انتخابات مجلس الإدارة - مرحلة الترشيح !!! لجنة الانتخابات

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 20-09-2006, 03:35 PM   #[1]
عبد المنعم شيخ ادريس
:: كــاتب نشــط::
الصورة الرمزية عبد المنعم شيخ ادريس
 
افتراضي مدلينا

نحن شعب يحب الهجيج...
الصغار، والمختلين عقليا، والمجاذيب هم وحدهم من يفرجون عن هذه الرغبة مباشرة..
اما شيوخنا،فيجدون في حلبة الذكر المكان المناسب
حيث
هنا حلقة شيخ يرجحن
يضرب النوبة ضربا فتئن
وترن
ثم ترقص هديرا أو تجن
وحواليها طبول صارخات فى الغبار
حولها الحلقة ماجت فى مدار
نقزت ملء الليالى
تحت رايات طوال
كسفين ذى سوار
فى عباب كالجبال.


وتدانت أنفس القوم عناقا واصطفافا
وتساقوا نشوة طابت مذاقا
ومكان الأرجل الولهى طيور
فى الجلاليب تثور وتدور
تتهاوى فى شراك
ثم تستقر جرحى وتلوب
فى الشباك
مثلما شب لهيب

في قريتنا ينام الاطفال ،والكبار، والبهائم،والكلاب،على ايقاعات،ابناء ومريدي الشيخ ابراهيم الكباشي،وهم يمدحون النبي وشيوخهم،ثم يختمون بترنيمة صاخبة، لايفهم معناها الا المجانين، والمختلين عقليا ،والمتشوطنين من الاطفال حيث تسمع اصواتهم وهم يصيحون عاليا
اووو حبابا.....الله الجابا اووو حبابا.....الله الجابا
اووو حبابا.....الله الجابا ....



لكم ان تتخيلوا الجيش بلا جلالات ... وقد كانت تقتبس من غناء الحكامات في معظمها ، قبل "التأصيل"
اليوم الحار ما بندار.... ضرب النار دايرلو رجال..
...
الهجيج باي طريقة، هو وسيلة ناجعة للتفريغ
قبل نحو اربع سنوات والهموم تحتل جسدي وروحي، انتبهت فجأة الى صوت نور الجيلاني، يصدرمن مسجل التاكسي ،الذي استغله من شارع 7 العمارات الى بري.
فطلبت من السائق ان يرفع الصوت، ففعل،فطلبت منه ان يرفعه حتى النهاية،فلم يتردد،....
وشهد سكان الرياض، خاصة من بيوتهم بالقرب من شارع المشتل وسعودي ،مرورأ بالمنشية عبر شارع الستين حتى بري الشريف، شخصين وهما يرقصان ،ويصفقان بشدة، داخل عربة تاكسي
كنت انا احدهما ،اما الآخر فكان سائق التاكسي الجميل، الذي تتح لي الفرصة لاتعرف على اسمه، لكنه اوقف مشكورا السيارة عند تقاطع الستين مع المعرض، حتى نكمل رقصنا على ايقاع

مدلينا ....الشرق اتى والغرب اتي....
اترككم مع انغام هذه الاغنية الجميلة



عبد المنعم شيخ ادريس غير متصل   رد مع اقتباس
قديم 20-09-2006, 04:42 PM   #[2]
أبو الحُسين
:: كــاتب نشــط::
الصورة الرمزية أبو الحُسين
 
افتراضي

اقتباس:
المشاركة الأصلية كتبت بواسطة عبد المنعم شيخ ادريس
نحن شعب يحب الهجيج...


شخصين وهما يرقصان ،ويصفقان بشدة، داخل عربة تاكسي
كنت انا احدهما ،اما الآخر فكان سائق التاكسي الجميل، الذي تتح لي الفرصة لاتعرف على اسمه، لكنه اوقف مشكورا السيارة عند تقاطع الستين مع المعرض، حتى نكمل رقصنا على ايقاع

مدلينا ....الشرق اتى والغرب اتي....
اترككم مع انغام هذه الاغنية الجميلة
الشفيف شيخ إدريس...

حقيقة يا اخوي نحن شعب يحب الهجيج والجوطة...

والله يا أخوي أقول ليك الكلام دا ما تواخذني فيهو... أنا أخدت لي كم سنة هني في الخليج... أها لمن نزلت إجازة (الحالة دي ما طولت من السودان!!!)... لكن إتبرمجت علي العيشي هني... لمن نزلت السودان... وقُلت كدي خوجَلت في السوق العربي نصصصصصصت نهار... والإستريوهات أصواتها ما تديك الدرب والكافتيريات أوووووووووووك... حقيييييييييييقة يا اخوي شعب يحب الصخب والجوطة الشديدي خلاااااااااس... ;) :( :)

لكن برضو يا اخوي ما لي درجتك إنت وصاحبينك ديل؟؟!!!

لوووووووووووووووووووول!!! :p

والله إن بقيتو يا اخوي عملتوها كدي... تكونو دايرين سعيد ود ماهل!!! :D

لك ولصاحبيك الكرام وسائق التاكسي الفرايحي من المودة والمحبة أحلاها وأعذبها...

أبو الحســــــــــــين...



التوقيع:
وَتولّني يَا وَليّ يَا عليّ بالولاية وَالرعاية وَالعناية وَالسلامة بمزيد إِيرادِ إِسعادِ إِمدادِ ذلكَ خير ذلكَ من فضل الله.
أبو الحُسين غير متصل   رد مع اقتباس
قديم 20-09-2006, 10:24 PM   #[3]
عبد المنعم شيخ ادريس
:: كــاتب نشــط::
الصورة الرمزية عبد المنعم شيخ ادريس
 
افتراضي

والله إن بقيتو يا اخوي عملتوها كدي... تكونو دايرين سعيد ود ماهل

ابو الحسين الدكاترة ديل عناوينون شنو..؟
وقول لي انت بتهجج بي ياتو طريقة اوعى يكون على طريقة عمر البشير..؟



عبد المنعم شيخ ادريس غير متصل   رد مع اقتباس
قديم 20-09-2006, 10:41 PM   #[4]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

يا زول

وين الغنية

قبال يجى خالد الهاش

اقصد الهباش
اقصد الحباش

دا شنو دا !!

الحـــــــــــــــــــــــــــــــــــــــــــــــ ــاج



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر متصل الآن   رد مع اقتباس
قديم 21-09-2006, 12:17 AM   #[5]
خالد الحاج
Member
الصورة الرمزية خالد الحاج
 
افتراضي

[media]http://sudaniyat.net/forum/Upload/ster.wma[/media]
كنت يا منعم أعتقد أنها ظاهرة أفريقية في البداية
ثم شاهدت الهنود يعبرون مثلنا بالرقص (مع نوع من الشتارة)
ثم أميركا اللاتينية..
منذ فترة إهتميت بالرقص عند زنوج أميركا أو (الأفرو أميركان)
واكتشفت أن له دلالات كثيرة مجملها يحمل معاني الرفض وربما يكون لتأريخ العبودية
والظلم والاضطهاد أثره الكبير علي تأريخ الرقص عندهم، ولكنه لا يزال يحمل مضامين
من جزوره الأفريقية خاصة الغناء الكنسي .
وملاحظة أخري يا صديقي أن السود بصورة عامة أكثر تناغما مع الموسيقي
وانسجاما من ناحية الإيقاع والحركة بالمقابل تجد البيض (شتر) عدا في الباليه
وهذا نوع آخر من الفن لا قبل للعامة به وأسأل سفيرنا جمال إبراهيم يخبرك.

أما أنا يا منعم فأحب أنواع من الرقص مشاهدة ومشاركة في أيام خوالي
الرقص عند الشايقية ثم رقصة المردوم ورقصة الحلفاويين
وأعشق حتى الثمالة رقص الأحباش وبالمناسبة اكتشفت أن مشاهدة رقص الأحباش سنة مؤكدة
في الصحيحين (أي والله) :D لكن هذه قصة أخري.
بوست ممتع يا شيخ منعم



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل   رد مع اقتباس
قديم 21-09-2006, 07:21 AM   #[6]
أبو الحُسين
:: كــاتب نشــط::
الصورة الرمزية أبو الحُسين
 
افتراضي

اقتباس:
المشاركة الأصلية كتبت بواسطة عبد المنعم شيخ ادريس
والله إن بقيتو يا اخوي عملتوها كدي... تكونو دايرين سعيد ود ماهل

ابو الحسين الدكاترة ديل عناوينون شنو..؟
وقول لي انت بتهجج بي ياتو طريقة اوعى يكون على طريقة عمر البشير..؟
الحِبّيِّب شيخ إدريس...

صبحك الله بالخير والرضا يا اخوي...

والله يا اخوي أنا هجيجي من النوع التاني... شُفت النوبة المعاها الطار والكشاكيش!!! لوووووووووووووول!!! :)

أها دي تقوم شعراتي شعرة شعرة... :D

وبرضو ما تواخذني يعني... (كشاكيش ولاد ماما!!)) :o

لوووووووووووووووووول!!! ;) :D

لك من المودة والمحبة كحلاوة::

ولاد ماما بشاير الخير...

يا ولاد ماما حبابُم ديل... :p

أبو الحســــــــــــــــين...



التوقيع:
وَتولّني يَا وَليّ يَا عليّ بالولاية وَالرعاية وَالعناية وَالسلامة بمزيد إِيرادِ إِسعادِ إِمدادِ ذلكَ خير ذلكَ من فضل الله.
أبو الحُسين غير متصل   رد مع اقتباس
قديم 21-09-2006, 09:51 AM   #[7]
نزار حسن علي
:: كــاتب نشــط::
 
افتراضي

الأستاذ/ عبدالمنعم

تحياتي لك يا سيدي الموسيقي ليس لها وطن مع تقديري لمتابعتك لهذا الموضوع

مع مودتي



نزار حسن علي غير متصل   رد مع اقتباس
قديم 21-09-2006, 02:58 PM   #[8]
عبد المنعم شيخ ادريس
:: كــاتب نشــط::
الصورة الرمزية عبد المنعم شيخ ادريس
 
افتراضي

متأسف يامعتصم خالد" الحباش" سبقني....
وبالمناسبة ياخالد اسانيد مشاهدة رقص الاحباش قوية جدا وفي جيناتنا
وكلنا طبعا نحن لرقصة المردوم
اما رقص الشوايقة ياخالد ففيه محاكاة واضحة للحمام
يا اللوري تشيل منو ....غير بنات نوري.... تشيل منو...
اما انا فاحب جميع انواع الهجيج لكن ايقاع الدلوكة ورقص الصقرية بيولع فيني من جوة
وهو البطلق النسوان..
قالوا في واحد لا يعشق شيىء مثل رقيص الصقرية
وقضى شبابه كله لم يفوت اغنية من هذا النوع ولم يعرض فيها
لغاية ما كبر وحج واولادوا ذاتم كبروا وبقوا مسعولين كبار فطلبوا منه اكثر من مرة ان يتوقف عن ذلك ولم يستجب..
اخيرا اجتمعوا كلهم احاصروهو فوعدهم انه سيتوقف عن الرقص
فطلبوا منه ان يقسم لهم على ذلك فحلف لهم بالله لكنهم طلبوا منه ان يحلف لهم بالطلاق ايضا لمعرفتهم بمعزته لامهم
فانصاع لهم والحسرة تملا قلبه.
وفي يوم وهم جميعا يشهدون حفلة عرس ونظراتهم كلها مصوبة نحوه بقي جالسا في مكانه يسمع في الغناء الحديث.. الا ان عزفت الفرقة اغنية.
هزيت الارض من اليمن للشام... سيفك للفقر قلام
المنشور طلع واتلمت الخلوق... بيعيني بشوف ابرسوه طالع فووووق
فانطفض فجأة قائما للحلبة ولوح بعصاته نحو اولاده قائلا هوووووي البطلق امكم جاتكم...



عبد المنعم شيخ ادريس غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:35 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2014, vBulletin Solutions, Inc.