تقولي شنو ؟ وتقولي منو ؟؟
[align=center][flash=http://www.youtube.com/v/TWcJ_NJrOYU&hl=nl&autoplay=1]WIDTH=550 HEIGHT=450[/flash][/align]
[align=center]تقول لِى شنو وتقولى لِى منو ، -2- أنحنَا السَّاسْ ونَحنا الرَّاسْ ونحن الدّنيا جبناهَا وبَنيناها.. بِويت ..فى بِويتْ وأسْعل جدى ترهاقَا وخلى الفَاقة .. والقَاقا -3- تقول لِى شنو وتقول لِى منو ، -4- تَالا أبوى .. بعنخى لَزَمْ وتَالا اللُمْ..أَبوىْ أوْلبَابْ وأمى مهيرة بتْ عبودْ وأخويا المهدى ..سيد السيفْ والخلى النصارى تقيفْ هناك ..فى القيفْ ، -5- تقول لِى شنو وتقول لِى منو ، -6- ونحن الشينْ ونحن الزينْ ونحن العقبه والعتمور ونحن القِبله .. والقرعانْ ونحن الشانْ ونحن النانْ أتينا عشانْ نسوى الدّنيا للإنسانْ تقول لِى شنو وتقول لِى منو ، -8- ونحن الصّافى والوَافى ، ونحن الشّافى والكافِى ، ونحن الزادْ ونحن العِينه والزِيّنه ، ونحن – يمين – أهالينا أهلى سرورْ ووكَتين ينزل المستورْ تَرَانَه النور -9- تقول لِى شنو وتقول لِى منو ، -10- ونحن الجبنه واللبريقْ ونحن قداحنا سَاوات ضيقْ ونحن بيوتنا مفتوحاتْ مَسَاىْ .. وَصباحْ ونحن وشُوشنا مطروحاتْ مَسَاىْ وصباحْ ونحن السَمحه والقَمحه ونحن الطله .. واللمحه ، ونحن الصِيدْ ونحن العيدْ ، -11- تقولى لِى شنو وتقولى لِى منو ، -12- ونحن عُزَازْ ونحن حَرَازْ ونحن هَشَابْ ونحن قُمُوحْ ونحن تُمُورْ ونحن عُيُوشْ ونحن النيلْ وَكضَاب – يا زويل – منْ قالْ إنّك .. تانى لينا متيلْ ، تقولى لِى شنو وتقولى لِى منو ، -13- ونحن الحَجه والتوبه ، ونحن الهِجره .. والأوبه ، ونحن كُتَارْ ونحن كُبَارْ ، ونحن – يمين – جُمَال الشيلْ ونحن – يمين –نَضِمنا قليلْ ، -14- تقول لِى شنو وتقول لِى منو ، -15- ونحن مِحايه نحن طِرايه نحن فِدايه نحن سِمايه نحن حجاب ونحن اللوحْ ونحن شَرَافه فى الدنيا ونحن كِتاب عِلمْ مفتوحْ على كل البُلودات ..نُورْ ، ونحن – يمين – مَداين نورْ ، ووشنا نورْ ، -16- تقول لِى شنو وتقول لِى منو ، -17- ونحن الحِنه والجرتقْ ونحن الزفه والسيره ، ونحن ..أبشرى والشبال ، ونحن السَىْ ونحن الوَىْ ونحن الرقبه .. والتُمْ تُمْ ونحن اللَمْ .. يكون فى الدنيا ..متلنا ..لمْ -18- تقولى لِى شنو وتقول لِى منو ، -19- ونحن العَاجْ ونحن الصَاجْ ونحن البوشْ ونحن الحوشْ ونحن الناسْ وكتين الديارا ..يباس وإن درت العديل والزين تعال يا زول ، وإن كست الكعب والشين أرح .. يا زول -20- تقولى لى شنو وتقول لى منو ، -21- ونحن السورْ ونحن الحُورْ ، ونحن بناتنا محروساتْ ونحن وِلادنا ضُلالاتْ ونحن أُماتنا ياهِنْ ..ديلْ ، وجِيب ورينى زيىِّ منو ، وتقول لِى شنو وتقول لِى منو ، -22- ونحن فَزَعْ ونحن وجَعْ ونحن اليُمه ..واليَابَا ونحن أريتو بالتَابَه ، ونحن – يمين – إذا حَرّتْ ، نخلى الواطه ..رُقَابه ، -23- تقولى لِى شنو وتقولى لِى منو ، -24- ونحن زَغَاوه والعطرونْ ونحن الدُونَا ..مافيشُ دونُ ونحن وِلاد مَلك خِرتيتْ وسَابَ الجرْ وحجَر السِكه ، والتاكا ، وسيّدنا الفى الجبل ..دَاكَا ونحن – يمين – نضِمنا كُتُرْ وشيَتنا كُتُرْ وأسعَل ناس كَرن والطُورْ ، وأسعَل كَررى .. والعَتْمُورْ وأسعل – يا جنَاَ – الخرتُومْ ، وشوف كيفن زعلنا كُتُرْ ، وشوف كيفن فرحنا كُتُرْ ، أنحنا الـ للرجال خُوسَه ، ونحن –يمين – جِنَات موسى ، -25- تقولى لِى شنو وتقول لِى منو ، -26- ونحن الدوكه والضُلاله ، والدونكه ، ونحن الدانقه ، والراكوبه ، والواطه ، ونحن الفَكَه والشِبكَه ونحن الحجزه .. والعكَه ، ونحن الجُودْ ، ونحن أسودْ ، ونحن النَانْ ، حديثنا إذا أرِدتو رُطَانْ وحين دايرين ..نسوى بَيَانْ ، -27- تقول لِى شنو وتقول لِى منو ، -28- ونحن الخَلوهَ والدايره ، ونحن تَكيه العايره ، ونحن الضُّلْ ، ونحن الكُلْ ، ونحن سبيل غريب الليلْ ، ونحن صباح مسافر الليلْ ، ونحن فَنَاجرةَ الدّنيا ، ونحن حَبَابْ حديثنا حَبَابْ تعال شَرِف .. وشوفنى منو ، وتقولِى شنو ، وتقولِى منو ، -29- أقيف لِسَعْ وأقيف وأسمعْ ، ونحن صديرى منضوم ويلْ ونحن القَرمصيص ..بلحيلْ ، ونحن التوبْ ونحن الووبْ وناس حبوبْ وناس حَرّمْ ونحن إذا رأينا كبيرْ نقيف طولنا ..ونقولْ لُه ..حَبَابْ ونديه البُكَان ..ترحابْ ونحن. اليَانَا ديل .. يا زولْ وتسعلنى .. وتقول لِى منو وتقولِى شنو ، -30- أقيف لسعْ وأقيف .. وأسمعْ ونحن التَايَهْ والاندايَهْ والزِريعهْ والعيزومهْ واتفضلْ ، ونحن الرايَه مرفُوعه ونحن الكُلفَه مرفُوعه ونحن حلفتَ ... مدفوعه -31- تقول لِى شنو وتقول لِى منو ، -32- وأما عجيبْ وأما غريبْ ، وأقيف لسعْ وأقيف .. وأسمعْ ، -33- أنا الكَعَب البسوى الويلْ وأنا الزول السَمِحْ ..بلحيل ، وداير ..منَِّهُمْ .. يَاتُو ..، تقولى لِى شنو وتقول لِى منو ، __________________[/align] |
بس حسي إحنا وين؟
رايحين، تايهين، أخاف أقول؟؟ شحاتين.. ......... ساف الطين، حفيانين، مرضانين، غايتو بقول؟ مساكييييييييييين |
اقتباس:
الحبيب ود مخير أخطر ما يهدد الأمم تلاشي حضاراتها، وانحسار قيمها، وحقن وجدانها بما يشبه فيروس الإيدز لضرب مناعة هذا الوجدان ولمواجهة ذلك الخطر يجب علينا بعث روح مقاومته في نفوسنا خالد الحاج أبدع في تذكيرنا وتحذير غيرنا؛ تذكيرنا بتلك القيم، وتحذير غيرنا بأن سهامهم ستخيب خالد الحاج يحمل هذه الأيام رايته يدل بها على نفسه، ويمضي في دربه بقوة، يحذر من شجر يسير، ويدافع عن أغاني الحقيبة، ويقرأ فيما قاله إميل لحود |
لساتنا مجتمع متخلف،،، تأسرنا بسمة زاااااااايفة (ذي بتاعت المضيفة ديك وتكون هي تسب وتلعن سلسفيل الزول)، ما نقدر نزعل زول (وقايلنها كرم ولا رجولة وهي وهههههم) وعني مسامحيين بس (قولة إن لطمك على خدك)....
مغشوشين جنس غشة أكان في روحنا ولا في بلدنا وظنيتو في دينا كمان... إحنا أحسن ناس؟؟؟ وينو فينا المخترع ولا منو فينا صاحب جايزة نوبل (لا ما إحنا مستهدفين) وينو فينا الرياضي المحترف، وينو فينا الفنان العالمي ولا الممثل الشهير دوليا (يا أخي قول محليا) بنحلم، ما ظنيتنا، ما طمحونا محدود،،، حسي دي ناس متعلمة وفاهمة،،، تكابر وتنكر وتغش في روحها لأنها من غير طموح؟!؟ تقول نظام حكم إبن ستين،، شنو كدآ ما عارف. يقولو ليك: البديل منو؟؟؟ منا لما تلمنا كلنا وأنا أولهم... أهو أوباما في بلد إتنبت بقصة العبيد، حسي رئيسها،،، لا ونقول ليك كلام بس قول الطير في الباقير،، ما خلاص الدناصير، شنو نقد وشنو الصادق وشنو مولانا، يا أخي لا عايزين شفع، جهال،، مش القبالنا قالوا: الماعندو كبير يشوف ليهو كبير،، قبال كدي جوكم نميري والشباب ناس أبوالقاسم (الإتنين) وزينكو الله يرحمو،، كانو ذي الورد في العمر وطين يا عجين في الفعايل،، جاكم عمر البشير مع شفع لا من هنا ولا هناك،، وروكم الويل وسهر الليل... أقله الكبير عندو رحمة وبيخاف الله ما ذي شيوخ الدين الوهم ديل،،، جماعة الإسلام ديل لمن فتو ليه ما عملوا فتوة في كمية الطلاقات الرماها المهوس بتاعهم دآ... يا أخوانا... أًصحوااااااااااا وخولوني من قول شاعرنا دآ الشعراء كذبو وإن صدقو، ما هم ذي المنجميين وفي الحالة دي، بينومو الناس مغنطيسي وأصلنا تحت كمان نديها نومة وإحنا كنا وإحنا كنا،،،.. ماهو أصلن زولن ديمة غالي وفطبعو حنين طوااااالي... وإتا الحبيب كيشو أيام ما إتناكفنا، حسي جات الفرصة وما بضيعها;)... مشكلة إحنا، ممكن تتقري عشان تكون المشكلة نحن وممكن مشكلتنا إحنا... ودآ بيت القصيد،،، اقتباس:
لكنها نسمة، وفتحت جرح |
جيت اقول كلام..
لقيت نفسى ما قادرة اقول شنو!!!!!!! |
تسلم يمينك يا ود مخير ..
رطّبـت جوفي من حر الكلام .. رينا يخدّر ضراعك .. ده الجايب الأمة العربية كلها ورا ... الإنكفاء على الماضي .. [align=center]إن الفتى من يقول هآنذا .. ليس الفتي من يقول كان أبي [/align] تقول لي شنو وتقول لي منو ؟؟ نحن المترة والواسوق ونحن ضحايا للخازوق ونحن القيفة واللوبة ونحن قلبنا كم هوبة تقول لي شنو وتقول لي منو ؟؟ فالماضي على جميل قيمه يبقى مقيداً للفكر وحاجراً لإنعتاق العقل إذا ما دبغنا جلدنا به وتمرغنا في محامده دون أن ننظر للأمام ونتخلص من ربقته ودون أن نجاري العالم المتقافذ في صنوف العلم ومجالات الثقافة وتنوع المعرفة، فسننتهي إلى مغنيين يكرسون ذلك التشرنق في ذواتنا وذوات أطفالنا. أحييك مرة أخرى يا دكترة |
الحبيب ود مخير
الغالي هاشم طه ولدي عيان شوية حأمشي أشوفو وجاييكم أعرض هنا (بعد إذن خالد) عشان ما تقولو الزول دا جرى وين؟ |
الأحباب
دكتور مخير كيشو ياسمين الحبيب هاشم طه... يقول الحردلو : "ونحن الجبنه واللبريقْ ونحن قداحنا سَاوات ضيقْ ونحن بيوتنا مفتوحاتْ مَسَاىْ .. وَصباحْ ونحن وشُوشنا مطروحاتْ مَسَاىْ وصباحْ ونحن السَمحه والقَمحه ونحن الطله .. واللمحه ، ونحن الصِيدْ ونحن العيدْ ". هذا يا هاشم ليس حديث عن الماضي.. ذهبت السودان بعد غياب طال سنوات.. كنت متوجس من كثرة ما سمعت .. وجدت والله : (ونحن بيوتنا مفتوحاتْ مَسَاىْ .. وَصباحْ ونحن وشُوشنا مطروحاتْ ) هذه لن ينتزعها كره لنظام سياسي مهما كانت قسوته وتعنته وقبحه .. هذه "مكارم الأخلاق" وهي باقية في أمتي إن شاء الله إلي يوم يبعثون . خوفي أن يقودنا "الكره" إلي دفن هذه المحامد .. أي والله. متي نتمكن من فصل "الوطن" عن "الأنظمة السياسية" متي !!؟؟ { إِنَّكَ لاَ تَهْدِي مَنْ أَحْبَبْتَ وَلَكِنَّ اللهَ يَهْدِى مَنْ يَشَاء........} |
الحبيب خالد والأحبة المتداخلون
تحياتي .. جميل ومبهر هذا الإحساس الذي يتملكك بالجبنة واللبريق والسعن والكركار ورائحة القلوب النظيفة (لحبوباتنا) .. عاوزك تعاين كويس لكلمة حبوباتنا دي .. زي ما قال بابكر مخير .. نحن حسع وين .. ؟؟ نحن حسع في زمن أرزل أخلاقياً .. فحتى الشقيق لا يقضي لك غرضاً إلا إذا ضمن أن من وراء ذلك منفعة له .. يا صديقي أنت بعدت عن السودان وأتيته بأشواق جارفة .. وحشتك فيه رائحة المحلب والقراصة .. ومكثت شهراً أو نيف .. النفوس تغيرت .. أنظر فقط لإنحطاط الذمم .. كم من الآلاف ينهبون أموال الغير ، أموالاً عامة وخاصة تكتظ بهم حراسات الشرطة، لا تستطيع أن تثق في أحد ولو لبضعة دقائق وإلا إختفى بما إئتمنته عليه ثم يقول لك في ود عينك "روح إشتكي" وهو إبن خالك أو إبن عمك.. تقول لي شنو وتقول لي منو .. كفانا تخدير يا خالد .. أتفق معك أن ما أورده الشاعر هو قيم ولكنها القيم لا تكتسب الثبات إلا بمر العصور عليها فهي خبرة تراكمية تكتسب الثبات بعد مضي عهود عدة من الإستقرار في الطوية ، إذاً هي جزء من الماضي ، فلا توجد قيم نشأت السنة الماضية مثلاً .. أنا لست ضد ولا أتنكر إليها .. ولكنني ضد الإنكفاء والتحوصل فيها ثم المنام والعالم يتحول من حولنا حولاً بعد حول .. لا بد أن ننظر إلى الأمام وأن نعمل على تنشئة أبناءنا على البحث والمثابرة في اللحاق بركب التقدم .. بإختصار كما أشار ود مخير هناك إنسلاخ بين "تقول لي شنو وتقول ليّ منو" كجملة مدحية وبين السمة الأرزل التي باتت تسبغ مجتمع المدن (على الأقل) في سوداننا المرتجف جوعاً. أقعد بالعافية .. |
الحمد لله يا هاشم إنك "استثنيت" مستدركا ..
الحمد لله.. اقتباس:
كم من ثورة شعبية يا هاشم ضد الظلم ؟؟ كم ؟؟ رغم سرقتها من قبل المتربصين.. هذا الشعب المعلم لا تيأسو منه يا صديقي الحبيب ... أبدا .. لا تدع القبح "البين" يا هاشم يدفن "الجمال" فهو باق كثير ندي.. أمس يا هاشم أعلنت وكالات الأنباء عن نزاع بين الشلك والنوير مات جراه أكثر من 200 بشر ؟؟ هذا نتاج طبيعي لضعف السلطة المركزية وعدم "تحديد" السلطات تحديدا دقيقا .. والضحية المواطن "العادي" ... شخصيا لن أبرر لكتاباتي فأنا أضع "السودان" أمامي وأحمله جرحا في الخاصرة لا أبيع فيه ولا أشتري وإن وصفني البعض "غفر الله لهم" بما قاله مالك وما لم يقله في الخمر ... ليس هناك باق إلا الله يا هاشم .. وغدا تذهب الإنقاذ !! أين شاه أيران ؟ أين صدام ؟؟ أين عيدي أمين وموبوتو ؟؟ أين استالين وأين هتلر ... ذهبوا جميعا وبقيت أوطان ... فالنداري يا صاحب علي "جمرتنا" الصغيرة والتي يغطيها رماد القبح فما دامت مشتعلة فهناك أمل .. أنفخ فيها يا هاشم ... لا تدعوا الوطن يتسرب من بين أيدنا ... لا تدعوا اليأس ينسيكم كم هو مهدد بالزوال .. |
سياق الكلام
تملاهو المتناقضات (بأي حال ما قصدي الإتقال هنا والحوار الداير الثر الجميل "ويا كيشو سلامتو الوليد وعارفك مناكف ومحاور طويل النفس، ما بتجري" لكن قصدي أنه بيسوق لي كشف متناقضات عايشينها إحنا السودانيين) أمسك مثلن: إحنا مستهدفين في الوكت الفيهو تسع دول حوالينا في فترة من الزمن عرفنا نكرها في حرف السين قبال السودان. إحنا لمينا زعيط ومعيط في بلدنا، أدينهم جنسية وهم مجرمي حرب، سفاحين، قتلة ولمن إنزنقنا؟؟ فكيناهم عكس الهوا "المصيبة دآك السلمناهو لي فرنسا وبن لادن لحق كبا الزوقة قبال الفاس يقع في رأسو والتونسي دآك الأديناهو جواز سفر سوداني ودبلوماسي وهو لا لبس طاقية وجبة وصدير ولا سروال ومركوب" إحنا يانا السودان؟؟؟؟ وهل ياهو دآ السودان؟؟ إن كان حكام ولا محكوميين إحنا المؤتمر الوطني والشعبي؟؟؟؟؟؟ وراس الظلمة مطلب شعبي إحنا مسكين جنوبنا بي جرحو وحرب قايدآ في غربو تهميش موصوف بيهو أقليمنا دآ الشرقي وشمالو غرقان من سدودو اللاحد ولا عددي.. إحنا الكنا وكنا زمان،،، آي بلحيل.... بلدن شامخ وسمو السودان.. لكن حسي عليكم الله، ما راح رونق سحنتنا وإتلاشت عظمة سيرتنا؟؟ بقينا رئيسنا مجرم هارب، ونايبو الأول مسكين غايب. وبرضو نقول: إحنا أحسن ناس؟؟ حقيقي كنا أحسن ناس لكن حسي، الله أعلم |
تقولي شنو
[align=center]الاخ العزيز خالد
اولا تحايا بعد طول غياب حقيقة نحن محتاجين لدفعات مثل هذه تذكرنا بحضارتنا مهد الحضارات(رماة الحدق) نحن ما بنقل عن الحضاة الغربية أو الشرقية بس محتاجين شوية شغل والله[/align] |
ما عارفة عندي كلام
عايز اقوله وحياة حياة موت موت السوداني يعاني ضعف المكون النفسي مكونات الشخصية اربعه المكون الجسدي والعقلي والاجتماعي والنفسي المكون الجسدي نحن نعتبر جينيا ذوي سلالة قوية جينيا وان هدنا الجوع ودا نتيجة لتلاقح الاجناس المختلفة والاعراق التي تعج بها السودان المكون الاجتماعي وان كان يتصف بسمات جميلة الا انه عاري التوجه اذ انه غير ذاتي التحديد او غيري التحديد يعتمد فيهاالفرد على اعتقاد الاخرين من الناس وافعالهم واتجاهاتهم حتى الصفات الجميلة مثل الشجاعة والكرم والعرض والكرامة تمارس في كثير من الاحايين من اجل تجنب العار ولا تقل لي الدين لان اختلال معيار الشجاعة عندنا قد يدفعك للقتل وتجنب العار في الشرف والعرض قد يدفعك لقتل نفس بريئة او الرمي بها في الطرقات العقلي مافيه كلام اما المكون النفسي الذي تتسع فيه العواطف وتختلط حتى لا تدري باي نوع ممن العاطفة تعامل فهى كارثتنا انا في راي الانسان السوي هو البحسن التشكل حسب الظروف والذي له قدرة في التعامل مع الاشياء باختلاف الاماكن والازمنة يعني الطيبة تكون في حدود ما تقتتضية الطيبة والشجاعة في حدود ماتقتضية الشجاعة والحزم والحسم حينما يتطلب الوضع ذلك بحيث لايفقد الفرد حقه -وحتى لاتكون مثل هذه االعواطف خصما على وقته وجهده ...وتخل بمراكز الادراك عنده |
(أنحنا الـ للرجال خُوسَه ،
ونحن –يمين – جِنَات موسى ،) http://commons.wikimedia.org/wiki/Fi...i_kirbekan.jpg |
[align=center]http://upload.wikimedia.org/wikipedi...i_kirbekan.jpg[/align]
[align=left]View from Gebel Musa in en : Dar al-Manasir, Northern en:Sudan. Below the mountain was the battlefield between the British infantry and the Dervish Forces lead by Musa Abu Higl from the Rubatab tribe in February 1885.[/align] أبو علي .. شكرا .. |
اقتباس:
هذه مداخلة حريٌّ بأن يحتفى بها!! أحسب أن لديك الكثير ليقال مجن 81 أصوب الى شئ من ذلك في خيط افترعته بعنوان (الوجدان وسبل الأرتقاء والتصحيح) مودتي: |
صدقت يا عادل..
شخصيا لم أجد ما أقوله أو بالأصح ما أضيفه لمداخلتها.. وبما أني لا أحب مداخلات المجاملة ففضلت أن أتركها هكذا وإن بدأ الأمر عدم "لياقة" مني كونها تشارك في بوست باسمي. أحي معك مجن81 وأتوق لقراءة ما تسطر هنا باهتمام. |
سلامات ياود الحاج,
وماك طيب.. عندى معاك نقة وونسة دقاق, عن الإنسان المجرى (على قول صاحبك محسن خالد).. بجيك بالمهلة.. |
التناول الأخير للسودان يتميز بأنه سوداني خالص؛ أي لم تتدخل فيه الدول ولا المنظمات الأجنبية لأنه ليس مسرحها كبقية المسارح والميادين و(مسامير جحا)
أقصد بكلامي أعلاه أن السودان كبلد معروض للمغامرين ومعرض للمعتدين في مساحته وتركيبته، وثرواته المتنوعة، وهذا هو المتاح الذي يتنافس فيه الطامعون يساعدهم أبناء الوطن المغامرون الجديد هو ثقافته وموروثه الذي دخل ضمن التركة القابلة للأخذ والرد وهذا يبدو أن السودانيين وحدهم من سيبدأ المزاد فيه وسيفرح بهم من يهمه إزالة السودان من الخارطة هذا كلام غريب لأن ما قرأته أو ما ظللت أقرؤه منذ مدة هو كلام غريب وجاءت الطامة في أن هناك إشارة إلى أن القيم الإنسانية التي تفرد بها السودانيون لم تعد موجودة؛ أو أن معينها ليس صافياً |
..
|
تمهيد:
[flash=http://www.youtube.com/v/PoFYV8IOtR4&hl=it&fs=1]WIDTH=400 HEIGHT=350[/flash] Free like the river Flowing freely through infinity Free to be sure of What I am and who I need not be Free from all worries Worries prey on oneself's troubled mind Freer than the clock's hands Tickin' way the times Freer than the meaning of free that man defines Life running through me Till I feel my father God has called Me having nothin' But possessing riches more than all And I'm free To be nowhere But in every place I need to be Freer than a sunbeam Shining through my soul Free from feelin' heat or knowing bitter cold Free from conceiving the beginning For that's the infinite start I'm gone - gone but still living Life goes on without a beating heart Free like a vision That the mind of only you can see Freer than a raindrop Falling from the sky Freer than a smile in a baby's sleepin' eyes I'm free like a river Flowin' freely through infinity I'm free to be sure of what I am and who I need not to be I'm much freer - like the meaning of the word free that crazy man defines Free - free like the vision that The mind of only you are ever gonna see Free like the river my life Goes on and on through infinity |
اقتباس:
ابكلامن فرح خبارك الحبيب، عاديناك (من عدوة والله ما جاب عداوة) من يوم بقيت معانا بي غادي وسط أهلك الرباطاب بقيت؟؟ ما السنجك البنعرفو، كلامك من المحنة حقت غناكم بتوارليا،، بقى حافي، نصه الما شبهك بتوارهو حارن جافي.. الحبيب واحدة من خصالنا السودانين والما حلوة جدن ويمكن تصل حد الإزعاج،، ياها دي؟؟ المجاملة.. تمشي المكتب، تلقى من الوزير لي الخفير، مافيشين... وين؟؟ والله فلانة عندها وفاة،، نقول مالها العصرية؟؟ ما هو الدفن أب كراعن برآ، بس حق الليل البعد الصلاة المغربية.. فلان مراته ولدت، طيب هو ما شديد ومعافى والمساء طويل ونسيمو عليل... غياب الناظر من المدرسة، لزومو شنو؟؟ طيب ما خلاص بقت وكالة بدون بواب، حقو المدرسة تاخد إجازة،، الطبيب في نص العملية، يجيهو تلفون،، غنماية الجيران!! كراعها إنكسرت، يسيب المقص في بطن المريض ويجري، ياها تلاتة يوم والبطن تورم والمريض يتولم وفي الكفن يتلملم.. يا أخي عسكري الحركة واجبا عليهو المجاملة والحركة تطير والعربات تقع في البير والحماري لازم يجامل وقدر الألف اللماها بسخى شديد تلقاهو وعلى مضض لزاها.. تقول لي منو؟ تقول لي شنو؟؟ منو ياها هي المحنة الإتا مالكها وشنو ياها قولت المجاملة أوعاك تكون تاركها وليك محنة ومحبة ومجاملة يا جميل |
السلام علي الجميع , انا جديدة بينكم ورايت ان اتحسس خطواتي في هذا البوست واحب ان اقول ان السودان مازال بخير ومازال ارض الكرم وان جار عليه الزمان وقول ان السودانيين زالت من بينهم صفات الشجاعة والكرم ونجدة المحتاج فهو كلام مردود مازالت البيوت مفتوحة للضيفان وكل يكرم حسب مقدراته. لا ندعي بان السودان مدينة فاضلة واي مجتمع تجد فيه السلبي والايجابي لكن هناك عوامل كثيرة لظهور هذه السلبيات علي السطح وتواري الايجابيات خلف اوراق الصحف الفضائحية ففي كل يوم عنوان صارخ كمغترب ياتي ليجد مااعتقد من الصور انه بيته مسجل باسم اخيه هذا شاذ من القاعدة التي نجد معظمها لا يتردد في بيع بيته لعلاج اخيه وفك كربته والامثلة كثيرة.االمهم ان الخير فينا ولن يزول الا بزوال الارض الموضوع طويل والكي بورد حرق روحي
|
[align=center]السلام و التحايا للجميع
في بوست الاصالة و النخوة و الهمة و الفخر و التفرد و الامتياز .. .. و سوداني الجوة وجداني بريدو ..[/align] |
السودان بلدنا
و تب شبر ما بندي الا مراكب العدو فوق دمانا تعدي و كونوا بخير .. |
| الساعة الآن 01:19 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.