حبيبنا قرقاش
تحياتي يا عمنا اقتباس:
يا عمنا ما فعله البشير وعصبته في السودان يعتبر شيء فوق الوصف ويستحق رد الفعل... |
سلامات ياوجدي
كلامك الكتبتو فوق ده سمح تصدق؟! لا بالجد عجبني، ولو سمح لي الجيلي عايز ارد ليك عليهو! فكرتي العايز اقولها في المداخلة تستند بشكل اساسي على فرضية انو اختلافنا مع الكيزان مامجرد خلاف سياسي بحيث انو اكون نعم اختلف سياسيا مع الكوز ولكن احتفظ بعلاقة وديه معه كونه زول طيب وظريف وهكذا، وحا اوريك لييه اعتقد انك متفق معاي تماما بانو الحكومة دي فعلت فعائل ما انزل الله بها من سلطان في السودان، الحكومة قتلت الناس وعذبتهم في المعتقلات وشردتهم وفصلتهم من العمل والخ الخ دي متفقين فيها صح؟ طيب الحكومة دي ماعبارة عن فلان وفلان ، الحكومة هي منظومة تتكون من ناس كتار فيهم جزء تنفيذي اللهم ناس فلان وفلان ديل وديل النحن بنعرفهم، وفيهم جزء مستفيد وفيهم جزو غبيان ساي وديل قاعدين يدعمو الجزء التنفيذي، عشان كده بيكون من ضيق النظر شديد اني اقول والله طالما ود الخير ماقاعد يضرب الناس في دارفور بالانتنوف يبقى هو برة الرصة دي وما المفروض آخدو بي جريرة ناس عمر البشير القاعدين يكتلو في الناس! ممكن ااكد ليك انو عمر البشير ماحصل ساق طيارة وضرب بيها زول في دارفور هل ده بيعفيهو من المسؤولية؟ طيب حدود المسؤولية دي وين؟ نحن كلنا عندنا مسؤولية متفاوتة في الجرائم البتحصل في دارفور سكوتنا ده بتترتب عليهو مشاركة في الجريمة دي بالتواطوء، وزي ما اسي نحن بنفتكر انو الكيزان كلهم واحد وكلهم شركاء في الجريمة، صدقني الدارفوريين كلهم بيعتبروا الشمالين واحد وكلهم شركاء في الجريمة ومعاهم حق! لانو المفروض في اول يوم طلعت فيهو طيارة من الخرطوم ومشت ضربت الناس في دارفور المفروض السودان كلو يومها يقيف علي رجل واحدة، المفروض كان الناس ماتمشي الشغل والمدارس تقيف والحياة كلها تقيف، لانو كده الحكومة اتعدت حد الخلاف السياسي والقصة دي بقت حاجة تانية، والتعدي ده حصل اساسا قبل مشكلة دارفور بزمن طويل، من بعد الانقلاب مباشرة ومن بقى في معتقلين وبيوت اشباح واحالة للصالح العام كده طوالي قصة خلاف سياسي دي انتهت لانو دي ماسياسة، ده شي تاني لو حصلت الحاجة دي في اي دولة محترمة كان التنفيذيين العملو الحاجات دي كان لقو نفسهم براهم طوالي، لانو الجميع ماحايرضى وضع زي ده ماكان لقو اي قاعدة يقيفو فيها، وده ماحصل في السودان بسبب امثال الكيزان الانت بتقول انهم على المستوى الشخصي ماعملو شي! ايوة ياوجدي نحن عايزين نحاكم الكيزان كلهم بجريرة الترابي والبشير وبقية العصابة، لانو بقية الكيزان هم من وفر الجو والقاعدة للترابي وبقية العصابة انهم يعملو العملوهو ده كلو، الكيزان كلهم مشتركين بالتواطوء مع العصابة |
لا يا حبيب كلامك دا بعيد عن كلامي
أنا كلامي بتكلم عن فعل الانتماء... هل غلط كونو الواحد يكون كوز؟! واذا كان غلط أذكر الأسباب |
اقتباس:
يا خالد دارفور دي فيها من التعقيد فوق بكتير من تصنيف كوز او غيره ! منو المقتنع انو منّي او عبد الواحد او عقار او غيره بيقاتل وبيجند الناس عشان "تنمية انسان دارفور"!! يا حبيب ديل ناس شايلين ليهم مشروع في دقنوسهم دا زي ما بيقول ناصر الله يديهو العافية ،، شايلين ليهم مشروع ولقوا ارضية دارفور دي صالحة للضغط على الحكومة واصبحوا يعزفوا على الوتر دا!! يا هندا انسان ريفي ود حامد نهر النيل قلبو واقف ليه ما حملوا السلاح عشان تجي التنمية ويزدهر الريف؟؟! عرمان وشلته لقوا " الوساع" دا وعاوزين يستغلوه لتنفيذ اجندتهم! ما يمشوا كوستي ،،، اكتر بلد فيها شيوعيين وناس مستاءة ليه اختاروا دارفور؟؟؟ ذلك مع تحياتي يا غالي |
اووو حبايبنا
أسعد وخالد.. معليش شغلتنا الأشغال، اكيد بلقى فرقة فى الويكند.. شكرا على التفاكير المحفزة على الحوارات.. واصلو بى بمزاج.. مرحبا بالجميع |
اقتباس:
الاسباب هي: اقتباس:
|
يا ود الخير
انت جادي في البوست بتاعك بتاع البشير كسح وماكسح داك ولا بتكاوي في الناسس ديل ساي؟! مسألة انو الزول كوز او ماكوز دي بالنسبة لي حاجة جادة شديد ومافيها اي هظار |
اقتباس:
قرقاش صاحبى قلت عندهم محاسن طيب هاتا.....عدها واحدة واحدة بس ماتبقى محاسن اسم عوين..... |
اقتباس:
عصبته ما الكيزان عصبته هم افراد محددين تنفيذيين، تولوا زمام الأمور وفعلوا فعلتهم وبطبيعة الحال هؤلاء الافراد لا يمكن تعميمهم على جماعة كااااملة... تعرف يا خالد، مشكلتنا في السودان اننا دائما بنتعامل مع الحاجات بعمومياتها... ما قاعدين نخصص ونسمي الاشياء بمسمياتها... نحن بحاجة لكي نقول أنفسنا (يا ديجانقو أفرز)... ينطبق علينا المثل القائل (عينا للفيل ونطعن في ضله)... ماذا لو قلنا: الكيزان ديل حزب زيهم وزي بقية الأحزاب، فيهم الكويس وفيهم الكعب، ونحن أسي بنفتش في الكعب حقهم دا عشان نفش فيهم حرقة ربع قرن من الاحتقان الذاتي... صدقني الناس في قولها لمن تخصص وتحدد الشريحة المستهدفة من الكيزان السيئيين... هذا الفعل سيزرع الخوف الحقيقي في نفوس هؤلاء العصابة... لكن لمن تتكلم بالعموم كدة بدون تخصيص، فهذا التعميم يخفف عن تلك العصابة الخوف، لأنهم حينها يعتقدون بأنه تم تصنيف آخرين معهم ... لأن التعميم يخفف عنهم احساس المسئولية الفردية المنوط بهم... لذلك يا صديقي، الكيزان ما كعبين، الكعبين هم المخطئين والذين يستحقون السباب واللعان والتهديد والقتل والصلب والقطع من خلاف... يا خالد ياخ لو رجعت لجوهر الاخوان المسلمين أو الجبهة الاسلامية أو الكيزان، ح تلقى أن تنظيمهم يقوم على قيم اخلاقية جميلة ويسعى لتحقيق أهداف عظيمة... لكن عند التنفيذ تحدث أشياء مختلفة عن النظريات الموفورة في دستور ايدولوجيتهم... ودا حال كل الايدولوجيات السياسية والعرقية والدينية والاجتماعية... زمان لمن قام ستالين بعمليات القتل الجماعي والتشريد والتعذيب ... هل معنى ذلك أن هذه الجرائم مسئولية الحزب الشيوعي؟! ستالين انا اعتبره أعظم ديكتاتور عرفه التاريخ... الناس شالت حس هلتر سااااي والسبب لأنه هتلر قتل اليهود... وستالين قتل الاجناس الاخرى غير اليهودية، وصادف انه حارب هتلر... بالتالي هل الجرائم التي فعلها ستالين ونظامه تتحسب على التنظيم الشيوعي أم على أفراد محددين من الحزب الشيوعي؟! يا خالد نحن بحاجة لقليل من المسئولية في تسميتنا للأشياء بمسمياتها أتهام الكيزان ومحاربتهم يعتبر نوع من تمييع القضية... ويعتبر نوع من الفتنة لأننا نصنع عدوا من لاشيء قبل أن نحارب... لذلك فأني أرى التالي: ليس عيبا أن تكون كوز ولكن العيب أن تخطيء بحق غيرك وهذا الخطأ يترتب عليه عقوبة بحسب القانون |
هاك يا خالد
عاوز تشوف قصة عمر البشير بالرواية السوفيتية؟! هاك احضر الفيلم الوثائقي دا ياخي حاجة تحيرك... تكاد تحلف تقول أنو الفيلم دا عيشتو في السودان تشابه وقع الحافر على الدبر عديل كدة |
48 دقيقة؟
انت قايلني في شهر العسل :gap: انا فاهم كلامك تماما، وقادر اتلمس وجاهتو، لكن ماشايفو واقعي او تقدر تقول انو امثل من اللازم، رومانسي ؟! المهم كلامك ده بيدرجك بامتياز في شلة الرومانسيين والعصافير مع ناس طارق كانديك :biggrin: |
وجدى سلام،
لسه مالاقى زمن أكتب فيه.. لحدى ماألم فيه يااخى اتمنى بالجد ان تكلف نفسك عناء مطالعة البوست الذى تكتب فيه ومادته ومطالعة مارددت عليك به أيضا.. مادخل جوزيف استالين وكريشنا مورتى بمادة البوست؟ أحيانا يخيل لى أنك تكتب حتى تتمكن من اضافة فيديو أو مادة لكريشنا فقط:smile: ياريت لو تقدر تصبر على حتى نهار السبت لأتناول مداخلاتك السابقة بالرد.. شاكر لك وللجميع اثراء النقاش |
اقتباس:
مش صحيح البشير كسح في الانتخابات وفاز على منافسيه ؟ طيب انا البمنعني افرح شنو؟؟؟ انا زول داير ازرع في السودان ،، لو كرهت البشير والكيزان شوية شوية حا اكره السودان زاتو وبي سبب شنو بي سبب كراهيتي للكيزان !! السياسة عندها اهلها يا خالد ولو فرحتي لفوز البشير اثرت على معنويات الثوار اها حملتك بي من بكرة اربط ليك وش لاي دقن تجي مارقة بي هنا:smile: |
سلامات يا ود الخير
انت رجل لطيف، بوستك بتاع البطاطس لسة قاعد في ذاكرتي :smile: مافي زول قال ليك ماتفرح دي حريتك الشخصية وخياراتك، كل العايز اقولو انو فرحتك مع كسحة البشير فيها عدم حساسية، اوريك كيف البشير الكسح ده شرد كميات هائلة من السودانيين وفصلهم من وظائفهم وخلاهم لافين في دول العالم، البشير ابتدع حاجة اسمها بيوت الاشباح يتم فيها اعتقال الالاف يوميا وتعذيبهم بطرق وحشية وصلت لدرجة القتل لعدة مرات لو عايز نماذج نجيب ليك مثلا في طبيب اسمو علي فضل تم اعتقالو وتعذيبو في بيوت الاشباح وفي النهاية جابو مسمار دقوهو ليهو في راسو بالشاكوش لمن مات!! وغيرو كتير البشير يوميا بتتحرك طائراتو وتضرب الناس المساكين العايزين يزرعو زيك كده في قراهم في دارفور، لاحظ الناس ديل عايشين في الهامش خالص لاعندهم كهربا لا موية لامدارس لا عايزين من الحكومة اي حاجة بس بينتظرو المطرة تصب ويزرعو عشان ياكلو وخلاص اها يلا لمن انت تجي بكل بساطة تتوطا علي جراح الناس الذكرتهم ليك فوق ديل كلهم وببساطة تفرح مع البشير فرحتك دي فيها عدم احساس بجراحات القطاعات الكبيرة من السودانيين الاتعرضو للظلم الواضح جدا الحاصل ده، من حقك طبعا مايهمك اي زول وماتشتغل باي زول طالما الظلم ده ماهبشك شخصيا، لكن من حق المظلومين ديل يكرهو عدم حساسيتك ده وموقفك الغير متعاطف مع قضيتهم عموما الدنيا دي سداية ورضاية، وقد يجي اليوم التنعرض فيها للظلم والتنكيل، وحايجو الناس المظلومين اسي ديل يضحكو ويرقصو ويتصورو مع الزول القاعد يحرق ليك في مزرعة بطاطسك، وحينها اتمنى انك تحتفظ بنفس الروح الرياضية دي وتقول ببساطة هي الدنيا دي كمها وتبتسم ابقى عافية |
تحياتي يا الجيلي وجمعة مباركة
اقتباس:
الفكرة دي في عضمها تعتبر فعل مكارثي الرجل الأبيض يتحدث بنفس الفكرة دي عن لماذا يتنكر المسلمون لانتمائهم في بلادهم بعد فعائل المتطرفين الاسلاميين؟! والألمان تناولوا نفس الفكرة عن لماذا يتنكر اليهود عن انتمائهم بعد هجمة هتلر عليهم؟! ونفس الفكرة كانت عند المجتمع السوداني حول تنكر الشيوعيين لانتمائهم بعد أن قلب النميري لهم ظهر المجن؟! والشيعي في بلاد السنة، والسني في بلاد الشيعة والكثير الكثير من الايدلوجيات التي تبنت هذه الفكرة لمحاربة الايدولوجيات التي تختلف عنها... عشان كدة يا الجيلي انا جيت اتداخل معاك لكي اناقشك في عضم بوستك والذي يتمثل في هذه الفكرة التي وبطبيعة الحال ستصنع المزيد من الخوف في الكوز والكراهية للانسان المعارض لهذا الكوز... اقتباس:
أما فيما يخص استالين، انا جلبته في ردي على خالد غالي والذي اجابني بأن فعائل النظام الحاكم في السودان هو سبب كافي لنكران الانتماء... بالتالي انا استدليت بفعائل نظام استالين والتي تشبه فعائل نظام البشير لحد التطابق... ولكن على الرغم من ذلك لم تكن فعائل استالين سببا في تنكر الشيوعيين لانتمائهم... طبعا لو كان في انقلاب على النظام الشيوعي واستولى زمام الحكم ايدولوجيا أخرى ، كان حينها سيقوم الشيوعيين بالتنكر لانتمائهم.... بس أنت يا الجيلي متحسس ساااااي من الواحد يجيب سيرة الشيوعية :tongue: أما فيما يخص كتاباتي والتي تراها تقوم على اتخاذها وسيلة لايراد مقطع فيديو كريشنامورتي... عاد دا الشيء العاجبني ... زي ما كل الناس بتجيب في حاجاتها البتعجبها... |
انا لله
معاط ياخ:biggrin: ياناس السعودية الزول دا قاعد فى خلا؟ شوف ليك برنامج عرس أو فقاعة خش فيها، تهدى ليك شوية:smile: أصبر ياخ خلى الواحد يجى يناضمك فى كلامك، بدل (ابوى ابوى أبوى) دى:biggrin: يضحك نهارك |
سلامات ياوجدى,
ومعليش على تأخر الرد تقول: اقتباس:
اقتباس:
اقتباس:
|
كتبت:
اقتباس:
|
| الساعة الآن 09:29 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.