المشاركة الأصلية كتبت بواسطة عثمان مشاهدة المشاركة
تحفتنا أزيك وأهلك إنشاء الله طيبين
أغنية روياااانة والله وجديرة بالاستماع
والتأمل أغنية تخلي الواحد يعيش في عالم تاني

كسرة: فنانا ود عثمان يدك معانا ياخي:)
التحية/ عثمان الطيب
شفت يا عثمان الريدة سمحة كيف ؟
وبتعلم الناس المحبة والتسامح

و
عشان الناس تحب الناس

تسلم ان شاء الله على المرور



تحفة حوا غير متصل   رد مع اقتباس
قديم 11-11-2009, 02:38 PM   #[7]
تحفة حوا
:: كــاتب ::
 
افتراضي

ود عثمان
شكرا ليك
والله يخليك لينا يا الدايما ناجدنا

ورحم الله الخالدي رحمة واسعة



تحفة حوا غير متصل   رد مع اقتباس
قديم 11-11-2009, 02:41 PM   #[8]
تحفة حوا
:: كــاتب ::
 
افتراضي

اقتباس:
المشاركة الأصلية كتبت بواسطة النور يوسف محمد مشاهدة المشاركة
بسم الله الرحمن الرحيم
الأخت تحفة
رحم الله الخالدى .. كان راقياً ورقيقاً
عرفته يا تحفة عن قرب إبان عملى فى البوليس
فلم أرى فناناً فى تواضعه وعزوفه عن الشهرة والنجومية
بسيطاً فى كل شىء ,, مبتسماً على الدوام
كريم الوجه واليد واللسان
أحبه كل من عرفه
فى أغانيه مسحة من حزن .. نعته لمعجبيه
........ قبل الرحيل
شكراً على الإختيار الجميل
شكرا لك أخي النور
وشكرا لتعريفنا أكثر بهذا الفنان الانسان
الله يرحمه
وفعلا أغانيه فيها حزن ومحبة



تحفة حوا غير متصل   رد مع اقتباس
قديم 11-11-2009, 02:44 PM   #[9]
تحفة حوا
:: كــاتب ::
 
افتراضي

اقتباس:
المشاركة الأصلية كتبت بواسطة سمورية مشاهدة المشاركة
تحفةحوا ياجميلة

حلاوة الريدة في الاخلاص
ال3 كلمات وحرف الجر ديل
عندي خلاصة الموضوع
الاخلاص يعني الامان
يعني كسر الحواجز بدون خوف من ردود افعال
يعني اي شعور بيكون صااافي ونقي وصادق
احلي من كدا في الدنيا مافي
سمورية ازيك يا حبيبة
الريدة جميلة والاخلاص أجمل

الله يجمل أيامك بالصفاء والصدق والنقاء

و

نشيل لي كل زول ريدة



تحفة حوا غير متصل   رد مع اقتباس
قديم 11-11-2009, 02:46 PM   #[10]
فتحي مسعد حنفي
:: كــاتب نشــط::
الصورة الرمزية فتحي مسعد حنفي
 
افتراضي

اقتباس:
المشاركة الأصلية كتبت بواسطة النور يوسف محمد مشاهدة المشاركة
بسم الله الرحمن الرحيم
الأخت تحفة
رحم الله الخالدى .. كان راقياً ورقيقاً
عرفته يا تحفة عن قرب إبان عملى فى البوليس
فلم أرى فناناً فى تواضعه وعزوفه عن الشهرة والنجومية
بسيطاً فى كل شىء ,, مبتسماً على الدوام
كريم الوجه واليد واللسان
أحبه كل من عرفه
فى أغانيه مسحة من حزن .. نعته لمعجبيه
........ قبل الرحيل
شكراً على الإختيار الجميل


بوليس شنو يالنور..وجاي تقول لينا هسع بعد ما انبهلنا ومدينا للجلاد حبل المشنقة بي ايدنا..
ياخ بوليس شنو البكتب الكلام القاعد تكتبو انتا دا(رشوة) غايتو من الليلة الحتت البتبقي فيها انت دا طرفي منهاgoood:D



التوقيع: شيخ البلد خلف ولد..
سماهو قال عبد الصمد..
كبر الولد ولامن كبر نهب البلد..
ما خلي زول ما قشطو..
وآخر المطاف بقي شيخ بلد..
عجبي..
فتحي..
فتحي مسعد حنفي غير متصل   رد مع اقتباس
قديم 11-11-2009, 05:40 PM   #[11]
مجدي مسعد حنفي
:: كــاتب نشــط::
الصورة الرمزية مجدي مسعد حنفي
 
افتراضي يا ريت يلاقي الريدة في دربو

رحم الله عبدالمنعم الخالدي
بقدر ماامتعنا واشجانا بصوته العذب
الملئ بالحزن والرقه
ياريت ياتحفة حوا لو تكتبي لينا
اسم الشاعر واسم الملحن لان فعلا
الكلمات واللحن في غاية الروعه والابداع.



التوقيع: [frame="9 50"]انا اصلي مامصدق
إنك رحلت بعيــد
دي الدنيا ياخالـــد
بعدك جفاها العيد[/frame]
مجدي مسعد حنفي غير متصل   رد مع اقتباس
قديم 11-11-2009, 07:33 PM   #[12]
Wad Elbeck
:: كــاتب نشــط::
 
افتراضي



تحفة حوا.. سلام...
عبدالمنعم الخالدى.. مدرسة غنائية متميزة.. له صوت رخيم به مسحة عميقة من الحزن..مما يجعلك أسيراً لديه بكلياتك من بداية وحتى نهاية الأغنية..
نسأل الله له الرحمة والمغفرة ...
( يعد الخالدي أحد فناني جيل الثمانينات حيث عشق الغناء بقريته “شلعوها الخوالدة” بولاية الجزيرة متحولا من الغناء الشعبي إلى الحديث نهاية السبعينات قبل أن يسجل أولى أغنياته للإذاعة في العام 1983 ورفد الراحل المكتبة الغنائية السودانية بالعديد من الروائع لعدد كبير من الشعراء والملحنين. كان الراحل مولعا بالغناء منذ طفولته حيث بدأ العام 1973 الغناء بالرق حتى العام 1977 حينما تمت إجازة صوته وكانت أول مشاركة له في المهرجانات ،1979 إلى جانب الراحل مصطفى سيد احمد والأمين عبد الغفار وقد التحق بالدراسات الإضافية بمعهد الموسيقى العام 1981 وتعاون مع عدد من الشعراء بينهم حاج احمد بانقا والتوم إبراهيم وسوركتي والطيب نور الدين ومن بين أشهر أغانيه “يا سلمى وحب الناس ويا قاسية ونفكر كيف نحوض الشوق”).

منقول بتصرف



التعديل الأخير تم بواسطة Wad Elbeck ; 11-11-2009 الساعة 08:59 PM.
Wad Elbeck غير متصل   رد مع اقتباس
قديم 11-11-2009, 08:40 PM   #[13]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
يـــاريت كــــــل زول تايـــــه
يلاقــــــي الريـــدة في دربــو
عشـــان النـــاس تحب النــاس
وزي عينيـــــــــنا يتحــــــبو
ما اصـــلو البزورو الريــــــــد
حب النــــــــــاس بزور قلــــبو
دا كلام سمح

و السمحين من السمحات ..



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 12-11-2009, 06:38 PM   #[14]
النور يوسف محمد
:: كــاتب نشــط::
الصورة الرمزية النور يوسف محمد
 
افتراضي

اقتباس:
المشاركة الأصلية كتبت بواسطة فتحي مسعد حنفي مشاهدة المشاركة
بوليس شنو يالنور..وجاي تقول لينا هسع بعد ما انبهلنا ومدينا للجلاد حبل المشنقة بي ايدنا..
ياخ بوليس شنو البكتب الكلام القاعد تكتبو انتا دا(رشوة) غايتو من الليلة الحتت البتبقي فيها انت دا طرفي منهاgoood:D
بسم الله الرحمن الرحيم
تعرف يا فتحى .. أقرأ كل ما تكتب
وأرى دواخلك بين السطور ... كاملة البهاء
يحزننى كثيراً أن بعضهم دون (شُرفة ) الصدق التى تجلس عليها
...............................................
أما أنا يا صاحب فلا شئ يخيفنى مثل هذه الكتابة !!!
لعل ذلك مرده الى سنين البوليس التى ما زالت ترهق كتف الذاكرة
خرجنا من البوليس يا صديق بملكة تقييم قلّ ما تخطئ .. ومساحة من سوء ظن
تعدل لك المايل أحياناً .. وتمنحك فرصة الهروب الى الأمام أحياناً أخرى
البوليس فتح لنا أبواب المجتمع المخملى فكنا قريباً من نجوم تلك الفترة
..................................................
ويا زول ولا يهمك أنا البجى الحتت البتكون إنت فيها ..
بس أنا ما زيك ... ( الشاى الحار ما بشربو )



النور يوسف محمد غير متصل   رد مع اقتباس
قديم 12-11-2009, 08:24 PM   #[15]
فتحي مسعد حنفي
:: كــاتب نشــط::
الصورة الرمزية فتحي مسعد حنفي
 
افتراضي

اقتباس:
المشاركة الأصلية كتبت بواسطة النور يوسف محمد مشاهدة المشاركة
بسم الله الرحمن الرحيم
تعرف يا فتحى .. أقرأ كل ما تكتب
وأرى دواخلك بين السطور ... كاملة البهاء
يحزننى كثيراً أن بعضهم دون (شُرفة ) الصدق التى تجلس عليها
...............................................
أما أنا يا صاحب فلا شئ يخيفنى مثل هذه الكتابة !!!
لعل ذلك مرده الى سنين البوليس التى ما زالت ترهق كتف الذاكرة
خرجنا من البوليس يا صديق بملكة تقييم قلّ ما تخطئ .. ومساحة من سوء ظن
تعدل لك المايل أحياناً .. وتمنحك فرصة الهروب الى الأمام أحياناً أخرى
البوليس فتح لنا أبواب المجتمع المخملى فكنا قريباً من نجوم تلك الفترة
..................................................
ويا زول ولا يهمك أنا البجى الحتت البتكون إنت فيها ..
بس أنا ما زيك ... ( الشاى الحار ما بشربو )

يازول كلامي كان جر رجل زي ما بقولو أهلي المصريين..أعمل شخيييت..;)
تعرف يالحبيب أنا في الأول بشكرك علي مشاعرك الجميلة تجاهي ودي المحرية في البواليس:D دا كلام جر واطي:p..
تاني تعرف وقالو لينا زمان في حصة الانشاء التكرار ببوظ الكتابة.لكن ضربوهو علي عينو قال خسرانا خسرانا;)نرجع لي تعرف..أنا عندي أصدقاء كتار من البوليس وصلو لي أعلي المناصب لدرجة وزير داخلية..طبعا عرفتني قاصد عباس أبو شامة الكان دفعتي في كلية الحقوق بعد تخرجو من كلية البوليس..تصدق الراجل دا مرة ضرب مظاهرة لطلبة الانجيلية الصباح والساعة 4 العصر اتسبسب وقشر وجا الجامعة والجماعة قنصو ليهو وأدوهو علقة ما أظنو ينساها في يوم من الأيام:D
ومن ضباط البوليس في ناس ليهم أفضال علي ما بتتنسي.يعني مثال لذلك انو من سنة 1971 لغاية 78 كان اسمي في قائمة ترقب الوصول في مطار الخرطوم.والأمن قانص لي لكن أصحابي ناس المرحوم محمود السيد(حمودة) والمرحوم فاروق هلال ود حلتي حذروني من أول يوم وبلغوني لامن الاسم اتشال عشان كدا في 9\1978 رجعت السودان بعد سبعة سنوات عجاف من التشرد في بلاد أوروبا..
أما أكثرهم قربا وجمائله لا تنسي كان المرحوم محمد جدو الذي خرق القانون وأنا في برلين وجوازي ضايع وقاعد بدون اقامة مهدد بالتسفير للسودان..الراجل دا طلع لي جواز سفر وعمل لي فيهو تأشيرة دخول لألمانيا ورسلو لي عن طريق السعودية بالمخالفة للقانون البينص علي انه لا يسمح باستخراج جواز سفر لشخص وهو خارج السودان.وطبعا كان ممكن بخسر عملو بسبب العملة دي..للأسف جدو آخر أيامو قضاها قاعد في سوق خضار الخرطوم بحري علي عنقريب حبل يسب في الدين للماشي والجاي..
ديل غير جماعة الحركة ناس خورشيد وأبو بكر وغيرهم كتير من الأصدقاء من سلك الشرطة..



التوقيع: شيخ البلد خلف ولد..
سماهو قال عبد الصمد..
كبر الولد ولامن كبر نهب البلد..
ما خلي زول ما قشطو..
وآخر المطاف بقي شيخ بلد..
عجبي..
فتحي..
فتحي مسعد حنفي غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 01:56 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2014, vBulletin Solutions, Inc.