سودانيات .. تواصل ومحبة - مـــوقف مـــر بى واحتاج رأيكم !!!

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - مـــوقف مـــر بى واحتاج رأيكم !!! (http://www.sudanyat.org/vb/showthread.php?t=14670)

اقتباس:

المشاركة الأصلية كتبت بواسطة عبداللطيف النقر (المشاركة 230461)

[align=right]كلنا لدينا زوجات واخوات ولدينا اصدقاء -- نسلم باليد ونضحك وندخل الى بيوت اصدقاءنا واهلنا --بل وندخل حتى فى غياب صاحب الدار ونسلم -- ولكننا لا نجلس ولا نتكى -- ولا نتونس -- بل نقول قولا معروفا --- ورغم مخالفة ذلك لديننا -- ولكن نتبع التخفيف فى ديننا فى مجتمعنا ---فطرتك كجّنت تصرفوا ده -- عشان كده الشاى ذاتو والكيك مسخوا ليك --- القال ليك بتلفت زى كتال الجراد منو --- زى بياع الغريبة أحلى ---
سعيد بيك / م --- غفر الله لى ولكم ---[/align]

والله عاد ياعبد اللطيف نقاطك الاثرتها دى كلها مابتطلع من اسلوب تربية وسلوك اتربينا عليهو ....رغم انو مفترض يكون فى نوع من انواع المشاركة بين الازواج ، والبفرضه شكل الواقع الحالى ، يعنى خروج الزوجين للعمل ، تكفاؤ المسؤليات على الطرفين -وخلافه ..

وبما انو نحن مجتمع قائم على عادات وموروثات بتقوم على توزيع الادوار ، فالمجتمع برفض حكاية انو الراجل يساعد فى المهام المنزلية وبستنكرة بشده ، الان الشى الحاصل انو المسالة دى ابتدأت تنفرج شوية شوية بتغير شكل الحياة وسرعة الايقاع ،،

وبرضو حكاية نمط السكن الاتغير من بيوتنا الزمان ديك الواسعه ، لى شقق بتحد من حركة الناس ، وقعاد الناس كلو بقى فى منطقه محصورة ، برضو ليهو دور ...يعنى هسع عاطف فى شقتو دى يطير وين :D!! ماعندو خيار غير يقعد مع النسوان ديل او قريب منهن..

عموما انا مع المساعده .....بس براهم :D!

عبداللطيف
صباح الخيرات
وطاب يومك

كتبت:

اقتباس:

صباح الخير سمراء --- قبل ما أخش فى الغريق -- أهنيك بى طرحك للموضوع -- وأهنئ وأحيى كل المتداخلين فى البوست-- رغم الجد والهزل -- والضحك والهزار -- رفض كل المشاركين لتصرف هويدا اولا وعاطف ثانيا --- وبالذات اخواتنا الكريمات -- الكان الواحد بحس بى مداخلاتن انهن عندهن شوية حساسية فى موضوع الرجال والنساء -- والعقل وتساوى الرجل مع المره فى كل اوجه الحياة --- لكن تبين أن معظم الاخوات يرفضن هذا التصرف من هويدا -- وده شئ جميل منهن -- بحسس الزول ان قيم مجتمعنا بخير وستظل على خير ---

الغريق جاء -- التلفزيون يطير المقعدو شنو وسط النسوان -- كان الكورة مهمة امش اشوفا مع جارو -- او صاحبو او النادى -- ودى فرصة حلوة انو الزول يزوق من البيت بدون ما زول يحاسبو -- ثم تانيا وينا كورتنا البتفرجوا عليها وفرقنا بما فيها القومى سجمانين --

قبل اجشششش -- ما فى شئ بمنع من زيارة الاصحاب -- بس معروف فى تربيتنا -- الفصل الواضح بين الرجال والنساء -- وما داير أقول ديننا -- لانو لو خشينا فى نقطة الدين دى -- ببقى عليك حرام شرعا -- الجلوس حتى مع اخو زوجك وأقربائه او اقربائك والكشف عليهم ----- سمعتى يا سمراء -- وده طبعا مش عشان الواحد فى السعودية -- ولكن حتى المجتمعات كلها بالفطرة -- بتتحسس من الموضوع ده ---

كلنا لدينا زوجات واخوات ولدينا اصدقاء -- نسلم باليد ونضحك وندخل الى بيوت اصدقاءنا واهلنا --بل وندخل حتى فى غياب صاحب الدار ونسلم -- ولكننا لا نجلس ولا نتكى -- ولا نتونس -- بل نقول قولا معروفا --- ورغم مخالفة ذلك لديننا -- ولكن نتبع التخفيف فى ديننا فى مجتمعنا ---

فطرتك كجّنت تصرفوا ده -- عشان كده الشاى ذاتو والكيك مسخوا ليك --- القال ليك بتلفت زى كتال الجراد منو --- زى بياع الغريبة أحلى ---

مداخلتك جديرة بالتحليل والمطالعة بتأنى ,
فهى من اهم المداخلات فى هذا الخيط ,
وتعكس بكثافة الصورة المركزة للشخصية التى تحاول الحفاظ على مكتسباتها
وعلى صيرورة بذات الرتم الذى نحتته الشخصية الذكورية,
ساعود لتناولها باستفاضة, بعد الأذن منك

وكن بخير

اقتباس:

المشاركة الأصلية كتبت بواسطة الجيلى أحمد (المشاركة 231208)

عبداللطيف
صباح الخيرات
وطاب يومك

كتبت:

مداخلتك جديرة بالتحليل والمطالعة بتأنى ,
فهى من اهم المداخلات فى هذا الخيط ,
وتعكس بكثافة الصورة المركزة للشخصية التى تحاول الحفاظ على مكتسباتها
وعلى صيرورة بذات الرتم الذى نحتته الشخصية الذكورية,
ساعود لتناولها باستفاضة, بعد الأذن منك

وكن بخير

هسة يالجيلي نفهم انك انتهيت من الرحول وظبت البيت وبقي كمان عندك وقت تقرا وتحلل وكمان تعمل مكالمات مكوكية لزوم الشخت:confused:
انتو ما دايرين تصدقوني مالكم(اكس) ياخ البت دي مبرمجة بيكم ساي ولا عندها صاحبة ولا عندها وقت ذاتو تعمل زيارات اجتماعية..بتمشي الشغل وترجع البيت تتخمد وتخش النت تجهجه خلق الله..
هسة انت مصدق في راجل سوداني ممكن يسوي العملو عاطف دا:confused::confused: أنا غايتو كنت مرة في زيارة أخونا المرحوم الدكتور عبد العزيز كنيش الجراح المشهور شفت حكاية عجيبة ما لقيت ليها تفسير..شفت أب بيعشق ابنه لدرجة انو كان بيخدم في الضيوف والولد قاعد معانا..الأب كان بجيب التلج ويكب الكاسات ويقدم المزة مع انو ما بيشرب ولا حتي بيتونس ولما يتكلم ما كان عندو موضوع غير سيرة ولدو وشطارتو في المدرسة وأدبو الرفيع..
غايتو أنا في الآخر لما غلبني استحمل الوضع دا سبيت ليهم الاتنين وقمت مرقتا عشان ما أقلب ليهم الطربيزة وأفرتق ليهم القعدة..ومن اليوم داك الدكتور سقط من نظري وبقيت ما بتكلم ولا أقعد معاه.. أها رأيك شنو في الموضوع دا وهل انت ممكن تخللي أبوك يعمل جرسون قدام أصحابك مهما كانت درجة حبو ليكlooool

اقتباس:

المشاركة الأصلية كتبت بواسطة أسامة معاوية الطيب (المشاركة 229562)

بيني وبينك عاطف زاتوووووو البيقعدو شنو في جنس المحل دا ؟ ياهو يسوي الشاي سواهو بلى يخمو

[align=right]سمراء ... سؤال أسامة ده هو السؤال
لو مافي حتة غير دي في البيت ما يشيل ليهو كرسي ويقعد قدام البيت
هسع انتو اتونستوا كيف وهو قاعد زي الـ ......؟[/align]

اقتباس:

المشاركة الأصلية كتبت بواسطة سمراء (المشاركة 229593)

ومرة اتحمل أسايا :D

بالله ياود عثمان دى مناسبة دايرة ليها اغنية كااااااربة من شاكلة
بالضراء ان شاءالله راجل مرة يا ابشراء :D

الواحده تقول كده وتقعد تحنس لحد مايجى ، تقوم تضفرو !!
نسوان مناعيل شكيتهن للخلقن
يستاهلن البورة ;)

[align=right]هسع لو طلع عاطف ده راجل المرا

لكن ممكن يكون عاطف هو المعني بـ إن شاء الله راجل مرا

الله يعلم زي عاطف ده في كتير[/align]