الوصية ..

عبير خيري · 21-01-2009, 10:30 AM

[align=center]الوصيّة[/align]

بوصيك
شان تبقى عشرة
على العيون
الشافتك
وضارتك
وإختارتك
قطعت معاك عهد الولف
تمشي وتلف
وتلملم الدمع المشتت في الدرب
حدّ النزف
وأحضانا شايلة من الخريف
صباح جديد
ضواً يغتي من الصقيع
والشمس تفتح صديرها
علي الصباح
للشوق تزف

بوصيك
وسع أياديك للفرح
ضم السحاب
خلي المطر يدفا في حضنك
يسيح
يملا الشوارع بالرزاز
حبات ندى
يغسل سموم أهل الوجيع
يضغط علي كتف الألم
يمسح حريق حمّى الجبين
يضحك عزِف
صوت الكمان يرقص يهز
بشَّر عرض
ودوبيت يلف
تاني ويلف
تاني ويلف
وقع التعب
نفض الشرا وترتر
وقف

بوصيك
شان تبقى عشرة
علي زغاريد الأهل
لما تسمع
طلقة في جوف الفريق
دخان زناد غطّى القطن
صوت طفلتك الفي حشاي
إتضارى من خوف الجهال
تحت العناقريب إنكفوا
لا حيلة لا دعوة سماح
يا الله هوي
يا الله هوووي
حبوبة من فجاً بعيد
صوتها الحديد
الله لي
يا الله لي
زمن السكوت
صوت المنادي علي السحور:
" يا راجل .. قوم إتطهر
شيل البندق
أطلع للشارع وإترجل
سجل معركتك في الدفتر
شان الدفتر أصبح عفنان
مليان ديدان
سموهم عسكر"

بوصيك
أحلق دقنك
أرمي الشنطة المليانة ورق
أحمر بالدم
أسود بالغم
أخضر علقم
أبيض بالسم
بالسم الهاري
ورم
ياخ ما تتلم
أو خجلة تجيك تديك الكف
يمكن تنعم
بالذوق وتحس
ساكت من عمرك كم
عشرة وعشرين
ساكت لي متين
بوصيك أصحى
أملا القلم الحبر الأبيض
ألحق
سجل معركتك في الدفتر
شان الدفتر أصبح عفنان
مليان ديدان
سموهم عسكر

رأفت ميلاد · 21-01-2009, 12:53 PM

لا .. حول .. ولا قوة ..إلا بالله
ده شنو ده ؟؟؟

مالك علينا ..

أجمل وأقوى ما قرأت من سنين طويلة .. تهد الحيل

عبير خيري · 07-07-2012, 02:39 AM

اقتباس:

المشاركة الأصلية كتبت بواسطة رأفت ميلاد

لا .. حول .. ولا قوة ..إلا بالله
ده شنو ده ؟؟؟

مالك علينا ..

أجمل وأقوى ما قرأت من سنين طويلة .. تهد الحيل

وأتى ميعادها الآن..

عبير خيري · 07-07-2012, 03:27 AM

وطني ما أجملك ..
محمود درويش .. ساورا

http://www.youtube.com/watch?feature...&v=HFlkVz2UccA

وطني ما أجملك ..

خذ عيوني .. خذ فؤادي .. خذ حبيبي ..

وطني ما أجملك

سأغني و ليكن منبر أشعاري مشانق

و على الناس سلام.. سلام ما أجملك

فإذا لم يشرب الناس أناشيدك عن ظهر قلب

قل أنا وحدي خاطيء

حبنا أن يضغط الكف على الكف و نمشي

و إذا جعنا تقاسمنا الرغيف

في ليالي البرد أحميك برمشي

وغداً لا نلتقي فيه خفاء

ومن الأفراح نبكي .. وطني ما أجملك

ناصر يوسف · 07-07-2012, 11:12 AM

المحاربين القدامي يتدافعون لأجلك يا وطن

عبير خيري سلام

والقومة للوطن العزيز

بله محمد الفاضل · 07-07-2012, 11:46 AM

يا سلام يا سلام
جمال في جمال يا عبير
تشكرررررررررررررررررررات والله

21-01-2009, 10:30 AM	#[1]
عبير خيري :: كــاتب نشــط::	الوصية .. [align=center]الوصيّة[/align] بوصيك شان تبقى عشرة على العيون الشافتك وضارتك وإختارتك قطعت معاك عهد الولف تمشي وتلف وتلملم الدمع المشتت في الدرب حدّ النزف وأحضانا شايلة من الخريف صباح جديد ضواً يغتي من الصقيع والشمس تفتح صديرها علي الصباح للشوق تزف بوصيك وسع أياديك للفرح ضم السحاب خلي المطر يدفا في حضنك يسيح يملا الشوارع بالرزاز حبات ندى يغسل سموم أهل الوجيع يضغط علي كتف الألم يمسح حريق حمّى الجبين يضحك عزِف صوت الكمان يرقص يهز بشَّر عرض ودوبيت يلف تاني ويلف تاني ويلف وقع التعب نفض الشرا وترتر وقف بوصيك شان تبقى عشرة علي زغاريد الأهل لما تسمع طلقة في جوف الفريق دخان زناد غطّى القطن صوت طفلتك الفي حشاي إتضارى من خوف الجهال تحت العناقريب إنكفوا لا حيلة لا دعوة سماح يا الله هوي يا الله هوووي حبوبة من فجاً بعيد صوتها الحديد الله لي يا الله لي زمن السكوت صوت المنادي علي السحور: " يا راجل .. قوم إتطهر شيل البندق أطلع للشارع وإترجل سجل معركتك في الدفتر شان الدفتر أصبح عفنان مليان ديدان سموهم عسكر" بوصيك أحلق دقنك أرمي الشنطة المليانة ورق أحمر بالدم أسود بالغم أخضر علقم أبيض بالسم بالسم الهاري ورم ياخ ما تتلم أو خجلة تجيك تديك الكف يمكن تنعم بالذوق وتحس ساكت من عمرك كم عشرة وعشرين ساكت لي متين بوصيك أصحى أملا القلم الحبر الأبيض ألحق سجل معركتك في الدفتر شان الدفتر أصبح عفنان مليان ديدان سموهم عسكر التعديل الأخير تم بواسطة عبير خيري ; 07-07-2012 الساعة 02:38 AM.
عبير خيري :: كــاتب نشــط::	التوقيع: حبنا .. أن نضغط الكفَّ على الكفِّ ونمشي وإذا جعنا .. تقاسمنا الرغيف (درويش)

21-01-2009, 12:53 PM	#[2]
رأفت ميلاد :: كــاتب نشــط::	لا .. حول .. ولا قوة ..إلا بالله ده شنو ده ؟؟؟ مالك علينا .. أجمل وأقوى ما قرأت من سنين طويلة .. تهد الحيل
رأفت ميلاد :: كــاتب نشــط::	التوقيع: رأفت ميلاد سـنمضى فى هذا الدرب مهما كان الثمن الشـهيد سـليمان ميلاد

07-07-2012, 03:27 AM	#[4]
عبير خيري :: كــاتب نشــط::	وطني ما أجملك .. محمود درويش .. ساورا http://www.youtube.com/watch?feature...&v=HFlkVz2UccA وطني ما أجملك .. خذ عيوني .. خذ فؤادي .. خذ حبيبي .. وطني ما أجملك سأغني و ليكن منبر أشعاري مشانق و على الناس سلام.. سلام ما أجملك فإذا لم يشرب الناس أناشيدك عن ظهر قلب قل أنا وحدي خاطيء حبنا أن يضغط الكف على الكف و نمشي و إذا جعنا تقاسمنا الرغيف في ليالي البرد أحميك برمشي وغداً لا نلتقي فيه خفاء ومن الأفراح نبكي .. وطني ما أجملك التعديل الأخير تم بواسطة عبير خيري ; 07-07-2012 الساعة 03:35 AM.
عبير خيري :: كــاتب نشــط::	التوقيع: حبنا .. أن نضغط الكفَّ على الكفِّ ونمشي وإذا جعنا .. تقاسمنا الرغيف (درويش)

07-07-2012, 11:12 AM	#[5]
ناصر يوسف :: كــاتب نشــط::	المحاربين القدامي يتدافعون لأجلك يا وطن عبير خيري سلام والقومة للوطن العزيز
ناصر يوسف :: كــاتب نشــط::	التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس

07-07-2012, 11:46 AM	#[6]
بله محمد الفاضل :: كــاتب نشــط::	يا سلام يا سلام جمال في جمال يا عبير تشكرررررررررررررررررررات والله
بله محمد الفاضل :: كــاتب نشــط::	التوقيع: [align=center]الراجِلُ في غمامةٍ هارِبةْ[/align]