كتابات منسية !!! يحيى عثمان عيسى

أيسوب وحوار مع وجدى المعروف بـ أسعد !!! رأفت ميلاد

أفريقيا, من توك كال الى تيبل, ومن التمكات الى جاز السانت لويز !!! وهاد إبراهيم محمد

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 26-02-2013, 07:40 PM   #[1]
طارق جبريل
:: كــاتب نشــط::
الصورة الرمزية طارق جبريل
 
افتراضي البلو نايل



كانت الخرطوم حينها خرطوما..
وكانت السماء هناك صافية والناس يتراحمون تحتها عند خاصرة النيل..
وكانت الحواري تغوص في محبتها ومتعتها دون خوف أو وجل..
كان يوم الخميس حينها باعثا للبهجة والسرور..
كانت «أركان» الحي مرتعا للتلاقي والبهجة بين شباب الحي..
كان لـ«المغربية» نكهتها الخاصة..
رائحة «المقنن» و«اللقيمات» و«الطعمية» كان لها وقع خاص جدا..
حتى المتزوجون كانوا يشعرون بسرور غامر ما أن تتلوى أدخنة «الطلح» كثعابين تتسلق السماء..
كانت الأحلام في المتناول ومطالب الناس لا تتعدى ستر الحال وابتسامة تعلو الوجوه..
كنا نلتقي هناك بإلفة ومحبة كبيرين..
«يا شباب (الأيام) كاتبة عن البلو نايل الليلة فيها فيلم سمح.. أها الشورة شنو» يقول إبراهيم..
«والله مكاوي لو قدر يجيب بوكسي ابوهو بتكون نايمة نوم وحق العشا بنباصرو» يرد السر كاوندة..
«وبعد السينما الدافوري في حدايق مايو وكدة الخميس بيكون ظااااااااابط صاح» يأتي صوت إيهاب «بهلة»..
«أنا بجيكم للدافوري طوالي لأنه شغال ليل» يقول عبد الوهاب هجو..
«انا معاي 150 قرش» يرد قدورة وهو «يدردم سفته»..
«خلاص إبراهيم لم الكنجالات وانا بباصر البوكسي ويا بهلة شيل معاك الكورة
وجيبوا لبس الدافوري في كيس عشان بعد السينما نمشي ندفر صاح» يرد مكاوي..
«من هسي العشاء عند ست الفول بتاعة الديم ولا انا ما ماشي» يقول السني..
«يا شباب كدة حق السينما والعشاء ظابط»...
ما أن نتخطى شارع «القيادة» حتى يرسل إلينا النيل الأزرق بعضا من نسائمه..
عند مرورنا بشارع الجامعة تتراءى لنا كشافات «الميدان الشرقي» معلنة عن مباراة قوية قد تكون بين هندسة وعلوم..
فصيحات وتشجيعات «جكس علوم:
علوووووووووووم» تبدو أكثر وضوحا من مشجعي الفريق المنافس..
قبل أن يتوقف مكاوي بشكل تام نكون قد قفزنا من البوكسي في اتجاه شباك التذاكر
ونحن نموت ضحكا من قفشات كاوندة على «الجكس النضيف» الذي أتى لينعم بفرجة ممتعة لفيلم «lying moon»..
حين نتخذ أماكننا قبل إطفاء الأنوار تبدو السينما كـ«بازار» كبير تعلو وتخفت فيه أصوات الناس بين القهقهة والهمهمات للمحبين..
فقط حين يحل الظلام لا صوت يعلو فوق صوت «ماكينة الأفلام» وبعض أصوات «ناس البركس»
الذين يتخذون من الأشجار وسطوح الداخليات مكانا لمتابعة «lying moon»
وحين تأخذهم «النشوة» من قُبلة للبطل والبطلة تجدهم يصيحون بصوت واحد: عِلووووووووووووووووووووووووووم..
وحينها فقط يتذمر «أصحاب اللوج» من هكذا صراخ وفي جهة «الشعب» يعم الضحك..
ما بين التذمر والضحك فقط طابق علوي.. وكلُ يستمتع على طريقته..
إلى أن تحين الاستراحة حيث يذهب «ناس اللوج» إلى بوفيه السينما حيث «البارد والسندوتشات»..
ونغوص نحن في كراسينا مع «قراطيس التسالى» وقفشات «ناس البركس»..
الكل كان يستمتع بلون الحياة التي وهبها لنا الخالق..
حين ينتهي الفيلم نذهب نحن إلى «دافوري حدائق مايو» ومنه إلى حاجة «محاسن الديامية» حيث الفول والكوارع..
ويذهب «ناس اللوج» إلى «أتني» وبقية المطاعمة الفاخرة..
لم يكن هناك مشروعا حضاريا يدمر حياتنا..
ولم نكن ننظر لـ«أصحاب اللوج» بنوع من الحقد..
ما دام التعليم مجانا والصحة في المتناول كان الفيصل بيننا «مقاعد الدراسة»
وبمحبة كبيرة ودون وجل من قادم الأيام..
ليت عجلة الزمان تعود إلى سابق عهدها..
حقيقة « لماذا يحبّونه وكأنّهم يكرهونه ويعملون على إعماره وكأنّهم مسخّرون لخرابه؟»



طارق جبريل غير متصل   رد مع اقتباس
قديم 26-02-2013, 07:41 PM   #[2]
wadosman
:: كــاتب نشــط::
 
افتراضي

:D

خلاص قمت لى جنك دا..؟؟:)



wadosman غير متصل   رد مع اقتباس
قديم 26-02-2013, 07:46 PM   #[3]
طارق جبريل
:: كــاتب نشــط::
الصورة الرمزية طارق جبريل
 
افتراضي

اقتباس:
المشاركة الأصلية كتبت بواسطة wadosman مشاهدة المشاركة
:D

خلاص قمت لى جنك دا..؟؟:)
عليك الله يا قريبي في احلى من الجنون دة:D:D:D:D



التعديل الأخير تم بواسطة طارق جبريل ; 26-02-2013 الساعة 08:52 PM.
طارق جبريل غير متصل   رد مع اقتباس
قديم 27-02-2013, 06:15 AM   #[4]
زول الله
:: كــاتب نشــط::
الصورة الرمزية زول الله
 
افتراضي

طارق جبريل صباحك انت حقو الناس يجوهو يشيلو منه الفال
أول مرة اقرأ مادة مريحة عن البلد البقى كيمان دا
حتى اشراقات "زمان" ماخلوها وكالوا لـ "زمان" ككيلهم لـ هسه وطففوا
حبوبتي الله يرحمها كان بتقول:الزمن كان زين والخروف عندو ضنبين
اهديت صباحنا طعم جميل والله
تحية ماكنة بالحيل




اقول قولي هذا واستغفر الله لي...............



التعديل الأخير تم بواسطة زول الله ; 27-02-2013 الساعة 06:17 AM.
التوقيع:

انا يوماتي أردد إسمِك بعد الحمدو "مكان الآية"
لما وحاتِك -من أشواقي- حِفِظ القول خيط المُـصلاية



أبــداً ماهُنـتَ ياســـوداننا يـومـاً علـينا

زول الله غير متصل   رد مع اقتباس
قديم 27-02-2013, 09:08 AM   #[5]
طارق جبريل
:: كــاتب نشــط::
الصورة الرمزية طارق جبريل
 
افتراضي

اقتباس:
المشاركة الأصلية كتبت بواسطة زول الله مشاهدة المشاركة
طارق جبريل صباحك انت حقو الناس يجوهو يشيلو منه الفال
أول مرة اقرأ مادة مريحة عن البلد البقى كيمان دا
حتى اشراقات "زمان" ماخلوها وكالوا لـ "زمان" ككيلهم لـ هسه وطففوا
حبوبتي الله يرحمها كان بتقول:الزمن كان زين والخروف عندو ضنبين
اهديت صباحنا طعم جميل والله
تحية ماكنة بالحيل




اقول قولي هذا واستغفر الله لي...............
يا حبيب كيفنك
ياخي البلد دي كانت حلوة عدييييل كدة
والله كنا في قمة فقرنا لكن كنا مستمتعين للطيش
لا شك لدي أن هؤلاء الناس لا يحبون هذه الأرض



طارق جبريل غير متصل   رد مع اقتباس
قديم 27-02-2013, 09:16 AM   #[6]
أسعد
:: كــاتب نشــط::
 
افتراضي

تحياتنا طارق
وشكرا على التداعيات النستولوجية دي

اقتباس:
الكل كان يستمتع بلون الحياة التي وهبها لنا الخالق..
وكذلك شباب اليوم مستمتعين بلون الحياة التي وهبها لهم الخالق
شباب اليوم اصبح النيل هو السينما حقتهم
يذهبوا لكي يعيشوا افلامهم لا لكي يشاهدوا افلام الغير gap
اقتباس:
لم يكن هناك مشروعا حضاريا يدمر حياتنا..
بل كان هناك مشروعا حضاريا
حتى بالامارة اسأل قمر بوبا :D



أسعد غير متصل   رد مع اقتباس
قديم 27-02-2013, 09:18 AM   #[7]
طارق جبريل
:: كــاتب نشــط::
الصورة الرمزية طارق جبريل
 
افتراضي

اقتباس:
المشاركة الأصلية كتبت بواسطة أسعد مشاهدة المشاركة
تحياتنا طارق
وشكرا على التداعيات النستولوجية دي


وكذلك شباب اليوم مستمتعين بلون الحياة التي وهبها لهم الخالق
شباب اليوم اصبح النيل هو السينما حقتهم
يذهبوا لكي يعيشوا افلامهم لا لكي يشاهدوا افلام الغير gap

بل كان هناك مشروعا حضاريا
حتى بالامارة اسأل قمر بوبا :D
يا بوبا عليك الله تعال رش الزول دة
:D:D:D:D:D:D:D:D:D:D:D



طارق جبريل غير متصل   رد مع اقتباس
قديم 27-02-2013, 11:07 PM   #[8]
بومدين
:: كــاتب جديـــد ::
 
Talking

شِّكيتْ مِحنّك يا المَسنُوووووووحْ

كيفّنك ياخي........!!!
:D:D:D[/
RIGHT]



بومدين غير متصل   رد مع اقتباس
قديم 28-02-2013, 07:00 AM   #[9]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
« لماذا يحبّونه وكأنّهم يكرهونه ويعملون على إعماره وكأنّهم مسخّرون لخرابه؟»
(و لماذا يكرهونه و كأنهم يحبونه و يعملون على دماره و يدّعون أنهم مسخّرون لإعماره)

جبريل
كلامك سمح ..

ياخ نحن حضرنا الهندسة بتغلب علوم وستة فى الشوط الأول و فى الشوط التاني بنغلب بلوم علوم برضو ..
و كنا ندخل "البى إن" ببطاقة طالب بنصف القيمة و النص التاني ( خمسة قروش) .. بيجيب سندوتش و حاجة باردة ..

و الاسبوع فيهو فيلمين واحد ( الاتنين - الثلاثاء) و تحفة الاسبوع بكون فيلم عالمي - خاص بالبى إن - وممنوع فى باقى السينمات.

يعنى بندخل مرتين فى الاسبوع ..
عشرين قرش من مصاريفك ..
و دا بكلفك تشرب شاى الداخلية لمدة 5 ايام 3 مرات فى اليوم .



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 28-02-2013, 07:06 AM   #[10]
طارق صديق كانديك
:: كــاتب نشــط::
الصورة الرمزية طارق صديق كانديك
 
افتراضي

عِلووووووووووووووووم :)



التوقيع: الشمس زهرتنا التي انسكبت على جسد الجنوب
وأنت زهرتنا التي انسكبت على أرواحنا
فادفع شراعك صوبنا
كي لا تضيع .. !
وافرد جناحك في قوافلنا
اذا اشتد الصقيع
واحذر بكاء الراكعين الساجدين لديك
إن الله في فرح الجموع



الفيتوري .. !!
طارق صديق كانديك غير متصل   رد مع اقتباس
قديم 28-02-2013, 09:03 AM   #[11]
طارق جبريل
:: كــاتب نشــط::
الصورة الرمزية طارق جبريل
 
افتراضي

اقتباس:
المشاركة الأصلية كتبت بواسطة بومدين مشاهدة المشاركة
شِّكيتْ مِحنّك يا المَسنُوووووووحْ

كيفّنك ياخي........!!!
:D:D:D[/
RIGHT]
يا حبيب كيفنك ياخ



طارق جبريل غير متصل   رد مع اقتباس
قديم 28-02-2013, 09:05 AM   #[12]
طارق جبريل
:: كــاتب نشــط::
الصورة الرمزية طارق جبريل
 
افتراضي

اقتباس:
المشاركة الأصلية كتبت بواسطة معتصم الطاهر مشاهدة المشاركة


(و لماذا يكرهونه و كأنهم يحبونه و يعملون على دماره و يدّعون أنهم مسخّرون لإعماره)

جبريل
كلامك سمح ..

ياخ نحن حضرنا الهندسة بتغلب علوم وستة فى الشوط الأول و فى الشوط التاني بنغلب بلوم علوم برضو ..
و كنا ندخل "البى إن" ببطاقة طالب بنصف القيمة و النص التاني ( خمسة قروش) .. بيجيب سندوتش و حاجة باردة ..

و الاسبوع فيهو فيلمين واحد ( الاتنين - الثلاثاء) و تحفة الاسبوع بكون فيلم عالمي - خاص بالبى إن - وممنوع فى باقى السينمات.

يعنى بندخل مرتين فى الاسبوع ..
عشرين قرش من مصاريفك ..
و دا بكلفك تشرب شاى الداخلية لمدة 5 ايام 3 مرات فى اليوم .
يا هندسة كيفنك ياخ
تعرف مرة ماشي مع امي بحري لي جدي ابو دية
اها انا كنت معكلت في المشية دي
قامت نزلتني جمب البركس لي ابراهيم اخوي في هندسة
يمين فطرني ليك كبدة وفول وباسطة
وغداني ليك سمك
ياخي البركس دة كان خمسة نجوم:D:D:D:D:D



طارق جبريل غير متصل   رد مع اقتباس
قديم 28-02-2013, 09:06 AM   #[13]
طارق جبريل
:: كــاتب نشــط::
الصورة الرمزية طارق جبريل
 
افتراضي

اقتباس:
المشاركة الأصلية كتبت بواسطة طارق صديق كانديك مشاهدة المشاركة
عِلووووووووووووووووم :)
:D:D:D:D:D:D:D:D:D:D:D



طارق جبريل غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 08:59 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2014, vBulletin Solutions, Inc.