مـطـبخ ...simsim
:):):)
موعدكم مع وجبات خفيفه **وجبات دسمه ..شيااات قندهاريه كل انواع الفطائر **الخبائز **العصائر مرحبا بكم ..في عوالم حواء لسباكة الطبيخ ..:) أيدكم معاي ساعدوني .. ألرجاء أثراء المطبخ بكل انواع الوجبات السودانيه والعربيه والغربيه ..الكل يدلي بخبرته ((حتي الحرقو حلة البخور goood..)) فركنا الحروف كثيرا في كل المجالات ونريد فركها ...هنا حقيقيا .. دايرين نشوف الماهرين في المجال ده منو مسابقه:) اول ذوول يجهز وجبة العشاء فريش :) مع امنياتي لكم بوجبات كاااااااربه:) وبالهنا والشفا |
السلام عليكم
زيت () + كيس شعيرية ( )+ تحميرة ( )+ موية ( ) +ملح +سكر
الناتج شعيرية رايك شنو |
حسب الجائزه يا سمسم
اذا ياذخه كل يوم تلقي اكلات اشكال و انواع من المقبلات للتحليه مرورا بالشوربات و السلطات و الاطباق الرئيسه و الفطائر بانواعها |
اقتباس:
يااااخ اعمل لينا بي لبن +زبيب + كستر تطلع حاجه ما تخلص ..خلي بتاعه الزيت دي بجي اظبتها ليك بكره للفطور :) دمت بخير |
اقتباس:
شكلك خطيره في الموضوع ده خليك قريبه وادينا من خبرتك نبدأ بي نـــــــــــوبـــــــــــــــــــو رايك شنو:) دمتي بخير |
الحقينى يا سمية بصلتى حرقت ........
ادونى معاكم ملاح جونى ضيوف اسى دى و شكرآ |
اقتباس:
والشوق ليك بدون حدود النوبو بصوره عامه ما بتتحمل منتجات نوبو الماء و النار يعني مويتك تكون مضبوطه و نارك هادئه المقادير: كيس شعيريه نوبو 2 كوب ماء فنجان سكر ملح ع ملعقه كبيره سمن عود قرفه الطريقه: توضع الماء في قدر على النار و يضاف لها الملح و السكر وتترك حتى الغليان نضع السمن في قدر على نار متوسطه نضيف الشعيريه ونقلبها جيدا حتى تكتسب لون ذهبي نخفض النار و نضيف الماء المغلي و عود القرفه تترك حتى تجف الماء تسكب على طبق التقديم و ترش بجوز الهند للزينه و تؤكل دافئه و بالهنا |
اقتباس:
سلااام شهيتونا الشعيريه ياخى... مش فى نكته عن الشيله و الشعيريه...؟!!;) |
اقتباس:
باين عليك ياست الكل ما بتحرقي البصله :) بس علينا جاي بي خبراتك في المجال ده اها بناولك للضيوف ديل ناس منو :) عمو فتحي ومعاهو منو:) دمتي بخير |
اقتباس:
تعرفي يااانيبو لقيتك ذي الورد القرفه دي من اجمل الاضافات واي زوول بعملها ده ماااهر :)100% دمتي بخير |
اقتباس:
اتفضل معانا عشاء :) تعرف النكته بتاعة الشعيريه والشيله دي حافظنها اولاد اختي وطوااالي بحكوها ااااخ زكرتني ليهم :) الشعيريه سمحه لكن البصل قليلgoood دمت بخير |
اقتباس:
انا لسة ما اتعشيت شوف حال تاني انشاء الله مكرونة بالكاتشب والجنبة والله شعيرية نوبو ذيها مافي |
اقتباس:
تعرف المكرونه دي ممكن نعمل ليك منها كم صنف :) بس أتهمد بي الشعيريه لحدي ما اطلعهم ليك مكرونه بالجبنه بالحمه المفرومه وبالخضار وصينيه مكرونه بالباشميل وغيرها خليك منتظر دمت بخير |
سماسم مشتاقون يا راقية
ياخ ممكن نبيع صعوط جنبكم هنا:p اصلى ناوية اليومين ديل اتشاكل مع رافت وقلت اخون الامانة واقعد تحت الشجرةgooodgoood واكون ضربت عصفورين بحجر واحد خيانة الامانة ومناصرة الكيزان |
اقتباس:
بس مكرون بالايميل دي اول مرة اسمع بيها |
اقتباس:
الليلة العشاء شعيرية |
اقتباس:
حافظ ياخ ما تجوعونا نحن ناس قاعدين على الهبشة شعيرية بالسمن البلدى؟؟؟ |
اقتباس:
نكتة الشعيرية فى كردفان كل قبيلة مشهورة بنكات معينة ومن ضمن هذه القبائل قبيلة اهلنا البديرية ومعروفين البديرية بحبهم لصيد الارانب وحبهم للشعيرية قالوا البت دايرين يعرسوها وقاموا اهل العريس جابو الشيلة والعروس النوع الشمشار سالت صحباتها قالت ليهم ههى أسمأن جاى كان ما جابو الشئيرية والسفنجة الفولية الشيلة تتقبل والارس يتبتلgooodgoood ود عثمان يترجم ليكم ويقول ليكم النكتة حقتو |
اقتباس:
ممكن بس تدفعي الضرائب:) والذي منو قروش نفايات جبايات وغيروgoood عمو رأفت اوووع تتشاكلي معاهو لانو تحنيسو صعب :) في اغنيه اسمها بتخون الامانه :) نسيت فنانها الحقنا ياود عثمان نهديها ليكم وعازمنكم عشاء الليله احسن من مطعم الحبشي:) |
اقتباس:
تجيك علي الخاص مافي مشكله مكرونه بس:) |
اقتباس:
قالو ياالله مصنع الشعيرية ليه ضربوا ياخ |
سروره ست البنات
الولد اخبارو شنو لقيمات كيف معاك |
اقتباس:
يادوب بتالسو عنو ماكويس والحمد لله سوي ليهو فطيييييييييييييييييييير |
اقتباس:
دودة حنكوشة وقعت فى صحن الشعيرية وقالت ،،،يآآآآآآآى جنس زحمة :) دمتم بخير |
اقتباس:
الولد بخير يسال منك الخير لقيماتكم تخر له الجبابرة صاغريين لا يعلى عليه |
اقتباس:
يلااا يانيبو المقادير والطريقهgoood |
اقتباس:
ما ح اخرب لسميه مطبخا الفطير تجيب دقيق فيني درجه اولي ومويه و ملح و صاج و قرقيبه و تكون حريف يدك خفيفه و جرتك ناعمه و تاكل احلى فطير بلبن |
اقتباس:
اول شيء لما تعجنيها ما تكون لينه شديد تخليها شويه قويه بس برضو ما شديد لانو الخميره بتخففا ولما تجي تقطعيها ما تعجنيها تاني لانو الهواء الجواها دا هو سر اللقيمات و المقادير دقيق ملح خميره فوريه ماء زيت للتحمير الطريقه تخلطي المقادير كلها مع بعض تخلي العجين يتخمر و يتضاعف حجمو ترفع الزيت على النار درجة الحراره لازم تكون موزونه عشان ما تحرقي اللقيمات و ما تتشرب زيت تجيبي كوره فيها مويه تغمسي يدك في المويه و تشيلي من العجين حسب الحجم العاوزاهو و ترمي في الزيت و هكذا وتقلبيها باستمرار عشان لونها يكون واحد و ذهبي تطلعيها في ورق ماص للزيت و تخليها شويه ويا اما ترشي عليها سكر بودره او تعلي ليها شيره اسمعي تاني تدفعي |
اقتباس:
بس طلعتي بروف:) دايره كم:) يااااخ مابيناتنا:) اللقيمات لا حظي لي فورانه مع الجو:) يمكن معالجه ذلك بالماء الدافئ عايزين ننزل وجبات كتيره خليك قريبه طلعتي خطيره نجي ندرب:)معااك |
معليش اتاخرت شويه :)
اها الفطور جاااهز :) طلباتكمgooodgoood بعدين يااانيبو جايين ناس في الغداء ايدك معايgooodgoood بالهنا والشفا |
اقتباس:
انا معزومه غداء شوفي جانيت تسد خدمه غايتو في زول لو جاي غداك دا انا بجلي العزومه عشانو looool |
اقتباس:
جليها طوووااالي |
اقتباس:
اسألي أميري بوريك لي |
اقتباس:
ياااربي ده منو البعرفو اميري ده وانا مابعرفوgoood |
خلاص جليها أنا جيتlooool
سماسم ونبراس وينها الصور |
اقتباس:
تعجبني و زي ما قطعنا فيك انا و هو حريييييييييييييييييف |
اقتباس:
بعد كدا يااانيبو مافي كلام تعالي نسوي الغداء:) صور شنو يااميري..غدا عديييييييييييل كده بس تلقاهو في كيبوردك:) |
اقتباس:
|
اقتباس:
ام درجة عابري السبيلlooool ربما Vip فهي تشبه خطواتكم تماما وسلامي اليه بدون قطيعة ان كان هو وان لم يكن برضو سلامي ليهو اقتباس:
ممكن!!!! |
ممكن يا اميري !!!!
كفتة بطاطس المقـــــــــــــادير... *كيلو غرام من اللحم المفروم * ملعقتان من صلصة البندورة * حبتان من البطاطس * ملح حسب الرغبة * قليل من الفلفل الاسود * قليل من البهارات * 3حبات طماطم * 3 حبات فلفل اخضر * ملعقة من الزبدة * ربع كوب من الماء تتغير المقاديرحسب الكميه الطريقة.. * تدهن الزبدة في صينية متوسطة الحجم * يحضر اللحم عبر اضافة الملح والبهارات اليه فالماء ثم تخلط هذه المقادير مع بعض ويمد اللحم داخل الصينية مع مراعاه اعداد حفرة صغيرة باطراف الاصابع مع ضمان توزيع الحرارة وامتصاص السوائل ** تقطع البطاطس والطماطم والفلفل حلقات ثم تضاف الى اللحم * *تذوب صلصة البندورة في قليل من الماء وتوزع في الصينية * *تغطى الصينية وتوضع في فرن تبلغ حرارتة 180 درجة موية لمدة نص ساعة * يقدم مع الارز والسلطة. بدينا عمل الغداء:) يانيبو:) بالهنا والشفا :) |
| الساعة الآن 01:43 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.