ضيف على مائدة سودانيات ...! - 22 - Hassan Farah !!! أبو أماني

تلفزيون سودانيات ـــــ بسم الله نبدأ !!! ناصر يوسف

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 09-03-2013, 08:12 PM   #[1]
عبدالحفيظ
:: كــاتب نشــط::
 
افتراضي أولاد الإشلاق

بسم الله الرحمن الرحيم

لا أعرف بالضبط ماذا يعني كلمة اشلاق او قشلاق كما يقول المثقفون ، ولكنه حي سكني خاص بالوحدات العسكرية سواء في الجيش او الشرطة ، وبحكم نشأتي وطفولتي في احدى قشلاقات البوليس أصبح بيني وبين الإشلاقات العسكرية ود وحب لا فكاك منه ...بالرغم من عدم ارتباطي بها منذ فترة طويلة ...
مجتمع الاشلاق مجتمع متناسق ومتناغم اجتماعيا واقتصاديا لأنهم يمتهنون مهنة واحدة ودخل الفرد واحد وعلاقات الرجال والنساء متداخلة بحكم الزمالة والجيرة ، وينعكس ذلك تلقائيا على أبنائهم وبناتهم ، فلا نوجد طبقات اجتماعية ولا فئة تدعي البرجوازية ولا أخرى فقيرة ولكن الجميع متساو في الفقر والغنى ، كل هذه العوامل المشتركة جعلت علاقات اولاد الاشلاق مميزة وقوية ومتكاتفة ...وهم زمان مثل مجموعات النيقرز الآن ، يتحركون في مجموعات مما يجعل من الصعوبة اختراقهم ومضايقتهم من أي جهة أخرى تدعي الفتونة والقوة ...لأنهم كانوا حريصون على سلامة أفراد المجموعة بل وحماية بنات الاشلاق من أي سوء أول تغول من خارج الاشلاق ...
عايزين نطلع بيكم شوية من المواضيع السياسية والجافة الى استراحة من داخل اشلاق الخرطوم غرب في السبعينات والثمانينات ، أي ود اشلاق يجهز ذكرياته ....ويجينا بي جاي



عبدالحفيظ غير متصل   رد مع اقتباس
قديم 09-03-2013, 10:14 PM   #[2]
ZEIN ABDALLA
:: كــاتب نشــط::
الصورة الرمزية ZEIN ABDALLA
 
افتراضي

اقتباس:
المشاركة الأصلية كتبت بواسطة Anbabtode مشاهدة المشاركة
بسم الله الرحمن الرحيم

لا أعرف بالضبط ماذا يعني كلمة اشلاق او قشلاق كما يقول المثقفون ، ولكنه حي سكني خاص بالوحدات العسكرية سواء في الجيش او الشرطة
عايزين نطلع بيكم شوية من المواضيع السياسية والجافة الى استراحة من داخل اشلاق الخرطوم غرب في السبعينات والثمانينات جاي
سلام ولد انباب
اشلاق كلمة تركية تعنى مساكن العسكر... كثير من الاسماء والرتب
العسكرية وكذلك فى الخدمة المدنية تعود للعهد التركى. قاش وقرشين
وازبليطة وجبخانة وبكباشى ويوزباشى واميرالاي وتمرجى وباشتمرجى
وحكيمباشى واجزخانة وشفخانة وسلخانة وادبخانة(وعذرآ للناس الراقين
وكيرخانة واوسطجى(استاذ) وداندرمة(ايسكريم) و برنجى (الاول)
يلا ارجع احكى لينا عن الاشلاق... وعن دار الرياضة وعن المقرن
وجنينة الحيوانات وعن فرن سيحة وصالة غردون وعن فريق العزيمة
واللهيب وعن المعهد الفنى وعيييييييييك.
غايتو انا الخرطوم غرب حافظه حفظ من المقرن وغابة السنط لحد
سوق الزنك. انت يا انابتود سمعت بجنينة بركة؟



ZEIN ABDALLA غير متصل   رد مع اقتباس
قديم 09-03-2013, 10:52 PM   #[3]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

اقتباس:
اقتباس:
احكى لينا عن الاشلاق... وعن دار الرياضة وعن المقرن
وجنينة الحيوانات وعن فرن سيحة وصالة غردون وعن فريق العزيمة
واللهيب وعن المعهد الفنى وعيييييييييك.
غايتو انا الخرطوم غرب حافظه حفظ من المقرن وغابة السنط لحد
سوق الزنك. انت يا انابتود سمعت بجنينة بركة؟
طبعآ يادوك كنت قايلك من دورنا وكدا:D:D
طلعتا بعاتى كبير وأكبر من فيصل سعد ونديدو looool
أنت من زمن سوق الزنك
انا لله ياأخ



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 09-03-2013, 11:15 PM   #[4]
ZEIN ABDALLA
:: كــاتب نشــط::
الصورة الرمزية ZEIN ABDALLA
 
افتراضي

اقتباس:
المشاركة الأصلية كتبت بواسطة الجيلى أحمد مشاهدة المشاركة
طبعآ يادوك كنت قايلك من دورنا وكدا:D:D
طلعتا بعاتى كبير وأكبر من فيصل سعد ونديدو looool
أنت من زمن سوق الزنك
انا لله ياأخ

سوق الزنك الشالوهو حسع دا :D
ياخى نحن شفنا سلخانة الخرطوم المركزية وكانت جنب استاد الخرطوم.
السلخانة دى انبابتود يكون ما سمع بيها ذاته



ZEIN ABDALLA غير متصل   رد مع اقتباس
قديم 09-03-2013, 11:31 PM   #[5]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

بعد دا يازين ماتقول نحنا القتلنا غردون ذاتم!:D:D:D



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 10-03-2013, 12:12 AM   #[6]
ZEIN ABDALLA
:: كــاتب نشــط::
الصورة الرمزية ZEIN ABDALLA
 
افتراضي

اقتباس:
المشاركة الأصلية كتبت بواسطة الجيلى أحمد مشاهدة المشاركة
بعد دا يازين ماتقول نحنا القتلنا غردون ذاتم!:D:D:D

غردون ما كتلناهو، لكن شفنا صالة غردون الموسيقية(GMH) كانت
بشارع الحرية بالقرب من جامع فاروق....... كان فيها فرق موسيقية
وراقصات اوروبيات وعشان تتأكد اسأل رأفت ميلادlooool



ZEIN ABDALLA غير متصل   رد مع اقتباس
قديم 10-03-2013, 12:35 AM   #[7]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

يادوك,
فى ليدز عندهم شغل مهيب لتلك الملحمة, فى غاليرى ليدز..
لوحة بحجم الحائط
حاجة بالجد تشهى الزول للمكوث الطويل والتأمل
..
لوحة تجبرك على التخلى من كل شئ.. ومطالعتها بشكل محايد



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 10-03-2013, 07:17 AM   #[8]
عبدالحفيظ
:: كــاتب نشــط::
 
افتراضي

اقتباس:
المشاركة الأصلية كتبت بواسطة ZEIN ABDALLA مشاهدة المشاركة
سلام ولد انباب
اشلاق كلمة تركية تعنى مساكن العسكر... كثير من الاسماء والرتب
العسكرية وكذلك فى الخدمة المدنية تعود للعهد التركى. قاش وقرشين
وازبليطة وجبخانة وبكباشى ويوزباشى واميرالاي وتمرجى وباشتمرجى
وحكيمباشى واجزخانة وشفخانة وسلخانة وادبخانة(وعذرآ للناس الراقين
وكيرخانة واوسطجى(استاذ) وداندرمة(ايسكريم) و برنجى (الاول)
يلا ارجع احكى لينا عن الاشلاق... وعن دار الرياضة وعن المقرن
وجنينة الحيوانات وعن فرن سيحة وصالة غردون وعن فريق العزيمة
واللهيب وعن المعهد الفنى وعيييييييييك.
غايتو انا الخرطوم غرب حافظه حفظ من المقرن وغابة السنط لحد
سوق الزنك. انت يا انابتود سمعت بجنينة بركة؟
هلا هلا اولاد الاشلاق واولاد جيرانهم ظهروا ، بالمناسبة انا كنت في يوم من الايام الاستوبر بتاع فريق العزيمة وكنت نائب الرئيس برضه ، بس انت ما تطلع لي د الزين سكوته كمان .وبعدين ياخي نسيت اهم معلم في المنطقة سينما الخرطوم غرب شرق دار الرياضة ونسيت كشك عمك بلال الظاهر عليك ، ونحن دفعة ناس يوسف الموصلي وكنا شيالين معاه لما بدأ الغنى بالرق وزمن اغنية سلامة ايدك يا سمية



التعديل الأخير تم بواسطة عبدالحفيظ ; 10-03-2013 الساعة 07:19 AM.
عبدالحفيظ غير متصل   رد مع اقتباس
قديم 10-03-2013, 07:23 AM   #[9]
عبدالحفيظ
:: كــاتب نشــط::
 
افتراضي

اقتباس:
المشاركة الأصلية كتبت بواسطة ZEIN ABDALLA مشاهدة المشاركة

سوق الزنك الشالوهو حسع دا :D
ياخى نحن شفنا سلخانة الخرطوم المركزية وكانت جنب استاد الخرطوم.
السلخانة دى انبابتود يكون ما سمع بيها ذاته
يعني يا دكتور نحن لما جينا استاد الخرطوم محاطة من الغرب بالمعهد الفني وبالشرق الميادين والمدرسة المصرية وسينما غرب والجنوب شريحة مثلث مباني تابعة للمعهد الفني وبعد داك بقت المقرن الثانوية وبالشمال اشلاق البوليس السلخانة دي الا كانت جو الغابة



عبدالحفيظ غير متصل   رد مع اقتباس
قديم 10-03-2013, 08:07 AM   #[10]
عبدالحفيظ
:: كــاتب نشــط::
 
افتراضي

اقتباس:
المشاركة الأصلية كتبت بواسطة ZEIN ABDALLA مشاهدة المشاركة

غردون ما كتلناهو، لكن شفنا صالة غردون الموسيقية(GMH) كانت
بشارع الحرية بالقرب من جامع فاروق....... كان فيها فرق موسيقية
وراقصات اوروبيات وعشان تتأكد اسأل رأفت ميلادlooool
صالة غردون طبعا كانت من المعالم الرئيسية للخرطوم بالليل ومقهى اتني بالسوق الافرنجي وسوق الخضار الذي تحول الى برج الواحة بقدرة قادر ، ومشروب الشعير البارد والليمون في صينية الامم المتحدة ومطعم الاخلاص وبار كيشو من معالم شارع البلدية



عبدالحفيظ غير متصل   رد مع اقتباس
قديم 10-03-2013, 08:08 AM   #[11]
عبدالحفيظ
:: كــاتب نشــط::
 
افتراضي

اقتباس:
المشاركة الأصلية كتبت بواسطة الجيلى أحمد مشاهدة المشاركة
طبعآ يادوك كنت قايلك من دورنا وكدا:D:D
طلعتا بعاتى كبير وأكبر من فيصل سعد ونديدو looool
أنت من زمن سوق الزنك
انا لله ياأخ
الجيلي ياخوى شرفت البوست تحياتي



عبدالحفيظ غير متصل   رد مع اقتباس
قديم 10-03-2013, 08:34 AM   #[12]
عبدالحفيظ
:: كــاتب نشــط::
 
افتراضي

كنت تلميذ في مدرسة الخرطوم غرب واحد جنب سينما الخرطوم غرب طبعا غرب اتنين في شارع علي عبداللطيف جنوب السفارة الامريكية سابقا ، من الصباح بقوم باخد 25 قرش وبمشي كداري سوق الخضار ( الزنك ) واشتري لحمة ربع كيلو والخضار وابرشم لي قرش وارجع الباقي مع اللحمة والخضار والسلطة وبعد دا اقوم امش المدرسة برضو كداري ، ودا برنامج ثابت يوميا وطبعا انا بالنسبة لي كان برنامج مربح قرش في اليوم باكل بيه ساندوتش قدر الضربة ولما انتقلت للخرطوم الاميرية الوسطى مع اولاد الذوات (وانا دخلت المدرسة دي بي ضراعي كنت الثامن على مستوى الخرطوم ولو ما كده ما كان عندي طريقة فيها ، وبعد دا كله كانو عايزين يطفشوني المدارس الصناعية قالو انت طويل ، دي حكاية تانية كمان بحكيها ليكم ) القرش دا كان بيجيب البسبوسة لما طلعت جديدة من مرطبات الخرطوم جنب المدرسة



عبدالحفيظ غير متصل   رد مع اقتباس
قديم 10-03-2013, 05:03 PM   #[13]
خالد غالي
:: كــاتب نشــط::
 
افتراضي

سلامات يا انبابتود

متابعة وبنجادعك مرة مرة



خالد غالي غير متصل   رد مع اقتباس
قديم 10-03-2013, 05:16 PM   #[14]
أمير الأمين
:: كــاتب نشــط::
 
افتراضي

اقتباس:
المشاركة الأصلية كتبت بواسطة Anbabtode مشاهدة المشاركة
صالة غردون طبعا كانت من المعالم الرئيسية للخرطوم بالليل ومقهى اتني بالسوق الافرنجي وسوق الخضار الذي تحول الى برج الواحة بقدرة قادر ، ومشروب الشعير البارد والليمون في صينية الامم المتحدة ومطعم الاخلاص وبار كيشو من معالم شارع البلدية
يعنى ننتظر لينا سماية و لا شنو ؟looool


تحياتى



أمير الأمين غير متصل   رد مع اقتباس
قديم 10-03-2013, 05:43 PM   #[15]
عبد العظيم السعيد
:: كــاتب نشــط::
 
افتراضي

سلام اخي انباب تود ..
وانا كنت بجي كقروي قح لي عمك محمد العطا في اشلاق غرب ..
وبعد الغدا يندرع عمك ود العطا في الرسمي ..
وتووووش يخش الاستاد ونحنا في قفاهو .. كان جنو كورة ..
واليوم يمر .. غدا ملح .. وكورة املح ..
كانت المنطقة جميلة وهادئة خاصة في العصاري ..
السنة الفاتت جيت ميدان جاكسون قاصدا الخطوط السعودية ..
اعاين في المبنى وما قادر اصلو من الزحمة ..
ركنت العربية بعيد ومشيت كدر .. وبرضو طشيت ..
وقفت زول وسالتو .. "منين يودي على فين" .. ؟
ضحك وخلاني واقف براي وهمي عصف .. ومشى .. !!



عبد العظيم السعيد متصل الآن   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 11:41 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2014, vBulletin Solutions, Inc.