أتكاءة وأستماع :)
|
تزكية النفوس وأطرها للسمو الى ذرا المحبة والوئام والأيثار ...هو من غايات الدين وهو بالقطع مقصد كل الحضارات والثقافات والمدنيات!...
وعالم الأجرام والكذب والفجور والأثرة...هو عالم سوداوي لا وضاءة فيه ولاتزكية للنفوس!... كم أجد في الأستماع الى ذاك الراحل أستعلاء الى ذرا صفاء النفس وتساميا الى حيث ألق الجمال... |
قبل سنوات كنت في طريقي الى (الشمالية) في بص يقوده شايقي (ستيني العمر)...
كنت أركب معه في المقدمة فهالني (كم) الاشرطة لمصطفى سيدأحمد التي تملؤ (طبلون) البص!...سالته يعني ياحاج عشان مصطفى دة ولدكم تقوم تشبكنا طوالي مصطفى سيدأحمد؟ فأذا بالرجل يوقف البص فجأة ويسالني بأستغراب (بالله عليك هو الزول دة شايقي)؟ (والله أنا كان قلبي حاسي وكنت أستغرب أنو كل مايغني مصطفى سيدأحمد أتذكر بلدنا وزراعتنا وجروفنا تماما زي كأني بستمع لي أغنية طمبور)!! قلت له (أبن ودسلفاب) هذا شكّل وجدان كل أهل السودان لا أهله في الشمال فقط! أسال الله لك الرحمة يامصطفى |
تصويب
|
اقتباس:
نعمات ذواقة تتخير الكلم كما نتخير نحن أطايب ال(تمر) :) مرحبا بك وبها وبصاحب الديوان شكرا لمرورك ياغالي |
الحزن النبيل
السلام عليك الاخ العزيزعادل وعودا حميدا وبك أذدان المنتدي وأذداد القا وبهاء ورونقا
ولك الشكر علي اختيار رائعة مصطفي سيد احمد الفنان المتفرد بحلو النغم ونظم الموسيقي وجميل المعاني وروائع الكلمات والنبل أينما وجد في شئ الا زانه حتي الحزن . ولكم جميعا اهدي ياضلنا:- يا ضلنا المرسوم على رمل المسافه وشاكى من طول الطريق قول للبنيـّة الخايفة من نار الحروف تحرق بويتات الفريق قول ليها ما تتخوفى دى النسمة بتجيب الأمل والأمل بيصبح رفيق والأصلو فى الجوف إندفن لا بتنسى .. لا بنمّحى لا بنتهى منو الحريق والفينا من آهات أليمة فى حكاوينا القديمة لا بيرحل عن عيونـّا ولا بتغشاهو الهزيمة والقبيل راجِنو نحن يوم تبشـِّر بيهو غيمة لما تمطر يوم علينا الفرح يملا المدينة والبلودات الحزينة |
صباحك زين ياعادل
وينـك يازول كنتا غاطس.. إتوحشناك بالزاف..:D عودآ حميدآ ياصاحب ولتأكلك العافية..:D:D |
اقتباس:
صدق مصطفى حين غنى: دى النسمة بتجيب الأمل والأمل بيصبح رفيق فالنفس (بصدق) مافتئت ريانة بنسائم قدر لي أن أتنسمها بينكم في أرض الوطن ... ولا أراني الّ رافعا يديّ معك ومع (مصطفانا) كي: الفرح يملا المدينة والبلودات الحزينة مشكورة على بهي المرور وازاهير الكلمات وصادق المشاعر التحية والمودة الى آل البيت الكرام أشد على أيديهم فردا...فردا ودادي |
اقتباس:
زان الله كل صباحاتك بالخيرات وأبعدك عن الاستيحاش ولو بالزاف:D مشكور على الترحيب والدعوات الطيبات ولتأكل بالهنا وبالعافية أفطار أول يوم ورمضان كريم |
الخميس 18/92008 الساعة 11 مساء بتوقيت السودان...
وفي قناة الشروق... حلقة خاصة عن الراحل مصطفى سيدأحمد... |
لا تنسوا حلقة اليوم في قناة الشروق:rolleyes:
رمضان كريم |
[align=center]كان خوفي منك
جاي من لهفة خطاك على المواعيد الوهم اهو نحن في الأخر سوا باعنا الهوى ماشين على سكة عدم[/align] [align=center]عادل... سلااااام اول مرة اسمع فيها هذه الاغنية قصة و حكااية طويلة كنت مساافرا و انا فى اقااصى غرب السودان متجها الى مدينة النهود و الدنيا خريف يعنى كنا ماسكين سكة الخريف فى طريقنا الى بابانوسة..... و برجع بتم الحكااية بمهلة انشاء الله...... تحيااات...[/align] |
اقتباس:
قلت لنا البداية كانت خضرة وماء والحزن القديم ... ;) |
[align=center][align=right]ماذا أقول في سمت الحزن المنداح والشجن المقيم في صوته المتفرد؟!...
هي أغنية تعلمنا بأن الفارق مابين نبيل الحزن وذروة الفرح خيط رفييييييع!... ألسنا نبكي عندما يكون الفرح كبيرا؟!!!... ألا يضحك المحزون عندما يفيض به الكيل وتوصد دونه أبواب الأمل؟!!!... مصطفي يتجاوز بنا (خط) ذاك الخيط الرفيع بصوته ...وبوحه ...وأختياراته!!!... أستمع له وهو يمـــــد بصوته الشجي لفظة (الأسف الطويييييييل)!... وصوته وهو يهتف في أذن الزمن بلفظة (آخر المدااااااااااا)!... ثم أستكانة الصوت وهو يعود أدراجه الى بداية الطريق !...[/align] ومشيت معاك كل الخطاوى الممكنة وبقدر عليها وبعرفها أوفيت وما قصرت في حقك ولا كان عرفه غيرك أصادفها وقدر هواك يجيبني ليك جمع قلوبنا وولفها وكتين بقيتي معاي في أعماقي في أعماق مشاعري المرهفة لا منك ابتدت الظروف لا بيك انتهت الأماني المترفه [align=right]ألم أقل لكم بأن الحزن النبيل يلج بنا الى سوح وفضاءات التفاؤل والفرح؟!...[/align] [align=right]انه يُنضِجُ العاطفة... ويزيل ران النفس... ويزيد القناعة بالقضاء والقدر...[/align] ــــــــ الحزن النبيل صلاح حاج سعيد و مصطفى سيدأحمد وبقيت أغني عليك غناوي الحسرة والأسف الطويل وعشان أجيب ليك الفرح رضيان مشيت للمستحيل ومعاك لي آخر المدى فتينى يا هجعة مواعيدي القبيل بعتيني لي حضن الأسى وسبتيني للحزن النبيل ومشيت معاك كل الخطاوى الممكنة وبقدر عليها وبعرفها أوفيت وما قصرت في حقك ولا كان عرفه غيرك أصادفها وقدر هواك يجيبني ليك جمع قلوبنا وولفها وكتين بقيتي معاي في أعماقي في أعماق مشاعري المرهفة لا منك ابتدت الظروف لا بيك انتهت الأماني المترفه ندمان أنا ابداً وحاتك عمري ما شلت الندم ما اصلو حال الدنيا تسرق منيه في لحظة عشم وأنا عندي ليك كان الفرح رغم احتمالي أساك يا جرح الألم كان خوفي منك جاي من لهفة خطاك على المواعيد الوهم اهو نحن في الأخر سوا باعنا الهوى ماشين على سكة عدم[/align] |
[align=center]
الحزن النبيل [media]http://sudaniyat.net/up/uploading/huzn.wma[/media] صلاح حاج سعيد و مصطفى سيدأحمد [/align] |
| الساعة الآن 06:26 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.